بصوت. مسلم المطيري

يالحديت النوگ ريض خذني وياك


كلمات الشاعر
ابو احمد الطائي

تشتاگ الكلوب. لو مر الغروب.
وگلبي اعله اخياتي انصدع
او بمجانهن اشعل شمع
لو مر الغروب


ابكل مسه أذكر هلي وشبع بواچي
ومن نوحي الكوسر يون والگيته باچي
أحضن عمايهم واشم باگي الخواچي
واذكر رقيه شما شفت لعبه وتراچي

لفگد اهلي سليت. اوخانكني البيت
اعله المشن أذرف دمع
وبمجانهن اشعل شمع
لو مر الغروب


ضحگت حميده اوصفنتي مافاركتني
اوكل ساعه اعيدنه الحچي البي ودعتني
واذكر قبل مسره الضعن خوله اعتنتني
اودمعي او دمعهه اشابكن من شابكتني

طولاً بـالفراگ. اوگلبي الهن شتاگ
افراگهن مــــــــاينجرع
اوبمجانهن اشعل شمع
لو مر الغروب



جانت دواي بعلتي سكنه الحبيبه
وصويحبه جانت إلي او أخت و طبيه
شكد شايله طيبت كلب وشكد نجيبه
اوچانت اذا دمعي جره عدهه مصيبه

او چنه احنه الاثنين. مــدللنه الحـسين
وعالسافرن كلبي انفجع
اوبمجانهن اشعل شمع
لو مر الغروب




چنه مثل سرب الگطه مشيتنه وحده
اوبحضان زينب نجتمع ورده اعله ورده
وسفه زمان اهلي الحلو راح وتعده
چـــان الحزن مايقترب للباب حده


اوهسه احنه ياحال. منـه الفرح شال
گوطر ضعنهن مارجع
اوبمجانهن اشعل شمع
لو مر الغروب



ياروحي معذوره أشتكي لله بأنينچ
اوخل توصل السابع سمه صرخت ونينچ
فتي الصخر يروحتي كون بحنينچ
اعزاز كـلبچ سافر و الله اليعينچ

إعميها العين. بيها اشتشوفين
لخـياتي رخصيه الدمع
وبمجانهن اشعل شمع
لو مر الغروب


اتمنيت خيـاتي بحلم ايرجعن أليه
او شبع شـبك من فاطمه اوسكنه او رقيه
ابطيفهن چـا چلبت ابثنين اديه
اوچـــا سولفت ضيمي السده بكل مغربيه

ذابحني الفراگ. الشوفت هلي اشتاگ
امن الدرب جدمي وگع
وبمجانهن اشعل شمع
لو مر الغروب



خادم الزهراء ع ابو احمد الطائي

تشتاگ الگلوب.
لو مر الغروب

كلمات الشاعر
ابو احمد الطائي

بصوت. ( مسلم المطيري)

معلعله. معلعله. وانه جنت مدلــــله
دهري أعلن غربتي. وكمت ابات بدمعتي
    وانه جنت مدلــــله
ـــــــــــــــــــــــــــــــ

دهري شعجب. صاير صعب وروحي اشجاهه.
محد خذاهه
متحطمه ومتألمه. وهيه ابصباهه.
هالشيب اجاهه

جويعدين ابرحمة الله والخبر فجئه اجانه
هذا وكت الغاضريه. والسفر گرب زمانه
ركبوهن وحده وحده اهلي بس عزلوني انه
وكالوا انتي بدار اهلنه. مگعدج هذا مكانه

انحرم انحرم. بيا ذنب وانهظم
انفردت من أعيلتي   وكمت ابات بدمعتي
              وانه جنت مدلــــله

ـــــــــــــــــــــــــــــــ

بكلبي جمر. يسعر سعر. .وروحي من ألمها
تنطش والمها
ومن دنيتي. حيلي انهم . صبت ضلمها
اعله اجتافي همها

وين اضمن روحي منها الدنيه تتبع خطوتي
ومن حزنها ومن اذاهه. توجهت لله بشكوتي
دهري حيل اوجر عليه ودنيتي مردت جبدتي
وانه بس من دون حلي بالدمع صارت سلوتي

ماصفت. ماصفت. لحظه روحي ولاهدت
ذوبتلي.مهجتي.   وكمت ابات بدمعتي
              وانه جنت مدلــــله
ـــــــــــــــــــــــــــــــ
ماصدگت. اهلي ارحلوا. أفل ضواهم
وصرخ وراهم
شوماخذوني. من مشوا. ياهو الخذاهم
وشنهو الاجاهم

