#Ҳайъат_йиғилиши

Hayʼat yigʻilishida tizimga doir muhim masalalar muhokama qilindi

✅ Maktabgacha va maktab taʼlimi vaziri Hilola Umarova boshchiligida 2024-yilda tizimda amalga oshirilgan ishlar sarhisobi hamda joriy yildagi muhim vazifalar ijrosiga bagʻishlangan Hayʼat yigʻilishi oʻtkazildi.

✅ Videokonferensiya shaklida tashkil etilgan tadbirda vazir oʻrinbosarlari, vazirlik va tizim tashkilotlari masʼul xodimlari hamda hududiy boʻlinmalar va Pedagogik mahorat markazlari rahbarlari ishtirok etdi.

➖ Vazir Hilola Umarova kun tartibidagi masalalarga atroflicha toʻxtalib, oʻtgan yil davomida maktabgacha va maktab taʼlimi tizimida amalga oshirilgan ishlar hamda sohadagi joriy yilgi rejalar toʻgʻrisida soʻz yuritdi.

😄 Qayd etilganidek, oʻtgan yilda bolalarni maktabgacha taʼlimga qamrov darajasi 76 foizga, maktabga tayyorlov guruhiga qamrov darajasi 96 foizga oshdi.

❗️Sohaga xususiy sektor keng jalb qilinishi natijasida nodavlat maktablar soni 573 taga yetkazildi va qoʻshimcha 40 mingga yaqin oʻquvchi oʻrni yaratildi. 500 ta umumta’lim maktabida joriy etilgan yangi baholash tizimi natijasida mazkur maktablardagi oʻquvchilarning oʻzlashtirish koʻrsatkichi 6 foizga oshdi.

Tanqidiy-tahliliy ruhda oʻtkazilgan yigʻilishda tizimdagi mavjud kamchiliklar va amalga oshirilishi zarur boʻlgan ishlar ham atroflicha tilga olib oʻtildi. Xususan, Toshkent, Surxondaryo, Samarqand, Buxoro viloyatlari va poytaxtdagi ayrim mahallalarda maktabgacha taʼlim tashkilotlari yoʻqligi tanqid qilindi.

➖ Shu sababli yil yakuniga qadar maktabgacha taʼlimga qamrov darajasini 78 foizga yetkazish, respublikadagi eng ogʻir mahallalarda 1 000 ta oilaviy nodavlat bogʻcha tashkil etish, joriy yil 1-fevralga qadar har bir tuman (shahar)da bittadan maktabgacha taʼlim tashkilotida “inklyuziv taʼlim” guruhlari faoliyatini yoʻlga qoʻyish boʻyicha masʼullar oldiga aniq vazifalar belgilab berildi.

📍 Shuningdek, sohaga doir aholi murojaatlarini oʻz vaqtida oʻrganish, vazirlik quyi boʻgʻini va umumtaʼlim maktablarini malakali kadrlar bilan toʻldirish, davlat-xususiy sheriklik asosida nodavlat umumtaʼlim muassasalarini tashkil etish ishlarini yanada jadallashtirish, pedagoglar malakasini doimiy oshirib borishga doir kelgusi rejalar belgilab o‘tildi.

✍️ Yigʻilish davomida vazirlik markaziy apparati, tizim tashkilotlari va hududiy boʻlinmalarga tayinlangan rahbar va mas‘ul xodimlar jamoaga tanishtirildi.

👉 Tadbir soʻnggida vazirlik masʼullari va hududiy boshqarma boshliqlarining kun tartibidagi mavzularga oid hisobotlari tinglandi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

📍Buyuk Britaniya: uzluksiz kasbiy rivojlanish tizimi hamda ilg’or tajribalar o’rganilmoqda

🔴 Maktabgacha va maktab ta'limi vazirligi tomonidan Britaniya Kengashi vakolatxonasi bilan hamkorlikdagi loyiha doirasida vazirlik mas'ullari va pedagoglardan iborat delegatsiya ayni damda Angliyaning Norvich shahrida bo’lib turibdi.

Bundan ko‘zlangan maqsad — Buyuk Britaniya maktablaridagi uzluksiz kasbiy rivojlantirish tizimi hamda ilg’or tajribalarni o’rganishdan iborat.

Joriy yil 27-31-yanvar kunlariga mo’ljallangan safar davomida Norvich xalqaro til ta’limi instituti (NILE) tomonidan:

➖ Angliya ta’lim tizimi,
➖maktab rahbarlari va o’qituvchilari uchun uzluksiz kasbiy rivojlanish jarayonlari,
➖alohida ta’limga ehtiyoji mavjud o’quvchilarga ta’lim berish,
➖ta’lim sifatini ta’minlash mavzularida treninglar tashkil etilishi rejalashtirilgan.

Shuningdek, Norvich shahridagi boshlang’ich va umumiy o’rta ta’lim maktablari hamda oliy ta’lim muassasalarida bo'lib, ta’lim jarayonidagi tajribalar va amaliyot bilan yaqindan tanishish ham ko’zda tutilgan.

Ta'kidlash joiz: mazkur dasturda O’zbekiston bilan birgalikda Qozog’iston, Qirg’iziston, Tojikiston va Turkmaniston ta’lim sohasi vakillarini ishtirok etmoqda.

Bu esa olingan tajribalarni Markaziy Osiyo mamlakatlaridagi tizimlar misolida o’rtoqlashish hamda fikr almashish imkoniyatlarini yaratib beradi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin