#أبوذية_لسيد_الشهداء ع


الحسين بـروحــي سر والسيف.. بـحّـاه
وگـطـع هـرش الگلب والصـوت.. بـحّـاه
الــبــلــوة الــ مــــا تــفــض بــآه.. بأحّاه

بــلــوة زيـــنـــب الــبــالــغــاضــــريــــه

                    *---------------*---------------*

  ✍️خادم الحسين ع
الشاعر سعد هادي الشمري

#شور
قصيدة (#عارفاً_بحقه)


مُـنـفَــرِد بالعَـــــراء     مُختَـضَـب بالدِمـاء

                     غــريــب

                                   *---------------*---------------*

الـسـلامُ عـلـى الـحـسـيـن 
الـــــذي  . من سَمَحت نـفـسـهُ بِـمُـهـجَـتـه
والــدُعـا . للـسـمـا يُــرفــع تـحـت قُـبــتــه
والـشِـفـا . جـعـل الله الـشـفـا فـي تُـربـتـه

   عمت عيني اوســاده صارتله الــرمــال
   ويسمع ٱمن الــخــيــم بس چلمة تعال
   أيّسَت من جــســمــه ما ظل بي مچان
   وگــامــت اتــطــيــح النبال اعله النبال

جسمهُ مُـســتــبــاح     أثــخـنــتــهُ الجِراح

                      تــــريـــب

                                   *---------------*---------------*

الـسـلامُ عـلـى الـحـسـيـن 
الـــــذي  . نُـكِـثـت فــي كــربــلاء ذمــتــه
عــنـــوةً . هـتـكـت تلك السيوف حُـرمـتـه
والــدمِـا . مـازجـت وجهُ الثرى في شيبته

   امــحــيّــر ايصـد ٱلمن ويــنــدار ويــن
   للخيم لو للعده اتــلــچــمــه الاثــنـيـن
   ايــذبــحــه راد وعالگفه داره الـشـمــر
   واتـراب ظـل يشهگ ابأنفاسه الحسين

ظامياً فـي الطفوف     ذاقَ حـدَ الـسـيـوف

                     ســلـيــب

                                   *---------------*---------------*

الـسـلامُ عـلـى الـحـسـيـن 
ظـامـيــاً . سـيـدي يا إبـنَ زمـزمْ والـصـفـا
كـيـف لا . أنـدِبُ من كان مـهـتـوك الـخِـبـا
وبــكــت . لــهُ قـبـلـي كُـل أمــلاك الـسـمـا

   ابْــلا مُــنــاصــر وحــــدّه ظـل الامــام
   الــگــمــر غــاب ، ولازمه ظهره السهام
   ومـن كــثــر مــا على زيــنــب محترگ
   مو گلب چن عنده، بضلوعه الـخــيــام

  رشقوا بـالــنِــبــال     كل ذاك الـجــمــال

                     خـضـيـب

                                   *---------------*---------------*

الـسـلامُ عـلـى الـحـسـيـن 
الـــــذي  . دفنتهُ اهل القرى في الـفـلـوات
جـسـمـهُ . صـار طُـعـمـاً للذئابِ الـعـاديـات
تختـلـف . لـهُ فـي الطفِ السباع الضاريات

   بطرف مخفي يديـر عـيـنـه بهالمصاب
   للـخـيـام وگـلــبــه لـجـل ارقــيــه ذاب
   جــرح لـلــتــرچــيــه جــامــد دم عليه
   والـگـصـايـب لازگ اعليـهـه الـحـجـاب

لهُ الـبــيــت الحرام     قد بكى والـمــقــام

                      عـجـيــب

                                   *---------------*---------------*

الـسـلامُ عـلـى الـحـسـيـن 
صـــدرهُ . عُرضةً للخيل مـهـشـوم الضلوع
من بكى . لـه الـمـهـدي دمـآ لـيـس دمــوع
ولــــــــهُ . فـي مـدى الأيـام بـكّـاءاً جـزوع

   المهدي گـلـبـه خـارطـة طف كــربــلاء
   ودمّه يــفــتــر بالجسد مــوكــب عزاء
   ما درينه ٱبيا أرض مـجــلــســه يصير
   لــچــن ندري اتــنــوح وياه الـســمــاء

وســلام الحــزيــن     الــوالِــه المستكين

                     نـحــيــب

                                   *---------------*---------------*

  ✍️خادم الحسين ع
الشاعر سعد هادي الشمري


*القصيده وبعض مفرداتها مستوحاة من زيارة الإمام الحسين عليه السلام في يوم عاشوراء ( زيارة الناحيه المُقدسه) وهي من الشعر الملمّع

#الامام_السجاد_ع
قصيدة (#قصة_عليل)



.          عشت عمرك مـواجـع
           سـبـي ونـار ومـدامـع

   عليل وعـالـهـزل مـچـتـوفـه ادينك

                                    *---------------*---------------*

عُــمــر  ،  مـن الـمـديـنــه لـلـمــديـنــه
عــشــتــه وچــانـت ايـامـك حــزيـنـه
تـصـد لـحـسـيـن . جـسـمـه امسلبينـه
تـصـد لـلـخـيــم ، تـنـخـاك انـسـبـيـنـه

           شفت عبد الله باچي
           و شفت دم التراچـي

   يبو الـبـاقـر بـعـد شتشوف عيـنـك

                                    *---------------*---------------*

يـخـو الأكــبــر لـيــالــي الـغـاضــريــة
ابـرزيـــه ابـتـدن خـلـصـن بـالــرزيـــة
روس اخــوانــك اعـلــه الـسـمـهـريــه
الـحــــرم كـلـمـن بـنـاگـتـهـه وسـبـيـه

           تصدله ودمعه بالعين
           وساده الرمل لحسين

   اعله حمل السيف حيلك ما يعينك

                                    *---------------*---------------*

شـفـت زيـنـب تِـــوِن ونّـتْ هـظـيـمـه
كـل شــويــه تـــوگــع الـهـه خــيــمــه
شـعـجـب ما صـعـدت الروح الألـيـمـه
الـمُــهــر مـن ردلـك يـنـادي الظلـيـمـه

           بوسط الخيم محتار
           وبـثـيـابــك دوت نار

   وصـوتـك يـعـلـه يا عـبـاس ويـنـك

                                    *---------------*---------------*

بصلاه ليل اهدعش درت الوجه وين
وهيه القبله منداره اعله الحــســيــن
امصلايه جبت يـا سـيــدي امــنــيــن؟!
ومحترگـه عــبــاتــك والــصــواويــن

           بنهر تتوضه مـاگــول
           وعليه عباس مچتول

   وضـوئـك صعب صار وچاتـفـيـنـك

                                    *---------------*---------------*

إمـام الـدنـيـه بـس مچتوف عالـنـوگ
بـحـز الــحـبـل إيـْـد وجِـيـد مـحـروگ
عليل ولحظه جفنك عـيـب مـطـبـوگ
الـشـام بـحـجـر تـتـلـگــاك بـالــســوگ

            دخلت لمجلس ايزيد
            وچان بشامهم عــيـد

   وبالخارجي شـلـون امـوصّـفـيـنـك

                                    *---------------*---------------*

خـطَـبْـت وحـيـدرة بـكـوفـانـه چن رد
و إلـك قــصـر الـطـغـاة بـهـاي يـشـهـد
گــلــت آنـــــه الــذكــر وآيــاتــه انـعـد
امـــــي فــاطــمــه وجــــدي مـحــمــد

           غفه ابيباني جـبـريـل
           واقاتل على الـتـأويـل

    ودين المرتضى الحق چـان ديـنـك

                                    *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#الامام_السجاد_ع
#عليل_كربلاء
.

.                  گلبه بظعن عمـاتـه    
                   يشبه جمر خيماتـه

                             *---------------*---------------*

  يــا ســلام ٱلـلَّــٰـه عَـلـه
  الـظَـل عـلـيـل بكـربـلـه
  العاش ذبح حسين واهله والنِظَر سبي الحرم

  الـغــريــب الـمـنـكـسـر
  الطافي بجدامـه الجمُر
  البَعد ذبـح حسين گلبه مـشـتـعـل چنه الخيّم

ابــو الباقر .. گلب شاجر .. مـدامـع عينـه تنصب
الجفن رتّل .. على الهـزّل .. سلام الله اعله زينب

                   يتلاهبن دمعــاتــه
                   يشبه جمر خيماته

                              *---------------*---------------*

  المسبي الـبـچـفّـه حبل
  والـعـلـيـل اعـلـه الهزل
  بـالـحـبـال ورفع چـفـه والـ سُكَينه سـوّه ظِل

  اجفونه مـا لحظه غفن
  خـاف لا طـفـلـه بظعن
  اتـضـيـع واعـيـون العقيله دمـعـة الحيره تِهِل

بدمع حاله .. حچه الحاله .. أُمَر نوگ الــوطــيــه
اذا تــگـدر .. فـــلا تـعـثـر .. يــوصـيـهــه بـرقـيـه

                   مستعره يا جمراته
                   يشبه جمر خيماتـه

                              *---------------*---------------*

  العايش اجروح السبي
  يشوف وجه ابن النبي
  ليا كتر تندار زيــنــب  دار راسه اعله الـرمــح

  ولو وگف رمحه بأرض
  يسرع بدگته الـنــبـض
  يعني طفله بضعنه ضاعت والگلب زايد جرح

دخيل الله .. وشنو الظَلّه .. وعــالـرمـاح النشامه
يـچـتـفونه .. يـشـتـمـونـه .. بــعــد هيبة عـمـامـه

                   مدمع حچه كلماته
                   يشبه جمر خيماتـه

                              *---------------*---------------*

  بـالـجــواري والــغِــنــه
  والـطـبـول الـمـاجِــنــه
  اتـلـگّـت اظـعـون الـرسـالـه آل اميـه وبالفرح

  الــشــام كلهـه عـيّـدت
  عيلـة الــزهــرة انسبت
  والمروّي الدنيه حُبّه وسفه عـطـشـان انـذبـح

وعلي بدمعه .. لـزم ضلعه .. ومشه بظعن السبايه
كــثــر هــمّـه .. ونحر عمّه .. العليل ايـرفـعـه رايه

                   صارت نحر  راياته
                   يشبه جمر خيماتـه

                              *---------------*---------------*

  عـلّـه رايــات الـنــصــر
  بخطبته ابوسط القصر
  علي الـسـجـاد ابـوگـفـتـه وخطبِته چنّه علي

  أذّن  آذان  و ســـــــــأل
  يـبـن ابـو سفيان ، هَــل
  جــدي لــو جــدك محمد؟ خَل جوابك يعتلي

الزچيه أمي .. وٱنــه دمّــي .. امـتـداد لـدم مُحمد
النِكَر فضلي .. ومقام اهلي .. تراه عـن دينه مُرتَد

                     آنـه الذِكِر وايــاتــه
                     يشبه جمر خيماتـه

                              *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.



.               زيـنـب تـنـادي من عـلـى الـنـاگـه
                مـشـتـاگـه يـا عـبـاس مـشـتـاگـه

                 وحدي عفتني     يـالـدلـلــتــنـي

                           *---------------*---------------*

زيـنـب تـحـاچـي بـالـدمـع . كـافـلـهـه تشكيله الجـره
واتـگـلــه مـسـبـيـه صفت . ذيـچ الـعـفـتـهـه ٱمخدرة
گـلـبـي يـسـبـع الـگـنـطـره . لـلـمـحـن صايـر گـنـطـره
ٱمن الـكـوفـه للشام بظعن . مـسـبـيـه راحـت يا مـره

                گـالـتـلـه تـالـي لـلـسـبــي أركَــب
                عـبـاس لـو تدري شـجـره بزينب

                ريـتـك شفتني     يـالـدلـلــتــنـي

                           *---------------*---------------*

مـن عفت چـفـك عـالـثـره . يبن الـولـي تـاه الظـعـن
هـامـت ابـوادي كـربـلــه . ايتام ونسه تشكي المحن
ليا صوب اصد اسمع بچي . واسمع ثواچل مـا هدن
وبـلـسـانـهـن كلـمــه صفت . يابا الحسن يابا الحسن

                يـتـلـفِّـتَـن مـن خـيـل عــدوانـك
                ولٱرض الـغـري متوجهه نسوانك

                وٱمدمّـه متني     يـالـدلـلــتــنـي

                           *---------------*---------------*

كـلــمــا اضـيّـعـلـي طـفـل . بـيـك انـتـخي وِٱيْرِد الي
وياچف ابو فاضل صحت . كـل مــا تـمـايـل محملي
ظليت خـويـه ابـلا أهل . چنت انـه اشوفك كل هلي
مــتــحــيـره و مـتـمـرمـره . بـعـدك صـرت يابن علي

                والطلع من ظـهـرك . وحگ گلبك
                حـالـي يـبـو فاضل تره يـعـذبـك

                يلي اكـفلـتنـي     يـالـدلـلــتــنـي

                           *---------------*---------------*

شينشف ادموعي وأصد . كلشي اختلف يابو الفضل
ابحَر الشمس مطرت دمه . ودمعه على اعيون الهزل
ولمصابكم حتى الـحـجـر . صـارتـلـه عـيـن ودم تهل
هــو انــه عـالـنـاگــه الـك . كـل لحظه عـبـاس انكتل

                وطبّت الشام اللي حِـنَـت ظـهـري
                ٱبـچـفـي اغطي وجـهـي لـو تدري

                 مـــا عـوّدتـنـي     يـالـدلـلــتــنـي

                           *---------------*---------------*

بِـثْـمَـنْ لـيـالـي بـكـربـلــه . مــا فـارگ الــروح الألــم
بس لـنّـك ٱويـايـه چـنـت . كل ساعه احنن لـلـخـيـم
ابـعـامـودهـه عـطـرك بقه . وابّـابـهـه ٱيـرفـلـك عَـلـم
عـباس يـعـيـونـي وهـلـي . شِـمْـدَلّـي بعيونك سـهـم

                يا روح إخـتـك ما هِـدت روحـي
                يـومـيـه الـك ألچمهن اجـروحـي

                لدمعك جبتني     يـالـدلـلــتــنـي

                           *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#نعي
لعزيزة أبيها #رقية_بنت_الحسين ع



.               آنـه رقـيـه وگـلـبــي جـمـره
                مذبوح ابـوي شلون انـظـره
                ولصدره ما يگدر يـضـمـنـي
                وسحگت عليه خيّاله عشره

                طفله ويرد لخيامي اريــده
                مگطوع گالوا خنصر ايــده
                فوگ الرمــح ينــزف وريده
                ومن الگُـفــه محزوز نحــره

                ضيّـع ابـفـگـد الـگـمـر دربـه
                مذبوح ظـامـي بگاع غـربـه
                سهــم المثلث صــاب گـلـبـه
                وويـلاه گـطّــع خـرز ظـهـره

                مــا يــدري ســلّابــه لـفـانـي
                حرّگ اخيــامــي وسـلّـبـانـي
                ترچيتي اخَذهه ودمّـه اذاني
                ذوّبت حيلي بروحي حـسره

                سلّابي يبچي لحالي اشـوفـه
                اتركنــي گتله .. وأبده خوفـه
                ويگلي حالــچ بــس اعــوفــه
                غيــري يجــي يسلبــچ يحـره

                تــالــي دلالــي ابّــيــن ظـــلّام
                والليــل هــذا وجفنــي ما نـام
                مِتوسـده فــوگ ارمــاد الخيام
                شلون اغفه وانه بخدري جمره

                انظـــر لعمتي وافـگـد الـحـيـل
                داس بخدرهــه حافــر الخيــل
                و لو عن جـلـوس اتصلي الليل
                ابچــي وحــزن عبــاس اذكــره


                           *---------------*---------------*

  ✍️خادم الحسين ع
الشاعر سعد هادي الشمري
‏

قصيدة (#دمعة_رقية)



.        بچّت شمس والـگـمـر .. دمعة رقيه
         فـدوه الهه ماي النـهـر .. دمعة رقيه

                   انطاهـه الگمر عـيـن
                   و مـن روح الحسين

                         دمعة رقيه

                                *---------------*---------------*

لشيب السـبـط خَضبَت    لگـلـب الـگـمـر كـسّـرت
ومن جرت فـوگ النحر    زيـنـب ويــاهــه بـچـت

شـرحـت مـواجـع سبي    وآهـــات گـلـب الـنــبـي
وامـتـون مــن الـضـرب    صـــارت بـلـون الـعـبـي

                   تجري مـن الـعـيـون 
                   من سـوط الـمـتـون

         لـفـاطـمـه كِسرت ظهر .. دمعة رقيه


                                *---------------*---------------*

عالـنـحـر سـالـت حزن    والـسـمـه ويـاهـه تـوِن 
مـن كـثـر مـا بيهه ألـم    دمّـت لـحــيــدر جـفـن 

شـافـت الراس بطشت    والـــد وتــنـعــاه بـنـت
گـالـتـهـه بـــس بـفـعـل    كـلـمـة الـبـعـدك مـتـت

                   هالـدمـعـه احسـاس 
                   لحد گطـع الانـفـاس

         گلب النبي الهه انعصر .. دمعة رقيه

                                *---------------*---------------*

مـن طفله سـالـت ألـم    اتـنـشّـفـهـه رفّــة عـلـم 
وبـگـلـب زينب صفـت    أقسه مـن نـار الـخـيـم 

نـزّلـهـه سـوط الـشـمـر    وضـربـة خـوَّلـي وزجر
تبچي الهه عين الحـمد    و الـقـارعـة و الـعـصـر

                   مـزروعــه بــالــروح 
                   ومصدرهه الجـروح

         نَــزِّلَــت دمــع الــســور .. دمعة رقيه

                                *---------------*---------------*

مـعـنـاهـه دمعة رفُـض    لمتن الـحـرم تـنـتـفُـض 
وعالگلب مـن خـيّـمَـت    وگـفّـت حـتـه الـنـبُـض 

حــزن وألـــم سـايــلــه    لـظُـلـم الــدهــر نـاقِـلـه 
صوت الهه طول الزمن    كـربــلــه  يــا  كـربــلــه 

                   هـالــدمـعـه عـنـوان 
                   بـيـهـه الأجـل حــان

         من سـالـت اعله النحر .. دمعة رقيه

                                *---------------*---------------*

دمـعـة وفـه سـاجـمـه    لهـظـم الذبـح والـظـمـه 
ترجِمَت فوگ الـجـفـن    حــزن الأرض والـسـمـه 

دمعه اعله جفن الزمن    لـلـضـاع مــنــهـه وطـن
بـعـيـون طـفـلــة نـبـي    نـزّلــهــه چـف الـمـحـن

                   جــرح الـســمــاوات 
                   حـــزن الــديــانــات

         جمره اعله خد الـدهـر .. دمعة رقيه

                                *---------------*---------------*

  ✍️خادم الحسين ع
الشاعر سعد هادي الشمري
‏

وقيل:في الروايات بعد وفاة السيدة رقية على رأس أبيها 
أحضر لها أهلُ البيت مُغَسِلَةً لتغسلها، فلما جردتها عن ثيابها
قالت: لا أغسلها، فقالت لها زينب (عليها السلام): ولم لا تغسلينها ؟!
قالت: أخشى أن يكون فيها مرض، فإني أرى أضلاعها زرق، قالت زينب (عليها السلام): والله ليس فيها مرض، ولكن هذا ضرب سياط أهل الكوفة.

*كما ينقل بعض ارباب المنابر
انه بعد مقتل الحسين السيدة زينب
وضعت عصابه على عيون رقيه على طول درب السبي حتى لا ترى راس ابيها على الرماح.

#نعي

.         زيـنـب رقــيـــه ودعــتــهــه
          وامغسِّله إلـهــه حـضـرتـهــه
          لـثـيـابـهـه مـــن جــردتــهــه
          فزعـت تـره ومـا غـسـلـتـهـه

          و باللي تـغـسـل ارقيـه حيره
          گــالــت عـلـيـلـه هـالـزغـيـره ؟!
          ازرگ جسمـهـا الطفله . خَيره ؟!
          وچـن مـاشـيـه ديـره لـديــره

          اتـجـاوبـهـه زينب بعد اخونه
          شـيـعـة أمـيــه مـــا رعــونــه
          ارقيـه جسمهه انـصـبـغ لـونـه
          بضـربـة اسـيـاط الـكـاتـبـونـه

          ازرگ جـسـمـهـه وحيل ما بيه
          ودم سوط شمر الخنه امحنيه
          جـفـنـي تـجّـرّح مـن بـواچـيـه
          مـاظل دمـع لـرقـيـه وابـچـيـه

          وهنـا تـگـلـهـه يـالـتـغـسـلـيـن
          بهداي ويـه طـفـلــة حـسـيـن
          اجـدامـهـه امـورمـات تـدريـن
          امجرحه بشوك اهواي ماشين

          ويـلـي اشـيـنـزلــهــه لـلـتـراب
          وجرح التراچي بعده مـا طاب
          شلون النعش من بعد الاحباب
          يـنـشـال تـالـي بـديـرة اغـراب

          طول الـدرب بـعـصّـابـة الراس
          شـديـت عـيـن ارقـيـه يا نـاس
          للطفله خـوفـي تخـمد انـفـاس
          لمن تشوف اعلـه الـرمـح راس 

                                  *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_الأربعينية
قصيدة (#حج_الفقراء)


.         زيــارة كـــربـــلاء  
          حـــج الــفــقــراء

عــهــدنـا   نــزورك   كـل اربـعـيـن

                                          *---------------*---------------*

مـن الـبـحـر حــد الـنـحـر وفـايـه
كـلـشـي بـالـدنـيـه قره اسمك آيه
الطير فتحَت جنحه صـارت رايـه
النـسـمـه مـرّت عـالـشـجـر مشايه

          بـثــورة الـمـشـي  
          بدمعتي انـتـشـي

عــهــدنـا   نــزورك   كـل اربـعـيـن

                                          *---------------*---------------*

الوطن خـادم والـمـواكـب عـيـنـه
واحنـه بـيـهـه ادمـوع واتـبـديـنـه
ابـدربـك امـغـمـضـيـن وانـدلـيـنـه
احنـه ( آه يحسين ) الـتـمـشـيـنـه

          بـخـطـوة الــزلـم  
          مــا يـــزل جــدم

عــهــدنـا   نــزورك   كـل اربـعـيـن

                                          *---------------*---------------*

شامخين وهـيـبـه ، تعرف نـوعنه
ويـمّـك ايبيّن فـقـط مـوجـوعـنـه
بكربله يصير البچي مـوضـوعـنـه
والـفـرات ايـغـار مـن ادمـوعــنــه

          يــمــك الـــدمـــع
          صـوتـه يـنـسـمـع

عــهــدنـا   نــزورك   كـل اربـعـيـن

                                          *---------------*---------------*

نـهـر تــمــتــد شـيـعـتـك گـدامـك
بلكي يـشـفـه واحــد ٱمـن آلامـك
لـبـسـت اســود سـيـدي خـدامـك
حـتـى ما نـنـسـه رمـاد اخـيـامـك

          اشبيهه مـن ألــم
          حـرگـة الـخــيــم

عــهــدنـا   نــزورك   كـل اربـعـيـن

                                          *---------------*---------------*

مــا تـشـم الــورد تـدري احـبـابـك
سيـدي الـشـاغـلـهـه عطر اتـرابـك
هيبه بـابـك واحنه حگنه انـهـابـك
حـگـنـه اذا الـعـبـاس صـايـر بـابك

           نــوگـف ابـفـخـر
           لـهـيـبــة الـگـمــر

عــهــدنـا   نــزورك   كـل اربـعـيـن

                                          *---------------*---------------*

لـــ ثـورة الـمشايـة ننطي اعمارنه
نرفـع الـرايـات اجـيـنـه لــ ثـارنـه
لـزيـنـبـك يـحـسـيـن تلهب نـارنـه
انـعـاهـدك جينه وكـتَـب اصرارنـه

          يــبــقــه هـالـولاء
          يـبـقـه هـالــوفـاء

عــهــدنـا   نــزورك   كـل اربـعـيـن

                                          *---------------*---------------*

كـل درب بـالـدنـيـه جـايـب زايــر
دمـعـتـه تـشـبـه لـدمــعــة جــابـر
الـشـال رايـه يـعـنـي طـالـع ثـائـر
يـنـتـخـي لـكـلـمـة ألا مــن نـاصـر

          الشيعي من يزور
          بـدمـعـتـه يـثــور

عــهــدنـا   نــزورك   كـل اربـعـيـن

                                          *---------------*---------------*

  ✍️خادم الحسين ع
الشاعر سعد هادي الشمري

@saadhadi83

قصائد الاربعينية


الـرايـه شـلـنـاهـه .. حُسين
والـدمـعـه معناهه .. حُسين

رايات ،، دمعات  ،، حُسين

                                          *---------------*---------------*

ايــــــام و لــــيـــالــــي 
مـــشـــايـــه يــــوالـــي
خــطــوات الــمـــوالــي .. عـقـيـده

شــيــعــتــكــم حـزيـنـه 
وي زيـنـب مَــشــيْــنـــه
لـطــمــتــنــه وبـچـيـنـه .. عـقـيـده

اتـعـنـيـنـه مشايـه .. حُسين
وتـدريـنـه وفّـايـه .. حُسين

حسرات ،، دمعات .. حُسين

                                          *---------------*---------------*

مـنـو مـثـلـك مـصـابــه
ورضا الباري اعله بـابـه
الشِــفَــا صـــار بـتـرابـه .. رســالــه

الـجـفـن فــاض بدمعته
وثـوب اســـود لـبـسـتـه
بـجـفـن دامــع گـصـدتـه .. رســالــه

خل يفهم الضَدنه .. حُسين
غيرك فـلا عـدنـه .. حُسين

صرخات .. دمعات .. حُسين

                                          *---------------*---------------*

الصـدر لجلك نـلـطـمـه
ونـزف دمـك نــفـهــمـه
نـــحْـــرك أحــيـا أُمــــه .. بـدمـائـه

يــا روح الــــرســــالـــه
وگــلــب طــه وجـمـالـه
الـخـنـصـر ديـــن شـالـه .. بـدمـائـه