فزيت وحدي بغرفتي. والبيت خالي وموحش
لامو حقيقه انه بحلم. والحلم مرات ايغش
امسحت عيني وفتحت وصدگت من كمت ارمش
صح عني كلهم گوطروا. ومن خوفي ضليت ارعش

اتحيرت اتحيرت . وصحت لو ميته صحت
تغيرت كل دنيتي.       وكمت ابات بدمعتي
              وانه جنت مدلــــله

ـــــــــــــــــــــــــــــــ
اعله الدرب. دمعي يصب وماغمض العيون
حته ترجعون
انطر الكلب. من ونته وكام اليمرون
ويايه يبجون

خضر ورد بويه الدرب گد ما دمع رشيته
ومن بيتي المسره الضعن تكول الف مره امشيته
ياهو الاشوفه بهل درب توسلته وترجيته
ايوصلي من عندك خبر وشنهو اليريده انطيته

كربله. كربله. كلبي بيها بتله
شاب كلبي بحركتي       وكمت ابات بدمعتي
              وانه جنت مدلــــله،،
ـــــــــــــــــــــــــــــــ
ارجع صحت. ياغلا البشر من فاركتني
الهم أخذني
اسهام الالم. صبح ومسه. ايصوبني
وما فارگني

بويه بكبر هايه السمه. لجمات دهري بكلبي
وجبدي انمرد من ألالم. واصرخ ونوح الربي
من كثر مادور نشد تيهت بويه بدربي
وجدمي فحط من الركض وبالممشه كايم يدبي

راكضه. راكضه. رايحه و راجعه
اعله النشد من لهفتي     وكمت ابات بدمعتي
              وانه جنت مدلــــله
ـــــــــــــــــــــــــــــــ
ماكو امل . بويه ترد. بضعن الفواطم
. واجيبه سالم
بويه انذرت. الجيتك. اجسي المحارم
وادفع مظالم

نذر وعلي ناذرته الك اتصدق بماي العين
ومن بابي امدن سفرتي. الحد ماتغطي الصوبين
وذبح الف ناكه وعلي ومن الذبايح الفين
لو رد دلالي الاولي.واغفه اعله حضنك يحسين

ناذره. ناذره. وللوفه متحضره
الشوگ اخذني العيلتي   وكمت ابات بدمعتي
              وانه جنت مدلــــله

خادم الزهراء ع ابو احمد الطائي

بصوت. مسلم المطيري

معلعله. معلعله. وانا چنت مدلله


كلمات الشاعر
ابو احمد الطائي

طال الغياب. اويه هلنه طال الغياب
وجمرت روحي بجفاكم والكلب شاب

عطبت روحي عليكم يالحبايب
وضاله لهسه انا عدله من العجايب
شيب الليل اعلى ونتي من النوايب
والكلب ممرود احسه وهرشه ذايب

عندي اعتاب. ارد اگوله عندي اعتاب
وحايره ويامن اسولف واهلي غياب

صبري ماكفه النوايبكم ثكيله
ونتوا تدرون بعليلتكم عليله
دهري مال ويردف الميله اعله ميله
والحمل يرادله صبر العقيله

دمعي سجاب. ولوجن. دمعي سجاب
وخضرت شجره اعله دمعي بكل العتاب

حيل مشتاگه الخواتي الفارگني
جانن بعلتي من اطيح يواسدني
بين احضان الحنان يطوكني
و أشفه من علتي وطيبن لو دعلي

عيني عالباب. انتظرهن. عيني عالباب
والامل مـــــــــــــــــا فاركيته ها يغياب

يهلي عبدالله اشوفنه بمنامي
وفز وشبك مهده من شوگي وهيامي
ليش احسه اتغير وميرد سلامي
ساكت اوجهه ذبل خافنه ضامي

اقره المصاب. بصفنته اقره المصاب
والضعف بان اعله جسمه والوجه ذاب

ودلي يابويه رساله وطمنوني
الماي الابيض طاح وسودت عيوني
منازع انا ويه الهجر لاتتركوني
وراح اموت بحركتي لو تسعفوني

كثري العتاب. يروحي. كثري العتاب
بلكي اتحن الغوالي وتطرق الباب

راح اضل منتظره وتنطر رجعتك
وابد مائيس يبويه من محنتك
راح ترجع لو عرفت بحال بنتك
ادري بي كلبك حنين وهالندبتك

الكلب ذاب بغيابك. الكلب ذاب
وكمت احس بناره وشتم منه عطاب

خادم الزهراء ع ابو احمد الطائي

بصوت. مسلم المطيري

طال الغياب ويه اهلنه طال الغياب


كلمات الشاعر
ابو احمد الطائي

قصائد العليله ع نزله


وصلوها للغالي. حال الأسر حالي.

شلون اگوه بويه اعله الصبر والدمع فاضحني
شما اغفى واتنـاسه الجرح بهلي يذكرني
اينومني عالـون والبجي . وبالهم يصابحني
ومن فـــــــاركتني مـــارضه بعدك يفاركني

الحزن يبرالي. وحال الأسر حالي

يابويه مو بس الـــدمع الهجر هد حـيلي
ودعيلي ابقى الردتـــك ارجــــوك ادعيلي
كمت اشكي ضيمي الونتي او ونتي تشكلي
ويـــابويه من يوم الرحت ما غافيه بليلي

لو ميته اشوالي حال الأسر حالي

كلما اديرنه الوجه عيني تصد رسمك
وركض عليك بلهفتي بس بويه مالزمك
بعيوني ايلوح الرسم وانا اصرخ بأسمك
وشتم عطر واركض اله.والكاه من هدمك

محتاره يالوالي وحال الأسر حالي

خفتوه عليه من الأسر وتأسرت روحي
والدار صارتلي سجن سجنتني وي نوحي
بويه الف مره الهجر زودهن اجروحي
وحسيت بويه تيتمت من گتلي لتروحي

ضل دمعي ايلالي          وحال الأسر حالي

ابيتي بس بالطف عشت ومافارگ عيوني
وليليه يابويه الحـلم يجمعني بضعوني
أشبگ عليكم وارتجي وياكم اخـــــــذوني
ويطر فجر مثل المشه وكلكم تهجروني

الهجر   يبرالي        وحال الأسر حالي


اتخيل اكبالي ضعن يمشي وهزل نوگه
واتخيل الدم والنحر وخيـــــــام محروگه
اگعد وكوم اشتاگ الك والروح مخنوگه
والكلب ماضل بيه نبض من نشفن عروگه

الموت يحلالي         حالي الاسر حالي

خادم الزهراء ع ابو احمد الطائي

بصوت. مسلم المطيري

وصلوها للغالي. حال الأسر حالي


كلمات الشاعر
ابو احمد الطائي

قصائد مولاتي ام البنين ع

قصائد ام البنين ع تخاطب الحسين ع

كالولي مكطوع النحر
والخيل داست عالصدر
مايكفي لو ابجي العمر. يمه ياحسين

جويعده وعيني الدربكم ودمعه عالخد سايحه
وياهو ألمحنه بجهتكم. أله اركض طافحه
اسئلته يايمه عليك. . وكلي اقري الفاتحه
راسه فوگ الرمح شفته. . وجثته بالدم سابحه
كسروا اضلوعه مو ضلع
للخيم كـــــــالوا مارجع
ومات ابنج وشابع وجع. يمه يحسين
ــــــــــــــــــــــــــــــــــــ
يمه عن زينب سألته. وصفــــالي جتــافها
طلعت ومجبوره گلي وبس عبي اعله كتافها
الوصف مـا أكدر اكمله .الخوف مالي اوصافها
وماتت اوشيب كلبها. من المعسكر شافها

وين انته اوين الكمر
معقوله يعصيكم نهر
وزينب كلبها ينفطر. يمه يحسين
ـــــــــــــــــــــــــــــــــ


تسعه اوسبعين فرقه. كلي حاطوا بيكم
وينها الجـــــــانت تراسل. وحلفت اتحاميكم
وين ذيجه العاهدتكم. بالدمه تشريكم
صدگ دارتــــــــلك ضهرهه. وبالنبل ترميكم
رسلوا نبلهم للخيم
حتى يوصلولك عِلم
بلنهب وسلب الحرم. يمه يحسين

ـــــــــــــــــــــــــــــــــــــــ
صدگ مارحموا عطشكم. والنهر ضم مايه
وصدگ كــــــــالولي رضيعك. ذبحته الرمايه
صح نحر عبد الله يمه. نزف دم اهوايه
نزف حتى الســـــــــــمه منه صارت امحنايه

للسمه راح ومارجع
دم الطفل لله ارفع
خبرني صح هذا الوضع. يمه يحسين
ـــــــــــــــــــــــــــ
المقتلك كـالولي زينب. .ركضت من الخيمه
فززتهه الخـــــــوة يبني وركضتـــهه الشيمه
اجت تتعثر تدور اعليك وسط الهيمه
وكالوا من شمس صارت. على جثتك خيمه

ركضت تشاگف بالنبل
تريدلها حل وماكو حل
حسبالها اترجع الهزل. يمه يحسين

ـــــــــــــــــــــــــــــ
يمه من كالولي زينب. عالزلم طلعوهه
اعرفت ولدي اربعتهم. موته هالعافوهه
واعرفت جفه ابو فاضل. عالنهر گطعوهه
هو لو سيفه بيمينه. زينب ايأسروهه

يبني مرسوم القدر
راعي الوفه يضل عالنهر
يطلب ويالتمسك عذر. يمه يحسين


خادم الزهراء ع ابو احمد الطائي

بصوت. مسلم المطيري

كالولي مكطوع النحر
والخيل داست عالصدر
مايكفي لو ابجي العمر. يمه ياحسين


كلمات الشاعر
ابو احمد الطائي

قصائد ام البنين ع

ام البنين ع تخاطب ع تخاطب حادي الضعن


ريض يجمال. ،،، لاتاخذ احبابي
من بعد الاعزاز..... ياهو اليدگ بابي
اتموت ام البنين . بفراگ الحسين

من بعد الاعزاز. ياهو اليدگ بابي



خذت خيرة وطلع مگصدهه مو صالح
اوچنهه تگلي مايرجعلج الرايح
الضعن لو راح يرحل كل حچي المالح
اوبعد راعي المحنه بيمن اتصابح

ماصعباً عليك دمعاتي البعيني
اصبر يجمال وبحزني واسيني
هد حيلي البين . بفراگ الحسين
و من بعد الاعزاز. ياهو اليدگ بابي
ـــــــــــــــــــــــ

احس كلبي نعصر جن عصرة الزهره
واحس نمرود ناره بروحي مستعره
عليك الله يحادي اتوانه هالمره
حزينه الروح وارد اشبعها من عطره


خليلي الحسين. هالليله ياحادي
ارد اشبع. الشوف ومنه اخذ مرادي
انطي الوجه وين . بفراگ الحسين
و من بعد الاعزاز. ياهو اليدگ بابي
ــــــــــــــــــــــــــــــ

نشعب گلبي يحادي وگتلك ادخيلك
وعلى شد المحــامل لاتذب حيلك
ابهيده اسرج خيمهم واني ادعيلك
واشكرك حيل لوكضيت كل ليلك

هيج الله ويطول... يالحادي مگعدنه
بس ليله ونگوم... . حد الفجر حدنه
وراح احزن سنين. بفراك الحسين
و من بعد الاعزاز. ياهو اليدگ بابي
ـــــــــــــــــــ
شسولفلك يحادي عن محنتهم
احسين وزينب اغلى مني ماعدهم
وانه مثل الهوه للروح احسبهم
واعز من شوفت ابني عندي شوفتهم

لو تسئال الروح. انت وتحاجيها
چا گــــالت الموت. ولاممشى أهاليها.
نفت كلبي نصين بفراگ الحسين
و من بعد الاعزاز. ياهو اليدگ بابي
ـــــــــــــــ
ماصبر وحشه الدنيه بجفاهم
ولا يرضون اروحن وامشي ويـاهم
انه اهديلك حياتي كـــون ترجاهم
وياهم أسيراً اوامشي ممشاهم


أترجه يبقون. واهديلك أيامي
لو امشي يرضون. وتحقق احلامي
ماتسلم العين . بفراگ الحسين
و من بعد الاعزاز. ياهو اليدگ بابي
ــــــــــــــــــــــــ
يالحادي أخـــبرك عن جرح بيّـــه
اسنين اوياي يطـــعن كلبي ليليه
علي گـلالي زينب تمشي مسبيه
ومن ذيجه جلمته دمعتي اربيه

سبلت الدموع.... من اسمعت بيها
زينب أميره..... والدنيه تسبيها
ويذبحني الونين. بفراگ الحسين
من بعد الاعزاز..... ياهو اليدگ بابي
ـــــــــــــــــــــــــ
خادم الزهراء ع ابو احمد الطائي

ريض يجمال. لاتاخذ احبابي
من بعد الاعزاز ياهو اليدگ بابي

كلمات الشاعر
ابو احمد الطائي

بصوت. ( مسلم المطيري)

ام البنين تخاطب ابا الفضل ع


انطي اعيون اثين. ورخصله الجفين
وبوجودك ياسبع الماي
بالك خالي يگول اكفاي
ـــــــــــــــــــــــــــــــ
خل روحك درع لليسوه الوكفه
وذراعك الف مره اله كفه
الاخوه يراد لوجار الزمن واكفه
ترى الدنيه بلايه حسين ماتسوه


صدر وظهر وعين
كلشي انطي لحسين
ضم ضعنه بعينك يرباي
وبالك خالي يگول اكفاي
ورخصله الجفين
ــــــــــــــــــــــــــــ

شمامة محمد وامه الزهره
قبل لايطلبك يابني امتثل لامره
رخص ادماك اله كطره بأثر گطره
ودوس اعله المنايه وكلبه لتكسره
من تتمشه اوياه
صيره انت بمكفاه
اسمعه ادلل خويه اهواي
وبالك خالي يگول اكفاي
ورخصله الجفين
ــــــــــــــــــــــــــــ
كله ادلل وذب حملك اعليه
ولو مسوا عباتك يا أبو ارقيه
تلگه الكاع من ضرباتي مجويه
اطشرهم وطكهم ميه ابميه


وشيل الرايه وصيح
روس اعداك اطيح
وگله ار،خصني وشوف شجاي
بالك خالي يگول اكفاي
ورخصله الجفين
ــــــــــــــــــــــــــــ

لاترضه بوجدوك ينحني ضهره
وكل جرح بأخيك لازم اجبره
خلي الرايه دوم ترفرف بكتره
يحب حسين رفت رايه الخضره

كــــــثرله الرايات
ودون العلويات
گله بجفي أمرده اعداي
بالك خالي يگول اكفاي
ورخصله الجفين

ـــــــــــــــــــــــــــــــ
حسين ابشوفتك روحه يحزمهه
لتخلي حســــــرته بصدره كاتمهه
هيج كــــــل جرح بعـــداك يالمهه
وتعنه المعاره طشهه اولمهه

خليهم يــــــــــــــالعباس
راس يطگ براس
طش بيهم يبن الوفاي
بالك خالي يگول اكفاي
ورخصله الجفين
ـــــــــــــــــــــــــــــــ

سوايت الله بكوم صالح سوي بيهم
ورموا كلبه يكافل من حجيهم
خلي روس اطيح وي طيحت اديهم
وخلي ضعن حسين هوه اليسبي بيهم

يايمه الصوبين
جر جرهم لحسين
دگ صدرك تكفيني بهاي
وبالك خالي يكول اكفاي
ورخصله الجفين

خادم الزهراء ع ابو احمد الطائي

بصوت. مسلم المطيري

انطي عيون اثنين

كلمات الشاعر
ابو احمد الطائي

قصائد ام البنين تخاطب الحسين ع. نزله


اربعتهم الك. .... فدوه يامولانه
وشلي بيها الولد..... وزينبك عطشانه

ــــــــــــــــــــــــــــــــــــــــ
كلف اولادي بخدرها. وهم يحرسونه
والضوه اليدخل عليها. مدنگ ايدخلونه
النجم لو صد عليها. من السمه يشلعونه
والهوه مايدخل الها. الا يفتشونه

يبني ذب الخدر.....  عالكمر وخوانه
وشلي بيها الولد..... وزينبك عطشانه

ــــــــــــــــــــــــــــــــــــــــ

جلمتي جلمه ثكيله ولدي ايقيموهه
وحلفوا بروح الزجيه. زينب يحفظوهه
ختنه فوك الروس كلهم كالوا يحطوهه
هيبة الزهره بحجيها. ولازم يقدسوهه

زهره من فاطمة. ازهرت بسمانه
وشلي بيها الولد..... وزينبك عطشانه

ــــــــــــــــــــــــــــــــــــــــ
جبت طاري النهر يٓـمه والكمر جر سيفه
وصاح اذبحنه اعله ايدي ايعطش اختي بكيفه
والله لو بس لحظه منه. تشعر اختي بخيفه
جرفه اكلبنا اعله مايه. وسيفي ياخذ حيفه

وگتله ذل النهر....... يبني هد اركانه
وشلي بيها الولد..... وزينبك عطشانه
ــــــــــــــــــــــــــــــــــــــــــــ


ازلام نيبه والمنايه. اولادي يتلگوهه
ولو تجي الدنيه عليهم. والله ميهابوهه
وزينب اوديعة علينه وكلهم يعرفوهه
والله ينطون الزنود. وهيه ماينطوهه

احنه اهل الفخر ..... والفخر ويانه
وشلي بيها الولد..... وزينبك عطشانه

ـــــــــــــــــــــــــــــــــــ
گلي العباس ابشري. وحركالي الصارم
زينبج بعيوني احطها. هايه اميرة هاشم
انه اخوها وانه اسدهه. ولها اصيرن خادم
ولا تهمين بخدرها وابو فاضل سالم

امنت عالخدر. ..... ابوفاضل صانه
وشلي بيها الولد..... وزينبك عطشانه


ـــــــــــــــــــــــــــــــــــــــــــــــ

اربعتهم فدوه ولدي. . الزينبك خليهم
كبرتهم للشدايد يبني افزع بيهم
سبعه يطووها اعله سبعه. انت من تنخيهم
وابو فاضل وي اخوته. الكون مايلويهم

غيرة الله علي...... وعلي اصل دمانه
وشلي بيها الولد..... وزينبك عطشانه

خادم الزهراء ع ابو احمد الطائي

بصوت. مسلم المطيري

أربعتهم. الك. فدوه يامولانه
وشلي بيها الولد. وزينبك عطشانه


كلمات الشاعر
ابو احمد الطائي

قصائد ام البنين ع


نزل للعباس ع واخوته ع


يضحكون. يضحكون. نزلو السوح الحرب
يعرفون. . يعرفون. صعبه هاشم تنغلب

ضحكوا وكالوا يزينب بالحرب مية هله
ونزله وحده اسباع هاشم نزلوا الطف كربله
فنون ابو طالب وهاشم طبقوهه اعله المله
وكربله گصوا أديها وعلموهه المرجله

هدوا و راياتهم
. ترفرف اعلى اجتافهم
يخوفون. يخوفون ترسوا الحومه رعب

ــــــــــــــــــــــــــــــــــــــــــــــــــــ

علي الاكبر وابو فاضل شدوا اعله الميمنه
ترهب الرايه اباديهم و الحراب مسننه
ازلام هاشم كلها غيرة واليكابلها انفنه
ونكسر ظهر المعسكر والحديد الها انحنه

كوروهه الحومه
.  والزلم مهزومه
يشيمون. يشيمون گلبوا الما تنگلب

ــــــــــــــــــــــــــــــــــــــــــــــــــــ

اخوان الحسين اربعتهم دگوا الظهر بظهر
وابو فاضل گام سيفه يشمر الوادم شمر
شمره منهن شمر واحد وگبل وداه السقر
وهوسوا بسمه النشامه وجه الحسين ابتشر
وصلوله الهوسه
الجيش كله اندوسه
يحصدون. يحصدون. بالرگب مثل الگصب
ــــــــــــــــــــــــــــــــــــــــــــــــــــ

هوس العريس بيها وهوسته تهز البدن
وصاح گولوا. للعقيله اليوم اعوضلها الحسن
لاتهمي بالنوايب. هلا بيهن من لفن
اليوم اسويلج عراضه منها ينشگ الجفن
الغيرة تمشي بدمه
ابو فاضل عمه
يگولون يگولون. بيده الجيش انكلب
ــــــــــــــــــــــــــــــــــــــــــــــــــــ
هلهلن يالبلخدور الكمر صال اعله النهر
وجيشهم مرده بيده وقائد العسكر طفر
انكسر كل حچي اميه وجيشهم كله انكسر
ولملك گاع الله كلها صار مايملك شبر
قائد الـخوانه
شرد من ملـگانه
ويوصفون. يوصفون. شرد وعيونه تصب
ــــــــــــــــــــــــــــــــــــــــــــــــــــ

سبعه وثلاثين فرقه ومابقى منهم علم
ولو مثل سد السكندر جيشهم هـم ينهدم
ضهضب العباس بيها وسيفه ضل يلمها لم
وسره مشاهه الجهنم والسره ضل مزدحم
هذا راعي الرايه
واخوته الوفايه
يكولون. يگولون. سيوفهم تمطر غضب

ــــــــــــــــــــــــــــــــــــــــــــــــــــ
خادم الزهراء ع ابو احمد الطائي

بصوت. مسلم المطيري

يضحكون. يضحكون
نزلوا السوح الحرب


كلمات الشاعر
ابو احمد الطائي