E’LON

Ham o‘rganing, ham sayohat qiling!

Renessans ta’lim universiteti talabalari uchun akademik mobillik dasturi doirasida Xitoy Xalq Respublikasida o‘quv kurslarida ishtirok etish imkoniyati taqdim etiladi.

👥 Kimlar uchun? Universitetimiz talabalari uchun.
🧭 Kurs qanday yo’nalishlarni qamrab oladi? Elektron tijorat, logistika, sun’iy intellekt, robototexnika kabi yo’nalishlar.

🔢 Qamrov: 40 nafar talaba, shuningdek, universitetimiz tomonidan 2 nafar o’qituvchi ularga hamrohlik qiladi.
⏰ Qachon: 2025-yil 5–20-dekabr kunlari (rejalashtirilmoqda)

🔽Dastur nimalarni o‘z ichiga oladi?
✔️dunyoga mashhur Alibaba, Zhejiang Telecom, Shaoxing China Telecom kabi kompaniyalarga ekskursiyalar;
✔️zamonaviy texnologiyalar yaratiladigan zavodlar, ma’lumotlar qayta ishlanadigan “Data Centre”larga tashrif;
✔️qiziqishga qarab seminar va maʼruzalarda ishtirok etish, taniqli shaxslar bilan muloqot qilish, xitoy tilini o‘rganish, master-klasslar imkoniyati;
✔️madaniy dastur ham mavjud bo’lib, diqqatga sazovor joylarga sayohatlar uyushtiriladi.

Ishtirokchilar uchun Xitoy tomoni hisobidan o‘quv kurslari, turar joy (standart, ikki kishilik xonalar), bepul halol ovqatlanish, ichki transport, bepul SIM kartalar ta’minlanadi.

Talabalar tomonidan borish-kelish xarajatlari, tashkilotchilar – Xitoy tomoni uchun u yerga borganda bir martalik 150 AQSh dollari miqdorida to‘lov qilish kerak bo’ladi (kutib olish, kuzatib qo’yish xarajatlari).
O‘quv dasturida ishtirok etgan talabalarga o‘tilgan kurslar va ularning soatlari ko‘rsatilgan maxsus sertifikatlar taqdim etiladi.

Talablar:
✅ amaldagi xorijga chiqish pasporti;
✅ universitetda tahsil olayotgan bo‘lishi.

❗️Arizalar ko‘rib chiqiladi, zaruratga ko‘ra esa, suhbat yoki qo‘shimcha savollar bo‘lishi mumkin.

Hujjat topshirish muddati:
30-oktabr 2025, soat 17:00

🗣 Qanday murojaat qilinadi?
Talabgorlar Ilmiy tadqiqotlar, innovatsiyalar, ilmiy-pedagogik kadrlar tayyorlash va iqtidorli talabalar bilan ishlash bo‘limiga (asosiy bino, 7-qavat) murojaat qiladilar.

📞 Aloqa uchun telefonlar:
+998 55-506-70-07 (ichki: 1020);
+998 90-974-74-59

Shoshiling, joylar soni chegaralangan!

Renessans ta’lim universitetida har juma – “Milliy liboslar kuni”

Xabaringiz bor, milliylikni keng targ‘ib qilish maqsadida yangi tashabbus yo‘lga qo‘yilgan. Endilikda har juma kuni universitetimiz professor-o‘qituvchilari va xodimlari milliy libosda ishga kelishi urfga aylanmoqda.

Bu an’ana milliy qadriyatlarimizni keng targ‘ib qilish, xalqona an’analarimizni asrab-avaylashga qaratilgan. Universitet jamoasi ushbu tashabbus orqali yosh avlodda milliy iftixor tuyg‘usini oshirish, madaniy merosimizni asrash va uni keng ommaga yetkazishni maqsad qilgan.

Milliy liboslar o‘ziga xos uslub va nafislik, o‘zbek xalqining boy tarixi va madaniyatini aks ettiradi. Shu bois, har juma kuni universitetimiz professor-o‘qituvchilari va xodimlari tomonidan kiyilgan qadimiy do‘ppilar, atlas va adras kiyimlar hamda zardo‘zi liboslar muhitga yanada joziba bag‘ishlaydi.

Renessans ta’lim universiteti milliylik va zamonaviylik uyg‘unligini saqlagan holda, ta’lim maskanining o‘ziga xos an’anasini yaratmoqda.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

#Respublika_konferensiyasi

Renessans ta’lim universitetida respublika ilmiy-amaliy konferensiyasi o'tkaziladi

Eslatib o'tamiz, ertaga, 24-oktabr kuni Renessans ta'lim universitetida “Ta’limda innovatsiyalar va raqamlashtirish: raqamli texnologiyalar integratsiyasi orqali ta’lim sifatini oshirish yo‘llari” mavzusida respublika ilmiy-amaliy konferensiyasi bo'lib o'tadi.

📌Konferensiya quyidagi yo‘nalishlar bo‘yicha tashkil etiladi:

🔹 Ta’lim jarayonida innovatsion pedagogik texnologiyalar: o‘qitishda zamonaviy usullar va ularning samaradorligi;
🔹Raqamli ta’lim resurslari va platformalar: LMS tizimlari, onlayn kurslar va elektron darsliklar;
🔹 Ta’limda sun’iy intellekt va ilg‘or texnologiyalar: sun’iy intellekt asosida adaptiv o‘qitish tizimlari;
🔹 Dizayn va axborot texnologiyalari: grafika va multimedia dizayni orqali ta’lim samaradorligini oshirish.

📌Manzil: Toshkent shahri, Samarqand darvoza ko’chasi, Charxnovza 17

Barcha oliy talim muassasalari olimlari, tadqiqotchilari va talaba-yoshlarni ushbu konferensiyaga taklif etamiz.

Murojaat uchun:
+998555067007 | Yozish💬

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt