ضاع الغلا والملا فيه يحكون
والدمع من عيني يعاقب مسيرك

ليه الغوالي للمحب دوم يجفون
وليه الزمن عني حاول يديرك

وسفي على قلب ضايق للطعون
وسفي بجرحي مايجيه من غيرك

وسفي على روح تبكي ماتهون
وسفي عليك وعلى حالي بضميرك

الشاعر ماجد الخضر

الصدر ضايق.. والدقايق غدت ويل
والدار ظلمـا.. عقـب مـا غـاب ضيّـه

كن الضلوع العوج صـارت محاصيل
همٍّ.. حصده الوقـت غصـبٍ عليّــه

راحت.. وخلّت لي سهر ليل يا حيل
حيلي.. قضى عقب الغضا بـالف كيّـه

أعـوي عـوا ذيـبٍ قـهرْه المقابيل
جـوعـان.. وأقـدار الليـالي عصيّــه

على وليفٍ حط في الكبد "دربيل"
يشوف جرحي.. ويرضى لي الأذيّــه

يا وجد حالي وجد شيـبن مهابيل
عـيـالـه.. بدار العجز.. صـاروا رديّــه

أو وجد من خلوه ربعه مقابيل
للسيـف.. وأقْفَوا بالغنـايـم هنيّــه

او وجد من ساقوا حلاله هل الخيل
وأقـفـى وحيـدٍ.. ما بقى له بقـيّــه

يا غاية فؤادي.. ويا شفي.. ويا حيل
حيلي.. ترا عقبك بهموم وبليّــه

ارجع.. ترا ذكرى هوانا تهاويل
تسكن خيالي.. صبح وإلا عشيّــه


الدمع شاهد.. والمواجع تفاصيل
والروح وَردَه.. من جفاك أجدبيّــه

ما عاد لي شِفْيٍ ولا عاد بي حيل
إلا انتظر.. "مِلك المـنـايـا" يجيّــه

@QAHER_VIP حقوق

»‏كلام الناس م يخلــص لذلك هــز راســك وقــول معــك حق •

»‏Fact↻⁽̚͢🥰₎

»‏أحـد انجازتي ان مازلت بكامـل قواي العقليـهة ، ومازلت أتعامـل بأخلاقـي بالرغـم من أننا محـاط بكومه من المعاقـين عقلـياً •

"
»‏اتصــرف وكأن لاشـيء يؤذيني وهـذا والله من اشرس الحـروب التي اخـوضها مع نفسـي •

من اجمل ما كتبت لأحد الاشخاص

ياللي جمالك كامل بالاوصاف
هوّن علينا من زيادت جمالك

بتردنا ليا جينا طلبناك بعفاف
وتسجن اللي بيتوافق وصالك

لاتلومني بحبك ترا القلب رهّاف
من زود حسنك صرت اعشق خيالك

ولاتلوم روحٍ جرحها حيل نزّاف
وفي شوفتك طبها وفي ميالك

ترا انا مفتون في حسنك اضعاف
ماترسل من مطاليبك واجالك

ياليت قلبك يقبل الحب ماعاف
وياليت ترضى وماتغير بحالك

الشاعر ماجد الخضر

قصيدة طلبها مني شخص لـ حبيبته

يرف لك قلبي مثل جنحان الصقور
لو هي تعلي بالسما، وبالهوا جذافه

من زين وجهك جعله الدوم مستور
تقول انه بدرٍا على الارض كشافه

ياليت بيتك فالقلب دوم معمور
فديت قلبك انا وزولك مع اوصافه

العين لؤلؤه والوجه بالحب معطور
تبرى الجروح بشوفتك لوهي بنزافه

انا وزيرك يالغلا وانت الامبراطور
خلهم يقولون، انت الملك واسيافه

الشاعر ماجد الخضر

الشاعر ماجد الخضر

كل المشاعر بأتجاهك والأمر
أني احبك حب صادق مستمر

يـا حبيبي والمحبه والـغـلا
وكل شيءٍ عندي واحلام العمر

السلام عليكم ورحمة الله وبركاته
انا اخوكم "الشاعر ماجد الخضر"

بالنسبة للحب والغزل نعم اكتب
ولَكن يكون عقد بينك وبينها العقد يعني الخطوبه وللأخت مثل الشي اما تجيني لعلاقة حب طرفانية او علاقة مخفية محرمة غير شرعيه
لا للأسف انا ما اكتب للأشخاص
هذي واتمنى تتقبلوها مني وتسامحوني اذا اني قصرت مع احد
واتمنى لكم الخير والصحة والسلامة والعافية

والسلام عليكم ورحمة الله

يا وقتنا وش فيك غيّرت مبداها
صار الردي والهيس يامر على الناس

شفنا العجايب يوم دارت رحاها
وتبدل المقياس في كل مقياس

صارت دراهمها مقدّم نباها
واللي معه قرشين عاليّ الراس

حتى ولو نفسه دنيٍّ جزاها
له صدر مجلسنا وله كل نوماس

واللي نظيف الكف محدٍ بغاها
لو كان أصله طيب من طيب الساس

يا كثر ناسٍ لمع الدرهم غطاها
وهو خسيس الطبع معدوم الإحساس

مثل الدلال اللي نظيفة براها
والساس خربانٍ ولا فاد به نحاس

وراعي الوفا والطيب نفسه عصاها
ما يشتري قدره بلمعات الألماس

أول نقيس الناس بأقصى قواها
بالفعل والميقاف والطيب والباس

واليوم هالقيمات محدٍ قراها
صارت سوالف ليل في جوف قرطاس

لكن وحق اللي بسطها وسواها
ما نتبع الهين ولا نطمع بكاس

يبقى الأصيل اللي عزيزٍ دماها
كنه ذهب ما يختلف بين الأجناس

@QAHER_VIP حقوق

مابين صدري والمقابر علاقات
بالاسم والمعنى ودفن الضحيه

الفرق بن المقبره تحضن اموات
وانا دفنت اشياء بالصدر حيه

دفنت حبك عن هروج السخافات
ودفنت شوقي عن عيون البريه

ودفنت في صدري غرابيل واهات
واسرار نفسِ من زمنها شقيه

امنتك اللّٰه يابعد راس الابيات
ياملهم قافي صباح وعشيه

ان حل بي طاريك وقفت بسكات
وان زارني طيفك عطيته تحيه

من زود حبك ماحسبت المسافات
ومن زود شوقي ماتهم المنيه

مدري علام القلب يهواك بالذات
وعروق شوقه بارض حبك نديه

يمكن لانك كنت اول بدايات
حبه وانا مديت به لك هديه

فتى الجوف

مايوطي الراس من بعد ارتفاعة
غير واحد في السماء عالي ورافع
.
والحقيقة ماتغطيها الإشاعة
والذريعة ماتفيد اهل الذرايع
.
والمذلة ماتزيد العمر ساعة
والشجاعة ماتنقص عمر شاجع
.
والشراء والبيع يجري في البضاعة
والكرامة مالها شاري وبايع

فتى الجوف

كما طلبَ مني احد الاشخاص هديةٌ لزوجته

باتتْ عيوني غارِقًا بالدمعِ ود
وسألتُكِ الحُبَّ الحنينَ، فلا مرد

قد متُّ أيّامًا لأجمعَ حبَّكِ
جمعَ النقاطِ، فلا تقلْ، لا تزد

لا تقلْ بما لطفتِ بخافقي
ولا تَزِدْ بما أسأتِ لهُ المرد

لكنَّ حبَّكِ عامرٌ في خافقي
ما زالَ في قلبي كريمًا معتمد

يا زوجتي، تفداكِ كلُّ ممالكي
لا لومَ إنْ عقلي بلُطفِكِ قد شرد

رِفقًا بقلبي، لا تكوني قاسيةً
يا كلَّ شوقي واهتمامي والرغد

الشاعر ماجد الخضر

نهنى ونباارك للعريس الغالي منشئ روح القصيد .. ماجد عبدالله قصليه .. يومك الأبيض أزهر فرحا .. وعمّ السرور أرجاء القلوب مبارك زواجك يا سيد الفرح وأمير الليلة ..✨

القصيدة الأولى للأخ ماجد عبدالله قصيله بأسم سلسة افراح روح القصيد

لأفراحك ياماجد نملي دفاترنا قصيد
ومن قلبنا أجمل حروفً نابضة بالتهاني

ياللي جمعت قلوب واحساسً مجيد
والقلوب الصافية والرحب يملى الأماني

جمعتنا جمع المحبه والرضا بين الاجوايد
يماجد قصيله ربي يبارك وحنا لك اخواني

ياجعله مبارك بالهنا ياراعي العز الصعيد
سامح حروفي العاجله انا خلت اوزاني

الشاعر ماجد الخضر

جيت أهني ماجد واكتب شعوره
جيت أهني راعي الروح الفضيله

جيت أهني شيخنا واكتب حظوره
جيت أهني ماجد عبدالله قصيله

لك حروفي النابضه بالرحب دوره
والعلوم الطيبه مبروك حيله

ياطيب وطيبك سبقنا في عصوره
ياعز وأمجاد العزايم فالقبيله

طاب راسه واعلا شانه في شهوره
جعل ربي يكتب الافراح سبيله

له فرحنا وله سعدنا في مروره
وله وصلنا افراحه بأقرب وسيله

الشاعر ماجد الخضر
#افراح_روح_القصيد

يوم عـزمي للمعالـي قـد عنيـت
واخترت درب العزّ واطلب مبتغاه

ادرس "كنوز الأرض" لامنّي نويت
اظهر المخفي واجلي عن خفاه

كـم ليـالٍ فـوق كتبـي قـد غفيـت
ارقب النجمة وتسبقنـي رؤاه

احسب ان السعد فـي كفـي جنيـت
وان دربـي مَفـرَشٍ بالورد مـاه

لين نلت "الختم" والبيرق عليت
والفخر يسبـق خطـاي اللـي تبـاه

جيـت ابي "صرحٍ" يناسب ما بنيت
فـي خيالـي، وارتجـي يلقـى صداه

وانصدمت بـ"واقعٍ" ما قد هقيت
يوم شفت العلـم يـذوي فـي وعـاه

كل بـابٍ للـفرج عنـي قفلـت
والرجـا كنّـه تقطّـع بـي رشــاه

والزمان يـدور وانـا مـا رحلـت
عن مكانـي.. انتظر "غيمـة" حيـاه

والحماس اللي بصدري قد وقـدت
طاح جمره وانطفى باقي لظاه

مير عزمي رغم قسوة ما انهزمت
ما يلين الراس لو وقـتي لـواه

اتصبّر لـو مـن الغبنـه شربـت
كاس علقم.. وارتجي ربي نجاه

ما خسرت العلـم لـو مـا قد نفعت
قيمة الإنسان فـي اللـي قـد وعـاه

كلّه لعيـون "دارٍ" لـهـا نـذرت
عمري الباقي على طيب ثراه

لو بغير "النفط" في خدمـه وطنت
المهم ابقى علـى عهـدي معـاه

الشاعر/ بن شملان الدهمي

لما سعيت بموقفي لأجل ارضي الناس
الناس صارت تجرح وتحكي بظهري