احد الاشخاص يلي بحياتي بس يصير معنا موقف منيح او شي بفرح بيبتسم بسمة هيك خفيفة مع عيون عم تلمع..

تلقائياً انا لقيت حالي اخدت هالشي منو وصرت ابتسم ع شي حلو بصير معي بنفس الطريقة..

وها الشي يعني "شكراً كتير" بس بطريقة الابتسامة والعيون🤍.

فعلاً بهي الدنيا كل حدا فينا عندو اسلوب برد فيه..
بشكل عام في ناس بتقدم شكر وناس عندا شي بس هية بتقدمو ..
والنوع التاني هو يلي بكون الو تأثير اكبر بالقلب..

اسلوب اللطافة والحكي الحلو بخليك تحس بقيمة الشي يلي عم يصير او الشي يلي عم تقدمو..

ولا ننسى انو بهي الدنيا في كتير ناس ناقصها تعامل حلو..

كونوا ناس خفيفة ظريفة ع القلب والها أثر حلو

وبحياتك اوعك تترك اثر بشع عند اي شخص حتى لو كان غريب عنك..
لان بيجي يوم و ح يمرشي يتذكرك فيه..
ف خليه يتذكرك بالمنيح ويضحك بس يتذكرك❤️

رَاما محفوظ.

انتهى رصيد المحاولة.

يرجى تعبئة رصيدك بالايجابية..

للسعي من جديد🙏🏻

﴿ انَّ اللَّهَ مَعَنا ﴾ .

يارب😭.

وإن ليسَ للإَنسانِ إلا ماسعى وإن سعيهُ سوف يُرَى 🤍

"سورة النجم"

(و إن ليسَ للإنسانِ إلا ما سعى)

و بتعني انو الإنسان ما بيحصل على شي بحياتو إلا بالتعب و بالجهد..
وبالتالي لازم يرضى بالنتيجة لو شو ما كانت..

(وإن سعيهُ سوف يُرَى)
دليل انو كل اعمال حدا فينا يلي بذل عليها مجهود خاص رح تظهر بالنهاية..
ان كانت منيحة او سيئة

"بمعنى آخر"

رح يتحاسب الإنسان على كلشي عملو بحياتو.

بالمجمل هي الآية بتورجينا قدي العمل والسعي مهم بحياة الإنسان
وبتخلينا نركز على انو نحن مسؤولين على عملنا ولازم نكون واعيين لعقوبة كلشي منعملو

لأنو ببساطة كلشي رح نكون عم نسعى الو رح يبان بالنهاية!

الحمدلله على كلشي🙏🏻.
كونوا من الصابرين..
وتصبحوا على خير🤍.

رَاما.

قناعتي بهي الدنيا وانا عمري22
انو انا حطيت نقطة ع السطر لكل شي..

الطاقة يلي عندي لعيلتي وبس وخصوصاً لبابا وماما..

وهاد آخر شي وصلتلو بحياتي بعدين بتجي دراستي و مستقبلي..

الحمدلله ع راحة البال❤️

المهم اخلص من كلشي و روح

لوين مابعرف!

حديث دار بيني وبين حدا من رفقاتي..

يمكن ع قد ما كان قاسي مستحيل اني انساه..


قالتلي صح يا راما انا بحب انو يكون عندي شريك حياة بس ما بتمنى يجيني ولاد كرمال ماانتقم من اهلي فيهن.



في اكتر من هيك امنية بتزعل 💔؟؟

حبتني على حالي..

عملت كلشي كرمالي❤️.

كلو الا كسران الخاطر💔🙏🏻.

يمكن هاد الشعور بالذات لا ينتسى ولا يغتفر 🧚🏻‍♂️.

‏﴿كُلُّ مَنْ عَلَيْهَا فَانٍ ﴾.

اجمل كلام بسمعو🥺
اليوم حكالي عابر سبيل يا بنتي مو كل من ضحك بوجهك يعني بحبك لتمساح بس بدو ينقض ع فريستو بصير يبكي ويتمسكن لحتى توثق لفريسة وتجي لعنو وبل اخر بينقض عليها يعني طيبة قلبك ح تجبلك وجع راس وقلب وكوني حذر من صديقك لنو هو الي ح يغدرك ام عدوك ف انت اخدي احتياطك منو مافي لا صديق ولا شي
بل مختصر وبعد تفكير بالكلام لقيت انو الك محب الك الف عدو ولازم تكون حذر ع اي شي بتحكيه او بتعملو 🥺💛
لهيك انتبهو ع اي كلمة او تصرف بتعملو✨️
يسعدلي مساكن
رفيدة ظاظا💛🌼

أنا حدا قد مابين انو قوية وما بأسر فيه شي ومتمسحة بس بتأثر بأي شي لو كلمة أو تصرف صغير شي بتأثر بمشاكل غيري ومصيبة غيري
وبعزها وبحبها ما بهون عليي شوف حدا بحبو زعلان أو متضايق أو مكتئب أو أي شي صاير معو بنكسر خاطري عليي بحاول بقوة جهدي أني رجعلو ضحتو واسندو ليرجع يوقف متل أول و وأحسن الشخص إلي بحبو مستعدة
أعطي عيوني لحتى شوف ضحكة ع وجهو هيك أهلي ربوني إلي بيوقف مع غيرو ومابتهون عليه مصيبتو ربنا بيعتلو ناس حنونة والدنيا كلها بتوقف جنبو بس يحتاجهن .🥺🪽

كونو دائما اصحاب لقلب لطيب والمعاملة الحسنة 💛

رفيدة ظاظا🤍🪽

سند..
كلمة جميلة..
السين السيف..
و النون النمر..
و الدال الدواء..


فكن السيف والنمر و الدواء لأجلك فقط لا تنتظر من أحد شيء على الاطلاق..🙏🏻

اليوم حابي احكي عن شي كتير مختلف عن شي يمكن محدا حكى عنو قبل هلق .
كتير منا عم يغلط ليقدر ياخد الشي الي خسرو ان كان اهتمام ولا حب ولا امان لشي الي اكتر حدا لازم يعطينا ياه هو اهلنا ، الحب والدفئ و الاهتمام و الحنان والامان لشي الي بخلينا نستغني عن الدنيا كلها وما يخلينا نفكر نغلط بس لما ما نلاقي هل اشياء رح ننجر ورا الغلط ونحنا مقتنعين مليون بالمية انو عم نغلط بس ساكتين بس لنو عم ناخد شوي حب او حنان ، وبس يكتشف اهلنا هل لغلط منا الي حياتو بتخلص ومن الي بينضرب وكتير اشياء ، هني ما شافو انو هني الي خلونا نوصل لهون لا شاف بس لغلط ف لهيك حابي انصح لمرة لأهل كنو حناين ع ولادكن ولا تبخلو بكلمة حلوة او شوي اهتمام لنو الي منشوفو منكن اكيد مارح نشوفو من غيركن وبس هيك 🪽😊

يسعدلي أوقاتكم🤍
رفيدة ظاظا🤍🪽

بحس الايام الصعبة قليل منا لحتى يعرف قيمتا
هي الكفيلة لحتى اي حدا فينا يكتشف حياتو عن طريقا ..
الاوقات الصعبة كتيررر كانت بحياتي بس هية يلي خلتني شيل الانسان النايم من حياتي
في مقولة كتير بحبها يلي هية
"كم من آلم عقبه خير"

الأيام يلي مرقت فيها وجهت حياتي لمسار انا ما كنت متوقعتو و هلء كتير فخورة بحالي

الانسان يلي حياتو صعبة احلى بكتير من الانسان يلي حياتو بسيطة..



راما محفوظ.

الصبر جميل❤️.

الشخص الوحيد الذي يجب ان تقارن نفسك فيه هو انت فقط❤️🙏🏻.