‏"تعال - تعال سولف عن .. تباريح الغرام و ريّها
‏لك شمس بضلوعي ولك جنه ولك ظلٍ و ريف"

"أشوفك واشعر بقربك وكم مرة سمعت نداك
وألبّي لك ولا منّي فطنت أفزع من أوهامي"

‏"يا الله لا تاه الكلَام وضَاقت رحابي
‏سخَّر لي إنسان يدعي لي مع الجمعة"

"ودي أرمي من على متون الصبر أخر متاعي
مثل ما يرمي المصلي ما على متونه بسجدة"

"حبيبي لو أجوب من الندم مترامية الأطراف
‏أنا ما أخاف من رِقَّة هواك أخاف من كيده"

"إذا نامت الشمس على كَتف الغروب
عادي تشــرقيـن أنتي؟"

"يجي ليلٍ يشعشع ذكرى قديمه باردة نسناس
ضجيجٍ يرهق نعاس الأحداق ويسهّرها"

"قلّي وش اللي طلبته وما جاك
بس العباده باقيه ما عبدتك"

"أسرجت ظلِّي في مسافات الغياب
ولا أدري أنا الراحل؟ ولا الأثر سراب"

"حنيتك من العتب يوم إن بعض العتاب
أقطع من السيف واصدق من دموع اليتيم"

"بداية كل ثورة كبرياء: من نظرة أستعطاف
‏وش أسوي وأنا رأسي عزيز وقلبي موالي؟"

‏"أنا العارف اللي منطقه يربك معاديه
‏و أمامك رهينٍ تربكه عين و قلاده"

"هوى النسيّان ما زار الخفوق ولا لقى له درب
‏يمرّ الوقت وأسمك ما يفارق عظمة لساني"

‏"أعرف إنك بحر و اللي نجى من غبته مولود
‏من يخاف البحر ما يستحق يفوز بالدانه"

"تغانم مابقى لك قبل تاخذني الدروب بعيد
وأنا مثل العمر لا رحت ماتقدر ترجعني"

"تمادى بي جفاف الماء وأنا أبني من حَنيني بيت
أدور قلب يشبهني ومرّ العمر ‏ما نلته"