محفل مولد الامام الرضا ع
من حرم الامام الحسين ع
اداء ملا سمير الوائلي
كلمات رعد الجريخي

مولاتي زينب (ع)

لـعِـد صـوب الـنـهـر يـربـن.. بعدهن
حـرمـكـم والـشـمــر عـنـك.. بعدهن
يبو فاضل تـره اجـروحـي.. بعدهن

ينزفن مـن تـصـد عـيـنـي لــ رقـيـه

                   *---------------*---------------*

✍الشاعر رعد
الجريخي

نعي مفجع حسچه
ويَلي على بنات رسول لله



            ويـن الـيـروح ويـرچَـب اسبــوگ

            ومـحـد يـمـنـعـه ومـحـد أيـعـوگ

            ويوصل لـهـلـهـن گـبـل ألـشـروگ

            وحيهـم يصيح بـگـلـب مـحـروگ

            يـهـل الـمـراجـل ألـكــم احـگـوگ

            بالچي النشامه اتـلـحـگ الـحـوگ

            فـزّعَـت زلــم لـلـغـانـمــه اتـلـوگ

            حـادي الضعينه مـهـتـم ايـسـوگ

            وكـلهـه عـجـاف وتـضلـع الـنـوگ

            اشحـال الـحـرم لوطَبن الـسـوگ

                            *---------------*---------------*

       خادم الحسين ع
✍الشاعر رعد الجريخي

نعي مفجع
السيده زينب ع اتخاطب ابي الفضل العباس ع

يـحـدي الظعن وي ناس غـربـه
ومـحـد عـلـيّـه انـكــسـر گـلـبـه
ادري الـمـسـيـــر ابـعـيـد دربــه
والـعـيـن صـوب الـنـهــر تـربــه

ريـتـك تشوف ابحالـي اشـلـون
عـمـداً بإسم اختك يـصيـحـون
بهـذا الحچي ابروحي يحرگون
فــوگ الـهـزل وتـهــل الـعـيـون

ويـنـگ دگـوم وإلـحـك اخـتـك
شـيّـب گـلـبـهـه مــن فـرگـتــك
مـآل الـحـمــل والـيـوم ردتــك
تحـمـل مـثـل حيـدر حـمـلـتـك

                    *---------------*---------------*

✍خادم الحسين ع
الشاعر رعد الجريخي

#أنت_الحياة
ميمر


.      بـهـذا الـعـشـگ     كـــون ٱحـتـرگ
       لــ حـبـك وقف     گـلـبـي الـيــدگ

مـا ٱحسبه يـوم بدنياي المابي عزه ولطميه
         
                                 *---------------*---------------*   

       كلشي أمِـلّـه ومـجـلـسـك ما ملّه
       مـاتـيـهـن وهذا الـطـريـق انـدلـه
       شـلـون اعـوفك سيدي واتـخـلـه

       يـابـو الـشـيـم     عــمــري عـــدم
       لــكــن كــــبــر     ويـــه الــخــدم

مـاهـمـن لـهٰـذا وذاك وبـهـالـخـلـك شعـلـيـه

                                 *---------------*---------------*

       انت الحـبـيـب الـواحـد الحبيته
       اسمك عـشـگـته وبالگلب خليته
       عـايـش امير بـسـفـرتـه وبصيته

       صـيـتـي كــبـر     بـجـال الـنـحـر
       حــبــك صـدگ     يــتــرك اثـــــر

بدونك اموتن يـحـسـيـن انته الـربـيـت ابفيه

                            *---------------*---------------* 

       حـبـك يـحـيّـر يختلف قــانـونـه
       يفهم كلامي الـيـعـرف بمضمونه
       ماخونه مولاي العشك ما خونـه

       انطيتك عـهـد     انطيتك وعـــد
       مـــن والــــدي     حــبــك اشـــد

وي الـنـفـس والوجدان عاشت محبتك بيه

                                *---------------*---------------*

       يحسين احـبـك والخلك معليهه
       بـايـع حـياتي وخدمتك شاريهه
       محله الـدمـوع البالجفن اجريهه

       نـــاذر نـــــــذر     دگ الـــصــــدر
       لـلـمــوت اظـل     مـــاكــو عـــذر

خليني اخدمك مـولاي وعوف اليلوم اعليه

                                 *---------------*---------------*

       يالدللتني ونـعـمـتـي مـن ايــده
       ماريده غـيـرك سـيـدي مـاريـده
       يـلـهـج لسانـي باللطم تـعـويـده

       غـيـرك احـــب     واحـــد چـــذب
       اكـبــر شـــرف     مـــــن انـكـتـب

خادم واواسي الزهراء واجري الدمع يوميه 

                                 *---------------*---------------*

       غـيـر بعزائك هـامتي مـرفـوعـه
       خليهه روحي بالـحـزن مفجوعه
       يـاربـي زدنـي هـالـدمـع واللوعه

       ابــــــقــى اون     بـنـار الـحـــزن
       مـحـلـه الدمـع     فــوگ الـجـفـن

خليني عـايـش وياك اعليك المشت مسبيه
                      
                                 *---------------*---------------*

  
✍️خادم الحسين ع
الشاعر رعد الچريخي

نعي مفجع
مولاتي زينب ع



على التل اوكفت ياحيف وطولي شافته الغـربـه

اكـابـر گـوه بـيـن الـخـيـل وادري بوكفتي صعبه

اشـوف ابـن امـي گـدامـي الـمـثـلـث مـرد گـلـبـه

هذا ايـروك روك اعـلـيـه وذاك ايـجـره ويـگـلـبـه

درت صـوب النهر بالعين ودمعتي بخدي منصبه

شلون اوصل گمر عباس ومكضوض بـزلـم دربـه

صحتله اگـعـد يـبـو فـاضل حلتلك نـومـة التربه

شوف الگوم شوف الخيل خدري اتزاحمت گـربه

سكته وْ لا سمعت اجواب ولا طلاب اجه لـ طلبه

هيچي الـدهـر جـار ويـاي ومعلن يـا خلگ حربـه

                   *---------------*---------------*

✍خادم الحسين ع
الشاعر رعد الجريخي

السيده زينب  (ع)
اتخاطب الأمام الحسين ع بعد رجوعها من السبي


مـثـلـي اتـرف الـك روحـه  ..  هم الشام
گــبــرك وآنـي اشــكـيـلـــه  ..  هم الشام
چـَـن صـوتــك يـنـاديـنــي  ..  هم الشام

أبــد مـاريــد اســمــه ايــمــر عــلـيـه

*-----------------------*-------------------*
✍خادم الحسين ع
الشاعر رعد الجريخي

(يا أمير الكون)


وگـفـنـي اعـلــه بـابـك     حـتـى ألــــزم عـتـابـك

           يا أمير الكون كله أحسبني عبدك

                              *---------------*---------------*

  وگّـفـنـي اعلـه بابك أفـتـخـر بـالـوگـفـه هايه
  مــاريـد أبـتـعـد احـچـيـهـه ألك مـن الـبـدايـه
  يا أول عــشــگ واخـر عــشــگ وِٱبْـلا نـهـايـه
  انته الحبيب وللحبيب استسلمت رافعله رايه

أبمي وجهي أعتنيتك     بحب صادق اجـيـتـك

                              *---------------*---------------*

  تـقـبـلـنـي عـبـد عـنـدك يغـالـي اشـگـد چبيره
  وتـگـول الـبـشـر هـذا الـذي حـسـيـن امــيــره
  هـنـيـالـه الصدگ يابـو عـلـي اتحدد مـصـيـره
  وللخدمه أنتمي بين الخَدم وأجـمـل عـشـيـره

مـن احچي بـشـعـوري     وٱقــراه اعـلـه طــوري

                              *---------------*---------------*

  محبوبي وأجيت بشوگ الك احچي الصراحه
  حـسـيـت بتعب عمري وشفت بالخدمه راحـه
  والـهـايـم تــره يـلـهـج يظل لـيـلـه وصـبـاحـه
  مولاي اعـتـذر كـلـي خجل وأرجو السـمـاحـه

صعبه اعـشـگ و والف     بــس بـيـك الـسـوالـف

                              *---------------*---------------*

  يـاخـذنـي الـزمـن وأرجـع إلك رجـعـت ندامه
  ما ٱعـوفـك ابـد رغم الـحـچـي ورغم الملامه
  مـعـذور الـگـلـب يـمـك عـلـن حبـه وهـيـامـه
  يـا گـمـره بـوگـت لـيـل الـمـحـن حَتّم ظـلامه

سـر الـحـب يــغــالــي     اوسـع مــن خــيــالــي

                              *---------------*---------------*

  بس حبك ربـح والـمـاحـظـه بـحـبـك خساره
  يـعـرفـه الـوگـف يـم بـابـك وطـال انـتـظـاره
  مـحـبـوب الخَدم حـقـهـه الخَـدم ترفع شعاره
  يـالـتـسـوه الـتـعـب هذا التـعـب أعظم تجاره

أخــر كــلــمــه هــايــه     حُــب ابــلا نــهــايــــه

                              *---------------*---------------*

   
✍️خادم الحسين ع
الشاعر رعد الچريخي

#هوية_خادم



.           من العام لــ هـذا مـحـرم امـتـانـي
            خـادم وافتخر والخدمه عـنـوانـي

                          *---------------*---------------*

            عَـلّـمـنـي الحسين العِبره والـعَـبـره
            وادگّـن عالصدر للـداسوا ابـصـدره
            اواسـي بالمدامع فـاطـمـه الـزهـره

            يـومـيــه بـعــزاء النـاس تـلـگـانـي

                          *---------------*---------------*

            ادورهـه الـمـئـآتـم وافتر اعـلـيـهـه
            وبــحــر الـصـبـر اتـقـيـم اتـانـيـهـه
            عيني الما بـچـت للغالـي اعـمـيـهـه

            يـخـلّـص مجـلـسـه واتـعـنـه للثاني

                          *---------------*---------------*

            مـتـفـضـل عـلـيّـه ابحرگـه وبدمعه
            اسـتـقـبـل مــحــرم ألـطـم وانـعــه
            اذوّبن بـالـمـجـالـس ذوبـت الشمعه

            وأجددهه ابحسرتي دمعة أحـزانـي

                          *---------------*---------------*

            خادم وافـتـخـر مـاعـوفن الخدمه
            وبهـاي الـمـجـالـس اشكر الـنـعـمـه
            ما وفّي الحسين ابـقـطره من دمه

            خـلانـي اخـدمـه ابـفـضـلـه خلاني

                          *---------------*---------------*

            مـا مـلـه عـــزاء حـسـيـن مـا مـلـه
            ومـنـذور لــ خـدمـتـه هـالعمر كـلـه
            دمـعـاتـي قـلـيـلــه يجرن لــ أجـلـه

            ســاكـن بالگلب ويـرتـلـه وجـدانـي

                          *---------------*---------------*

            الخادم هـالـمـئـآتـم والـعَـزه بـيـتـه
            وبـخـدمـة حـبـيـبـه يـرتـفـع صيته
            سلمته العـمـر محبوبـي وٱنـطـيـتـه

            لـلـمــوت ويــردد گـلـبـي ولـسـانـي

                          *---------------*---------------*

✍خادم الحسين ع
الشاعر رعد الجريخي

#أنت_موضوعي



. مــا عندي غيرك موضوع   نـوح ومـجـالـس ودمـوع

                     نـاذر حـيـاتـي لــ خدمتك
                     مـتـهـمـنـي نـاس العافتك

                         *---------------*---------------*

ما تـنـحـزر بـعـض البـشـر   مــا اخـلـي ايـدي اعلـيـهـه
خـلـيـت ايدي بـخـدمـتك   وبـس عـشـرتـك شـاريـهـه
الــــوادم اتــروح و تـجـي   الـخــدمـه ويــن ألـگـيـهـه
وفـقـنـي أظلن بـالــعــهــد   وعـالـكـلـمـه مـن احچيهـه

  مـــاهـمـن لــ كـل الـنـاس   اتــفــاخـــر ورافـــع راس

                     ملكت شعوري امحـبـتـك

                        *---------------*---------------*

يـالعشـرتـك عـشـرت وفـه   بـطـعـم الـدمـع مـمـلـوحـه
كـلـش قـلـيـل لـحـضـرتـك   الـخــادم يـــقـــدم روحــه
الــــوادم إتـحـب الــفـــرح   مـحـد يـحـب اجــروحـــه
مـخـتـلـفـه أحسّن حالـتـي   راحـت دلــيـلـي ابـنـوحـه

  احچيهه الك يالمحـبـوب   يكفيني دمعي المصبـوب

                     موبيدي روحي العشگتك

                        *---------------*---------------*

ويـــاك اريـدن دمــعــتــي   وغـيـرك فــرح مـــا ٱريـده
خليني بـصـفـوف الـخـدم   ومــن الـخــذاهــم بــيــده
مــن الــيــســلــم رايــتـــه   ويـنـطـيـهـه بـيـد اولـيـده
آخـــر حـيـاتـه و يـفـتـخـر   و اسـمـك يـظـل ايـعـيــده

  يـمـلـكـنـي غيرك مـا ريـد   بـخـدمـتـك جـاهي ايزيد

                     مـولاي اموت بـخـدمـتـك

                        *---------------*---------------*

ماعوفـك انـطـيـتـك وعد   وأدري الـوعـود احچـايـه
نــاذرهـن سـنـيـنـي تــــره   ابـنـوح و لـطـم وقــرايـه
اليعـتـرض خـل يـعـتـرض   كـلـمـن عـلــيــه بـــرايـــه
قــرّبـنـي وٱقـبـل دمـعـتـي   تـفـكـيـري بـس ابـهــايـه

اتـبـاهـه لٱجـلك مـنــذور   وايـامـي كـلـهـن عـاشـور

                     مـا انـسـه يـوم امصيبتك

                        *---------------*---------------*

ياصاحب الصاحب صدگ   عـالـفـطـرة مـن حـبـيـتـه
مـنـطـيـنـي جاه ومـنـزلـه   مـشـرفـنـي دوم ابـصـيته
مـتـربـي آنـــــه بـمـأتـمـك   و تـاج الـشــرف تـربـيـتـه
شـكــراً أگــولــن ســيــدي   خــيــرك عَـلَـي صـبـيـتــه

كـبّــرنـي صـيـتـك مـولاي   مـتـفـضـل بـخـيـر هــواي

                     خــلــيـنــي لازم رايــتــك

                        *---------------*---------------*

✍خادم الحسين ع
الشاعر رعد الجريخي

ياحسين


عـــطـاء الــنـــاس أحـــسّـــه.. كـلـه منه
هِـمـت وجــــروح گـــلـــبـــي.. كَـلِّـمـنــه
بــــس حـــســيــن خـــيـــري.. كـلـه منه

وبـابـــه بـكـل وكـــت مـفــتـوح إلـــيـــه

                          *---------------*---------------*

✍خادم الحسين (ع)
الشاعر رعد الجريخي

(( يا لايمي ))

  .           خـلـيني وحدي ابعالـمي
              بـسّـك بــعــد يـا لايـمـي

        افــهــم كـلامــي واسـتـمـع زيـــن
        نـاذر حـيـاتـي لـخـدمــة حـسـيـن 

                              *---------------*---------------*

هـذا طـبـعـي   وهـذا وضـعي   عـمـري خدمه
كـل حـيـاتــي   لـحـد مـماتـي   فـدوه لٱسـمـه
شلون اعوفـه   ودنيا اشـوفه   ابعيني رسـمـه
مـن خـدَمـتـه   جَـنـه شـفـتـه   و كِـلـه رحـمـه

              امعاهـد ابطـول الزمـن
              لمصابه خـلـهـن ينعمن

        فـدوه لحبيبـي عيـوني الٱثنين

                              *---------------*---------------*

مــالـي غـيـره   صــرت اسـيـره   وجـاهـي مـنـه
رحـمـة الــرب   وصـفـه يصعب   احسيني جـنـه
ابـكـل قـضيـه   ايـظـل عـلـيــه   خـيــمــه چـنـه
مـنـه عــــذري   عــــاجـــز ادري   شحـچـي عنـه

               لـحُـبـه مـاعـنـدي شـرح
               لمصابـه عايش بالجـرح

         شـفـتـه الصلاة والـقـبلـه والدِين

                              *---------------*---------------*

مـنـي تـتــعــب   گـلـبـي يـلـهـب   مــــن اذكـــره
ابـچـي سـكـتـه   لـــــو سمـعـتـه   النـاعي يـقـره
عوفـه وامـشـي   المنطي كلشي   ومنطي عـمره
ابـكـل مــحـــرم   نـومـي يـحـرم   ربــــــــي ادره

                  اتـخـيـل واجـري الدمع
                  الناعي يـنـعـه واستمـع

           يـا روحـي بـالـچ لـحـظـه تنسين

                              *---------------*---------------*

ابــلا نــهــايــه   الـخـدمـه هايه   كلشي تـسـوه
شـگـد اجـلـهـه   ونـــاذر الــهــه   روحـي فـدوه
گـبـلـي عـابـس   شـگ مـلابـس   هـيـچي سـوّه
ومـن عـرفــتـه   ابـالـي عـفـتـه   احـلـه قـــدوه

                احسيني يرخصله العمر
                مـاعوفه لـو دربـه جـمـر

           هـوّه الـيـقـدّر تـعـب الـسـنـيـن

                              *---------------*---------------*

اســمــي عــلّــه   وحُـبــه خَـلـه   جـمــره بــيــه
الـخـدمـه اماني   وافـخـر آنــي   بــهـالــهــويــه
شـفـتــه دمـعــه   وشفته شمعه   ايـضـوّي لـيـه
راســي عـــالــي   الـون حـلالـي   ابـكـل عـزيــه

                أسَمـع مـلامـه ومــا اهـم
                 يـا لايـمـي زيــن افـتهـم

            غــيــر الـيـلـوم ابـمـرّه مـرتـيـن 

                              *---------------*---------------*

كـلـمـه وحـــده   الـروحي عـنـده   شلون اعوفه
اغـفــه وأحـلـم   امخـضب ابـدم   چــن اشـوفـه
احسيني رحمه   ابـگـلـبـي اسمـه   انخط حروفه
ابـچـي وحــدي   وحـزنـي يـبـدي   اشـمـا اطوفه

                  لـغـيـره چـفـي مــــا امـد
                  اتـشـكـر واقـــره الـحـمـد

            بــس لـحـبـيـبـي وقــرّت الـعــيــن

                            *---------------*---------------*

✍خادم الحسين (ع)
الشاعر رعد الجريخي

نعي للأمام الجواد (ع)

             يـبـو صـالـح يـراعي الثـار والـدم
             خلصوا هـلـك بين الچتـل والسم
             الـخـبـر تـدري يمهدي وبـيـه تعلم
            الجواد الليله حالـه أشحمّلك هـم

             شبـاب ابـن الـرضـا وچـبـده تمرد
             وتـظـل نـاره سـريـه وعـيب تبرد
             وسـف چـف الـعـده ياحيـف تمتد
             على الـزاچي الجواد ومـالـه أحـد

             يـراعـي الـثـار يـمـتـه الثار ينجاب
             وتگص چف التعده لنسل الأطياب
             أنـتـه لـ دم هـلـك ضـلـيـت طَـلاب
سـل سيفـك يمهدي وذب الـگـراب

                   *---------------*---------------*

✍خـادم ال محمد ع
الشاعر رعد الچريخي

#قاصد_إليكِ



.            بظعونه جاچ استقبلي حسين
             يا كـربـلـه حـضـري الـدواويـن

شيخ العشيره اختارچ      حـل ونـــزل خـطـارچ

                            *---------------*---------------*

يا كـربـلـه يـمـج وصـل    شـيـخ الـمـجـد بظعونه
جايب اخوته وصحبته    وهـاشـم تره ايحيطونه
اجـدامه قبليهه ابشرف    وخضري ورد لـعـيـونـه
إبـگـاعـچ ايـريـد النَـزِل    الاهـل السمه (ايردونه)

             گاطـع عـلـيـچ ادروب الـبـعـيـد
             جـايـب هله و گومه الاجـاويـد

                   يعرف معاني اسـرارج

                            *---------------*---------------*

استقبلي الهـالـقـافـلـه    الـرفـرف عليچ الواهه
امطرزّه ابهيبه وشرف    ام الـخــــدر ويــــاهـه
حسين التعنـه التربتچ    ومسكن إلـه اختاراهه
اتـفـاخـري بهذا الظعن    اليـحـمـل رسـالـة طـٰه

             الـلـيـلـه جـنـه گـاعـچ اتـصـيـر
             بـالـچ يـصـيـر ابحقه تـقـصـيـر

                   بـاچـر تشيع اخـبــارچ

                            *---------------*---------------*

من الصـحـاري والـفـلـه    الـعـيـلـه اجت تـعـبـانـه
يـا كربلـه صـيـري نـبـع    خاف الحرم عـطـشـانـه
لـلـعـايـف اديـاره وأجه    وجـاب الاهل بـٱحـزانـه
اعَني الحُسّين ابكلمتي    الـدومـچ اعلـه إلـسـانـه

             جاب الـظـعـيـنـه التحمل النور
             عـاف الـمـديـنـه وگلبه مكسور

                   ضيف وگصد لـديــارچ

                            *---------------*---------------*

بالدنيه ما مـثـلـچ ارض    نـزلـت كرامه اعـلـيـهـه
الـقـافـلـه البيهـه المجد    لجـلـچ گـصـد راعـيـهـه
مخصوصه بعظم منزله    الوادم تـسـولـف بـيـهـه
جـابـتـلـچ الـعِـز والفخر    اظـعـون الاجت قَبليهه

             خـالــد يظل وصـيـتـچ الـشـاع
             اتـحـضـري للضيف اجه ابساع

                   حـيـي الإجـــاچ وزارچ

                            *---------------*---------------*

اختارج وعاف الوطن    اشـگـد الـه مـطـلـوبـه
گاطع مسافات السبط    وداس الخطر ودروبـه
كـعـبـة فـضـائـل للأبد    صرتي وارض محبوبه
احـروفـچ ابكل الـزمن    تبقـه وتظل مـكـتـوبـه

             حط الـرحـال ونـاخـت الـنـوگ
             هـاي الـكـرامـه لــ إسمچ اتلوگ

                   تـسـطـع تظل انــوارچ

                            *---------------*---------------*
✍خادم الحسين ع
الشاعر رعد الجريخي

#وعادت_غريبة



ماكـو مـنـاحـه ولا لطم   فـوگ الظلم زايــد ظلم

                إشحالت ام عون السنه

                             *---------------*---------------*

           الينحب عليهه بحسره معذور
           گرّب وجاهه بـحـزنـه عاشـور
           مــاكــو عَــزه و لا زايـر ايـزور
           لـيـش الـزمـان بـزيـنـب ايدور

                هـاجـت جرّوح الساكنه

                             *---------------*---------------*

           ماكو مـنـاحـه اتريّحِ الگـلـوب
           خالي الصحن و مغلگه البوب
           يـذبـح ذبـح يا وكت الـغـروب
           ثـاري الـحـزن للحره مكـتـوب

                حتى ابگبرهه و محزنه

                             *---------------*---------------*

           اشحال العـقـيـلـه ابهاي الايام
           تچوي الگلب يا وحشت الشام
           هـاي الـسـنــه ما يـمـهـه خِدام
           ياهـو ابـعـزاهـه ايـشـد الحزام

                وياهو لـ گلبهه إيـأمّـنـه

                             *---------------*---------------*

           ردت عـلـيـهـه الـنـايّـبـه اردود
           باب الـصـحـن يـوميه مسدود
           ماكو لطم لا خـمـشـت اخـدود
           ولـحّـد يجيهه ولابـس الـسـود

                ماشافت ابـيـوم الهَـنـه

                             *---------------*---------------*

           مـتـعـلـمـه زينب تسمع الـنـوح
           وصـوت النواعي ايطيب الجرح
           يـمـهـه الـخـدم والـوادم اتروح
           حگ اللطم والـدمعه مـسـمـوح

                موكب يجيهه اتعـايـنـه

                             *---------------*---------------*

           ريت الـعـزه يم زيـنـب الـيـوم
           بلكن عـلـيـهـه اتخف الـهـمـوم
           ايـبـرّد گـلـبـهـه الـدومـه مالوم
           نفس الـمـصـايـب عادوا الگوم

                هاي المـصـيـبـه الراهنّه

                             *---------------*---------------*

✍خادم الحسين ع
الشاعر رعد الجريخي

#شجاعة_قمر_الهواشم #شوط_كربلائي


يــوم الـجـــرد الـبـــتــــار   رجـفـهـه الـزلـم والخــيـل
تعنه لـسـاحـة الــمــيــدان   وصاحوا مـن بعيد ادخيل

                           *---------------*---------------*

يـعرفـون الـگـمـر عـبـاس   زوده امـجـرب اوسـيـفــه
مايخطي الضرب بالروس   وطـبـعـه ايـلـگـط ابكيفـه
مـن يــوم الـحـسـن لليوم   يـتـانـي يـاخـذ  ابـحـيـفـه

               مـــا نـــاســـي هـــذاك الـــيـــوم
               يـذكـــر دفـــنـــت الــمــســمــوم
               عـــبـــاس ونـــــزل لـلـــــگـــــوم

