Renessans ta’lim universitetida “Ta’limda innovatsiyalar va raqamlashtirish: raqamli texnologiyalar integratsiyasi orqali ta’lim sifatini oshirish yo‘llari” mavzusidagi respublika ilmiy-amaliy konferensiyasi o‘z ishini boshladi.

Konferensiyani Renessans ta’lim universiteti rektori Shohruh Nuraliyev tantanali ochib berdi. U ishtirokchilarni mana shunday ahamiyatli muloqot yo‘lga qo‘yilgani bilan tabriklab, konferensiya ishiga muvaffaqiyat tiladi.

Tadbirda mamlakatimizning yеtakchi oliy ta’lim muassasalari professor-o‘qituvchilari, mutaxassislari, ilmiy xodimlari, tadqiqotchilari, yosh  olimlar va iqtidorli talabalar ishtirok etmoqda.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Respublika konferensiyasida ta’lim jarayonlarini raqamlashtirish va innovatsion texnologiyalarni joriy etish masalalari keng muhokama qilinmoqda

Unda Raqamli ta’lim texnologiyalarini rivojlantirish markazi direktori, texnika fanlari bo‘yicha falsafa doktori (PhD) Alisher Abdullayev “Oliy ta’lim jarayonlarini raqamlashtirish: yangi bosqich va imkoniyatlar” mavzusida ma’ruza qildi.

Shuningdek, Oliy Majlis Qonunchilik palatasi deputati, O‘zLiDeP fraksiyasi hamda Innovatsion rivojlanish va axborot texnologiyalari masalalari qo‘mitasi a’zosi Shaxnoza Xolmaxamatova “Sun’iy intellekt texnologiyasini joriy etish borasidagi vazifalarni huquqiy asoslarini takomillashtirish masalalari” masalasida o‘z fikr-mulohazalarini bildirdi.

Bundan tashqari, Respublika Ma’naviyat va ma’rifat markazi “Jamiyat birdamligini ta’minlash bo‘yicha loyihalar bo‘limi” boshlig‘i, sotsiologiya fanlari bo‘yicha falsafa doktori (PhD) Suxrob Xidirov “Innovatsion va raqamli yechimlar orqali ta’lim sifatini oshirish texnologiyalari” mavzusida so‘z yuritdi.

Mazkur ma’ruzalarda ta’lim jarayonlarini raqamlashtirish, sun’iy intellektni joriy etish hamda innovatsion yondashuvlar orqali o‘quv jarayonining samaradorligini oshirish bo‘yicha amaliy takliflar berildi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Konferensiya doirasida ta’lim sohasida raqamlashtirish jarayonlarini yanada jadallashtirish, zamonaviy axborot-kommunikatsiya texnologiyalarini ta’lim tizimiga keng joriy etish masalalari atroflicha muhokama qilindi

Maktabgacha va maktab ta’limi vazirligi AKTni joriy etish va raqamlashtirish boshqarmasi boshlig‘i o‘rinbosari Sarvar Mo‘minov “Maktab ta’limida axborot texnologiyalari va raqamlashtirish istiqbollari” mavzusida ma’ruza bilan ishtirok etdi. Unda maktab ta’limida raqamli texnologiyalarni yanada keng joriy etish, ta’lim sifatini oshirishda AKTning o‘rni hamda kelgusidagi ustuvor yo‘nalishlar xususida ma’lumot berildi.

Shuningdek, Moskva davlat xalqaro munosabatlar institutining Toshkentdagi filiali professori, pedagogika fanlari doktori Vinera Karimova “Generativ sun'iy intellekt oliy ta'limni raqamli transformatsiya qilish vositasi sifatida” mavzusida ma’ruza qildi. Unda generativ sun’iy intellekt texnologiyalarining ta’lim jarayonlarini optimallashtirish hamda o‘qitish samaradorligini oshirishdagi ahamiyati yoritildi.

Ularning ma’ruzalari raqamli ta’limning yangi bosqichga ko‘tarilishida zamonaviy texnologiyalarni samarali qo‘llash, shuningdek, o‘qituvchi va talabalar o‘rtasidagi o‘zaro muloqotni innovatsion shakllarda tashkil etish bo‘yicha muhim fikrlar bildirildi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Konferensiyada ta’lim sohasida sun’iy intellekt imkoniyatlaridan samarali foydalanish hamda o‘quv jarayonlarini innovatsion yondashuvlar asosida takomillashtirish masalalari atroflicha muhokama qilinmoqda.

Renessans ta’lim universiteti professor-o‘qituvchisi Choy “Ta’limda sun’iy intellekt” mavzusida ma’ruza qilib, zamonaviy raqamli texnologiyalar yordamida o‘quv jarayonlarini takomillashtirish va ta’lim samaradorligini oshirish imkoniyatlari haqida ma’lumot berdi.

Toshkent axborot texnologiyalari universiteti professori, texnika fanlari doktori Jamoljon Djumаnov “Oliy ta’limda “Geoaxborot tizimlari” fanini intellektual va ilg‘or raqamli texnologiyalar asosida adaptiv o‘qitishning nazariy va amaliy asoslari” mavzusida ma’ruza qildi. Unda raqamli texnologiyalarni o‘quv jarayoniga tatbiq etishning ilmiy-nazariy hamda amaliy jihatlari yoritib berildi.

Shuningdek, Italiya Xalqaro madaniyat uyushmasi “Progetto Angeli” tashkiloti prezidenti Aida Abdullayeva “Bugungi kunda dizayn sohasida innovatsion yondashuvlar” mavzusida ma’ruza bilan ishtirok etdi. U o‘z chiqishida dizayn yo‘nalishida ilg‘or texnologiyalarni qo‘llash, kreativ tafakkurni rivojlantirish va zamonaviy ta’limda ijodiy yondashuvlarning o‘rniga to‘xtalib o‘tdi.

Eslatib o‘tamiz, konferensiya jarayonlarini ZOOM platformasi orqali jonli tarzda kuzatib borishingiz mumkin.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt