Tyutorlar tashabbusi bilan ma’naviy-ma’rifiy tadbirlar o‘tkazildi

Renessans ta’lim universitetida talabalar ma’naviyatini yuksaltirish, ularning bo‘sh vaqtini mazmunli tashkil etish hamda ijodiy salohiyatini rivojlantirish borasida tyutorlarning faoliyati tobora faollashmoqda. Ushbu yo‘nalishda bir qator tashabbuslar izchil amalga oshirilmoqda.

Xususan, Pedagogika fakulteti talabalari tyutor U.Yusubova hamrohligida Ozarbayjon madaniyat markazida o‘tkazilgan shoira Mohira Nag‘iqizining “Yana oy kechadi, yillar o‘tadi...” nomli kitob taqdimotida ishtirok etdilar.

Tadbir davomida talabalar Ozarbayjonlik yozuvchi va shoiralar bilan suhbatlashib, ularning ijodi bilan yaqindan tanishdi. Uchrashuv jarayonida talabalarda Ozarbayjon adabiyotiga, ayniqsa, she’riyat namunalarini o‘zbek tiliga tarjima qilishga bo‘lgan qiziqish kuchaydi.

Taqdimot so‘ngida shoira Mohira Nag‘iqizi ishtirokchilarga o‘zining dastxati tushirilgan kitoblarini sovg‘a qildi.

Shuningdek, talabalarning bo‘sh vaqtlarini mazmunli tashkil etish maqsadida Filologiya va tarix fakulteti tyutori X.Alisherov hamrohligida Adiblar xiyobonida joylashgan Toshkent muzeyiga ekskursiya uyushtirildi.

Bu kabi tadbirlar yoshlarning adabiyot va madaniyatga bo‘lgan qiziqishini yanada oshirish hamda ularning ma’naviy dunyoqarashini kengaytirishga xizmat qilmoqda.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Talabalarning yashash sharoitlari o‘rganildi

Renessans ta’lim universitetida talabalar uchun yaratilgan ijtimoiy sharoitlarni yaxshilash, ularning xavfsizligini ta’minlash bo‘yicha muntazam monitoring ishlari olib borilmoqda. Shu maqsadda talabalar istiqomat qilayotgan ijara xonadonlarda yashash sharoitlari hamda kuz-qish mavsumiga tayyorgarlik darajasi o‘rganildi.

Filologiya va tarix fakulteti tyutorlari X.Alisherov, O.Qo‘chqorov va M.Baxtiyorovlar tomonidan ijarada yashayotgan talabalar bilan uchrashuv tashkil etildi. Natijada talabalarning muammolari o‘rganilib, ularga tegishli tushuntirish va maslahatlar berildi.

Shuningdek, jarayon davomida tyutor S.Alimxanova, Sh.Jumayeva, Sh.Qarshiyev va Z.Bektoshevlar tomonidan talabalarning yashash joylari ko‘zdan kechirildi, mavjud sharoitlar tahlil qilindi hamda zarur tavsiyalar berildi.

Matematika va iqtisodiyot fakulteti tyutorlari L.Mirzayeva hamda I.Adxamova tomonidan ham ijarada yashayotgan talabalarning yashash sharoitlari o‘rganildi. Shuningdek, issiqlik tizimi, gaz va elektr tarmoqlaridan foydalanishda xavfsizlik qoidalariga rioya etish bo‘yicha tushuntirish ishlari olib borildi.

Renessans ta'lim universitetida talabalar uchun qulay, xavfsiz va sog‘lom muhit yaratish, ularning ta’lim olishi uchun zarur sharoitlarni ta’minlash doimiy e’tibor markazida bo‘lib kelmoqda.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Ochiq muloqot qizg‘in savol-javob va bahs-munozaralarga boy tarzda o‘tmoqda

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt