قصائد  الاكبر ع

هلا بالاكبر.  هلا.    دنكتله كربله

دنگت كــــــــــربله يِِـمه وفنهه ترفع راسهه
وشرعب الاكبر عليها وكاتم اعله انفاسهه
جرهه جرت موت بيده وحط عليها وداسهه
رجهه الما توكف ايده  وصيته طشر ناسهه

هم ابوه بيه انجله.    دنكتله كربله

بصوت الرادود الحسيني الموفق
والحبيب ملا احمد العكيلي
العراق البصرةالحبيبه
الجمهوريه. حي الرافدين
2024/1446

قصائد الامام علي الاكبر ع

اخوتي خدام الحسين ع رفع الله مقامكم
الهوسات البالقصيده  موشرط تقروها  حسب لحنكم



أمه بيه تتباهه.     صولته شمحلاهه
سوه بيها سوايه.    بس علي سواهه

زامط اونعمه الزماط.
   بجدمه صدر الگاع راط
وربط الحومه برباط     وگام يسحل بيها

كلها صاحتله دخيل.
        ودنگتله الروس حيل
هذا تربات الكفيل.    وعطوه ماينطيها

صارو گباله  سراب. 
      علي هزبر  ليث غاب
حار ويدور الصعاب.        السهله ما  يدنيها

((ورجهه بزوده   گانوص الطف   رجهه بزوده))

خضها ورجاهه    الحومه من طباهه
وسوه بيها سوايه.    بس علي سواهه
/~/

ضيگ الحومه عليهم
.      روسهم طاحت بديهم
    منين ماشردو يجيهم.   ابن شيخ الساده

الهاشمي لو فار دمه.  
  بالحرب محد  يلزمه
كاوناهم زلمه زلمه.       و بده بروس القاده

صاح انه بن الصميده.
  انه طراد الطريده
خبرو الروس العنيده.     سيفي ذب اغماده

((واوجر بيهم.  الماينكـض  اوجربيهم))


الـــعاندت ذلاهه.          والحجت بجاهه
سوه بيها سوايه.    بس علي سواهه

/~/

اشر اعله الخيمه بيده.
  وكال وين الزلمه اريده
ضحيه العمتي العميده.      اليوم اگطع راسه

اليوم خشم الجيش اكسره
  واله يركعلي اجبره
  والحجه منهم اوذره.  وبيدي اخلص انفاسه

صارت اعليهم قيامه.
   علي من ذب العمامه
وصاح. خوانه وعمامه.    يشبه العباسه


((صاح امحيها.   والبادي اضلم  صاح امحيها))

خيبره عاداهه.   وكـــربله رجاهه
سوه بيها سوايه.    بس علي سواهه
/~/

وداعت اسكينه ورقيه
   اليوم كل جيش ال اميه
افراش افرشه اعله الوطيه    وراس ابوي الغالي

انه تربات الغياره   
غاره اذبنها اعلى غاره.   
اويه الله لوصارت تجاره.   .  بالحرب تحلالي

وسع الميدان وسعه
    برگاب اليوم ازرعه
المشي واليركض اصرعه.   هجي جاي بالي


((وفرح بيها.   لوصار زماط.    افرح بيها))


الرگب مداهه        وبجدم داساهه
وسوه بيها سوايه.    بس علي سواهه
/~/


هد علي الاكبر  عليكم 
ذبو السيوف من اديكم
هذا. كله الصار بيكم      ذره لو شد حيله

بن سعد والشمر يمه.   
صوت الاكبر خبط دمه
والهوه فنه اليشمه.        طبهه شبلج ليله

طبهم  الـماينطي لزمه.
  ضربة ايده بالف زلمه
وحگهه بيه تتباهه امه     وحگهه من تدعيله

((وماينطيها.     فكه ارباتج    ماينطيها ))

العاليه واطيهه.     وبالارض ساويهه
سوه بيها سوايه.    بس علي سواهه


خادم الزهراء ع ابو احمد الطائي

قصائد  الاكبر

قصائد الامام علي الاكبر ع

اخوتي خدام الحسين ع رفع الله مقامكم
الهوسات البالقصيده  موشرط تقروها  حسب لحنكم



أمه بيه تتباهه.     صولته شمحلاهه
سوه بيها سوايه.    بس علي سواهه

زامط اونعمه الزماط.
   بجدمه صدر الگاع راط
وربط الحومه برباط     وگام يسحل بيها

كلها صاحتله دخيل.
        ودنگتله الروس حيل
هذا تربات الكفيل.    وعطوه ماينطيها

صارو گباله  سراب. 
      علي هزبر  ليث غاب
حار ويدور الصعاب.        السهله ما  يدنيها

