.          قـــريـــب     وصـلـت ايــام الــعـــزاء
      قـــريـــب     يـنـسـمــع هــذا الــنــداء

      لـبـيـك يـا حـسـيـن       لـبـيـكِ كــــربـــــلاء

                   *---------------*---------------*

بـاقـي ايـام ونلبي ونـلبس احـرام الـســواد
نـشـكـر الله بنعمته والـعـزاء اعـلـيـنــه عـاد
بمجلس حسين المدامع والگلب يعلن حداد
ربي وفقنه لخدمته الخدمة تحتاج الـسـداد

           دمــــــوع     تـجـري وتـحـدد مصـير
           دمــــــوع     ســـون الـخـادم امــيــر

      بـدمـعـة الـعــيــون       انــجــدد الـــوفــــاء

                   *---------------*---------------*

انواسي للزهره بلطمنه ونخدم الظامي نريد
انـتـهـه عـام اونتانـــي يرجـع محــرم جديد
الـعـمـر وسـنـيـنـه كـلـهـه لذتـه بذكر الشهـيد
اه يحسن ومصابـه موعظه واجـمـل نـشـيـد

           وســــــام     عالـگـلـب دگ الـصـدور
           وســــــام     يـحـمـلـه بــس الـغـيـور

      انــواســي لـلـبـتـول       بــصــرخــة الـــولاء

                   *---------------*---------------*

اليلوم بكيفة خله ما عرف معنى الـجـنــون
اليحبّه الباري يـحـضر يلطم وتجري العيون
فاطمة تسجل الاسامي بالعزه لمــــن تجون
يـالخدم حـيـاكـم الله بـإسم ابنهـه اترددون

           اكــــيــــد     هـذا محضوظ الـيـنـوح
           اكــــيــــد     بگلبه لـلـظـامـي جـروح

      يـا كـعـبـة الـخـلـود       يـا قــبـلــة الابـــــاء

                   *---------------*---------------*

نـنـتـظـر يـمـتــه يجينـه بالعشگ زاد الـهـيـام
انوسّم ألصدور بمحرم ونعمه الِيحصّل وسام
يرفع الخادم مقـامـه ويـرتقي بـشـهـر الحـرام
بدمعة عـيـونـه اليهلـهـه تطفى نيـران الخيام

           جـــــروح     بينه للـغـالـي الحـبـيـب
           جـــــروح     نـازفـه مـا اظـن تطيـب

      يــبــقــى لـلـمـمـات       دائـــــم الـــعــــــزاء

                   *---------------*---------------*

حيـره لحسين اشنقدم والدمـع كـلـش قليل
نحسب ايام وقـمـيـصـه ينشر بـأمـر الجليـل
ندعي يرزقنه المناحه ربـنـا ونـزيـد الـعـويـل
الراحه بالحرگه يحسهه الينحب لفگد الخليل

           شـــعــــار     نـرفـع بـإسـم الحـسـيـن
           شـــعــــار     يبقى صوت المؤمـنـيـن

      ثــابــت الـيــقــيــن       تـهــتــف الـــدمـــاء

                   *---------------*---------------*

المنجرح گلبه بحبيبه سلوته الـوَن والـدمـوع
امبيّن المچوي بحرگته يكسر بصدره الضلوع
لـوعـة الـثـكـلـه وألـمـهـه العاشگ الليلـة يلوع
بذكر الحسين ومصابه ينعرف معنى الخشوع

           حـــزيـــن     الخادم لـحـزن الـبـتـول
           حـــزيـــن     ودمعه للتحت الخـيول

بـمـجـلـس الغريـب      يــقــبــل الـــدعـــاء

                   *---------------*---------------*


✍ خادم الحسين ع
    الشاعر رعد الچريخي

أهنئكم بحلول عيد الآضحى المبارك سائلاً المولى أن يتقبل منا ومنكم صالح الأعمال وأن يعيده علينا وعليكم أعواماً عديده وأزمنةً مديده وأنتم تتمتعون بأتم الصحة والعافيه ..
وكل عام وأنتم بخير

خدام الحسين احبتي

💐(معشوگ الموالي) 💐


           نـهـتـف ابـأسـمـك يـغـالـي   حيدر  حيدر
           انـتـه مـعـشـوگ الـمـوالـي  حيدر  حيدر

