Grantlarni qayta taqsimlash tartibi haqida ayrim tushuntirishlar

Hukumatning tegishli qarori bilan (№149, 10.03.2025) Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi.

❓Nechanchi kurslarga taalluqli?

✅ JAVOB: ushbu tartibni qo’llash 2024/2025-o’quv yilida talaba bo’lganlardan boshlanadi. Boshqacha aytganda, hozirgi 1-kurslarga taalluqli. Ya’ni hozirgi 1-kurslar uchun yoz oyida grant o’rinlari qayta taqsimlanadi.

Hozirda ikkinchi va undan yuqori kursda o’qiyotgan talabalarda hech narsa o’zgarmaydi. Ya’ni hozir 2-kursda grantda o’qiyotgan talaba toki tugatgungacha grantda qoladi, o’zlashtirish ko’rsatkichidan qat’i nazar.

❓Magistrlarga taalluqlimi?

✅ JAVOB: ha, ushbu tartib magistrlarga ham taalluqli. Ya’ni 1-kursda o’qiyotgan magistrlarning grantlari yozda qayta taqsimlanadi.

Bunda, quyidagilarni inobatga olish zarur:

1) o’zlashtirish ko’rsatkichidan qat’i nazar, magistraturada tahsil olayotgan qizlar uchun davlat byudjetidan kontraktlarini to’lab berish davom etadi;

2) to’liq davlat grantidan iborat mutaxassisliklar uchun ushbu tartib qo’llanmaydi, chunki bundan ma’no yo’q;

3) o’qish muddati 1 yilni tashkil qiluvchi mutaxassisliklarda ham ushbu tartib qo’llanmaydi, bu ham mantiqan tushunarli.

❓Imtiyoz bilan grantga kirganlarga ham amal qiladimi?

✅ JAVOB: imtiyoz asosida davlat grantiga kirgan talabalarga ushbu tartib qo’llanmaydi, ya’ni ularga grant 4 yil muddatga beriladi. Bunda o’zlashtirish ko’rsatkichi ahamiyatga ega emas. Imtiyoz deganda, masalan, xalqaro olimpiada g’oliblari, turli davlat mukofoti sohiblari, organ xodimlarining farzandlari, nogironligi bor abituriyentlar, tavsiyanoma olgan xotin-qizlar va boshqalar nazarda tutilmoqda.

❓Maqsadli qabul bilan kirganlarga-chi?

✅ JAVOB: maqsadli qabulga kirganlar uchun ham, o’zlashtirish ko’rsatkichidan qat’i nazar, davlat granti 4 yilga beriladi. Yangi tartib ularga qo’llanmaydi.

❓Bir marta davlat grantidan mahrum bo’lgan talaba keyingi o’quv yilida yana grantga talabgor bo’la oladimi?

✅ JAVOB: Ha, talabgor bo’la oladi. Grant o’rinlari uchun tanlov har yili iyul-avgust oylarida yangidan o’tkaziladi. Bunda o’tgan yilgi tanlov natijalari hisobga olinmaydi. Barchasi yangidan boshlanadi. Joriy o’quv yili davomida GPA ko’rsatkichi 3,5 dan baland bo’lgan barcha talabalar grantga da’vo qila oladi.

Boshqacha aytganda, bir marta grantdan mahrum bo’lgan talaba kelasi yili yaxshi o’qisa, yana grant olishi mumkin.

Bola darsdan zavqlansa, oson oʼzlashtiradi

Bolalar hayotga ijobiy qaraganlarida, atrofga xursandchilik ulashganlarida va zavqlanganlarida fanlarni oson oʼrgana oladi.

Ustoz sifatida oʼqish va mehnat qilish bilan birga maqsadli eʼtiborni xursandchilik hissiga ham qaratishimiz zarur.

Bolalar dars payti nimadan zavqlanadil?

➖ Yutuq va muvaffaqiyatlarga erishganda:

Masalan, murakkab masalani yechganda yoki yangi bilimni tushunib olganda ular quvonadi.

➖ Interaktiv va qiziqarli uslubda o‘qitilganda:

O‘yinlar, tajribalar yoki guruh ishlari orqali o‘rganish jarayoni bolalar uchun maroqli va qiziqarli bo‘ladi.

➖ O‘zining fikri yoki javobi qadrlanganda:

O‘qituvchi ularning javoblarini maqtab, rag‘batlantirganda bolalar o‘ziga ishonch hosil qiladi va quvonadi.

➖ Do‘stlari bilan hamkorlikda:

Jamoaviy mashg‘ulotlar va guruh ishlarida do‘stona muhit quvonch bag‘ishlaydi.

➖ Tashabbus va ijodkorlikka imkon berilganda:

O‘z g‘oyalarini amalga oshirish yoki o‘zi yechim topish imkoniyati bolalarda zavq uyg‘otadi.

➖ Muallim bilan iliq va samimiy munosabat bo‘lsa:

O‘qituvchining mehribonligi va e’tibori bolalarda ishtiyoq uyg‘otib, darsni zavqli qiladi.

Yaxshi tashkil etilgan dars bolalar uchun nafaqat bilim olish, balki zavqli tajribaga ham aylanadi.

✍️ Muallif: Gulnoz Xodjayeva

Kanalga ulanish:👇
https://www.tg-me.com/trm_metodika