نــهـار الــعــاشــر ابــزوده   عــلـيــهــم بــدّلاه ابـلـيـل

                           *---------------*---------------*

قــيـامـة كـربـلـه قــامــت   بـطـل وتـخـيّـل الـحـومـه
يـاهـو الـگــابــلاه ايـمـوت   ابسيفه ايـشـوفه محتومه
شـيّـال الـعــلــم مـذخــور   ٱلْــهـٰـذ الـمـوقـف اويـومـه

               إحــــــزام وظــهــر لــحــســيــن
               حــــيــــد و لازم الــصــــوبــيــن
               إتــفــر الــــعــــســــاكــــر ويــــن

راواهــم يـمـيـنـه الـمــوت   يشـبـه نـفـخـة ٱسـرافـيـل

                           *---------------*---------------*

كلها اتحيرت هــــالــيــوم   وزلـمـه الثـبـتـت اجدامـه
إجـاهـه امسرفن الـذرعان   ورخّـه ابـحـومـتـه لْـثـامـه
مبخوت الـسـلـم مبـخـوت   و فــر امـدنّــگ الــهــامــه

               الـوصـلّـه ابـروحـه مـا يــســلــم
               ســـيــــفــــه لـلــعــده امــعــلــم
               جــمــعــهــم يــعــرف ويــعــلــم

صـولات الگـمـر لـو صـال   غـضـب وٱتـنـزّل السجيل

                           *---------------*---------------*

شـبـيـه المـرتضى الـكـرار   الـضـربــه او لا يـثـنّـيـهـه
الـمـراجـل تـشـهـد لعباس   وٱتـلـوگ اعـلــه راعـيـهـه
الـرايـه اتـفـاخـرت بِـسمه   تـرف وحـگـهـه منطـيـهـه

               بـــــركــــان انــفــجــر بــالــــزود
               وتــفــخــر رايــــتـــه والــجــــود
               مــشــهــود الــفــعــل مــشــهــود

هــذا الــيــشــبــه الـكـرار   خـالسهه الـزلـم والـخـيـل

                           *---------------*---------------*

للعـسـكـر طـلـع مـغـضـب   ونـار الــغــيــره بـعـيـونـه
عـلـيـهـم تـيّـه الـمــشــراد   ودخـيـل الـكـل يـنـادونـه
ما يـرحـم ضـرب سـيـفـه   أبـــو فـاضـل يـعـرفـونــه

               مــحــد يــــقــــتــــرب يـــگـــدر
               مــــن ســيــفــه الـسـلـم يُــنــدَر
               وارث مـــــرجــــلــــــة حــــيــدر

صـگــار الــزلــم مـعـروف   خـلّاهـه الـرگـاب اتـسيـل

                           *---------------*---------------*

✍️خادم الحسين ع
الشاعر رعد الچريخي

(تنتظر زوارهه)


تـنـتـظـر زوارهـه   **  الـغـريـبـه ابـدارهـه

اشـلـون لو هـاي الـسـنـه مـحـد يـروح
اهـنـاك يـاهـو يـقــره لـلـحـره ويـنّـوح

*--------------------*------------------*

اهـنـاك ياهو يـبـچـي ودمـوعـه اتـهـلي
كـلـهـه غـربـه وبـيـنـهـم بـضـعـت علـي
چـن احـسـهـه اتـگـول افـزّعـو يـاهـلي
خـاف يـنـعــاد الـسـبـي هـالـعــام ألــي

الامـان اتـريـده  **  الاهلهه ابـعـيـده

زيـنـب بـكـل عـام تـتـحـمـل جـروح

*----------------------*-----------------*

مـلّـت مــن  الـشـام زيـنـب والـغـرب
يازمن بـسـك عـلـيـهـه اتـشـن حـرب
گـلــي هـيـه اشـرايـده غـيـر الـدرب
تدري لو شافت خدم تـنسه الـظـرب

الحره شتگلولهه  **  الصدر دگولهه

رايـت الـخـدام يـمـهـه مـن تـلـوح

*----------------------*----------------------*

بـكـل سـنـه أتّـانـي الـمـواكب بالـدمـع
تـوكـف اعله الـبـاب وتـحيـي الـجـمـع
اشـمـا قــره الـرادود زيـنـب تـسـتـمـع
وتـنـزف اجـروح وألـم مـثـل الـشـمـع