اتسمينـه شيعتكم .. حُسين
فـزنـه بـولايـتـكـم .. حُسين

آهات .. دمعات .. حُسين

                                          *---------------*---------------*

يــا ســيــد زمــــانــــي
خطى اجـدامـي معاني
الـعُـمـر فـدوه لـثـوانـي .. بطريقك

و لـلـجـنــه بــســلامــه
دخـل قـبـل الـقــيـامــه
الـمـشـه بـكـل الـتـزامـه .. بطريقك

قرآنـي واسـلامـي .. حُسين
يل بالذر ايـمـامـي .. حُسين

آيات .. دمعات .. حُسين

                                          *---------------*---------------*

روحـي اسلامي روحك
الحجر يبچي لجروحك
عــرش ربــي يـنـوحـك .. يـغـالــي

شمس ايـامـي اشـوفـك
وضريح الحُـب حروفك
اجـيـت بدمعي اطـوفك .. يـغـالــي

مــا تـنـزل الـرايـه .. حُسين
بجرحك امسمايـه .. حُسين

ثورات .. دمعات .. حُسين

                                          *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_مجلس_الامام_الحسن_ع
.
.

.         خـل يـكـتـب الزمن     ظُـلامــة الـحَــسَــن
          قَـلْ نـاصـر الـقـيـام     واتـشـيّـعـه السهـام

                           *---------------*---------------*

بعد الجـمل والـنـهـروان وصـفـيـن . واعلام امـيـة المسموم
ضاعت الرؤية الثاقبة بعين الناس . وظالم انشاف المظلوم
وولد اللي حرگوا بيت فاطم بالنار . ظهروا الحقد المضموم
ابـنـاء الـسـقـيـفـة للفتن شـبـوا نار . والـقـوم ابــنـاء الـقـوم

          الـمـا بايـعـت عـلـي     صــرخـتـهــه تعتلي
          لا بــيــعــه لـلإمــام     واتـشـيّـعـه السهـام

                           *---------------*---------------*

بالخوف عالامة بده يتظاهر . جــنــدي الـطــمــع والآثــــام
وابتده هنا ينباع حتى الموقف . وانـشــره بــديـنـار الـشـام
لحد ما صفه بيع الضماير طعنه . وخـنـجـر بـفـخـذ الايـمـام
بهالحاله ما ظل للعَجَب اي معنى . يوم انترس نعشه اسهام

          والـشـيّـعـه السـهـم     نـسـتـذكـره بــألـــم
          مسـتـشـهـد السلام     واتـشـيّـعـه السهـام

                           *---------------*---------------*

عن ابن ابو سـفـيـان گـال التاريخ . هالـشـرع لا يسلم ريت
ماحاربت عن الصلاة و عن صوم . بهاي الحرب احكم جيت
والحسن حربه حرب حق ضدالجور .وبروحي گلهم ضحيت
وحرب اسرتين الناس عن حربه تْگول.وماناصرواأهل البيت

          وبــهــايــه يـتـضـح     كل سبب لـلـصـلـح
          شـيـگـعّـد الـنــيــام     واتـشـيّـعـه السهـام

                           *---------------*---------------*

هذا الحسن عِدِل الذكر، والايمان . واسمه كهف كل محروم
لامة حرب وكت الصلاه يلبس چان . يدري الغدر طبع الگوم
بكلمة مُذل المؤمنين ايوصفوه . وهـوّه الإمــام الـمـعـصـوم
تگعد العِزّه ابگعدته ابن الزهراء . و لـــو گــام ويـــاه اتـگـوم

          كل خصـلـه طـيّـبـه     بكـلمـة الـمـجـتـبـه
          الــحــارب الـظــلام     واتـشـيّـعـه السهـام

                           *---------------*---------------*

مـن بعد كل هـاي المحن والآلام . چـبـد الامـــام ايـسـمـوه
ابن النبي ويـم النبي دفنه يريد . واهـل الـحقـد مـا خـلّـوه
ما لفظـوا التكبير وكت التشييع . لا بـالـسـهـام ايـشـيـعـوه
وبغضاً بابوه وامه كل هذا الصار . وكـل الـيـصـيـر يسووه

          يـتـجــدد الـحــقــد     مـن مـنـحـر لـچـبـد
          مـيـوصّـفـه الـكـلام     واتـشـيّـعـه السهـام

                           *---------------*---------------*

  ✍️خادم الحسين ع
الشاعر سعد هادي الشمري

@saadhadi83

قصيدة (#تاريخ_القهر)



الأول مـن صَـفـر  ... تــاريــخ الــقــهــر
بـلا رايــه وگـمـر ...  طـبـيــنــه الـشـام

                     *---------------*---------------*

بـنـت الـمـسـتـحـه وأمـــي الـزچـيـه
الـشـمـاتـه اسـهـام نـظـرتـهـم عـلـيـه
الــقــــرآن ابـــــوي و هـــاشـــمـــيــه
الـشـام اتـصـيـحـلـي يـالـخــارجــيــه

ومـن بعـد الذبح  ..  عـشـت اكبـر جـرح
مــسـبـيــه رحــت  ... لأرض الآلام

                     *---------------*---------------*

بــرض الشام مِــنّــي الـشـوف وچّــد
الضحكه الصفره بس والگلب الاسود
عــكــس دار الــزمــان ويــاي واشتَـد
بنت القُـل هـوَ الله،  مــاٱلــهــه أحـــد

وي ممشه الـهِـزِل  ..  بكل خطـوه انكِتِل
بروحي وماطفت  ..  نــيــران اخــيـــام

                     *---------------*---------------*

الاول مــن صـفـر تــاريــخ مـــوتـــي
دخلت الشام وحـدي بـلايـه اخـوتـي
صـوت الـسـوط مـنـي بـاگ صــوتــي
وبانت حـالـتـي بـصـبـري وسـكـوتـي

مـدمـع هـامــلــه  ..  وبيـدي الـسـلـسـلـه
وللساقـي ظـعـن  ..  تــحــديـــه ظـــلّام

                    *---------------*---------------*

الاول مــن صــفــر تــاريــخ قــهــري
احترَگـت ونـظـرت الشمّات جــمــري
على العـجـفـه بـمـصـابـي الله يــدري
ومثل ضلع امـي خلف الباب، ظـهـري

بدمـوعي الحچي  .. و ممنـوع الـبـچـي
ومـن بيـتي طـلـع  .. صـــوت الاســـلام

                      *---------------*---------------*

المتـعـجبـه عـلـي يـصـلـي بـحـيـاتـه
وغـريـبـه ايصير بـالـمـسـجـد ممـاتـه
الـشـام بـطـبـل تـسـتـقـبـل بـــنــاتـــه
وعـيـد وفــرحـــه تـحـسـب نـايـبـاتـه

حـقـد ويـعـتـلـي  .. بـغـضـاً فــي عـلـي
الـحــق مـارادتـه  .. وتـتــبــع أوهــــام

                     *---------------*---------------*

امــويــه الـهــوى الـشــام بـطـبـعـهـه
وتـفـرح لَـوَن عـيـنـي ايـصـب دمعهه
شـافـت روس أهــلــي ، وبـجـمـعـهـه
اجـت اتـقـبـل اچـفـوف الــرفــعــهــه

الروس اللي عِلَت  ..  بـيـهـه اتـشـمِـتَـت
مـا يهوى الــعــدل  .. طــبــع الاجــــرام

                   *---------------*---------------*

  ✍️خادم الحسين ع
الشاعر سعد هادي الشمري

#قصائد_مجلس_الامام_الحسن_ع
.


.                وي عـثـرة الــنــاگــه عــثــر
                 وغــيّــر مــوازيــنــه الـدهـر
                 عـــاشــور يــوم ويــبــتــدي
                 يـالـحـره مـن سـبـعـه صَـفَـر

                             *---------------*---------------*

من بعد جرح الـمـرتـضـى . عـالـمـجـتـبـى حقد انعلن
ويا بت علي بغض بـعـلـي . دارت الدنيه اعله الحسن
اسهام الـنـعـش كبرن حقد . وارماح صـارن واعـتـلـن
والـصـوّبـن نـعـش الـحسن . بنحر الحسين اتـمـايـلـن

                 سم جعده مو حدّه الـچـبـد
                 سم جعده لـلـمـنـحـر صـعـد
                 سم جعده بخـيـامـچ مـشـه
                 سم جعده بـالـشـام اسـتـقـر

                             *---------------*---------------*

اصل الذبح سـم واتـضـح . هـالـمـوقـف بـگـبـر النبـي
لـومـا مـنـع دفن الـحـسـن . مـاعـرفـت اجدامچ سبي
شفتي الحسن لونه انخطف . صحتي يـنـاري اتلاهبي
واتـحـضـرن ويـه الـخـيـم . باچر حـرگـچـن يـالـعـبـي

                 ونـفـس الـدمـه الـمـتـخـثـره
                 بـاچــر تـسـيـل اعـلـه الـثـره
                 ويـسـيـل دم الــمــجــتــبــى
                 لــو گـطـعـوا لـجـاسـم نـحـر

                             *---------------*---------------*

اسلم ، ابن ظـاهـر ، وهب . عـابـس وسـبـعـيـن العـزم
انصـار ضـحـوا بـالـنـفـس . ثــبــتــوا ولا زلــوا جــدم
وللحسن ما صح هالـعـدد . بي غـيـره غيرت هـالـزلـم
فـكـرة الـثـوره بــلا وفــه . بـچـف الـخـيـانـه تـنـهـدم

                 لـومــا الـخــيــانــه تـتـضـح
                 مـا يـنـعـرف معنى الـصـلـح
                 چـف الـحـسـن چـف حيدره
                 ويـا فـارس الـچــفــه عُــبــر

                             *---------------*---------------*

ديـنـار ابــو سـفـيـان الـه . بگلب الطمع سطوه وطمع
والحسن چبده الـمـنـمـرد . مـا سـمـمـه غـيـر الـجـشـع
والهزّه چف سلطه وفلس . والـمـا قــنــع يـوم وشـبـع
بـخـيـمـة أُميه اللي دخـل . نـدريــه بـيـا مـوقـف طلع

                 شيعة بـنـي سـفـيـان ، أسم
                 لـكـل ناس تـسـكـت عالظلم
                 وحب علي وولده اكبر بخت
                 الداس الـبـخـت تـالـي ايعَثَر

                             *---------------*---------------*

انصاف المواقف مُتـعِـبـه . وصـاحـبـهـن يـعـاشـر ندم
(الما واضح) يعيش العمر . بنعش الحسن عايش سهم
الما بيّن بـصـوتـه الـرفض . تـنـشـاف بفعاله الـ( نـعـم )
والـمـو دوه لـسـم الـچـبـد . فـعـلـه اتـضح جمرة خيم

                 تـتـوضّـح بـهـالحـب صـفـه
                 بـيـن الــوفــه والـمــو وفـه
                 حـبـهـم صُـبـح جـنـة عــدن
                 الما عاشه عايش فـي سـقـر

                             *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_مجلس_الامام_الحسن_ع
مابين #الشام_والبقيع



امـحـيّـره الزهره    يا عزا اتـحـضـره

     بـالـخـرابـه تـبـقـه يـم زيـنـب
     لـو تـجـي يَم الحـسـن تنحب 

                                       *---------------*---------------*

حمره عين الخـدهه بالچف منصفع
والـجــروح اتـريـد الـمـواسـاه دمـع
كون لطمتهه بصـدرهـه الـتـنـفـجـع
وفاطمه شتلطم ومـكـسـورة ضـلـع

تـعـلـه حـيـرتـهـه   وتـنـعـه ضنوتهـه

     على المسبيه الدمع يـنـصَـب
     لـو تـجـي يَم الحـسـن تنحب

                                       *---------------*---------------*

هل دمـع عـيـنـاهـه لمن هل صَـفَـر
ظعن زيـنـب بيه بـالـشـام اسـتـقـر
وتوّه خاطرهه على ارقيه انـكـسـر
و رد حزنهه من الحسن جايب خبر

اتـذكـرت جَـعـده   اشـسـوت بچبده

     احتارت اتواسي البقت تلهب
     لـو تـجـي يَم الحـسـن تنحب

                                       *---------------*---------------*

احتارت الـزهـره وكُبَر بـيـهـه الألم
اتـشَـيـع ابـنـهـه لو تظل يـم الحرم
اتداوي زينب من حرگ نار الخـيـم
لو تِصِد من نعش ابنهه اشكم سهم

ابعينهه الـدمـعـه   فـاطـمـه وتـنـعـه

     تِـظَـل لـبـنـيّـتـهـه تــتــعــذّب
     لـو تـجـي يَم الحـسـن تنحب

                                       *---------------*---------------*

خـافـت ابـنـيّـتـهـه بـالـغـربـه تـظَل
وحَن گـلبـهـه على المسموم انچتل
اتعوف زينب ؟ تدري ما عدهه أهل
تبقه بالشام ؟؟  الحسن موته وصَل

لـلـغـري انــدارت   ويا علي صاحت

     اتريد حَـل .. للعالهزل تـركـب
     لـو تـجـي يَم الحـسـن تنحب

                                       *---------------*---------------*

امحيره الـزهـره وكُـبـر بيهه الحزن
الليلـه لـمـصـابـيـن مفجوعه وتـوِن
گلب عـدهه على الـمـسـبـيـه يـحـن
وروح عـدهـه انفجعت بفگـد الإبـن

الـضـلـع لازمـتـه   والبچي سـكـتـه

     تبچي لليبچي إلـهـه جَد وأب
     لـو تـجـي يَم الحـسـن تنحب

                                       *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

‏طور قصيدة امحيرة الزهره

#نعي_لسان_حال_الحوراء_زينب_ع
#دخول_السبايا_الى_الشام
.


اخــتــك يخوهه 
جابوهه وسط السوگ .. اخــتــك يخوهه

هــالــرچــبــوهـه
ابلا محمل اعله النوگ .. هــالــرچـبــوهـه

بــيـد الـسـبـوهـه
ازمــام الظعن ميلوگ .. بــيــد الـسـبـوهـه

ويـشـتّـمــوهــه
بسوط المَــتِــن محروگ .. ويـشـتّـمــوهــه

                                   *---------------*---------------*

وامـعـيـده اهـلـهـه
عـيـد وفـرح بالشام .. وامـعـيـده اهـلـهـه

وادمـوعـي اهلهـه 
وانـه احـرس بايتام .. وادمـوعـي اهـلـهـه

بـالــدنـيـه شلهه 
المحترگـه چنهه اخيام .. بـالــدنـيـه شلهه

راس الـكـفــلــهــه
وايرفـعـه چـف ظلّام .. راس الـكــفــلـهــه

                                   *---------------*---------------*

حــامـي الحميـه 
بنته، وعلي ايوصفون .. حــامـي الحـمـيـه

وبـچــفــوف اديـه
اسـتـر بـوجهي شـلـون .. بـچــفــوف اديـه

زيــنــب سـبـيـه 
وسفـه الــعــده ايمشّون .. زيــنــب سـبـيـه

الــخــارجــيــه
ايـشـتـمـونـي ويـگـولـون .. الــخــارجــيــه

                                   *---------------*---------------*

واشگف بالحجار 
بيدي الحبل يحسين .. واشـگـف بالحجار

لــو حبل لــو نــار
اتدوهنِت بين اثـنـيـن .. لــو حبل لــو نـار

بيه الـزمــن جـار
جـتـنـي الخـرابـه منين .. بيه الـزمـن جـار

وايـتـامـك ازغـــار
گلي اشـيـنـوم الـعـيـن .. وايـتـامـك ازغـار

                           *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

قصيدة عطشان حسين

الرادود ملا عمار السماوي
الشاعر سعد هادي الشمري


https://youtu.be/OQpoH-ILQq4?si=s9IhQnCuXwwf6-35