                   *---------------*---------------*

          ياعلينه اولايتك اجمل هديـه  حيدر  حيدر
          رغم انف المارضوا والناصبيه  حيدر  حيدر
          عالصراط امحبتك هيه الهويه  حيدر حيدر
          مانجامل يـاعلي بهاي القضيه  حيدر  حيدر

هـالاسـم واجـب نـعـيـده حيدر  حيدر
و الـمـحـب ردد نـشـيــده  حيدر  حيدر

يالـحـزت كـل الـمـعـالـي  حيدر  حيدر

                   *---------------*---------------*

          اتفصّلت تفصال مولاي الاماره  حيدر  حيدر
          ونصّباك اليـوم بارينـه بقـراره  حيدر  حيدر
          بالغدير المصطفى انطه البشاره  حيدر حيدر
          تـمـت النـعـمـه يـحيـدر للغياره  حيدر  حيدر

تـمـت الـنعـمـه العظيمه  حيدر  حيدر
بٱسمك المحفل نـقـيمـه  حيدر  حيدر

ياعـشگـنـه الماله تـالـي  حيدر  حيدر

                   *---------------*---------------*

          امرك اموقع خليـفـه بالـسمـه  حيدر  حيدر
          المافهم سَـوّاك رابـع ونـعـمّـه  حيدر  حيدر
          الخاتل بظهرك عليك ايقدمّـه  حيدر  حيدر
          ياامير الكون ياحامي الحـمـه  حيدر  حيدر

مـارهـم غـيـرك خـليـفـه  حيدر  حيدر
صاحب البيعـه الشريفـه  حيدر  حيدر

عايش بروحي وخـيـالـي حيدر  حيدر

                   *---------------*---------------*

          انته ياداحي حصنهه ابيمّنتـه  حيدر  حيدر
          يافتـه الاسلام غيـرك لا فـتـه  حيدر  حيدر
          بطل والميدان يعرف صولتـه   حيدر  حيدر
          حگهـه تفرح بالولايـه شيعـته   حيدر  حيدر

          نـصـبّـك ربـك عـلـيـنَـه  حيدر  حيدر
           انـتـه ربـان الـسـفـيـنـه  حيدر  حيدر

           الـشعـر لـيـك ارتـجـالـي حيدر  حيدر

                   *---------------*---------------*

✍خادم امير المؤمنين ع
الشاعر رعد الجريخي💐

🌷يا علي🌷

أفـرح أفـرح   هـذا تـنـصـيـب الـولـي
أفـرح أفـرح    يلـمـحـب بـايـع عـلـي

           عـلـي لـلـعَـالــم أمــيـر
           أهـتـف بـعيد الـغـديـر

                                     *---------------*---------------*

   يامـحـمــد بـلّـغ اتـنـادي الـسـمـه
   وبـالـولايـه الـديــن كـلــه تـمـمـه
   اليرفض الحيدر مصيره الحاطمه
   واليعوف النور لـعـيـونـه الـعـمـه

         بـاچـر أبـأمـره يـحـير

                                     *---------------*---------------*

   الأمـاره اتـلـوگ بــس الـحـيـدره
   الـنـافـس الـكـرار يـرجـع لـيـوره
   وآلـد الـسبـطـيـن هـذا الـقسـوره
   أوآلد الـعـبـاس سبـع الـگـنـطـره

          جـدد أويـاه الـمـسـيـر

                                     *---------------*---------------*

   أجـمـل الأفـراح هـايـه فـرحـتـه
   بـالـغـديـر ألـلـيلـه نـرفـع رايّـتـه
   عـهــد ثـابـت للأمـيـر وبـيّـعـتـه
   مالـك أگـلـوب الـغَـياره الـحبـتـه

          يـبـقـى أول والأخـيـر

                                     *---------------*---------------*

   سَـجَـل التاريخ وبأسـمـه ابـتـده
   هــازم احـزاب وكـتـائـب وَحَـدّه
   مايـهـم الجيش والـكـثـرت عِـده
   الـزوده لليوم الـمـراجـل شـاهـدّه

         أحـچـي يلعندك ضَميـر

                                      *---------------*---------------*

خادم أمير المؤمنين ع
✍الشاعر رعد الجريخي

🌷مقطوعه🌷
بحق أمير المؤمنين ع


گـا لـولـي ألـمـن تـحـب
               گـلـتلـهـم بـكـل فـخـر

محبوبي نبض الـگـلب
                يخـتلـف عـن الـبـشـر

گـا لـولي شـو بآ لـغـت
               فـهِـمـنـه شنهو الـخبـر

شايل بروحك حـچـي
                مـعـروف مـن الـنـظـر

رادوا يـعرفـون العشگ
                وشـلـون حـبـي كـبــر

سـولـفـت عـن قصّتي
                 وبـيـهـه الكلام أنـدثـر

مـدري أشـگـولـن بـعـد
                حـيّـرنـي اوّل سـطــر

ابشخصه تـاه الـوصـف
            والسـانـي وَحـده اعـتـذر

مـايـنـوصـف يا خـلـگ
                شيوصفه فارس مـظـر

                                       *---------------*---------------*

خادم أمير المؤمنين ع
✍الشاعر رعد الجريخي

💐مجموعة ابوذيات💐


          رتـبـتـك يـاهـو يـا حـيــدر .. وَصلهه
          الـمـكــارم انـتــه مـعـدنـهـه.. وَصلهه
          الـنـاس الـگـطـعـت بـحـبـك.. وصلهه

          انـعـمـت ما شـافـتـك فـوگ الـثـريـه
                                                                                  *---------------*---------------*

          الـيـگـول اعليك كـل مـا گـال.. خَله
          كــامــل يـا عـلـي ومــا بـيـك.. خِله
          نـبــيـنـه اخــتــارك بـكـل زود.. خله

          وأُمَـرنـه ابـطـاعـتـك سـيـد الـبـريـه
                                                                                      *---------------*---------------*

          ربـنــه اكــرم الـمــخـــتــار .. بَخ بَخ
          زلال وكـل گـلـب ظـمـئــان.. بَخ بَخ
          انـحـنـه كلمن يضـده وگـام.. بَخ بَخ

          لـ عـلـي ويـَمـه وكـف يـاخـذ تـحيـه

                   *---------------*---------------*

          نَـص الـديــن لا تـعـمــل  .. خـلافـه
          علي من الله مـتـنصـب   .. خـلافـه
          تـراه الـكـون مـايـرهــم   .. خـلافـه

          فـراغ ايـصـيـر اذا شـلـت الـوصـيـه

                   *---------------*---------------*

✍خادم امير المؤمنين ع
الشاعر رعد الجريخي

أبوذيات بحق امير المؤمنين (ع)


          نِـصه غيرك يحيدر .. بــس عله انته
          وخفي حـبـك بگلبي.. بــس عـلـنـتـه
          اذا گالوا تـحـب مــن.. بس علي اتته

          اذا اشـيـلـك فــراغ ايــصــيــر بــيــه

                   *---------------*---------------*

          الضــمــايـــر گــبـلـه نصبوا.. فــاتحلهه
          وعــلــي كـل الــمــعــاضـل.. فــاتحلهه
          مــنـــو غــيــره الــمــعــارك.. فاتح الهه

          بحكم سيفه قــضــه اعــلــه الجاهليـه

                   *---------------*---------------*

          علي ابيات الشعر وعـقـول.. صفين
          ذكـرتــه والـمـكـارم هــيــچ.. صفين
          مــنــو مثله بطل مــن قــاد.. صفين

          اعــلــه خصمه المــوت وزّع واهليه

                   *---------------*---------------*

✍ خادم امير المؤمنين ع 
     الشاعر رعد الچريخي

ياعلي
💐هوسات💐

          ياهو البيه كل مؤمن كمل دينـه
          وتـنـصّـب امـيـر ابـأمـر بـاريـنـه
          مـو تـزويـر بـالأول امـخـلـيـنــه

          مـاخـذهـه ابـزوده امن الـبـاري

                    *---------------*---------------*

          ياهو الرافـع لأيده نبي الرحمه
          وبنص الحجيج ايصرّح ابأسمه
          الماشافه أكـيـداً لـلـبـصـر اعـمـه

          عـمـيـانــه اعـيـونـه الـمـاشـافـه

                   *---------------*---------------*

          ياهو الهد حصنهه وياهو سَوّاهـه
          والـبـاب ابيمنته ابـسـاع شـلاهـه
          حـگـنـه بـحيـدر الـكـرار نـتـبـاهـه

          يـتـبـاهـه الـكـون ابـتـنـصـيـبــه

                   *---------------*---------------*

✍️خادم أمير المؤمنين ع
الشاعر رعد الجريخي

🌷يا علي🌷

عـلـي بأسمه نـفـتـخـر     هالوالي هالوالي
عـلـي معشوگ الـگـلب     والغالي والغالي

قَـرّت أمـلاك السمه     الوالي حماي الحمه

                                     *---------------*---------------*

الـهـادي بـلّـغ هـالـخـبـر والآيــه والآيــه
لـحيـدر الـكـرار انـطـه الــرايــه الـرايــه
فـرحت الليله لـعـلـي الـوفّـايـه الـوفّـاي

          يـبـقى لــيــث الـمـوزمـه

                                     *---------------*---------------*

هـذا صـكـار الـزلـم والـهيـبـه والـهـيـبـه
أمـر مـن رب الـسمـه تنصيبه تـنـصيـبـه
عـلــي اول يـا خـلـگ تـرتـيـبـه تـرتـيـبه

          الـعـافـه لعيـونـه الـعـمـه

                                     *---------------*---------------*

الليله فـرحه كملت بمعناهه بـمـعـنـاهـه
الرايـه بـيـده المرتضى شالاهـه شالاهـه
أتبخبخ اصحاب الحقـد خلاهـه خلاهـه

          اتـوقــع ألـلـيلـه أبــدمــه

                                     *---------------*---------------*

كلمـه وحـده للأبد نحچيهه نـحـچـيـهـه
عـلـي اولـهــه وعـلـي تـالـيـهـه تـالـيـهـه
الرافضه بـس الفحل وآ ليـهـه وآ لـيـهـه

          بـحـبـه حِسن الـخـاتـمـه

                                     *---------------*---------------*

✍خادم امير المؤمنين ع
الشاعر رعد الجريخي

يا علي

          مـن عـيـنـي الـرفـض حـيـدر .. هوَيته
          و بــس الـمـرتـضـى بــزغــري.. هوَيته
          غـديـري وحـب عـلـي صـارت.. هوِيته

          و يـظـل لـلـمــوت حـيـدر والـي إلـيــه

                   *---------------*---------------*

          عـلـي بأسـمـه احـس لـ شـفـاي.. سكّر
          دخــل وســط الـگـلب والـبـاب.. سَكّر
          صـعـد عـنـد الـجـمـاعـه الـيـوم.. سكر

وضـغـطـهـم فــول مــن الــرافـضـيـه

                   *---------------*---------------*

✍️رعد الجريخي☺️

#هلا


             هـلا يـالأمّــرك ربــنــــه.. عـلـيـنـه
             هـلا يالبسمك السـبـعـه.. عـلـيـنـه
             هـلا يالمرتضى حـيـدر .. عـلـيـنـه

هـلا يالـحـاكـم اگـلـوب الـبـــريــه

                   *---------------*---------------*

✍️خادم امير المؤمنين ع
الشاعر رعد الجريخي

🌷عطله رسميه🌷

عطله رسـمـيـه رسـمـيـه  فـرحـت شيعتك
عطله رسـمـيـه رسـمـيـه  انــجــدد بيعتك

مولانه يا علي مولانه   مولانه يا علي مولانه

                                     *---------------*---------------*

الـيـوم عـطـلـه بـالـسـمـه قـبـل الأرض
هـاي فـرحـه اليـعتــرض خـل يعترض
واجـب انـقـيـم الـحـفـل مـثـل الفرض

والله مهيوبـه مهيوبـه حـيـدر رايـتـك

                                     *---------------*---------------*

هـذا صــوت الـرافـضـه ايظل مـعـتـلـي
وهـذا نـبـض أگــلــوبــنــه ايـردد عـلــي
نــصــبـــك طٰــه عـلــى الــعــالــم ولــي

العاشگ أبشوگه أبشوگه يقصد حضرتك

                                     *---------------*---------------*

فـرحـه ومـلاك الـسـمـه اتـروح وتـرد
اتـزيّـنـت حــتــى الأرض يــاس اوَرّد
نـعـرف بـچـفـك تــره الـعَــد والـجـرد

