💔اريد ان اسامح ولكن لا انسى💔

قد نتعرض للأذى  من اشخاص بشكل او باخر

اوقات نتعامل  بتسامح و نغفر و نتعامل مثلما كنا

و اوقات  نتعامل بقسوة على نفسنا و نجبرها انها تتعامل مع الشخص و الالم يعصر قلوبنا

و اوقات لا نسامح و لا نتعامل و قد ننهى العلاقات

و اوقات نسامح لكن لا  ننسى و نعذب نفسنا اننا نستطيع النسيان

الالم نسيي اكيد

الالم مختلف من شخص لشخص
الالم طبيعه انسانيه و نحن لسنا ملائكه

لكن عندما هذا السؤال يستحضرنى 
الفرق بين اسم الله الغفور و اسم الله العفو 

أن الفرق بين المغفرة والعفو : أن المغفرة : ﺃﻥ ﻳُﺴﺎﻣِﺤﻚ ﺍﻟﻠّﻪ ﻋﻠﻰ ﺍﻟﺬَﻧﺐ وﻟﻜﻨﻪُ ﺳَﻴﺒﻘﻰ ﻣُﺴﺠﻼ‌ ﻓِﻲ ﺻَﺤِﻴﻔَﺘﻚ
. أما ﺍﻟﻌَﻔﻮ : ﻓَﻬﻮ ﻣُﺴﺎﻣَﺤﺘﻚ ﻋَﻠﻰ ﺍﻟﺬَﻧﺐ ، ﻣَﻊ ﻣَﺤﻮِﻩ ﻣِﻦ ﺍﻟصحيفة ، وﻛﺄﻧَﻪ ﻟﻢ ﻳﻜﻦ

ولله المثل الاعلى

نحن ايضا منا من يعفو  و يمحو من عنده ذنب الناس

و منا من يغفر لكن لا ينسى ما حدث من الناس

لكن الله سبحانه و تعالى لا يعامل الناس  بعد الغفران او العفو على ذنبهم

لذلك نتعلم من اسماء الله

ان  نتعامل مع الناس  دون تذكريهم انهم فعلوا و فعلوا.....

و نأخذ عبره مما حدث لكى  نتعامل مع البشر
و نصلح من نفسنا
و لكى لا يحدث ما حدث مرة اخرى

ليس مهم تنسى ما حدث
لكن مهم  تمحى الالم النفسى مما حدث لك من الناس

لان هذا هو الصفح الجميل الذى نريد ان نصل له جميعا

#ريهام_محمود
#مستشاره_علاقات_زوجيه_وتربويه
✅✅✅✅✅✅✅
فضلا  تابعوا و انشروا   قناه ريهام محمود في واتساب:

قناه تنميه ذاتيه بمفاهيم اسلاميه
https://whatsapp.com/channel/0029Va96g7uHQbS9FcDNtD1o

لحظات فارقه

فى لحظات بتمر علينا نكتشف أننا اتغيرت جوانا مفاهيم كان عمرنا ما نفكر انها ممكن تتغير
مفاهيم و ثوابت كان مفروغ منها اننا كده
اننا مش بتكدب ابدا اونتعالى على حد ابدا
او حب اهلنا يتغير جوانا ابدا

لكن بنتغير واحده واحده بنتغير
و نبدا يكون عندنا مفاهيم جديده لدرجه اننا بندافع عن تغيرنا ده

لكن فى لحظه صدق مع النفس و مراجعه ليها

نحس بالتغيير ده
نحس اننا مقصرين
نحس اننا مذنبين

امسك في اللحظه دى و مش تعديها
استغفر و راجع نفسك
صالح الناس إللى غلطت فيهم
توب و ارجع لثوابتك

طول ما انت عايش فيه تغيير في حياتك
طول ما انت عايش بتتعلم

كلنا بنغلط لكن المهم اننا مش نكمل حياتنا على الغلط

صباحكم فل وياسمين

#ريهام_محمود

#لا تدفن_رأسك_في_الرمال مثل_النعام
مقولة نسمعها جميعاً حينما يتخذ أحدهم قراراً بالهروب من مشاكله أو الخوف منها.

والحقيقة أن التشبيه غير صحيح،

إذن لماذا تدنس النعامة رأسها في الرمال ؟

يظن البعض منا خطأ أن طائر النعامة يدس رأسه في رمال الصحراء هرباً من ملاحقة الحيوانات المفترسة ..

إلا أن النعامة تستطيع الدفاع عن نفسها فى مواجهة تلك الأخطار أو الهرب منها والجرى بأقصى سرعة عند كثرة عدد الأعداء..

