Renessans ta’lim universitetida Xitoyning yetakchi tashkilotlari bilan muzokaralar bo‘lib o‘tdi

Renessans ta’lim universitetida Xitoyning Xanchjou Volin Axborot Texnologiyalari Kompaniyasi direktori Zhu Jinhua hamda Zhejiang Yuexiu Xorijiy tillar instituti Axborot Fakulteti dekani Wu Yueqi ishtirokida uchrashuv o‘tkazildi.

Tashrif davomida Zhejiang Pochta va telekommunikatsiya kasb-hunar kolleji va Renessans ta’lim universiteti o‘rtasida hamkorlik yuzasidan muzokara olib borildi.

Mehmonlar universitetda olib borilayotgan o‘quv jarayoni, talabalarga yaratilgan shart-sharoitlar va zamonaviy infratuzilma bilan yaqindan tanishdi.

Shuningdek, Xitoyning ilg‘or kompaniyalarida 40 nafar talabani 15 kunlik amaliyot dasturiga yuborish borasida kelishuvga erishildi.

Tomonlar qo‘shma ta’lim dasturlarini yo‘lga qo‘yish, talabalar uchun qisqa muddatli o‘quv va amaliyot loyihalarini tashkil etish bo‘yicha fikr almashdilar.

Rejalashtirilayotgan loyiha 2025-yil dekabr oyidan amalga oshirilishi ko‘zda tutilgan.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Renessans ta’lim universiteti talabalari qatag‘on qurbonlarini xotirladi

Bir guruh talabalarimiz Toshkent shahridagi Shahidlar xotirasi xiyoboniga tashrif buyurib, qatag‘on yillarida qurbon bo‘lgan yurtdoshlarimiz xotirasiga hurmat bajo keltirdi.

Shuningdek, talabalar Qatag‘on qurbonlari xotirasi davlat muzeyiga ham sayohat uyushtirib, o‘tmish sahifalarini chuqur anglash, milliy xotirani asrash va tarixdan saboq olish imkoniga ega bo‘ldi.

Ushbu tadbir talabalar qalbida yurtga muhabbat, fidoyilik va vatanparvarlik tuyg‘ularini yanada mustahkamladi. Bunday amaliy-ma’naviy tashriflar yoshlarda tarixiy xotiraga hurmat bilan qarash, milliy qadriyatlarni asrash kabi ezgu fazilatlarni shakllantirishda muhim ahamiyat kasb etadi.

Ular yosh avlod qalbida tarixiy xotirani asrash, mustaqillikning qadriga yetish va milliy o‘zlikni anglashga xizmat qiladi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

“Besh tashabbus olimpiadasi”ning guruhlararo fakultet bosqichi yakunlandi

Renessans ta’lim universitetida joriy yilning 25-sentabr kuni start olgan “Besh tashabbus olimpiadasi” doirasidagi guruhlararo fakultet bosqichi nihoyasiga yetdi.

Musobaqalar davomida talabalar mini-futbol, stol tennisi, voleybol, yengil atletika va stritbol kabi sport turlarida o‘z mahoratlarini namoyon etdilar. Bellashuvlar yuqori saviyada tashkil etilib, sog‘lom raqobat muhitida o‘tdi.

Yakuniy natijalarga ko‘ra, har bir yo‘nalishda g‘olib deb topilgan jamoalar olimpiadaning navbatdagi – fakultetlararo universitet bosqichida ishtirok etish imkoniyatini qo‘lga kiritdi.

🔽Ma’lumot o‘rnida, “Besh tashabbus olimpiadasi” 4 bosqichda tashkil etiladi:

✔️Guruhlararo fakultet bosqichi
✔️Fakultetlararo universitet bosqichi
✔️Universitetlararo hududiy bosqich
✔️Respublika final bosqichi

Sportchilarimizga keyingi bosqichda ham muvaffaqiyat tilaymiz.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt