#اسعدي_شريك_حياتك

╚═══💋 *ೋ* 💋═══╝
*🫂المنشور الأول::*


اليوم موعدنا مع خطوات جديدة لنملئ بيوتنا بالسعادة والرومنسية
كل واحدة مننا بتحاول تجديد حياتها الزوجيه كي لاتصاب بالملل وأوقات كثيرة نحتار كيف نرتب لهذه الليلة أو المناسبة
تعالوا معي نرتب بعض خطوات الرومنسية لكي نصل بالنهاية إلى ليلة رومنسية

*الخطوة الأولى*
دعوة زوجك لقضاء ليلة رومنسية
قومي بتقديم دعوة لزوجك في اليوم السابق ليوم الإحتفال تدعيه فيه لقضاء ليلة رومنسية
وإليكِ بعض الخيارات
قومي بإحضار مفتاح
وضعيهم في صندوق وقميص لزوجك.

*الخطوة الثانية* : بعض اللمسات فى الصباح

وتعتبر هذة الخطوة مكملة لديكور البيت بس الغرض منها تهيئة الطرف الآخر قبل خروجة من المنزل


احضار أوراق الزهور الحمراء وانثريها على طاولة الطعام وأمام باب المنزل
استعينى بالقلوب الحمراء أو أي لون يفضله زوجك واجعلية هو الأساس فى ديكور بيتك ممكن تكون من الورود أو البالونات أو القماش
على باب غرفة نومك

أوعلى باب المنزل وممكن تحضرى صورة من صور الزفاف وتضعيها فى إطار وتثبتيها على باب غرفتكم
أو ممكن بعض القلوب من القماش معدة بالبيت
الآن شوفوا الصور لتوضيح أكثر

═💋 *ೋ* 💋═══╗
#اسعدي_شريك_حياتك

╚═══💋 *ೋ* 💋═══╝
*🫂المنشور الثاني::*

*الخطوة الثالثة* ديكور غرفة نومك

أول شئ يخطر
ببالك الزهوووور

ممكن تنثريها على السرير

أو ترسمى بيها قلب

ممكن على السرير والجدران

أو لصق الأحرف أو وسائد مطرزة

الإضاءة عنصر هام فى إضفاء الرومانسية يفضل تخفيف الأنوار والاستعانة بالإضاءة الملونة الجانبية

بالنسبة للمفرش يفضل يكون مفرش جديد لم يره زوجك من قبل أو مفرش العرس

*الخطوة الرابعة*: الحمام

استعينى بالشمووع وانثرى الورود ولا تنسى البخور والمسك

ولا تنسى تجهيز طقم الحمام لزوجك مع ترك رسالة صغيرة
فيها بعض الكلمات الرقيقة التى تعبر عن الشوق والحب

═💋 *ೋ* 💋═══╗
#اسعدي_شريك_حياتك

╚═══💋 *ೋ* 💋═══╝
*🫂المنشور الثالث::*

*الخطوة الخامسة*: طاولة العشاء

قومى بإضافة لمسات رقيقة على الطاولة

اكتبى لافتة على الطاولة ان هذا العشاء على شرف زوجك

بعض الديكورات المقترحة لطاولة العشاء

استخدمى الأوانى والفاكهة وكذلك الحلوى بطريقة مختلفة

*وأخيراً*

*الهدايـــــــا*

وسنعرض بعض الطرق لتنسيق الهدية وتقدمها

ممكن تكتفى بتقديم قلب
أو بعض الهدايـــــــــــــــا الأخرى

ممكن تستخدمى الحامل لتنسيق الهدايا

أو تقدمها على صنية من فضة
أو على طاولة من الفرفروجية

أو صينية متميزة الشكل.

قصه يوم السبت فتابعونا 👇🏻👇🏻👇🏻

#قصة_سلمى_و_أمها


┛━━━━━🖋️ 📚 🖋️━━━━┗

الجزء 1️⃣

(أنا مريضة)

▪️ماما وحشيتنى ،الاولاد بيسألو عليها كتير...و انا واخدة بالى منهم زى موصيتنى


▪️انهاردة سلمى سخنت 🤒و وديناها للدكتور و قال دور لوز و محتاجة راحة و متروحش المدرسة….


▪️قعدت جنبها و عملت كمادات لغاية مهديت و نامت و نمت جنبها💤 و افتكرت لما كنت بسخن او زورى يوجعنى …


▪️ماما كانت بتهتم اوى ان الحرارة تنزل و اروح اكشف و اخد ادوية
بس كدة مفيش اى حاجة تانية..... 😔


▪️كنت ببقى محتاجة قعدتها جنبى و رعايتها ليا و سؤالها عليا.....


▪️حقيقى يا ماما كان بيفرق معايا اوى لمستك و انتى بس بتجسى الحرارة …


▪️فى يوم كنا فى زيارة لناس قرايبنا و بنتهم كانت فى سنى و عيانة و شوفت بعنيا رعاية امها ليها و دلعها ليها و قعدتها جنبها و اهتمامها اللى خلانى اتمنى انى امرض بس اخد اللى بتاخده.... 😢


▪️كان نفسى يا ماما و انتى بتقيسى الحرارة تسألينى حاسة بايه.......؟

▪️فى حاجة بتوجعنى.......؟
تقوليلى انا بدعيلك ربنا يشفيكى و اسمع دعائك ليا….


▪️تطمنى عليا بتحسن ولا لا
مش من الدكتور عايزاكى تسالينى و تطمنى عليا....

▪️عايزة شوية دلع زيادة عن الايام العادية..
و يا سلام بقى يا مامتى لو تعمليلى شوربة 🍵او عصير ليمون مخصوص ليا انا…….

▪️ساعتها مكنتش اعرف اقول الحاجات دى كل اللى فاكراه انى كان ناقصنى حاجة بس مش عارفة ايه هى!!!!!!


▪️كنت محتاجة رعاية و اهتمام و حب و أنا مريضة…



يتبع ⬅️ 2️⃣

#قصة_سلمى_و_أمها


┛━━━━━🖋️ 📚 🖋️━━━━┗

الجزء 2️⃣


(حفظ القرآن)

▪️انهاردة ميعاد المقرأة بتاعة سلمى و علي..... 👧🏻👦🏻

▪️اليوم ده كلنا بنحبه لانه بيبقى يوم مع القرآن… و كلنا بنروح المقرأة مع بعض ،….

▪️اصلى لما لقيتهم حبو المكان اشتركت انا كمان فى حلقة للامهات…


▪️و أخيرا بدأت احفظ قرآن تانى بعد مكنت سايباه من سنين طويلة... 😢


▪️ربنا يسامحنى بس رغم انى اعتبر ملتزمة دينيا الا ان القرآن كان من اصعب الحاجات اللى ممكن اقرب بيها من ربنا….


▪️انا فاكرة لما كنت صغيرة و ماما كانت عايزانى احفظ القرآن انا و اخواتى و الحقيقة أحمد اخويا الكبير كان شاطر اوى فى حفظ القران
لكن انا لا...... 😣


▪️كنت بحتاج مجهود كبير عشان احفظ و ماما كانت بتصر انى احفظ كتير و حتى فى اجازة الصيف كنت بحفظ و اتعاقب انى مخرجش لو محفظتش و كانت بتوصل للضرب كمان 🥹….


▪️و النتيجة انى كرهت القرآن……
تخيلى يا ماما كرهت شكل المصحف و القرآن و ميعاد المقرأة ….
رغم ان نيتك كانت خير اوى لكن نسيتى تختارى الطريقة !!!!


▪️نسيتى تشجعينى👏 لما احفظ او اروح المقرأة....

▪️نسيتى تحكيلى قصص القرآن📖 و تفهمينى معانيه….

▪️نسيتى تعمليلى حفلة لانجازى فى حفظ القرآن زى مامت منى صحبتى😔


▪️نسيتى تهيئيلى جو مرح و مناسب للقرآن ....ده كتاب ربنا يا ماما مش كتاب الدراسات بتاع المدرسة اللى هنساه بعد متخلص السنة....اتعاقب و اتحبس بسببه!!!!!!!


▪️كنت محتاجة أحب القرآن
مش أحفظه بس!!!!


يتبع ⬅️ 3️⃣

📚 🖋️━━━━━┏

#قصة_سلمى_و_أمها


┛━━━━━🖋️ 📚 🖋️━━━━┗

الجزء 3️⃣

(امتحان الفيزياء)

▪️صحيت انهاردة و نزلت الاولاد و قعدت اشرب الشاى☕ و فاتحة الفيس بوك و لقيت مفيش اخبار اكتر من اخبار امتحان الفيزياء بتاع الثانوية العامة....

▪️حالات انتحار الطلبة و انهيارهم بعد مطلعو من الامتحان🤕…


▪️و الاهالي اللى بتصوت من المجهود و الدروس اللى دفعوها و كل ده ضاع من اسلوب امتحان عقيم…


▪️افتكرت ساعتها امتحان الفيزياء بتاعي من ١٠ سنين …

▪️رغم انى حليت وحش جدا و ميجيش حاجة فى المجهود اللى اتبذل في المذاكرة طول السنة و كنت طالعة منهارة من الامتحان..... 😭
الا ان بحب اليوم ده جدا...


▪️حاجة غريبة!!
فعلا حاجة غريبة انى احب يوم تقريبا تحكم فى مستقبلي التعليمي لكن اللى خلانى احبه هو رد فعل بابا لما شافنى طالعة من الامتحان منهارة و بعيط......... 😭


▪️أخدنى فى حضنه 🫂و طمني و قالى ولا يهمك و ان شاء الله تدخلى كلية ترضيكى…..

▪️عمرى مهنسى حضنه ليا فى موقف صعب زى ده……
حبيت يوم امتحان الفيزياء........... ❤️

▪️عشان حسيت ان ليا ظهر اسند عليه هو بابا حبيبي

▪️حسيت ان علاقتى بابويا كانت اهم عنده من اى اعتبارات تانية…..

▪️حسيت انى ممكن اواجه مشوارى اللى جاى فى التعليم لان فى حد بيسندنى
حسيت بالأمان....


▪️مهم جدا اننا ندعم اولادنا وقت
ازمتهم و نديهم الأمان…..


يتبع ⬅️4️⃣

━🖋️ 📚 🖋️━━━━━┏

#قصة_سلمى_و_أمها


┛━━━━━🖋️ 📚 🖋️━━━━┗

الجزء 4️⃣

(شجعينى يا ماما)


▪️انهاردة نتيجة سلمى بتاعة الابتدائية و بينى و بينكو انا مش بهتم نهائى بالدرجة طول مهي بتذاكر و بتعمل اللى عليها و فى الاخر المذاكرة دى حاجة مش اساسية لا هى و لا الدرجات……..


▪️بس الحقيقة بفرح لما الاقى ولادى جايبين درجات عالية او طالعين من الاوائل .....شكلها جينات و مش هتتغير 🫢


▪️روحنا المدرسة و جبنا الشهادة و الحمد لله سلمى جابت مجموع عالي و خرجتها نتغدى برة و نتفسح بالمناسبة الجميلة دى....



▪️و احنا بناكل سلمى قالتلى انها كانت خايفة من امتحان العلوم اوى و هى قالت كلمة علوم و انا رحت فى ذكريات العلوم...... 🥹


▪️طول عمرى كنت بحب المادة دى جدا و بحب اذاكرها و مرة و انا فى تانية ابتدائى جبت فى امتحان درجة عالية تقريبا الدرجة النهائية و روحت فرحانة و مبسوطة و بحكي لماما عالدرجة….


▪️عشان تقولى برافو
عشان تشجعنى
عشان تحكي لجدو 👴🏻و تيتة👵🏻 على الانجاز اللى عملته.........

▪️عشان اشوف نظرة الفخر و الفرحة فى عنيها....

▪️عشان اخد ثقة فى نفسى اكتر.... 👌🏻



▪️لكن للاسف ماما ردت و قالتلى ....أكيد كل الفصل جايب الدرجة دى!!!!!!

▪️الحقيقة انا مش قادرة انسى احساسى ساعتها 🥹


▪️اكنها رمت ماية متلجة على وشى..
وجعتنى الكلمة اللى مفهاش ثقة ولا اى مشاعر تشجيع …



▪️المواقف اللى زى دى كانت كتير و للاسف خلتنى افقد الثقة فى نفسى و مش عارفة ارجعها لغاية دلوقتى... 😔



يتبع ⬅️5️⃣