Renessans ta’lim universiteti talabalari qatag‘on qurbonlarini xotirladi

Bir guruh talabalarimiz Toshkent shahridagi Shahidlar xotirasi xiyoboniga tashrif buyurib, qatag‘on yillarida qurbon bo‘lgan yurtdoshlarimiz xotirasiga hurmat bajo keltirdi.

Shuningdek, talabalar Qatag‘on qurbonlari xotirasi davlat muzeyiga ham sayohat uyushtirib, o‘tmish sahifalarini chuqur anglash, milliy xotirani asrash va tarixdan saboq olish imkoniga ega bo‘ldi.

Ushbu tadbir talabalar qalbida yurtga muhabbat, fidoyilik va vatanparvarlik tuyg‘ularini yanada mustahkamladi. Bunday amaliy-ma’naviy tashriflar yoshlarda tarixiy xotiraga hurmat bilan qarash, milliy qadriyatlarni asrash kabi ezgu fazilatlarni shakllantirishda muhim ahamiyat kasb etadi.

Ular yosh avlod qalbida tarixiy xotirani asrash, mustaqillikning qadriga yetish va milliy o‘zlikni anglashga xizmat qiladi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

“Besh tashabbus olimpiadasi”ning guruhlararo fakultet bosqichi yakunlandi

Renessans ta’lim universitetida joriy yilning 25-sentabr kuni start olgan “Besh tashabbus olimpiadasi” doirasidagi guruhlararo fakultet bosqichi nihoyasiga yetdi.

Musobaqalar davomida talabalar mini-futbol, stol tennisi, voleybol, yengil atletika va stritbol kabi sport turlarida o‘z mahoratlarini namoyon etdilar. Bellashuvlar yuqori saviyada tashkil etilib, sog‘lom raqobat muhitida o‘tdi.

Yakuniy natijalarga ko‘ra, har bir yo‘nalishda g‘olib deb topilgan jamoalar olimpiadaning navbatdagi – fakultetlararo universitet bosqichida ishtirok etish imkoniyatini qo‘lga kiritdi.

🔽Ma’lumot o‘rnida, “Besh tashabbus olimpiadasi” 4 bosqichda tashkil etiladi:

✔️Guruhlararo fakultet bosqichi
✔️Fakultetlararo universitet bosqichi
✔️Universitetlararo hududiy bosqich
✔️Respublika final bosqichi

Sportchilarimizga keyingi bosqichda ham muvaffaqiyat tilaymiz.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Renessans ta’lim universiteti Kengashining navbatdagi yig‘ilishi bo‘lib o‘tdi

Unda universitet faoliyatining muhim yo‘nalishlariga doir masalalar ko‘rib chiqildi.

Yig‘ilishga universitet rektori Shohruh Nuraliyev raislik qilib, jamoaning fidokorona mehnati va yuksak mas’uliyati tufayli erishilayotgan ijobiy natijalar alohida ta’kidlandi.

Shundan so‘ng universitet professor-o‘qituvchilarining ilmiy unvon va ilmiy darajaga ega bo‘lgani munosabati bilan diplomlar topshirildi. Jumladan:

Artikov Zaylobiddin Sobirjonovich – dotsent ilmiy unvoniga,
Odilov Bahromjon Baxtiyorovich – professor ilmiy unvoniga,
Murodov Zufarjon Muzaffarjon o‘g‘li – dotsent ilmiy unvoniga,
Xolmurotova Diyora Ibragimovna esa iqtisodiyot fanlari bo‘yicha falsafa doktori (PhD) ilmiy darajasiga ega bo‘ldi.

Kengash kun tartibidagi asosiy masalalar quyidagilardan iborat bo‘ldi:
✔️Universitet Kengashi tarkibiga o‘zgartirish va qo‘shimchalar kiritish;
✔️Bakalavriat ta’lim yo‘nalishlari hamda magistratura mutaxassisliklari bo‘yicha o‘quv jarayonining amaldagi holatini tahlil qilish va samaradorligini oshirish;
✔️2025/2026-o‘quv yilida talabalar uchun pedagogik va malakaviy amaliyotlarni tashkil etish;
✔️Shu yil oktabr oyida o‘tkazilishi rejalashtirilgan respublika va xalqaro ilmiy-amaliy anjumanlarga tayyorgarlik jarayonlarini muvofiqlashtirish.

Shuningdek, ilmiy unvon va lavozimlarga tavsiya etish masalasi ham ko‘rib chiqildi. Natijada, 8 nafar nomzod dotsent vazifasini bajaruvchi lavozimiga, 1 nafar nomzod esa professor vazifasini bajaruvchi lavozimiga tavsiya etildi.

Yig‘ilish yakunida har bir masala yuzasidan tegishli qarorlar qabul qilindi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt