[ هەڵەی یەکتری داپۆشن، بڵاوی مەکەوە ]

پێغەمبەری خوا ﷺ دەفەرمووێت : «لا يستُر عبدٌ عبدًا في الدنيا إلا ستره الله يوم القيامة».

واتە : هیچ بەندەیەک نیە کە تاوان و هەڵەی بەندەکەی تر داپۆشێت لەدونیا ئیللا پەروەردگار تاوان و هەڵەی لەقیامەت دادەپۆشێت.

[ رواه مسلم : ٢٥٩٠ ].

لەژێر ڕۆشنایی ئەم فەرموودەیە لەم سەردەمەدا جۆرەها ڕێگا هەیە بۆ ئاشکراکردنی • تاوان و هەڵەی • یەکتری بەئیزنی خوا هەندێک لەو خاڵانە باس ئەکەم تاوەکو ببێتە هۆکاری داپۆشینی • تاوان و هەڵەی • یەکتری.

هەندێک لەو ڕێگایانەی دەبنە هۆی ئاشکرا کردنی • تاوان و هەڵەی • یەکتری ئەمانەن :

١-باس کردنی لەناو کەناڵەکان بەوەی کە بڵێی کەسانێک هەن فڵانە تاوان دەکەن، ئەمە یەکێکە لەدانەپۆشینی • تاوان و هەڵەی • یەکتری، بەڵام ئەگەر بەشێوازێکی تر باسی ئەم هەڵەیە بکەیت بۆ نمونە بڵێی : «حوکمی فڵانە تاوان حەڕامە»، بەم شێوازە نابێتە باس کردنی • تاوان و هەڵەی • یەکتری.

٢-باس کردنی لەچاتی نێوان دوو کەس کە ئەم خاڵە زۆر زۆر بڵاوە لەئێستادا دوو کەس بەیەکەوە باسی • تاوان و هەڵەی • کەسێکی تر دەکەن پەنا بەخوای گەورە.

٣-ئاماژە پێکردنی • تاوان و هەڵەی • کەسانێک کە بەگومانی خۆی کردویانە بەڵام لەڕاستیدا ئەم کارە نەکراوە دێت لەکەناڵ و پۆست ئاماژە بەم خاڵە دەدات بەناوی ئەوەی کە کەسانێک هەبوون فڵانە تاوانیان کردووە ئەمەش دووبارە یەکێکە لەباس کردنی خەڵکی تۆ ئەگەر دەتەوێت ئامۆژگاری بکەیت بڕۆ بەتەنیا قسەی لەگەڵ بکە و بەبەڵگەی قورئان و فەرموودە بۆی ڕوون بکەرەوە.

٤-سکرین چاتی کەسانێک کە • هەڵەیان • کردووە لەژێر ناونیشانی • جەهلی ئەم کەسانە • کە بەڕاستی ئەمە ترسناکترین خاڵە تۆ بێیت ئابڕوی کەسێک ببەیت بەوەی • سکرینی چات و کۆمێنتەکەی • بڵاو بکەیتەوە سوێند بەخوای گەورە ئەم کارە لەشەرعدا جێگای نابێتەوە تۆ دەستی بگرە و ئامۆژگاری بکە نەک بێیت بەبیانوی ئەوەی کە خەڵک ئاگاداری ئەم کارە بن بێیت ئابڕوی ئەم بەندەیە ببەیت، بەجوانی لەکەناڵەکەت ئاماژە بەو تاوانە بکە بڵێ : «تاوانێک هەیە کە خەڵک لێی بێ ئاگان» بەجوانی ڕوونی بکەرەوە ئینجا حوکمەکەی باس بکە بەم شێوەیە خەڵکیش لێت قبوڵ دەکات و جێ بە جێی ئەکەن، بەم شێوازە خەڵک دوو بەیانی دەتوانێت باسی • کێشە و هەڵە و تاوانی • خۆی بکات لات تا یارمەتی بدەیت.

چـۆن یارمەتی کەسێک بدەین کە کاتێک • تاوان و هەڵەیەک • دەکات ؟

کۆمەڵە ڕێگایەکی گرینگ هەیە دەبێتە هۆکاری یارمەتی و داپۆشینی کەسانێک کە • تاوان و هەڵە • دەکەن لەوانە :

١-باس کردنی تاوانەکان بەشێوازێکی گشتی؛ وەک بڵێی : «زینا کردن یەکێکە لەتاوانە گەورەکان».

٢-بیر هێنانەوەی خەڵک بەسزای دۆزەخ و ترسناکیەکەی.

٣-بەتەنیا باس کردنی • تاوان و هەڵەی • ئەو کەسەی کە تێی کەوتوە، یارمەتی بدەیت و دڵنەوایی بکەیت نەک بڵاوی بکەیتەوە.

٤-باس نەکردنی بەهیچ شێوەیەک لە هیچ شوێنێک و لای هیچ کەسێک.

٥-چۆن بۆ خۆت پێت خۆشە • تاوان و هەڵەکانت • داپۆشن بەهەمان شێوە پێت خۆش بێت کە • تاوان و هەڵەی • کەسانی تر داپۆشرێت.

٦-هەست کردن بەترسناکی دانەپۆشینی • تاوان و هەڵەی • یەکتری.

٧-دوعای خێر کردن بۆیان نەک بڵاو کردنەوەیان.

تێبینی : دەبێت هەر هەموومان دوو خاڵی زۆر گرینگ ڕەچاو بکەین :

١-ئێمە مرۆڤین کە مرۆڤیش بین شایەن • بەتاوان و هەڵەین • هەر وەکو لەفەرموودەی صحیح هاتووە.

٢-هەر کاتێک هەڵەیەکیان بەشێوازێکی جوان و شەرعی نیشان داین پێویستە کە بەسینگێکی فراوانەوە قبوڵی بکەین.

خوای گەورە لەهەموومان خۆش بێت.

💎 پـێـشـیـن | Peshin