(شور)


يا مآيله يا مآيله   يا مآيله الدنيا اويه زينب

*------------------------*-------------------*

مالت الدنيا اويه زينب يوم حاديهه حده
تمشي وبناگه هزيله عـرجـه مابين العده
زينب اتلاهب گلبهه والهظم بيهه ابـتـده
ساعت الشافت رقيه چنهه ورده امگيده

ماصايره ماصاير   ماصايره شافت عَجب

*------------------------*-----------------*

اتحمّلت ظيم البراري وطبت الشام بحزنهه
تسمع بكلمت سبيه الوادم ايـگولـون عـنهـه
تنظر اعليهه الشماته وتستر الـحـره بردنهه
تنهظم زينب يشاهد واحـد الدمعه بجفنهه

بعيونهه بعيونهه    بعيونهه تحمل عَتب

*----------------------*------------------*

محد اليعرف قدرهه وجهلوا بجَدهه القرابه
بالحبل مشدوده اديهه وباتت بذيچ الخرابه
فوگ حيرتهه وسبيهه الغرب اصعب مصابه
والأشد تسمع رقيه بالدموع اتـصيـح بـابـه

مهظومه مهظومه   مهظومه من التعب

*--------------------------*-----------------*

للقصر ياحاله طبت وگالوا اعليهه السبيه
مخدرت عباس هايه توكف بديوان اميه
صعبه ويردد اسمهه ابن مرجانه وسُميّه
حيره ماصارت مثلهه أتمنت اهناك المنيه

شتموهه شتموهه   شتموهه ابلا سبب

*----------------------*----------------*

حـتـه موتتهه يـوادم صارت ابعيده وغريبه
عذباهه الشام حقده وماتت بعِظم المصيبه
دنيا مارحمت غربهه هاي مـو دنيا عـجيـبـه
ألهه منذوره المدامع والمحب باقـي بنحيبه

بجروحه بجروحه   بجروحه گلبه التهب

*-----------------------*------------------*

✍خادم زينب ع
الشاعر رعد الجريخي

((يمخوف العياله))


يـا عـبـاس يــمـخـوف الــعـيـالــه
بـعيـونـك اريـد اتـشـاهـد الـحـالـه

                                        *---------------*---------------*

راسـك بـالـرمـح والـكـل يـهـابونـه
ومـدنـگـه الـزلـم مـا صدّت عيونـه
لاچـن بـيـرغـك يـمـي ويـلـفّـونــه

هـزاه الـلـعـيـن ابـيـمـنـتـه وشـالـه

                                       *---------------*---------------*

خـويـه امـچـتـفـه والشام طـبـيـتـه
السـوگ الـيـوم والـديـوان طـريـتـه
مكسوره وجبــرنـي زودك ابصـيـتـه

عـدوانـك ابـد مـا نـكـرت افـعـالـه

                                        *---------------*---------------*

اشـلـون الـگـبــر حـالـيـلـك اتـرابــه
گلـتلـهـم اخـوي اطـلابـتـه اطـلابـه
اذآنـي حـچـيـهـم والـگـلـب صـابـه

كـلـمـات الـشـمـاتـه اسـهـام چـتـالـه

                                       *---------------*---------------*

اجـيـتـك اشتكي والروح ملچومـه
مهضومه ابغيابك حـيـل مهضومـه
عـبـاس اشعجب تـحـلالـك النومـه

اجـيـت ودمـعـتـي بـالـعيـن همّاله

                                        *---------------*---------------*

الـمـثـلـك اخـو مـا يـرحـم افـراگــه
فـارگـتـه ودمعتي ابـعيـني حـرّاگـه
مو حـلـوه بـدونـك صعـده الـنـاگـه

مـا صـدگ اخـوي الـنـوم يـحـلالـه

                                        *---------------*---------------*

صوبني الـدهـر ما رحمت اسهـامـه
اسـولـفـلـك اريــد الــشــام وآ لآمـه
مشتاكه واجيت ابـروح مـحـتـامـه

شيصبره الـچـثـيـره اجـروح دلالـه

                                        *---------------*---------------*

اخـبـرنـك يـخـويـه وتصعب اعـليـه
خلصت سـفـرتـي ورديـت مـسـبـيـه
اذكـرك والـدمـوع اتـسـيـل يـومـيــه

عـايـف مـحـمـلـي يالـچـنـت تـبـرالـه

                                        *---------------*---------------*

✍خادم فخر المخدرات
الشاعر رعـد الـجـريـخـي

ابوذيه بحق
فخر النصارى #ام_وهب


الـبـاري أبـحـكـمـــتـه وفــضــلـــه.. وهَـبـهـه
نَــسـمــة حُــب ابــــو الـــيـــمـــه.. وهَـبـهـه
حـــي الـلــه ام وهـــب وهـــبـــت.. وهَـبـهـه

وٱنـــطـــت لـلــســـبـــط دمـــــه هـــــديـــــه

                                    *---------------*---------------*

✍خادم الحسين (ع)
الشاعر رعد الجريخي

السيده زينب //ع اتخاطب ام البنين// ع


.   الله ايعين گـلـبـچ يـم الـبـنـيـن
    اخاف اعليچ من اشرح تموتين

                                      *---------------*---------------*

اجـيـتـچ بـالـدمـع يـا يـمــه والـلـوعـه
عفت حسين دامي مرضرضه اضلوعه
وابـو الكـلـفـات يمه اچفوفه مگطوعه
اسـهـام اعـداه كـلهـه بصدره مجموعه

           بچفوفه الماي أتعلك

                                      *---------------*---------------*

مــن جمرة عـذابـي بدمعتي اشكيلچ
وعـن الضـيـم كـلـه بـكـربله احچيلچ
هـد حـيـلـي المصاب وهم يهد حيلچ
ضـاع اربـاچ هـسـه وتـعـبـچ ابـلـيلـچ

        بالحومه اولادچ راحوا

                                        *---------------*---------------*

عفت اجساد اخوتي اموسده الغـبـره
ونـحـر حـسيـن طبروه اثنعش طبره
نوحـي ويـاي ولـدچ كـلـهـه مـتـوذره
أيـسـي الـيـوم مـاكـو ضـنـه يالـحـره

          رووهه الگاع ابدمهم

                                      *---------------*---------------*

راحوا كـل هـلـي وضليت مـچـتـوفـه
ومـرونـي الـعـده عـمـدا على الكـوفـه
عگب الحيد اخوي وطيحت اچفوفـه
اجـيـت انصب عزه وللموت ما عوفـه

          وي نوحي اتشارك نوحچ

                                   *---------------*---------------*

صـرت مـدنّـگـه راسـي الگبـل عـالـي
وآنـه الـچـان مـحـد يـنـظـر اخـيـالي
أخــذ مـنـي الـزمـان الـزيـن والغـالـي
يـم عـبـاس حــالــچ يـشـبـه لـحـالـي

            خلينه انوح اعليهم

                                     *---------------*---------------*

وسفه انـشـاف خـدري وهـذا تـالـيـه
ومـشـدوده بحبل ظـالـم يـجـر بـيــه
بـيـن الـجـيـش امشي بلوعـه مسبيه
ابـلا ولـيـان أجـيـتـچ تصعب الـجـيـه

          عافوني بحالي وراحوا

                                     *---------------*---------------*

✍بقلم خادم الحسين ع
الشاعر رعد الجريخي

ملاحظه المقاصير رباط هوسه

(عمت الساده)


صـعـدت فـوگ هَـزلـه عـمـت الـسـاده

                                        *---------------*---------------*

هــاي الـچـان عـبـاس الـيـبـاريـهـه
ضلـت بالـدمـوع وحـيـل مـابـيـهـه
اديهه امچتفـه والـشـمـر سـابـيـهـه

اسيـره مـچـتـفــه للحـره مـو عـاده

                                       *---------------*---------------*

مـالـومـه الـيـنـوح الـيـوم مـا لـومـه
زيـنـب يـاخـلـك بالضيـم مـهـضومـه
كـافلهه واخـوهـه امسلـبّـه اهـدومـه

طـلـعـوهـه سـبـيـه الـعـدو نـاده

                                        *---------------*---------------*

عـافـاهـه الكفـيـل وضـلـت بـحيـره
شـيـرده خـدرهـه وراح ابـو الـغـيـره
مـجـروحـه العقيله وشوفـهـه اديـره

اذاهـه الـظـعـن الـشـمـر مـن گـاده

                                        *---------------*---------------*

مـايـبـرد گـلبـهـه ويسـعـر ابـنوحـه
عـگـب حسـيـن والعباس مجروحه
مثلهم بـالحـزن يـاحيـف مـذبـوحـه

راح الـخـدر ذاك وراحـت امـجـاده

                                        *---------------*---------------*

كافلهه انـكـتـل والـرايـه مـلـفـوفـه
مـاترجع بـعـد الـجـربـه وچـفـوفـه
مشـاهـه الـوكـت مسبيـه لـلـكـوفـه

وعليهه الشـامـت بكلمات يـتـمـاده

                                        *---------------*---------------*

تـالي الشـيـب بالحسرات مـحـتـاره
لـلـمـوت و گـلـبـهـه مـاطـفـت نــاره
ويـمـهـه أتــذبحـوا حسيـن ونـصاره

ويـتمـرجـل  عـدوهـه ومـالـه رداده

                                        *---------------*---------------*

✍خـادم زيـنـب ع
الشاعر رعد الجريخي

قصيدة (#روجة #المشايه)


. انتباه     روجـه روجـه امـنـل بـحـر
  انتباه     اتـوجـهـت صــوب الـنـحـر

إلـهـه رفّـت رايـه  **  روجت الـمشـايـه

                                       *---------------*---------------*

الـزحـف مـليـونـي لـلـغـالـي ابـتـده
اربــعـيـن احـسـيــن ثــوره خـالـده
انـجـدده الــيــوم الــوفـاء انـجـدده

مانعوف     نـمـشـي لــو دربـه جمر
مانعوف     خـدمـه مـنـذور الـعـمـر

          الـجـحـافـل هـايـه

                                      *---------------*---------------*

هـايـه خـدام الحُـسيـن وشـيّـعــتـه
روجـت الـمـشـايـه گـصـدت قـبـتّـه
وعــد عـدهـه والـوعــد مـاعـافـتــه

للحبيب     اعـتـنـت كــل الـخــدم
للحبيب     تـهـتـف وراعي الـعَـلـم
           
              عـالـعـهـد وفّـايـه

                                       *---------------*---------------*

ياحسيـن الـصـوت هـالـيـوم اعـتـلـه
والـقـوافـل هــاي تـمـشـي الـكـربـلـه
يـا هـلـه الــخــدام تــهــتـف يـاهـلــه

الجميع     الــخـدم لـزمـت ســره
الجميع     فزعه شـيـعـة حـيـدره

           اعـتـنـتـلـه اعـنّـايـه

                                       *---------------*---------------*

عــهــد لـلـمـوت وتـوّقّـــع بـالـدمــه
اتـعـنـت الـعِـشّـاگ كـلـهـه امـحزمـه
رفّـت الــــرايــات بـعـيـون الـسـمــه

ياحسين     صرخه مـا تـبـرد أبـد
ياحسين     عـهـد منعوف الـعـهـد

            الـوعـود احـچـايـه

                                       *---------------*---------------*

✍خادم زوار الحسين ع
الشاعر رعد الجريخي

(بالأربعين)


  مـشـايـه عالـعـهـد   ***   مـشـايـه والـوعـد
        
         بـالأربـعـيـن    ***  بـالأربـعـيـن


                                  *---------------*---------------*

     مـلـتـقـانـه ابكـربـلـه مـابـيـهـه رجـعـه
      ماننصي الـصـوت والـعـالـم يـسـمـعـه
     الـعـقـيـده والـخـدامـه اتـريــد فَـزعـه

  فـزعـوهـه هالخدم    ***  وتـعـنـو عـالـجِـدم

                                  *---------------*---------------*

       احـنــه اصـحـاب الـمـبـادئ والـدرايـه
       نمشي ونواسي الـعـقيـلـه والـسـبـايـه
       هالدرب مـاشـيـن مـتـهـمنـه الـمـنـايـه

انواسي هـالـدرب  ***   لليمشن بالـغـرب

                                  *---------------*---------------*

      نعتني ولـلـمـوت منـعـوف الـعـقـيـده
      والموالـي ابـدمـعـتـه يـرفـع نـشـيـده
       مـايـهــم الـتـعـب ودرّوب الـبـعـيـده

    مـتهـمـه ياشمس   ***  وبـحـرهـه مايحّس

                                  *---------------*---------------*

       الاربـعـيـن احسين ما تطـفـه الـحـراره
       لـلـمـمـات اتـعـيـش بگـلـوب الـغـيّـاره
        الخـطوه والـدمـعـات للخادم تـجـاره

     لليمشي الـكـربلـه   ***   ودمـوعـه هاملـه

                                  *---------------*---------------*

       الـعـمـر لحسين نـگـضـيـه ابـخـدامـه
       يـا حلات الـخـادم الـشـايـل وسّـامـه
       اليعتنيله ابشوگه ويـتـرجـم هـيـامـه

  هـنيـالـه الينكتب  ***   والـخـادم ينحسب

                                  *---------------*---------------*

✍خادم زوار الحسين ع
الشاعر رعد الجريخي

(لسان حال اهل المواكب)
قصيدة(#هلا_بيكم)



هــــلا بـيـكـم زوار هـالـكــلــمــه يـا مـحـلاهــه
هــــلا بـيـكـم زوار نــخــدمــكــم ونــتــبــاهــه

                                 *---------------*---------------*

     هــلا مــن صــدر الـبـحـر حــد الـنـحـر
     انـتـم اطيور الـسـعـد واحـنـه الـشـجـر
     يـا هــلا ومـيّـت هــلا ابـتـاج الـفــخــر

خـدمـتـكـم اتشيل الـراس عونه العرف معناهه

                                 *---------------*---------------*

     بـكـل ســنــه انـحـيـكـم وألـكـم خَـدم
     ونـدعـي الـلـه ايـزيـدهـه هـاي الـنـعـم
     ابـگـد مـشـيـكـم بـالـدرب وبـكـل جـدم

هاي الخِدامه احلى أوسام فوگ الصدر شلناهه

                                 *---------------*---------------*

     عــهــد لـلـمـوت ويـظـل هــذا الـعــهــد
     اي وحــق كــرارهــه ولــيــث الــشــدد
     مـدد كـلـنــه انـصـيـح يـا حـيـدر مــدد

يـشـتـد عـزمـنـه ونـصـيـح الرايه لو شـفـنـاهـه

                                 *---------------*---------------*

     نـحـسـب ايـام ونــتــانـي بــهــالــدرب
     يـمـتـه يـا مـشــاي لـلـمــوكـب تـطـب
     هلا ابـشـوف اعـيـونّـه ونبض الـگـلـب

ثـابـت عـهـدنـه وللموت الـخـدمـه هـاي اوياهه

                                 *---------------*---------------*

     الـلــه لا يـحـرمـنـه مــن هــذا الـشـرف
     بيكـم الـخـادم عِـلـه وصـيـتـه انـعِـرف
     إلـكـم اصدور الـمـجـد وإلـنــه الـطـرف

الـكـلـمـه بـس ألـكـم هاي يهل المجد گـلـنـاهـه

                                *---------------*---------------*

✍خادم زوّار الحسين
الشاعر رعد الجريخي

ابوذيات


يـحـادي الـظـعـن ريــض.. ونـه بـيـنـه
سـبـايـه لـربـنـه نـشـكـي.. ولـنـبـيـنـــه
وبـعـد بـفـراگ اهـلـنـــــه.. ونـه بـيـنـه

نــريــد إنـّـوح بـــرض الــغــاضـــريـــه

                                     *---------------*---------------*


بـطـا جـــودك يـخـويـه الـحــرم.. بـتـنـاه
بـعـطـش وبـنـار لـيـل اهـدعـش.. بـتـنـاه
تــمــنـيـتــك تــجــي وتــشــوف.. بـتـنـاه

تـشـيّـب الــــــراس يـاحـالـــة رقـــيـــــــه            

                                         *---------------*---------------*

✍خادم الحسين ع
الشاعـر رعـد الجـريخـي

أجـينه مـن السبي انـجـر الجدم گوه
تـلـگـونــه يـهـلـنـه ابــداعــة الـخــوه

                                     *---------------*---------------*

رديــنــه حــرم والـبـيـن سـابـيـهـه
حـرايـركـم شـمـر والزجـر حاديـهـه
الظـعـينـه اتـسلـبت وتريد اهاليهـه

        نـزلـوهـه اضـعـون الـخِـدر

                                     *---------------*---------------*

مـلـيـّنـه الـبـواچـي ولـوعـة الـغـربـه
مـن الشـام نشكي ومـحنـتـه ودربـه
حـالـتـنـه أجـيـنـه مـؤلـمـه وصـعبـه

        للوالي الحـرمـه اتـسـولـف

                                     *---------------*---------------*

نـيـران الـحـزن والـلـوعـه حـراگــه
الوالي ابغـيـبـتـه مايـرحـم افـراگـه
فـارگـنـه الــدهـر ونـريــد نـتـلاگــه

       اشـتـاگيـنـه ألـكـم يالهيبه

                                     *---------------*---------------*

نسولف بالضعن والشام وجروحـه
المدامع والمناحه اليـوم مسموحه
روحـتـنـه بغرب يامصعب الروحه

       بجروحهـه الـشـام ايعلعـل

                                     *---------------*---------------*

طــرينـه الـبـراري وبـعـدت الـديـره
خلـصـنـه السبـي وجيناكـم بحيـره
لاويـن الـوجـه بـجـفـاكــم انـديـره

       مـدفـونـه الـغـيـره ويـاكـم

                                     *---------------*---------------*

يـاهـوه الـيـشـيـد لـلـحـرم خـيـمـه
عذبـنـه الـزمـان بمحنـتـه وضيـمـه
مـشونـه بـشـتـم وبظلمت الـهـيـمـه

       وَإذانـه بحـچـيّـه الـشـامـت

                                     *---------------*---------------*

✍ خادم الحسين ع
   الشاعر رعد الجريخي

(هظم السبي)


بـعـد هـظـم الـسـبـي رديـت بـحـزانـي
اصـيـحـن يـاابـوفــاضـل مـاتـلـگــانـي

****

اجـيـت الـكـربـلـه والـعـيـن سـجـابـه
يـدري الـكـافـلـي مـايـرحـم اغـيـابــه
بـلـكـن مـن اجيت اسـتـمـع لـجـوابـه

ولا چـنـه ابـوجـوده بـزود جـابـانـي

*

كـلـمـات الـجـرح للكافل احـچـيـهـه
مـوهـيـچـي گلتلـه الـخـوه تـالـيـهـه
تـعـرج نـاگـتـي والـشـمــر يـحـديـهـه

گـتـلـه يـا  كـفـيـلـي گـوم شـمـتـانـي

***

چـنـت مـخـدره والـگـمـر يحـمـيني
صـرت امـرمـره والـبـيـن وآ لـيـنـي
ردتـه بـجـيّتي يـگـعـد يـحـاچـينـي

حـيـف ألـي تـكـفـل وحدي عافانـي

*

دمـعـات الجـفـن بالعين مـسـفـوحـه
اعـاتـب والگـلب تـتـنازف اجـروحـه
يتسلـه بـحسـرتـه او ونـتـه ونـوحـه

لـلـشـام الـدهـر والـغـربــه ودانـي

*

هاي الـحـالـه ياعـبـاس تـرضـاهـه
يشتمني العـدو وبشتمي يـتـبـاهـه
إذانـي الـدهـر والـروح جـراحـاهـه

عـگـب هـاي المآسي البين رداني

*

اكـلـمـه والعيون ايسيل مـدمـعـهـه
اخـتـك لـلـوطـن يـاحـيـد رَجِـعـهـه
اصـيـح وصرخـتي ماچنه يسمعـه

صارت دمـعـتـي والـنـوح سلوانـي

*

اخـوي ومـا اصـدگ نـوم يـحـلالـه
كل ضـني يـگـوم ايشاهـد الـحـالـه
ايـتـلگـاني حسبته ويجمـع اعيالـه

بأصـعـب حـال مـن رديـت شافاني

***
 
  الشاعر رعد الجريخي

(اشيوخ العشاير) 


.  هـلـي اشـيـوخ الـعـشـايـر  -- وآنـه مـحـشـومـه

                           *---------------*---------------*

           شـافـتـنـي الـزلــم يـا وسـفـة الـوسـفـه
          طـبـيـت الـيـزيــد وبــيّــه يــتــشــفـــه
          اديـه امـجـرحـه وبـحـبـال مـتـچـتـفــه 
          تـمـنـيت الـكـفـيــل وصـارمـه ابـچـفـــه

          وابـوي الـمـرتـضى الـمـعـروف بـعـلومـه

                           *---------------*---------------*

          امـتـونـي بـالـسيـاط اتـحـولـت زرگــــه
          اطّـفـي بـالـعـبـايـه ابـجمــر مـحـتـرگــه
          مشـيت وعـن اخـوتـي طـالـت الـفـرگـه
          حـسـبـالـي الــكـفـيـل ايـگـوم يـتـلـگــه

          واثــار الـسـيــاط بـأيـدي مـرسـومــه

                           *---------------*---------------*

          ابـوي الـمـرتـضـى الـمـا خـيّـب ادخـيـلـه
          بـقـيـت مـحـيّـــره بـأيـتــــام والـعـيـلـــه
          مـاضلـي مـحـامـي واشـكـي واحـچـيـلـه
          افـر ابـمـعـصبـي وراح اعـگــد الـشـيـلــه

          واصـيحـن يـخـوتي شو طـالـت الـنـومـه

                           *---------------*---------------*

          الـتـنـجــر بـحـبــل يـا نـاس مـوش انـي
          عـمـت عـيـن الـزمـان الـغـيّـب اخـواني
          واشـاكـف بـالـسـيـاط ابـچـفـي خـلانـي
          اگـول اتـيـسـرت تـصـعـب على السانـي

          متني ايسيل جـرحـه وتـنـزف ادمـومـه

                           *---------------*---------------*

          تـنـشـدنـي الـشـمـاتـه وآنــه اكـلـلـهـه
          مـشّـونـي بضـعـيـنـه الـشـمـر كـافـلـه
          احــشّــم بـخـوتـي وتـراب چـفّــنـهــه
          اريـدن نـاگــتـي الــكــافــل يـنـزلـهــه

          رديـت بـحـسـرتـي وروحي ملچومـه

                           *---------------*---------------*

          آنـــه امــخــدرت عـبــــاس يـدرونــــي
          اجـيـتـه بالضـعـيـنـه وتـهـمـل عـيـونـي
          صديت اعـلـه گبره وخـابـت اضـنـونـي
          ألـمـن اشـتـكـي والــكـــوم هـضـمـونـي

          اضـل لـمـوتـتـي بـفـراگـه مـهـضومـه

                           *---------------*---------------*

          اسـولـف غـربـتـي لـمـن حـده الـحـادي
          أسلبـوا بـت عـلـي الـظـــالــم ايـنــادي
          حـرگـوا خـيـمــتـي والـنــار بــالــــوادي
          صـارت حـالـتـي چـن بـضـعـة الـهــادي

          ابـن امـي وكـفـيـلـي امـسلـبـه اهدومـه 

                           *---------------*---------------*

خادم السيده زينب) ع)
✍ الشاعر رعد الجريخي

.


.    عباس جبت العايّله      رديت خويه الكربله
     عباس جبت العايّله      رديت خويه الكربله

                              *---------------*---------------*

جيت اليـــوم   ريت ادكوم   خـويـه وتنظر لـحـالـي
شـاب الـراس   يا عـبـــاس   هـاي الـروس تـبـرالـي
عنـدي اعتاب   وي اجـنـاب   جيـت وانـت كـفـالــي

ويــاك چـنـت امـخَـدّره    وأدريـك سـبـع الگنطره

                              *---------------*---------------*

فـوگ النـوگ   عيب اتلـوگ   اخـتـك تـمشـي مسبيه
عكبك ليــش   بين الجيش   وادم تــنـظــر اعـلــيــه
زحمه وعيب   تالـي الشيب   يـلّــي اتـكـفـلـت بـيــه

للمـوت دمعات الـجـفـن    ويـاك خـلـيـنـي انـدفـن

                              *---------------*---------------* 

دم ابچيـت   يمك جيت   وانـتـه بـنـومـتـك غــافـي
گـوم ويـاي   يـا رجـواي   عــگـبـك ورّم اچــتــافــي
هـذا الصـار   بين النـــار   اركـض والـجـدم حــافــي

شـدگـول يـا وارث علي    رديـت وادموعي اتهلي

                              *---------------*---------------*
 
  مدري شلون   عنـدي عيون   ظلت والـنـظــر بيهـه
  كلهـه اتصيح   خــاف اطيح   حـرمه وين اهاليهـه
   تصعب هـاي   وي اعــــداي   كلمه ويمك احچيهه

عالنـوگ شافتني الـزلـم    والـحـيـل راح ومـنهـدم

                              *---------------*---------------*

دمعي السال   يحچي الحال   اگعد يا ضـوه عيوني
احچي وياك   نخوه انخالك   وانت الكافل اظعوني
كـلـي اجراح   جيـت ارتــاح   خويه بكلمه حاچوني

عباس شـنـهـي سكتتك    يا خوي احچي امروّتك

                              *---------------*---------------*

چـفـك ويـــن   وعــدك ديـن   يوفي الينطي الحچايه
خدري انشاف   جيـش آلاف   امـشـي ويمشي ويـايـه
عـوف الـنــوم   هسـه وگـوم   بـيـدك رفرف الــرايــــه

هالـيـوم جـيـتـك ياگمر    هالـيـوم هم عندك خبر

                              *---------------*---------------* 

العدهه أحيود   تمشي بـزود   وآنـه الوادم اتسبنـي
وي  ظــــــلام   لـرض الشام   دهري هـواي دولبني
شفت الويـــل   راح الحيـــل   بفراكك يخــال ابني

ياريت موتي بـمـوتـتـك    انـشـاف تقبل غـيـرتـك

                              *---------------*---------------* 

دربي ابعـيـد   وانت الحيد   صـيتـك واصـل السبعه
خدري بساع   راح اضـيـاع   وانـت بـزودك اتـرجعـه
اخـذ الــروح   وسفه تـروح   واختـك تبقه منفجعـه

يا خـوي يـحـزام الظهر    ظـلـيـت بأحـزان الدهر 

                              *---------------*---------------*

✍خادم زينب (ع)
الشاعر رعد الجريخي

(ضلت حاير)

بين الگمر وحسين    ضلت حايره
*  *  *  *  *

ما تدري وين تروح     ضلت حايره
ومگابله   المذبوح         ضلت حايره
دمع الجفن مسفوح     ضلت حايره

زينب غدرهه البين        ضلت حايره
*  *  *  *  *

تصرخ يبو النوماس    ضلت حايره
طاح الگمر  عباس        ضلت حايره
والعشره فوگ الراس   ضلت حايره

اتشاهد الچفين            ضلت حايره
*  *  *  *  *

يم راس اخوهه بهاي    ضلت حايره
تگله گوم وياي             ضلت حايره
صار الشمر حداي          ضلت حايره

المن تدير العين            ضلت حايره
*  *  *  *  *

بلا كفيل اليوم              ضلت حايره
شافت نحر ودموم       ضلت حايره
حرمه واجتهه الگوم     ضلت حايره

وتحوّطت صوبين        ضلت حايره
 
*  *  *  *  *

زينب تصيح بصوت       ضلت حايره
يحسيني وسفه تموت    ضلت حايره
ياهو اليحامي بيوت      ضلت حايره

وامكتّله   الطيبين          ضلت حايره  
*  *  *  *  *

غير الذبح شتشوف       ضلت حايره
خيّم عليهه الخوف        ضلت حايره
شافت علم وچفوف    ضلت حايره

راحو حمات الدين         ضلت حايره
*  *  *  *  *

هجمت ثمود وعاد        ضلت حايره
تهتف يبو السجاد         ضلت حايره
نصبت عزه واحداد       ضلت حايره

تنطي الوجه لاوين       ضلت حايره
*  *  *  *  *

اخوتهه  عالتربان          ضلت حايره
صارلهه دمهه چفان       ضلت حايره
حملت غصص واحزان      ضلت حايره

فوگ الترب عارين         ضلت حايره
 
*----------*-------*
✍خادم الحسين ع
الشاعر رعدالجريخي

ابوذيات لسان حال السيدة زينب (ع)

اشبقه يحسين مـن عـمـري.. سوه انه
وصـل هالخيل كـل جسمك.. سوه انه
تـمـنـيـت الـسـحـگ صـايــر.. سوه انه

ومـثـل جـسـمـك تـسـوي الخيل بـيـه

                   *---------------*---------------*

نـظـرهـن خـلّـص عيـونـي.. ورا كت
ومـصـابـك مـو دمع دمهن.. ورا كت
الـخـيـل الداست بـصـدرك.. ورا كت

امـنـهـدهـن والـمـنـام احـرم عـلـيـــه

                   *---------------*---------------*
✍ خادم الحسين ع
     الشاعر رعد الجريخي

(مولاتي زينب)

محتاره وين انطي الوجه   هجمت عَلّي خيّاله

                              *---------------*---------------*

مـن ظيمـي افزّع بالـگـمـر   هجمت عَلّي خيّاله
يـدرون اخيي اعله الـنـهـر   هجمت عَّلي خيّاله
حيلي انهدم گلبي انكـسـر   هجمت عَلّي خيّاله

جــار الــدهــر بــٱفــعــالــه   هجمت عَلّي خيّاله

                              *---------------*---------------*

حركوا عَلّي حتى الـخـيـم   هجمت عَلّي خيّاله
يـفـزع ردت راعـي الـعـلـم   هجمت عَلّي خيّاله
بـروحـي احـس نــار الألـم   هجمت عَلّي خيّاله

مــا تـنـوصـف هــالـحـالــه   هجمت عَلّي خيّاله

                              *---------------*---------------*

اركـض عـلـه الـنـار وجـمـر   هجمت عَلّي خيّاله
هذا الـجـره ابتالـي الـعـمـر   هجمت عَلّي خيّاله
عـگـب الگمر شفت الشـمـر   هجمت عَلّي خيّاله

صـــوت الـيـتـامـه اتـعـالـه   هجمت عَلّي خيّاله

                              *---------------*---------------*

الغوث اصـيـحـن يـا عـلـي   هجمت عَلّي خيّاله
الـمـوت اهـون اولا انـولـي   هجمت عَلّي خيّاله
اتمنيت اخو اليـنـهـض الي   هجمت عَلّي خيّاله

يــنــهــض يـلـم اعــيــالــه   هجمت عَلّي خيّاله

                              *---------------*---------------*

اشلون اوصل لحيد الحرب   هجمت عَلّي خيّاله
نار اشتعـل عـگـبـه الـگـلـب   هجمت عَلّي خيّاله
ما يرضه أظل بـين الـغـرب   هجمت عَلّي خيُاله

نـومــه اشـعـجـب يـحـلالـه   هجمت عَلّي خيّاله

                              *---------------*---------------*

✍خادم زينب ع
الشاعر رعد الجريخي

(درب السبي)

بـهـيـده يـالـتـحـدي الظعن   عباس ماويانه

                                *---------------*---------------*

تــدري ابـظـعـنـه لــوحــده   عباس ماويانه
الـكـاســر اخـشــوم الـعـده   عباس ماويانه
الـيــوم الـتـراب اتــوســده   عباس ماويانه

شـــوف الـحــرم حـيـرانــه   عباس ماويانه

                                *---------------*---------------*

بـالـحـومــه ضـلـت رايـتـه   عباس ماويانه
طاحت يـمـيـنـه ويـسـرتـه   عباس ماويانه
عالـنـهـر غـافـي ابـنـومـتـه   عباس ماويانه

الــيــوم الـگــمــر خـلانـه   عباس ماويانه

                                *---------------*---------------*

يـاهــو الـيـرفـرف بـالـلـوه   عباس ماويانه
خـلـيـنـه نـبـقــه بـنـيـنـوى   عباس ماويانه
عــلّــمـنـه مـشيـتـنـه سـوه   عباس ماويانه

مــا نـمـشـي وي عــدوانــه   عباس ماويانه

                                *---------------*---------------*

يـا حـيـف طـريـنـه الـفَـلـه   عباس ماويانه
راح الـيــنــگّــط مــرجـلــه   عباس ماويانه
مــا تـحلـه دونـه الـقـافـلـه   عباس ماويانه

فــرجــه الــدهــر ســوّانــه   عباس ماويانه

                                *---------------*---------------*

يـالـحـادي تـدري بـالـجــره   عباس ماويانه
هـــــاي الـحـرايـر حــايــره   عباس ماويانه
فـارگـنـه ســبـع الـگـنـطـره   عباس ماويانه

ظـل نــايــم ابــمــيــدانـــه   عباس ماويانه

                                *---------------*---------------*

الأرض ضــاگـت والـسـمـه   عباس ماويانه
غـاب الـتـكـفّــل بـالـحـمـه   عباس ماويانه
عالـهِـزل نـنـصـب مـأتــمـه   عباس ماويانه

لــديــرة غــرب مــســرانـه   عباس ماويانه

                                *---------------*---------------*

✍خادم زينب ع
الشاعر رعد الجريخي

.

آه يارقية


بـديـهـه ٱحــبـــال يــصــعــب عــلَــي.. حلهه
رقــــيــــــة ٱتـــعـــذبـــت مــــن دون.. حِلهه
فـــجـــئــه الــمــوت بــٱرض الــشــام.. حلهه

اعــلــه راس حــســيــن وافـتـهـه الـمـنــيـــه

                                    *---------------*---------------*

✍خادم رقيه  ((ع))
الشاعر رعد الجريخي

نعي مفجع
يازينب

انـحـب واهـل الـدمـع بـسـكـوت
بــيــن الــزلــم وبـنـص ألـبـيـوت
يحسين اخـيـتـك رادت اتـمـوت
تـالـي عمـرهـه المجلس اتـفـوت


زحـمـه وچبيره وعـيـب تـنـگـال
ام الـخـدر مـچـتـوفــه بـحـبــال
وكـلـهــه اتــفــرّج گــوم الانـذال
هـذا الـوضــع بالـشـام والـحــال


عـاده الـمـره بـالـخـدر تـنـصـان
مـوش أتـچـتّــف بــيـن عـدوان
حـگــي لـسـوي بـيـت الاحـزان
وانحب نحيب الـفاگـده اخوان

*------------------------*-------------------*
✍خادم السيده زينب ع
الشاعر رعد الجريخي