الگبل سلوبهه  **  رجعو وحاطوهه

من يشم عطر الصحن ذاكـه اليفـوح

*---------------------*------------------*

الـشـام نـفـسـه الـشـام ونـعـاد الأمـر
الـغربـه صعبه وحالهه حـال الـجـمـر
مـن عـگـبكـم هـل سـنـه مـحـد يـمـر
نـاس مـاتـعـرف تــره غـيـر الـشـمــر


ضلت المظلومه  **  بالغرب مهظومه

حافـر اعله اخدودهه المدمـع سـفـوح

*----------------------*------------------*

حـگـهــه لـو ألـهـه الـجـفــون اجـرّحـن
قصه قصه ادموع خـدهـه ايـوضّحـن
والله يـبقـه بدونكـم خـالـي الـصـحـن
وتـذكـر ايــام الـسـبـي وذيـچ الـمـحـن

بالحزن واللوعه  **  زينب المفجوعه

هالسنه ايـزيـد الـعـدد چـان الطموح

*----------------------*---------------------*

✍خادم زينب (ع)
الشاعر رعد الجريخي

.  الليله بـدمـوع الحـزن نعلن حـداد
   الليله منصوب العَـزه لباب الـمـراد
      
        وا إمامـاه           وا إمـامـاه

                                    *---------------*---------------*

رادوا يـمـوت الـضـوه أهـل الـخـيـانـه
مـارعـوا قـول الـنـبـي وهـاي الأمـانـه
ظـنـهـم أيـضـل الـظـلـم دوم وزمـانـه
لـلـجـواد بـكـل زمــن نـنـصـب عـزانـه

رافـضـيـه بـهـالـرفـض نـفـدي الـوريـد
رافـضــيـه بـكـل زمــن هـذا الـنـشـيـد

                                    *---------------*---------------*

دايمـه الـدمعـه عهـد عـدنـه وعـقـيـده
الشيعي ثابـت موقفـه وهـذا نـشـيـده
فلسفة عوفوا الـبـچـي جتنه جـديـده
عـوفـه إلـكـم هـالـتـحـضّـر مـانــريـده

أحـنـه تـربـات العَـزه وسـيـل الـدمـوع
احـنـه عـاهـدنـه يـضـل دگ الـضـلـوع

                                    *---------------*---------------*

لـتـاسـع انـوار الهُدى يـرخص دمعـنـه
بمجلسه ودگ الـصـدر كـلـنـه أنجمعنه
خـل يـگـول إشما يـگـول اللي سمعنه
جـدد اعلـينـه الـحـزن فـگـده وفجعنه

خلهه تحچي المارضت خلهه أشتگول
خلهـه دمعاتك سـوه أتـواسـي البتـول

                                    *---------------*---------------*

فـاطـمـة تـلـطـم صـدرهـه بـهـالـرزيــه
أتسجـل أسمـاء الـخـدم الـزهـره هـيـه
هــذا يـــوم مـصـابـهـه ويـوم الـعـزيـه
الـلـيـلـه ويـاهـه نـخـلـي الـون سـويـه

هــــايـه دگــات الـصـدر بـاچـر شـهـود
هـــايـه بـيـهـه الـمـغـفـره يـوم الـورود

                                    *---------------*---------------*

الـزچـيـه بـكـل عَـزه أيـقـيـم لـوِلـدهـه
تـلـطـم أعله اضلوعهة التنزف بعـدهـه
الـمـجـالـس هـاي بس هـيـه ضـمـدهـه
هـذا قـولـي وهـالـعـقـيـده المعتقدهــه

تـبـقـه مـنـذوره وعـلـي هـاي الصـدور
تبقه صـرخـتـنـه وعهد دمـنـه الـيـفـور

                                    *---------------*---------------*

بـالـدمـع نـرفـع على الـعـتـره الظلامـه
المـارضـه خلـه يضل عـوفـه بـكـلامـه
الـخـادم بـدگ الصـدر شـايـل وسـامـه
يـنـعـرف سـر الـخَـدم يــوم الـقـيـامـه

والله لـلـمــوت بـدمـع آخــــــــر كــلام
والله مـنـعـوف الـلـطـم هـذا الـخـتـام
                                                        
                                    *---------------*---------------*

✍خادم  الأمام الجواد(ع)
الشاعر رعـد الجـريخـي