بديت القصة تحت الشتي
بأول شتي حبو بعضن
وخلصت القصة بتاني شتي
تحت الشتي تركوا بعضن ❤️

المشاهد ستعاد..

والأدوار ستتبدل..

و كل ساقٍ سيسقى بما سقى..

تصبحوا على خير يا كل الخير..

عيلتي الصغيرة انشالله تكونوا بأقصى راحة بال♥️

بشوف كتير بوستات ع الفيس و من هي البوستات لفت انتباهي جملة و يلي هية:

"خبي مشاعرك ولا تصرفها ع شو ما كان"


جملة خالية من الأخطاء صراحةً ..
لان في اشخاص ما بتستاهل ربع هالمشاعر..
كم شخص منا صار اوعى وانضج وصار يعرف ايمت يستخدم مشاعرو و ايمت لا..

اي نوع من الشعور انا بشوف انو بياخد شي من حياتنا..

يمكن اغلبنا في اوقات ما منقدر نتحكم بمشاعرنا بشكل كامل بس كلنا منعرف انو منقدر نحط حدود..

الوقت مهم كتير ..
اتعلم كيف تهتم لوقتك وين بروح حتى تحقق عندك شي اسمو السلام النفسي🤍.

في ناس بتفكر الاحتفاظ بالمشاعر هو انانية بس لما توصل لهيك مرحلة رح تعرف انو هاد الشي بحققلك راحة بالك



رَاما.

بستغرب من المبدأ الموجود عند اغلبية العالم ويلي هو انو لازم ندعي بأوقات معينة لحتى يستحاب دعائنا!

هلء صح في احاديث و سير مذكور فيها ايمت محبب انو ندعي ..

بس انا بشوف انو اي حدا فينا مو ضروري ينطر الجو المناسب مثلاً لحتى يدعي..

بتقدر تمتم بالدعاء و الذكر بأي لحظة ووين ما كنت🤍.


مابتعرف ممكن بأي لحظة ربنا ناطرك لحتى ينور حياتك..

يمكن وانت ماشي بالطريق ربنا يفتحلك باب الهداية و الخير بدعوة انت دعيتها🤍


رَاما..

‏أنا لا أطلب منك علاقة حُب، لا أُريد أن نتشابك الأيدي أمام الناس، ولا أن نضع صورنا على الإنترنت، كل ما أُريده هو حديث معك غير مُنتهي، عن تلك الأغنية، عن ذلكَ الفيلم، عن أشياء قد نُحبها وأُخرى قد تُزعجنا، أن تكون موجود كما أنت في أيام ليس لديّ القدرة فيها على تقبُل أحد حتى نفسي.

انا و كل البنات ...

منحب المسج اخر الليل اللي منشوفوا قبل ما ننام

و منحب المسج اللي بالليل بعد ما ننام لنتصبح فيه

منحب الكلام الحلو الحقيقي و كلمة حلوة على صورة حطيناها واتساب مثلاً

منحب نشوف بوست حلو مقصودين فيه أو حالة تكون ألنا

منحب كلمة ديريلي بالگ ع حالگ و كيف قدمتي اليوم و اشتقتلگ

منحب ننهدى غنية حلوة

منحب التفاصيل الصغيرة

منحب لما تلبس الكنزة او القميص اللي منقول عليه مرة انو حلو بس لأن قلنا حلو

منحب هالشغلات الصغيرة اللي بتحسسنا ب شي حلو كتير و انتو قادرين ب بساطة تعملوها

#مسافة_أمانֆ

عطول منساعد لوجه الله..

لما نجي نساعد حدا لو بليرة بس في ناس بتقلنا هدول يلي عم يعملو حالن
شحا*دين معن مصاري اكتر مني و منك..


طيب ما فكرتو للحظة انو لحلو بالحياة اليوم ساعدت شخص غريب ..
بس بباقي الايام رح ينعاد الموقف ورب العالمين بساعدك بشي محتاجو و يرسلك شخص يساعدك بغير موقف لان كلشي دين بالحياة .


رمضان كريم♥️

ع مستوى شي خفيف..

بتقدر تشوف شو الشي التقيل يلي عم يتحضرلك تحت الطاولة..

لا تستهين بواحد فجأة بحب العزلة ومابعود برد ع حدا..
بكون مستمع بعزلة نفسو❤️

مسالخير ..

جاييتكن اليوم بسردة رح سميها "حواس الحب"


كتير في ناس بتعيش حياتا عم تدور ع السعادة..

و بصراحة صرت حس هاد الشي شوي مبالغ فيه..

لان هي الناس لما عم تركض لتشوف السعادة وين

يمكن من سرعتا تكون السعادة صارت وراها بدون ما تحس!

لا تكون اعمى و ضلك عم تركض ..

اخلق السعادة انت وخليك انسان رايق لابعد الحدود..

خلي مبدأك بالحياة هو الحب..

و مبدأك بالحياة هو البسمة لأي شخص تقابلو بيومك♥️


رَاما محفوظ

لما تسقي حالك ببسمة صغيرة رح تطلع شجرة مليانة حب..


شي بسيط كل يوم بخليني حس حالي نادرة..

و هالشي البسيط هو انو مرة من المرات ابتسمت لبنوتة صغيرة ووقتا صار بيناتنا حديث صغير بس من ورا بسمة !

من ورا بسمة قدرت ورجيها قدي هية حلوة..


هي البنوتة صارت كل ما تشوفني ع راس حارة بيتي تركض لعندي و ضمني بكل قوة..

انا افرح قدام كل هالناس هيك موقف عم يصير..

بعدا رفيقتا يلي معا كانت رجعت بس تشوفني كمان تركض و ضمني و تعطيني بوسة بريئة..


وهييك لحتى كبرت هالشجرة وصرت كل يوم بس انزل من باص الجامعة بعز تعبي لاقي. كوشة ولاد عم يركضو يضموني♥️


كل هاد من ورا بسمة لطيفة مني لشخص واحد خلتني شخص نادر بعيون كتير اطفال♥️

الحياة خلق فيها الحب ورح يضل فيها

كونو بخير♥️

في ناس لما الاشخاص يلي بحياتن يبالغو بحبن بطريقة بتعبر عن كيفية التملك..

هدول الناس بلاقو اي حجة لحتى يبتعدو عن هدول الاشخاص ..

مو كره فيهن لا ابداً بس هروب من الشعور بالتقييد و الحب بضل والوضع عادي ..


شوية حكي عني و عنك..

الاستغناء بخليك تصير حر..

و ازا بيوم من الايام قررت تصير انسان حر..

اتأكد انك ح تعيش مليون مرة♥️

رح يجي دورك ..

بقصص النجاح يلّي بتقراها وبتحسها بعيدة عن قصتك ..
بالحُب يلّي بتشوفه بالريلزات يلي بتطلعلك صدفة ..
بالحياة السعيدة يلّي بتشوف غيرك عايشها

رح يجي دورك مهما كان مبين الك بعيد هلق ..

اتطمن 🩷

يا طالعين عين للل الجبل
يا موللل الموقدين النار
بين للل يامان يامان
عين للل هنا يا روح …
هي الغنية الفلسطينية يلي سرقت قلوبنا
طيب حدا سأل عنها شو قصتها ؟!
لما المحتلين كانت تحبس شباب ورجال فلسطين
كانت تزورهون النساء الفلسطينيات وتغنيلون ياها وكانوا يكرروا حرف اللام لحتى ما ينفهم الكلام من قبل سلطات السجن ويصير مشفر بيناتون
بالحقيقة هي مو غنية
هي رسالة بالحرية رمز الوحدة والمقاومة
رسالة بتقول انو رح نحرركون الفدائيون قادمون صمدوا وقاوموا يا جبارين
الشعب الفلسطيني الجبار هويتوا وكيانوا وجسدوا وثقافتوا مقدسات صعبت على عقول المحتلين فوقعت عليهون تحت عقوبة الاحتلال فكل ما لا نستطيع فهمه مستفز …
عسا دعائنا يكون سلاح الحرية المنتظرة يا شعب الصمود💔

شو هية الحياة؟؟

عمالقة الفلاسفة حكو كتير عن معنى لحياة..
دوستويفسكي قال انها الجحيم..

ومنجي لسقراط قال انها الابتلاء..
و ارسطو انها العقل،نيتشه انها القوة..

وكتير وصفوها انو هية الموت والفن والحب والمعاناة والمنافسة و النهايات والايمان..

بالنسبة الي الحياة يمكن هية اغلى هدية بالنسبة الي..
او ممكن تكون الهدية الوحيدة يلي بحياتي!
بحبا متل ما هي قد ما قست عليّ و شردتني

وعملتلي مصايب بس بالنهاية من حقنا نعيش بسلام و ما نفكر كتير بالموضوع و حاولو كلكن تقدرو تحققو سلامكن الداخلي..

سردة بعنوان "الحياة هدية لا أملك سواها"


رَاما❤️