((ورجهه بزوده   گانوص الطف   رجهه بزوده

بصوت الرادود الحسيني الموفق
والمخــــــــــــــــلص لال محمد
ملا احمد العكيلي
المكان، العراق. البصره
. الجمهوريه البصره .. الجمهوريه
حي الرافدين
حسينية سيد الشهداء
الحاج علاء اللامي
2024/1446

كون اگضي أيامي. بخدمتك يالضامي


روحي أنته وكل حياتي اومهجتي يحسيني
اوخادمك واتمنه خـادم. تگضي كل اسنيني
يلي معليني ابخدمته. اوخــيره تارس عيني
والله يكفيني ابحياتي. انت مـــــــاناسيني

غايتي واحلامي. . بخدمتك يالضامي



امن المهد أمي اوغلاتك بسمك اتلوليلي
اوجانت توصيني أكبر واخدم بكل حيلي
تنحب او اسمعها تبجي ابكل نهاري اوليلي
اوأمي تتوضى ابدمعهه. . اعليك من تحجيلي

اوتنتفظ گدامي . بخدمتك يالضامي


بيتنا من الزغر شفته. اوبيه صوت اقرايه
اوالدي عنده المجالس. اغلى مني اهوايه
البيت كله ايصير موكب. من تجي المشايه
او راية العباس عدنه. تضوي جنها امرايه

اوكل هلي واعمامي. بخدمتك يالضامي



يلي ماشفت ابخدمتك غير رفعت راسي
انت گلبي اوانته عمري. وأغله من أنفاسي
اوعلي كل الشعر جبته اوجيتك ابكل باسي
اوماوصل ربع الأحسه. وماوصل لاحساسي

مذهبي واسلامي. بخدمتك يالضامي




انه ذاك الماله حوله. اوطلعتني ابصيتك
اوطلع صوتي اوطلع اسمي من خدمت ابيتك
ياعظيم الشرف انته. والفخر خاجيتك
الف خيــــــعونه التربه واخذ ،من تربيتك

اليوم اشد احزامي. بخدمتك يالضامي



وين ما أمشي حبيبي. صيتك ايماشيني
اويرتفع بسمك كياني. اوخيرك ايغطيني
سيدي الخاطر عيونك ناسك اتماشني
اوين ماطب ديره. لهفت ربعك اتلاگيني


اوهرش كلبي الدامي. بخدمتك يالضامي


خادم الزهراء ابو احمد الطائي

قناه الشاعر ابو احمد الطائي:
كون اكضي ايامي. بخدمتك يالضامي
بصوت الردود الحسيني الموفق خادم الزهراء
ملا احمد الشريفي
المكان العراق. البصره الزبير البرجسيه
الزمان 2024/1446

الامل ضاع يزينب الامل ضاع
بصوت الرادود الحسيني الموفق
والمخلص لال محمد ملا فؤاد حسين الخفاجي
العراق الحله منطقة عوفي
2024/1446

نزال لعبد الله الرضيع ع

بويه ماريد المهد.      خذوني وياكم اهد
مو طفل انه ازلمه

انت تمشي وانه اضلن   شلي بويه بضلتي
انه محسوب   اعله هاشم   وطوي دنيه بغيرتي
انت بسيف تحارب.   وانه حربي بشارتي
راح اشور بويه بيهم.  وفدي عمتي ابرگبتي

توكف كلوب الجند.    لوصحت حيدر ممد
موطفل انه ازلمه

راح اصيرن درع بويه. وعنك اتلگه النبل
وهو الجده ابو طالب زلمه هذا لوطفل
انه ابن شيخ الهواشم  عمي عباس الكفل
والفحل يابويه تعرف مايخلف بس فحل

انت شد وانه اشد.    وصوتي يمردهم مرد
   موطفل انه ازلمه

بويه حجه العطش گلته.   حتى ماضل بالخيم
طاح من عمي علمنه.     ولازم نشيله العلم
بويه ما أكدر رقيه       اطيح انته و تنهظم
وعلي لوصاحت عليه     يخنگ اكماطي الزلم

الدنيه ايام وعدد.      و ارد اصيرلك سند
   موطفل انه ازلمه

المن مخليني بويه.    للاسر لو للقهر
وبعد ساعه وفخر هاشم.  ينسلب منها الخدر
القدر جاباني اعله طفك  واني راضي بهالقدر
خل انولنها الشهاده.  وامي بيه تفتخر

حتى. لوعمري ورد.     ضلتي اتمرد الجبد
   موطفل انه ازلمه

باجر من انصارك انعد.   وهايه اعضم منزله
دلني وين النبله بويه.    وين واكف حرمله
دمي مثل السيف اعرفه  وراح هوه يجندله
والنصر لليبقى شامخ.    وسمه يبقى بكربله

كاطع العمتي عهد.     ورايد ابدمي اسد
   موطفل انه ازلمه

خادم الزهراء ع ابو احمد الطائي

نزال لعبد الله الرضيع ع

بويه ماريد المهد.      خذوني وياكم اهد
مو طفل انه ازلمه


بصوت الرادود الحسيني الموفق
والمخــــــــــــــــلص لال محمد
ملا احمد العكيلي
المكان، العراق. البصره
. الجمهوريه البصره .. الجمهوريه
حي الرافدين
حسينية سيد الشهداء
الحاج علاء اللامي
2024/1446

حي الله عباس. حي الله عباس
بصوت الرادود الحسيني الموفق
خادم ال محمد ملا حسين الطائي
موكب عبد الله الرضيع
العراق ذي قار النصر
2024/1446

اتندمت من جبته وياي ما أدري ايشح الماي
اعصر كـــمت بديه جبت ابني للمنيه
ما أدري ايشح الماي


بصوت المبدع  خادم ال محمد
( عليه وعليهم الصلاة والسلام)
    مـــــلا مســــلم المطيري
في حسينية و دار
خادم الحسين عليه السلام
الحـــــــــــــــــــــــــاج باقر البزوني
العراق.  البصره التنونه. نهر حسن

1446/2024

دللول  دللول يبعد امك. .........  دللول
يمدللول يمدللول الكمر عمك...  يمدلول
وعدنه وهو وفاي.......   يرد باذن الله بالماي
   دللول........ دللول



عمك اجه ايطر عالخيم     وشاف الوجن ذبلانه
والشفه متفطره اشكثر.     من كثر ما. عطشانه
كام وگـــــــــع من حركته.      مرتين يمه اهنانه
ودخن وشاط بغيرته.  واسمك سرى اعله السانه

يناغيك يناغيك غد بونته   يناغيك
دمه عليك. دمه عليك ونزف كلبه. . دمه اعليك
مشه و اتامله جاي.......   يرد باذن الله بالماي
        دللول    دللول
........................................

عمك شبع منك شبك.     وشم ببك ترس الريه
وگلك وحگ جدك علي.  وضعك جمر حط بيه
لو اموت عمي بحصرتك.   عند الف مره شويه
معقولة لجفوفي زند.   وتتحسر اعله اميه

ويرويك. يرويك قسم بالله يرويك
فده عليك.فده عليك نذر روحه فده اعليك
عگد للمشرعه الراي..... يرد باذن الله بالماي
دللول....... دللول

راعي الصبر جبده انفطر ومن بجيك انهد حيله
وسيفه اليلاعب بالرگب. بالگوه كام يشيله
ومن شاف اخيه اعله المهد. ونته حيل ثكيله
ذب من حرگته اعمامته وبخده دمعه يسيله

ولعيون. ولعيون جرن من دم العيون
علمتون علمتون وشمر جوده علمتون
وحالك عذبه اهواي. يرد باذن الله بالماي
    دللول.   دللول

يمشي ويدير النا الوجه.    والمهدك يصد عينه
وگلبه الاحر من الشمس.    جمّر حزن  عالبينيه
عباس ماشفته انكسر.     عاشرته كل اسنينه
بس اعله مهدك من وكف.   ضاكت الدنيه بعينه


الجره اعليه. الجره عليه شوصفنه الجره اعليه
ياذيه ياذيه . جرح حزنك ياذيه
انه ادعي ودعي وياي....... يرد باذن الله بالماي
        دللول    دللول

يالكاشخ بوجه النبي. عبدالله يبني الغالي
شدحيلك وذل العطش. ولتخلي دمعي يلالي
عمتك اجتنه مفرفحه. لشوف مهدك خالي
تگلك يعبد الله اصتبر. ساعه ويرد كفالي

تره يطول.تره يطول الحزن بعدك تره يطول
بالف حول بالف حول جذب ننسه. بالف حول
الاجل اضماك وضماي...... يرد باذن الله بالماي
        دللول    دللول

خادم الزهراء ع ابو احمد الطائي

دللول  دللول يبعد امك. .........  دللول
يمدللول يمدللول الكمر عمك...  يمدلول
وعدنه وهو وفاي.......   يرد باذن الله بالماي
   دللول........ دللول

بصوت الرادود الحسيني الموفق خادم ال محمد ملا رحمن الكعبي وخادمة الحسين ع
ملا فاطمه الكعبي
العراق ذي قار النصر
2024/1446

اويلاه. يفاطمه. اويلاه يفاطمة
الجثه منه اموذره. اويلاه. يغاطمه
بصوت الرادود الحسيني الموفق خادم ال محمد ملا مسلم المطيري
العراق البصرة. التنومه
دار الحاج باقر البزوني
2024/1446