#柴小杏

假如你地想搵人和你跑下或者跑翻，咁麻煩你地搵翻對跑鞋同運動衫褲出嚟先，我地會研究下點樣再同大家輕輕鬆鬆跑個靚步. 研究完再通知大家.

#柴小杏

聽晚9:00，會有人係依個位度跑步，路線大約係依度去杏花邨再返柴公，路程都唔算短，咁到時你有時間又想跑下嘅咪去撞下見唔見到囉，你有你跟住前面個人跑，大家都唔識嘅. 咁如果你真係好想跑但又真係唔知依度係邊度嘅話，可以下問柴灣嘅街坊，咁如果你真係好想嚟跑，直頭想到要俾admin知道嘅話，你可以通知依位機械人：@RunTogetherHKers_bot

政府話做劇烈運動可以唔戴口罩，咁自己決定翻戴定唔戴，另外如果你近排打過針，自己留意翻心率係唔係正常，身體上有咩問題就即刻求救同路人.

最後想講，祝你有個愉快嘅晚上
說了再見 約定再見 就會再見

#不見即散
#不見即散
#不見即散

#柴小杏

下星期應該見唔到大家啦，不過無論有冇義務陪跑員和你跑都好，你自己都要keep 住恆常練習先得㗎，係時候回復正常㗎啦.

多謝你地參與.

#無犯法呀我哋
#成個星期都落雨咁痴線嘅喂

大家係group 講野真係要好小心，你唔會知道邊d係人邊d係鬼. 大家素未謀面，三唔識七，得個網名，唔好咁易信人. 小心行事，唔值得因為幾句說話而野上官非. 邊d講得邊d唔講得大家心照. 萬事小心. 自求多福.

#柴小杏

今個星期五晚又有人自己出去跑步啦，暫定應該同前個星期五晚一樣嗰度同嗰個鐘數. 有興趣撞人嘅街坊要留意啦.

#撞到人要講Sorly呀

#柴小杏

聽晚應該唔會落雨，唔熱，好適合跑步，聽晚21:00，係嗰度起步. 約莫4K左右，唔會好辛苦。 有時間就嚟撞下囉.

#不見即散

依度

#柴小杏

多謝你俾左小小時間我和你跑，多謝你對我嘅信任，唔需要覺得唔好意思，係我多謝你嚟先真. 感謝你，希望今晚你跑得開心愉快.

明白大家有擔憂，有人驚依樣，有人驚嗰樣，或者覺得來來去去都係咁好悶，唔緊要，反正我自己都要恆常運動，你地想撞我咪撞囉，想搵個同路人邊跑邊聽下你地講野呻下咪嚟撞下我囉. 跑個步啫.

最後希望嗰兩位掃街人士都掃得盡興. 但唔好有下次啦. 乖啦. 😅

最最後想多謝每次都會FW活動PO去柴小杏聯合資訊台嘅手足. 多謝你地仲有留意我地，感激不盡🙇🏻‍♂️🙇🏻‍♂️🙏🙏

漏左

多謝柴公嘅蚊對我雙腳嘅超熱情款待. 😑😑😑😑😑😑

#柴小杏

有意就請直接聯絡興華.

今日係6月9號…. 你記得嗎？

仍記起滑蛋仔曾借出地方擺放善心人士用心製作的多款香薰油給我們 和你跑 使用, 紓緩運動後的肌肉疼痛或減少失眠等; 也曾擺放12透明卡給我們收藏, 提醒我們留意&關心相關人士的下落&狀況

疫情下要營運一間食肆的確不容易, 感謝您們為街坊提供多一間黃店的選擇, 製作美味的滑蛋蓋飯給我們品嚐, 祝願未來日子大家一切安好, 身體健康

說了再見 約定再見 蕃茄仔見

#滑蛋仔
#麻香雞柳滑蛋蓋飯好好食
#柴小杏
#和你跑

今日係6月12號，它們冇理我地嘅訴求，想照舊二讀…..

今日係6月15號，你記得當晚太古廣場發生左乜野事嗎？

今日係6月16號， 你仲係唔係當日嘅你呀？ 會唔會仲肯花6個鐘由北角行去金鐘呀？你仲記得嗎？

#全港

Hello！大家好，我係易風，聽日係咩日子？相信大家都知㗎啦，個個月或者依幾年都有跑開run for 721嘅你就記得聽日抽時間去跑啦，加油..

吓？ run of 721係乜嚟？ 依個係由一班跑友為記念721依件事而發起嘅活動嚟，參加者自選一個合適嘅地方，用39min跑完7.21k. 即係5.4披左右. 完成之後將記錄PO上網再Tag 39MINRUNFOR721，可能對部分嘅跑手嚟講5.4披有d難，但其實依d野係隨心就得，你可以用你跑開嘅速度去跑完7.21k，又或者用39min跑完你可以做到嘅距離都得，純粹係俾自己記住39min係有幾咁耐！點解你用39min可以做到嘅事，而某個訓練有素嘅物種就連影都冇

喂，我冇跑開步但又想參與下咁點呢？ 好簡單.. 做39min運動囉. 不過正所謂「泥水佬開門」過到自己過到人，你覺得睇39min電視就係參與左嘅話，我亦無話可說，但就不如算罷啦.

#你未忘我未忘
#39MINRUNFOR721

Hello! 大家好，我係廢佬易風，依件事經過三年，犯左法嘅白衣人仍然未得到應有嘅刑罰，拘捕都冇，何來受審，而我相信件事將會同6735一樣，變成不了了之，可能到下一兩代嘅人更加會唔知度發生左乜事， 我阻止唔到時間嘅流動，到某年之後可能冇人再記得依件事，但無論點都好，我仍然會每年都去做依個活動，去提醒自己當年曾經發生左件咁荒謬絕倫嘅事.

跑左三年，今年終於達標，但我冇其他師兄咁勁，跑得一d都唔輕鬆，要再努力練多啲先得.

#39MINRUNFOR721

🌞天氣炎熱🥵
禁多位請善用防曬&消暑降溫產品, 例如開遮☂, 戴帽🧢, 用冰巾, 用清涼衣物噴霧💨, 用風扇仔等等

最重要係飲多d水😊