تبقى خسرانه خسرانه نـاس العادتـك

                                     *---------------*---------------*

انـعـادي مـن عـاداك والـسـلـمـك سـلـم
انـتــه بـاب الـمـرجـلــه وبــاب الـعـلــم
عــلـي گــدهـا و حــوك صـگــار الـزلــم

حتى عدوانك عدوانك تـعـرف صولتك

                                     *---------------*---------------*

✍خادم أمير المؤمنين
الشاعر رعد الجريخي

زيّنو مجالسكم بذكر علي

هوسات بحق امير المؤمنين (ع)


علي عــصّاة موسى الغرّگت فــرعــون
وعلي قطب الرحه اليفتر عليهه الكون
عـلــي اول خليفه وخــلــهــم ايلومون

🌹وبس حيدر ابيض تاريخه🌹

           *--------------------*-------------------*

رابــع خــلــوا الـكــرار ومـصـدگـيـن
عـافـوا زمــزم الله وچلبوا بالـطيـن
بلول بالأخير بـكـلـهـه ابـو الحسنين

🌹والكــون ايــســولــف بفعالــه🌹

           *--------------------*-------------------*

خـــلاس الـــزلـــم ياهو الگبل حـيـدر
وياهو السمّته العدوان مـــوت احمـر
علي الدر وعلي العالي وعلي الجوهر

🌹وشـــلـــون الـــنـــور ايضمـــونــه🌹

           *--------------------*-------------------*

لتلوم المحب مـن يـــفــرح الـلـيـلـه
الوصي مولود وام العُلى اتـلـولـيـلـه
عـلـي هـــذا علي الماخيب ادخـيـلـه

🌹 مـــاخـــاب اليوكف يــم بابه🌹

           *--------------------*-------------------*

✍ خادم امير المؤمنين ع✍
الشاعر رعد الجريخي

💗مقطوعه

گـالـولـي هـذا شــرك
             ميصير تـنـدب عـلـي
لـلـبـاري سـلـم الامـر
             وكـل نـايـبـه تـنـجـلي
گـلـتـلـهـم الـلـه أمــر
               وقـرآنـه واضح جلي
گـال الوسيله اتـخـذ
             يـاعبدي واكصـد ألـي
لبـيـك ربـي صـحـت
               عـبـدك هـتـفـلـك بلي
يالرايد انـسـه الوصي
              هـاك اسـتـمـع مـايلي
بـالمهد وانـه اسمعت
                بـأسـمـه تـردد هـلـي
صـارالي مثل النفس
                 وحـبـه نـمـه بداخلي
احچي واخذ راحتّك
               يـالمـا عـرفـت الـولـي
لـلـمـوت هـذا الـعـهـد
                وللموت اصيحن علي

                                        *---------------*---------------*

✍️خادم علي ع
الشاعر رعد الچريخي

((ياعلي))

.       عالمـعـبـر وعالمـعـبـر وعالمـعـبـر
        متدوس جدمـه المايحبك حيدر

                             🌹               🌹                 🌹

        متدوس جدمه المايدين ابـديـنك
        مفتاح جنةِ الباري شاله ايـمـيـنـك
        عالحوض بـاچـر تنضرنه بـعـيـنـك

        الـعـاداك حـيـدر والله لازم يخـسر

                            🌹               🌹                 🌹

        احچيهه هـايه ياعلي ومـا بـالـي
        بـس انـته وحـدك سـاكـن بدلالي
        هالليله بسمك هـالـفـرح يحلالـي

        يسقيني بـاچـر چفك مـن الكوثر

                            🌹               🌹                 🌹

        خـــل اليلوم اعليه خـــلـــه ابــرايه
        هـذا اعتقادي ومـا تغيره احـچـايـه
        يــاهـــو الرسول بچفه خـلـه الرايه

        وياهو ابيمينه الهد حصنهه الخيبر

                             🌹               🌹                 🌹

        امي ارضعتني مــن الولاده ابدرهه
        وعلمني ابـــوي اولايـتـه وفـسرّهه
        گـــلّالـــي جنــه ابلا علي تخسرهه

        اولاية علي تبقى الاصـل والجوهر

                            🌹               🌹                 🌹

        مـــن عـــالـــم الـــذر وذبــت بهيامه
        ومنيتي اصـــيــرن خـــادم الخِدامه
        كل مسلم ابدونه العفه اعله اسلامه

        هالكلمه هــايــه الله وصّـــه وَقـــدر

                            🌹               🌹                 🌹

        آخـــر كـــلامـــي واسـتـمـع هالكلمه
        كالعمري فدوه ايروح لحروف اسمه
        ايسموني خادم وأفـــخـــر بهالخدمه

        حــقــــه الخدملك ياعلي لـــو يفخر

                            🌹               🌹                 🌹

✍ خادم امير المؤمنين ع
     الشاعر رعد الچريخي

.             هلا بشيعة علي بس همه بالملعب
حـرگـوا تـل ابـيـب ونـارهـم تلهب
يا حيدر عـلـي ايهتفون يـا زيـنـب


  ( وعـداهــم تــرجــف خــلـوهــه )

                    *-------------------*--------------*

✍️خادم المذهب
الشاعر رعد الجريخي

ميمر
( وِلد مسلم)


الـمـسـلـم وِلــد  **   مــثـــل الـورد
يــــوم الاجــت  **  خـيــل الـحقـد

فرّوا لـچـن ما يدرون ويـن الـوجـه ينطونـه

                                   *---------------*---------------*

يـوم الاجـتـهـم لـلـخـيـم خـيّـالـه
ركـضـوا سـويـه والـدمـع يـتـلالـه
ايشيّب دلـيـلـه الـصـوراهـه ابـالـه

خـوف ورعـب   نــار وحــرب
هــذا الـمــفــر    كـلـش صعب

حالتهم بهذا الحال وبس الدمع يجرونه

                                   *---------------*---------------*

انعدمت ابگلب الاعـادي الشيـمـه
رعـبوهـم وطـلـعـو لـعـد الـهيـمـه
ألـهـم دمـعـنـه والـعـزاء انـقـيـمـه

الـدگ الـصـدر   مـاكـو عـذر
ألــهــم نـضــل   نـحـّي الامـر

الماعدهم ابگدنه اجروح اعله البچي ايلومونه

                                   *---------------*---------------*

اتـخـيـل اشلون الـغـرب والـصـوره
جــار الـزمـان ويـفــتــر ابـنـاعـوره
خـلـه الـيـتـامـه بـالـفـلـه مـذعـوره

مـــن الـــزمــن   شـافـوا مـحـن
اخـيـول الـعـده   لــمــن اجـــن

اشحال الطفل بالميدان ايخاف العده ايدوسونه

                                   *---------------*---------------*

اتـحـمـلـوا خـوف وظـلام الـغـربــه
حـالـتـهـم اتأذي الـغـيـور وصـعـبـه
مالـومـن لـلـيسـعـر عـلـيـهـم گـلـبـه

كـلــهـــم ألــم    ابـحـرگ الـخـيـم
ركضـوا ركـض   حـافـي الــجــدم

الهجمت عَليه الصوبين المن يدير اعيونه

                                  *---------------*---------------*

قصتهم اتـخلـي الـمـحـب بـهـمـومـه
بالـحـومـه ما بيـن الـعـده بالحـومـه
ابذيچ الضهيره القاسيّـه الـميشومـه

ابسـيـل الـدمـع    اصـعـب وضـع
مـاضــل امـــل    طــش الـجـمـع

نبقه ابحزنهم للموت ابدگ الصدر خلونه

                                   *---------------*---------------*

يـاهـو اليردهـم والـمـديـنـه ابـعـيـده
ومسراهـم ابـدرب الخـطـر والـبـيـده
غـربـه ويـتـامـه هالجـرح شـيـفـيـده

دمــع الـحــزن     فـوگ الـجـفـن
صـار الـزمـن      مـثـل الـسـجـن

ابگلب اليتامه المجروح نار الغرب مكنونه

                                   *---------------*---------------*

✍خادم اولاد مسلم (ع)
الشاعر رعد الجريخي

. بأسم حيدر علـي صـولاتـهـم هـايـه
ذولـه اهـل الـعـمـايـم والـمـصـلايــه
الـمـخَلّـص حـيـاتـه ابلـطـم وقـرايـه

(لـلـمــوت ايـدافــع عـن ديــنــه)

                   *---------------*---------------*

✍️الشاعر رعد الجريخي