هيه يالي غرك الحسن واطغاك الجمال
والله ان أموت ماشوف لوصافك شبيه

لو يسام الحسن والتيه بجنيه وريال
مابقى في السوق غيرك ريال ولا جنيه

كيف اهدك للمقادير وانتي راس مال
راس مال ومال والمال ما يعطي السفيه

ألو لبيه يا أغلى من ذبحني قبل عام ألفين
ومتّ ولا حييت إلا على ذكره وطاريّه

أحبك وين ما سجّت عيوني في الزمان الزين
وسججني الزمان اللّي متاهاته خياليّه .

- ضيدان بن قضعان .

صوتك يثمر على صدري عناقيد وزهور .

احبه حب شايب لـ إبنه الي به لطيف وبار
يداري خاطره قبل الحزن بلدي مواريه

واحنّه من كلامٍ يوجعه من عاذلٍ ثرثار
دفعه الحقد واهدافاً مقاصدها دناويه

وعليه اغار من هبّ النسيم وليله الامطار
اليا ذعذع هواه البارد ولامس عراويه

عفيف ومخلصً له بالغلاا ماني له بوار
ولا قد بحت لاحد سره وبينت خافيّه

#سعيد الدفين

كم قلت لك يازين خل البعد منك والعناد
لكن بشوت البعد عندك للمفارق ضافيه

ماراح من حبي يعوضني به إله العباد
وماجاك منه ياغرامي جعل فيه العافيه

ياصاحبي تبقى الأماني قُر والواقع سواد
نعيش في ظف الأماني والحقيقه نافيه

اذا تبي لبّ الوكاد الي ماباح به الفؤاد
علماً يخلي هزل الافكار الحكى متعافيه

مشاعري لازالت لعدك ضوامي وراد
في حبك تحث الركايب ولخمالك رافيه
اخطيت وانت خطيت وش داعي الجفيا والبعاد
وحده بوحده ياحبيبي والخواطر صافيه

احبه واعرف إن سلطه الحب جباره
تجيه العرب صاحين وتروح منهبله

ابرجيه حتى يبلع الوادي اشجاره
وتسير الجبال وتشرق الشمس من قبله

وجودي لو اني بين يمناه ويساره
وجود بدويٍ حالو القوم دون ابله

على الوجه الأبيض والنقا لعنبو الباره
الا واهني من لف حبله على حبّله

ضعيف نفس تجيبه حاجه الدنيا
لانيب من طينه ولاهوب من طيني

اليا بغى له لزوم هان له نفسه
ويروغ لامن بغيته روغه حصيني

لو مابقى في البريه غيري وغيره
لاودي اجيه ولا ودي يجيني

من رفقه المصلحه لضحك والسجه
يغنيني الله ومن غيره يغنيني

لله ماأخذ وله ما اعطى وكل شي عنده بأجل مسمى
إنا لله وإنا إليه راجعون اللهم أغفر له وارحمه وثبته عند السؤال.

صدفه غريبه والحقيقه ماعلى الدنيا غريب
يازينها صدفه بلاا سابق وعد يازينها

الله صرفها لي مثل صرف العلاج من الطبيب
اثر الجروح تطيب لامن عولجت في حينها

لاطاب جرحي منه من غيره لعله م يطيب
يطعن وطعناته على شان الغلى راضينها

#ضيدان بن قضعان

كان في قلبه لقلبي محنّيه
يدري إن الحال عقبه ماهوب الي

وكان لي عنده علومٍ خصوصيه
احظنيها يالهبوب احتراماً لي

وارسليها عبر الأقمار سرّيه
هو طبيبي والرسايل علاجٍ لي

ولا يواخذني على قله الجّيه
ود عيني مير ماهو جايٍ لي

#عبدالله بن عون