لكنها تخشى الخطر على صغارها أو بيضها الذى تضعه وتنام عليه حتى يفقس.
فتدس رأسها في الرمال بين الحين والآخر من أجل التنصت على الذبذبات التي ينتشر صداها في الأرض من مسافات بعيدة لوقع خطوات الحيوانات الخطرة..

وهو مما أعطاها الله من القدرة على إستشعار الذبذبات الإهتزازية، وتميز أيضاً الإتجاه الذي تأتي من ناحيته تلك الأصوات، فتكون حافزا للهروب في الإتجاه الذي يضمن سلامتها وأمنها،
{قَالَ فَمَنْ رَبُّكُمَا يَا مُوسَىٰ قَالَ رَبُّنَا الَّذِي أَعْطَىٰ كُلَّ شَيْءٍ خَلْقَهُ ثُمَّ هَدَى}ٰ [طه: 49،50]
فسبحان #الله الذي أعطى كل شيء خلقه ثم هدى.

#مختارات_الشارع_العربي

🎁💎قرار 🎁💎

كتير بنقرر اننا نبدا من جديد لكن الخوف من المجهول و اننا داخلين على حاجه مش عارفينها بيكون السبب الاساسى اننا مش نكمل مشروع التغيير و نلف و نرجع تانى لنقطه انا عايش و خلاص قرار التغيير مش سهل و ساعات بنكون ف وضع اننا لازم ناخد القرار ده

طيب نعمل ايه

التغيير مشروع خلينا متفقين على كده
و المشروع الناجح لازم يكون له دراسه جدوى زى ما علمونا فى المدارس
يعنى ايه دراسة جدوى
يعنى حتجدى ايه من المشروع ببساطه

ايه العائد
و ايه التكاليف
و ازاى اعمل المشروع

ايه التكاليف يعنى عايزة اخس مثلا
يبقى مش حاكل🫣
مش حشرب مانجه 😭
حعمل تمارين

ازاى اخس
انى فعلا مش حاكل و احسن حاجه انى اصلا مش اشترى الاكل ما هو مش تعذيب يعنى
اروح الجيم و اقبل الكوتش القمر اللى نفسي اكون رشيقه و حيويه زيها و اعمل التمارين مش اخد ميعاد و اقول لما اجيب الترنج بتاع برشلونه

انى اصبر ع نفسي ماهو مش معقول اتخن ف سنه و اخس ف يوم و نص ساعه

انى اتابع و اجيب ميزان و اوزن مش لازم 17 مرة فى اليوم لكن 3 كفايه

علشان اوصل للجدوى

انى يكون عندى صحه و ركبي تشيلنى و ظهرى يتفرد و وجع العضم يقل حبه

ياله من انجاز

لو عايز اى حاجه تعملها لازم تحط خطه

خطه حربيه
خطه خمسيه

انت و ذوقك

بس تعمل و تنفذ

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

✅✅✅✅✅✅✅
فضلا تابعوا و انشروا قناه ريهام محمود في واتساب:

قناه تنميه ذاتيه بمفاهيم اسلاميه
https://whatsapp.com/channel/0029Va96g7uHQbS9FcDNtD1o

فى مجتمعنا

اب يقلل من شأن ابنه
ام تجعل من ايتها اضحوكه
اب يحرج ابنه بالمقارنه مع اخيه
ام تسخر من شكل شعر بنتها امام اختها
لكن

و الابن او البنت اما يبكوا
او يصدقوا ما يقولوا ابائهم
او يتركوهم و يكونوا منطوين
او يبدؤا فى الاستهزاء بأنفسهم ليجاروهم

كثير ياخذ الامور انها مضحكه
كثير يقول انما انا اضحك معك
كثير يقول انا اقارن لاحفزه

انا ارى الامر بطريقه اخرى

ارى اب و ام بيقللوا من ابنهم فى اختياراته
ارى اب و ام يهزؤا من ابنهم و عاملينه اضحوكه
ارى ابن مستسلم للاستهزاء و اصبح يستهزئ بنفسه

و بالوقت يصبح يستهزأ بابوه و امه لان هذا رد فعل طبيعى و يصبح فى طبعه

رايت مستقبل الولد

رايت ابن سيكون متقبل انه انسان مهزأ و متقبل ان الناس تستهزأ يه لان اقرب الناس له يروه كذلك

رايت رجل زوجته تستهزأ به و يقبل
رايت موظف قابل الظلم و صامت
رايت رجل ولاده قد يضربوه و يقبل

احترموا ولادكم لانهم يستحقوا انهم يكونوا محترمين

ابنك جزء منك كيف تقبل انك تقلل من نفسك و منه

ابنك عندما تربيه انه له كرامه سيحافظ عليها و عليك
و عندما تربيه انه مهزأ سيكون كذلك فى كل مكان

هو الان يقبل منك كل هذا لأنه مضطر
لكن عندما يستطيع ان يدافع عن نفسه ستكون انت من يخسر في الآخير

و ثم يقولوا العيال ليس لها شخصيه
ان كنت انت قتلت شخصيته
فمن تريد ان يحييها

#أبنى_إبنى
#ريهام_محمود
#مستشاره_علاقات_زوجيه_وتربويه

عزيزتي الواعية لمن تسعى الى تطوير نفسها قلبا وقالبا انصحك ب كوروس ابني ثقتك وابدأي من جديد رائع تابعي الفيديو لمعرفة التفاصيل 👍👑

💌سلسله يارب تموت(١)💌

كلمه يا رب تموت نسمعها فى كلام ناس كتير سواء صرحوا او كانت فى ملامحهم من شخص معين

نسمعها
من زوج لزوجته
من زوجه لزوجها
من ام لابنها
من ابن لامه

السبب فى قول الكلمه دى ان الشخص بيكون فاكر ان من يدعى عليه هذا هو العقبه فى طريق حريته انه بيمنعه من الاستمتاع بحياته و علشان مش يخسر كتير فهو يري ان موته هو الحل الأمثل علشان يحصل على حريته

حريته اللى حابسها الطرف الاخر ده و اللى خانقه و اللى لو اختفى من الحياه حتكون الحياه احلى و زى العسل

حريته اللى بعدها ممكن يختار ناس جديده و المرة دى حيكون اختياره صح و يعيش بقى
يتبع

#ريهام_محمود
#مستشاره_علاقات_زوجيه_وتربويه

💕كلماتى بكل الحب  كتبتها فضلا لا تمحى اسمى عند النقل 💕

💌سلسله يارب تموت(٢)💌

اتكلمنا الحلقه السابقه عن احساس و اسباب ان الشخص لما يدعى على حد انه يموت

و نشوف مع بعض تفكيره بعد فقد اللى منغص عليه حياته حيكون ايه

🙈اما تفكير الزوج

لما تموت الزوجه يرتاح من اللى طلباتها لا تنتهى و من الزن و قرف العيشه مع واحده نكديه اللى كل شويه بتقول رايح فين و جى منين و اللى مش بتهتم الا بالعيال و الاكل و الشرب اللى مش بتفهم ف حاجه الا الطبيخ و الشكوى
حيتزوج الاجمل و اللى تريحه و تشوف طلباته و تكون حاجه كده ميكس من هيفا و نانسي ع شاكيرا

لكن لو طلقها حيدفع نفقه و العيال يتشردوا و يمكن تاخد الشقه و تطلع عينه اكتر ما هى مطلعاها

🙈 اما تفكير الزوجه

لما يموت زوجها حتعرف تدخل و تخرج من غير خنقه و يمكن تاخد فلوس من موته و المجتمع كله حيكون مساند لها لانها حتكون ارمله مسكينه مش مطلقه موصومه و يمكن تتجوز واحد يريحها و يسعدها و يفهمها اكتر من الراجل اللى معاها اللى معذبها فى حياتها تتزوج واحد يقول لها كلام حلو و يدلعها و يجيب لها هدايا و يهتم بيها يطبطب لما تبقي زعلانه يتحملها فى تعبها و يسمعها فى شكوتها

يتبع باذن الله

#مستشاره_علاقات_زوجيه_وتربويه
💍💍ا / ريهام محمود 💍💍

💌سلسله يارب تموت(٣)💌

🙈تفكير احد الابوين فى موت احد الابناء

طبعا ده من اصعب التصورات اللى ممكن تتصورها ان اب او ام ممكن فعلا يدعى ع ابنه او يتمنى موته بس الحاله دى حاله المثل المصرى ادعى على ابنى و اكره اللى يقول امين

تفكير الاب و الام هنا
ييكون انا ضحيت بكل حاجه فى الدنيا علشان خاطرك و انت مش تستاهل
انت خيبت ظنى و املى فيك و انت فاشل بتحسسنى بالفشل
انت مش عارف تحقق حلمى اللى حلمته و اللى مش عرفت احققه و كنت اخر امل ليا و احبطنى بفشل
انت السبب فى تحملى لشريك حياتى و التعاسه اللى انا فيها
انت ابن اللى عذبنى ف حياتى و انتقاما منه بدعى عليك

لكن الحقيقه الحاله دى هى الوحيده اللى عمر الاب او الام يقولوا فيها لو مت ممكن يجي لي ابن تانى يحقق لى اللى انت مش عرفت تحققه

لانه ببساطه ابنهم و ان كان فيه حالات فعلا يتمنى الاب القاسى موت ابنه لكن احنا هنا بنتكلم عن الناس الطبيعية الاسوياء مش الناس القاسيه لدرجه تمنى الموت بالفعل لاولادها


#يتبع

#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕

💌سلسله يارب تموت(٤)💌

🙈تفكير الاولاد فى موت ابائهم

الموضوع هنا حينقسم قسمين قسم الطفوله و ده صعب جدا تفكير الطفل السوى فى تمنى موت احد الوالدين لانهم بالنسبه له الامان في الحياه لكن اكيد يفكر انه لو بابا مات او ماما ماتت يحصلى ايه و يخاف عليهم

اما مرحله المراهقه و الشباب الفترة دى لانها فترة تقلبات فى الهرمونات ومحاوله فرض الشخصيه يفكر هنا انه بموت الاب او الام القاسين عليه ممكن يحصل على حريته و يخلص من الاهانه و المن عليه بالفلوس و التخلص من السخريه من افكاره و شكله و كلامه و انه فاشل و انه عديم الفايده
حيخلص من الفكر القديم و من التخلف و الغباء فى معاملته على انه طفل لا يفهم شئ

و يعيش بعد كده فى عدم تضيق او نكد كل شويه و التحقيق لليومى رحت فين و صرفت ايه و بتكلم مين و مش تكلم ده وووو
يخلص من الخنقه دى كلها و يعيش حريته

يجى بعد كده التفكير لما يستقل الابن عن الاهل و يكبروا و يكونوا عبيء عليه فى خدمتهم و كبرهم و يمكن يفكر انه احسن بضع اهله فى دار المسنين و كفايه عليهم كده الحياه و الموت ارحم لهم و المصاريف اللى بيصرفها عليهم بيته و اولاده اولى بيهم و يمكن لو ماتوا يورث و يكون معاه قرشين يتمتع بقى و يعيش

🙈 اخر الكلام فى التفكير فى اى انه يموت ان الانسان يتخلص من هذا الشخص سواء كان بعيد او قريب علشان يعرف يعيش حياته بحريه على حسب تفكيره

الحلقات القادمه حنتكلم عن شى مهم لو فعلا الناس اللى بندعى عليهم ماتوا ازاى حتكون حياتنا

#يتبع

#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕

💌سلسله يارب تموت(٥)💌

احنا حنفتراض ان ربنا استجاب دعوتك و اللى بتمنى يموت مات بالفعل فجاءه ازاى حتكون حياتك

🙈زوج فقد زوجته
اصبح بلا زوجه بلا ام لأولاده
اصبح بلا احد يطهو طعامه
اصبح بلا احد يشكو له همه
اصبح بلا سكن و موده و رحمه
اصبح ببيت من جدران ليس به سكان
انهار عمود البيت

هناك رجل ماتت زوجته و عنده اربع اطفال فأتى بعامله لتقوم باعمال الاولاد قالت له
٤٠٠ ريال لرعاية الاطفال
٤٠٠ ريال لتنظيف المنزل
٤٠٠ ريال لمذاكره الاولاد
و لها مواعيد رسميه ليس بعد السابعه

هذا غير كسوتها و أجازاتها و مكافآت في الأعياد و غير مسؤله ان مرض احد الاطفال او المشاوير للاطباء

هذا كله و ليست بديله للزوجه و الام و الصاحبه فى الدنيا و السكن و الموده و الرحمه به و باهله و باولاده

هل فكر هذا الرجل ان معه سيده
صحيح ليست كهيفاء و نانسي لكنها مع كل تعبها و ارهاقها مع اولادها و بيتها و محاوله اسعاده بالطعام الطيب و نظافه بيتها تتودد اليه و تحاول ارضاءه كزوج
و مع العلم انها لو كانت سيده المدلل فانها ستكون افضل من افضل ما ترى عينيك و تسمع اذنيك من نساء لكنها صابره راضيه مقدرة امكانياتك

و كل هذا لا يراه انما يريد استبدالها لانه يري هى مقصره فقط
يركز فقط على النواقص
يركز فقط على العيوب
يركز خارج البيت و لا يلبي طلبات الزوجه من حنان و رعايه و عنايه

رجل الرجال فى قضاء حاجات الاخرين و ان طلبت الزوجه شى فهى زنانه

يقول لكل الناس عيوب زوجته و قد يصارحها فى المشاجرات لكن لا يجلس يهدوء و يحاول حل المشكله معها و يسعى بالتفاهم والحب ان يصلح ما يراه عيبا

واخيرا أخى الزوج تصور حياتك بدون زوجتك و كيف ستكون عسى ان ترى الجميل في حياتكم و تكون بدايه جميله لحياه سعيده

#يتبع

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