الهيبه الهيبه الهيبه طرهم، حبيب الهيبه

طرهم حبيب برايته وروس الزلم گصاهه
وتتشامر اعله الميمنه والميسره خــــــلاهه
تسعين عمره ويمنته محــــــــد گدر لاواهه
وروس الاجت تسبي الحرم مثل الرمل طشاهه

يجيبه يجيبه يجيبه. حتى اليطير يجيبه

واحد وثمانين الف مـاتوا رفس بالحومه
والسيف ضــل يلعب لعب برگابهه الملثومه
تسعين واحد من شرد. من خوفه ذب هدومه
بن ضاهر تعنه الحرب ومنهه الشرد مالومه

يصيبه يصيبه ايصيبه. بالنجم سيفه يصيبه

هوس وصاح اعله وهوسته شمحلاهه
يحسين عوفنه الخيم بدمانه نتفداهه
هاليوم افخر عالخصم وبيمنتي اتباهه
وهايه الجنت من الزغر يابو علي اتمناهه

النيبه النيبه النيبه. وياك زلم النيبه

ابشر ياراعي الموزمه ماخلي واحد بيهم
سالم يرجع للاهل واقاسملك الا اكضيهم
من روسهم سال الدمه وصلته الرجليهم
وفنه اليسلم بالحرب يالوكلتني اعليهم

انريده انريده انريده. العال بيك نريده

طبهم گانوص الزلم من يگدر الصولاته
صفه المعسكر والحرب تشهد على جولاته
نصين سوه الموزمه ومزقهم بضرباته
وروس تطاير غدت ويه الهوه بحملاته

البيده. البيده. البيده صفاهه بيده البيده

حسين صاحه يالشهم وفيت والله اهوايه
ومن شافه بنص الزلم هوسله راعي الرايه
وعون من اشر اله صاحاله عمي اكفايه
ارجوك هدي اعله الحرب لاتكضي المسنايه


ابهيده ابهيده ابهيده. لاتكضي عمي البيده


خادم الزهراء ع ابو احمد الطائي

بصوت. مسلم المطيري


الهيبه. الهيبه. الهيبه. طرهم حبيب الهيبه



كلمات الشاعر
ابو احمد الطائي

قصائد الامام العباس ع

الامام الحسين ع يخاطب اخيه العباس ع


ماينجبر كسري. فكدك حنه ظهري
وبعدك حرت بامري عباس عباس

انهدم حيلي وانت ياخويه السندته
والمرار المرني بجفوفك شگـــفته
اجم أمر ماينهظم لينته انته
لاتغمض اعيونك ضهري كسرته

يالضامك لمري. بعدك طغى دهري
. لاتختبر صبري. عباس عباس

دلني جرحك وانه اتكـفل مطيبه
وخلنه نتعاون عله حل هالمصيبه
يابو فاضل دنيتي صارت كئييه
وياحبيب يعيش لو فارك حبيبه

عليك الدمع يجري . وشلون مأدري
اتماشه وي دهري عباس عباس

لحظه لحظه الدنيه عشناهه سويه
انا احن عليك وانت تحن عليه
وجنت اسنـــــــد عليك بكل قضيه
انت بس هل مره اتســــــــند عليه

اتسند الظهري. وانا احملك وجري
لتعاون بكسري. عباس عباس

خويه زينب تنطرك خل نرجع الها
الخوف يبس روحها وبس انت املها
شلون ارد الوحدي واختك شگلها
وانت بس انت البقيت الها من أهلها

خويه نكسر صبري. وتلاوه وي قهري
عاوني ياذخري. عباس عباس

لا تشمت اعداي وانهض يالشفيه
والجروح البيك خلهن خويه بيه
خويه من العطش اتنتطرك رقيه
ولك مـــــديت ايـدي لترجع اديه

ماتقبل بعذري. ارقيه من تدري
عمها قبل هجري عباس عباس

خل نرجع اضعونه الارض المدينه
ومن بعدهه الهجر خل يطلع علينه
سوه نرجع مثل ماشلنه وجينه
لو نودع هالضعينه يم علينه

نار الكلب تسري. واليا درب مدري
ياخذني اله قدري. عباس عباس


خادم الزهراء ع ابو احمد الطائي

بصوت. مسلم المطيري

ماينجبر كسري. فكدك حنه ظهري
وبعدك حرت بامري عباس عباس

انهدم حيلي وانت ياخويه السندته
والمرار المرني بجفوفك شگـــفته
اجم أمر ماينهظم لينته انته
لاتغمض اعيونك ضهري كسرته

يالضامك لمري. بعدك طغى دهري
. لاتختبر صبري. عباس عباس


كلمات الشاعر
ابو احمد الطائي

نزل عباس وعلي. الشده راحت تنجلي
زينب الهم هالهلي.  زينب الهم هالهلي

اثنينهم هدوه سويه. وعلي هوس للكمر
تكفه يمدوخ الطرايد . يبو رايات الخضر
مايشيل الراس عمي الجيش منك منسطر
اوتسعه وتسعين منه. . مكومين عله النهر

اسد ويهوس الاسد   والبرز راسه انمرد
  زينب الهم هالهلي



ابو فاضل كف يمينه. وخيلهم كلها اعثرت
وناس ذباهه اعلى ناس. والرگاب اتشمرت
اوكر الاكبر بعد عمه. ويده بيهم اوجرت
واحد وتسعين فرقه.   مثل ماي تبخرت

الهاشمي والهاشمي. خذو. صدر العلكمي
زينب الهم هلهلي

كمر هاشم شد عليها وعلي شد حيله بعلي
وصاح ياعمي ابو فاضل. كافي خليهم الي
والله مايسون ذوله . انت الهم تعتني
روح للخيمه تگهوه. وانه افنيهم فني

بالحرب مية هلا صاحوا اهل المرجله
زينب الهم هلهلي

غاره ردفوهه اعله غارة    وعالمنايه تحزموا
وقائد ايصيح اعله قائد. وين نختل لو أجوا
روس ماتبقى برگـــبنا. وداعتك لو أوصلوا
وگوم خل نختل اگلك. الهواشم ضهضبوا

من علي وزود الكفل. واحد بواحد ختل
زينب الهم هلهلي


خطفو عقول الكتايب. علي الاكبر والكمر
وداخت الجيمان بيهم. من تعلوا عالنهر
اشجع الفرسان بيها. اوجوهم صارت صفر
وبنهار الطف يزينب شافوا انجوم الظهر

الأكبر وراعي العلم. خطفوا عقول الزلم
زينب الهم هلهلي

دحنت كاع المعاره.      من ابو فاضل غضب
وخبط زلم الحومه بيده.     وعلي كضلها الدرب
الواحد بواحد يضربه وينقسم ماينضرب
هذا بس عند الهواشم. الضرب يمحي الضرب

كربلاء ازلزلي اليوم يمحونج هلي
زينب الهم هلهلي

خادم الزهراء ع ابو احمد الطائي

بصوت. مسلم المطيري

نزل عباس وعلي
الشدة راحت تنجلي



كلمات الشاعر
ابو احمد الطائي

كبر ومن كبر.   بيده صم العسكر
طبها وارث حيدر.   عباس عباس

طبهه ابو حجي الثگيل المايرد بحجايه
والزلم حطهه بجـــــربته وبده المسنايه
ما يريد النــهر بَــــطل كـره صيته ومايه
يريد هالروس التعنت ترجع مدمايه

وسيفه مايتعذر.     بالرگب من بفتر
طبها وارث حيدر.    عباس عباس

دنگت كربله منه والزلم بجاهه
ويوم اسود مر عليها الحومه من طباهه
ترمش اعيون الاعادي اگباله ماخلاهه
وين المكبره  الشوارب بالجدم داساهه

علماهم  عالكـــــر.  سوه بيهم خيبر.
طبها وارث حيدر.    عباس عباس

قائد الجيش بعبايه تگبع وضم روحه
والعساكر يمنه يسره  مذبحه ومجروحه
گبال جدم حسين خله روسهم مطروحه
وهزهم بسيفه ابو فاضل هزة المرجوحه

الوكــــــــف يتطبر.        والگعد يتكسر
طبها وارث حيدر.    عباس عباس

كربله فصلها. بيده وبالجثث ساواهه
ومرد ساحتها اعله كيفه وبالدمه غطاهه
وساتر من الرروس سوه وللخيم وداهه
وهلهلت زينب لخيهه وهو يتفداهه

غيره لا مايكدر      هذا عم الاكبر
طبها وارث حيدر.    عباس عباس

تلاثه وسبعين فرقه تكسرت راياتها
وللسن ذيجه الطويله خورس حجاياتها
وهاشم بزود ابو فاضل. ترتفع هاماتها
اشكرت لام البنين عا للبن ورباتها

مشكر ابن مشكر   وحگها زينب تفخر
طبها وارث حيدر.    عباس عباس

خادم الزهراء ع ابو احمد الطائي

بصوت. مسلم المطيري

كبر ومن كبر. بيده صم العسكر


كلمات الشاعر
ابو احمد الطائي

قصائد الامام العباس ع

اسرج الخيل.  يلاكبر.     اسرج الخيل
اجدح نار احساسي      عمي دخن راسي
  اسرج الخيل.  يلاكبر.     اسرج الخيل


اسرج الخيل ارد ادوساّ روسهم بجدامي
وسبع شطرات ارد اشطره ألــوكف كدامي
اليوم من غيضي ارد اخلي شامي يردم شامي
والا اجيب الماي گوه الجبد ابوك الضامي

گرب الموت.    عليهم. گرب الموت
وياهو يحمل بآسي.     عمي دخن راسي
  اسرج الخيل.  يلاكبر.     اسرج الخيل


ــــــــــــــــــــــــــــــــــــــــــــــــــــ


اليوم يوم العز يلاكبر كوم شوف افعالي
وراح ماتلحگ عليهم تلگه الطف خالي
الكون بين اجفوفي اصمه من احط ابالي
وكلها تنزل بس علمنه يبقى ايرف عالي
 
ذوله.يردون.    اذلهم ذوله يردون
اسرعلي يانوماسي     عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ
راح اضلو الدنيه بيهم والهوه يشرونه
ومن اهد حيلي عليهم فنهم يدرچونه
اليصد عمي الخيمنه بيدي اطلع اعيونه
وراح اوذره وي التراب. واهله مايلكونه

طشت الماي ارد اطشهم. طشت الماي
العالي اسويه ناصي     عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ


انا عباس ابو فاضل كمر هاشم صيتي
ياهلا بالحرب أگلها وياهلا من جيتي
راح اسلي الروح بيهم وافرح بتسليتي
وبيدي أطويها المعارة طويتي الخاجيتي

اگلب الكون عليهم أگلب الكون
الغيرة دمي وساسي. عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ
عمي اديهم راح ترجف ماتشيل اسلاحهم
وانا. المهدم المنايه. وراح اهدم احلامهم
قائد الجيش ارد اذله. وينذبح كدامهم
وراح اهز الكاع بيهم. من اگص جدامهم

انا عباس. المشكر. . انا عباس
بزودي افرح ناسي. عمي دخن راسي
اسرج الخيل يلاكبر اسرج الخيل

خادم الزهراء ع ابو احمد الطائي

بصوت. مسلم المطيري

اسرج الخيل يالاكبر اسرج الخيل

كلمات الشاعر
ابو احمد الطائي

نزله افتخاريه لامام العباس ع

انا كفال الفواطم. يالتسئلون
اطبگ الحومه عليكم     طبك الجفون
هاشمي تسميتي. والحرب تسليتي

،ـــــــــــــــ
خمسه جان سنين عمري والحرب هاويها
اودارس اعلوم الرجال واعرف شما بيها
الخطط ودروس المعاره براسي امصفيها
واعرف الضربه التطيح اعداي والتنهيها


لا تدورون اعله عطوه. ولا تفكرون
الينطي عطوه بالحرايب. عدنه مجنون

ابتديها بصيتي....... والحرب تسليتي
انا كفال الفواطم.      يالتسئلون

ـــــــــــــــ

عندي وي عزريل صحبه.من الزغر خاواني
وانا ملك الموت احبه وهو هم حباني
گلي أول صـــــــــــاحب انت وما ابدله بثاني
وجفه جان اعله المنايه ايكفــــه وي ذرعاني

جبت ملك الموت الكم يالتصيحون
ولسمه نركض وراكم. من تشردون
الهوه ضاگ بريتي ...... والحرب تسليتي
انا كفال الفواطم.      يالتسئلون
ـــــــــــــــ

ماخذ من الله الحميه وبيها تارس دمي
وانفض الزلمه اليجيني مثل نفضت هدمي
عيوني من يشتد غضبها اسهام تطلع ترمي
وبالمهد وجفوفي تسطر هيج گالت امي

أمي رضعتني الشجاعه. وتشهد ام عون
والدي خلفـــــلي حيله. . لاتجهلون
اتبـــــــاهه بتربيتي....... والحرب تسليتي
انا كفال الفواطم.      يالتسئلون
ـــــــــــــــ

اليوم اسوي اسوايه بيكم محد امسويها
راح اعوف الروس تمشي بس اكص رجليها
راح اعوف الروس تمشي حتى اهد اعليها
وبيدي اخذها الأخيي اكبـاله وسحگ بيها

يم ابو الاكبر اريد ازحوف تمشون
واسحگ الراس او ادوس. اكبال الضعون
حاط هيج بنيتي. ..... والحرب تسليتي
انا كفال الفواطم.      يالتسئلون
ـــــــــــــــ

اليوم يوم الكر يزينب كومي شوفي افعالي
حتى لتكولين بـــــــاجر مــــــــا بقالج والي
راح ماهدن عليهم راح اهد بخيالي
وساعه وحده يالعزيزه وتلكي الطف خالي

شردوا ارد الحگ عليهم. لايبعدون
من رخصتج راح اذلهم. خويه يم عون
هلا من هليتي.   ......  والحرب تسليتي
انا كفال الفواطم.      يالتسئلون

خادم الزهراء ع ابو احمد الطائي

انا كفال الفواطم. يالتسلون
اطبگ الحومه عليكم     طبك الجفون
هاشمي تسميتي. والحرب تسليتي


خمسه جان سنين عمري والحرب هاويه
ودرس اعلوم الرجال وعرف شمابيه

قصائد زينب تخاطب العباس

ارجع طلعت روحي
عباس يامذبوحي.

ــــــــــــــــــــــــــــ
الخيل بعدك ماطحت
داست خدرنه
وسحكتنه كلنه
ومايرحم اطفال الشمر
وبغضا باهلنه
شبگـــــنه كلنه
أنذال وده الخيمتي
تسلب طفلنه
ومحد رحمنه
وصدينه صوب المشرعه
وبحرگه صحنه
ارجع يااملنه

المن اشكي جروحي
عباس يامذبوحي
ـــــــــــــــــــــــــــــــــــ
أكبر عصابه اتحزمت
لاختك تذلها
بعد الكفلها
وشلت ايدي اشاكف للحرم
وگلي نذلها
ايدج اشلها
ومن حركتي مابطلت
خويه وفعلها
وتنزف جعلها

هذا النذل ماينحمل
وفعاله كلها
شاين فعلها

بسوط زود نوحي
عباس يامذبوحي
ـــــــــــــــــــــــــــ
لاذت بيهِ العايله
وانـــــه جبيره
والحيره حيره
وشلون تحمي من الأسر
الهيه اسيرة
صعبه وعسيره
شديت حيلي وقاومت
وبلايه غيرة
طكني النكيرة
مارحم شيبي وحالتي
البايع ضميرة
ويلهب سعيرة

ذر الملح بجروحي
عباس يامذبوحي
ـــــــــــــــــــــــــــــــــ
تسمع ياراعي العلم
جتفوها اديه
وعيني جريه
وبحالي ابد مافكرت
فكري برقيه
خويه خطيه
تركض ساعه اعله النهر
ساعه عليه
وشنهو البديه
ولحسين خويه تباوعت
جثته رميه
فوگ الوطيه

وبالنوح زادت نوحي
عباس يامذبوحي
ــــــــــــــــــــــــــــــــ
مو بس رقيه تعذبت
اطفالي كلها
الهم كتلها
اتشابگت طفل بطفل
وركضتلي كلها
خويه اشكلها
دمع الطفل ماينحمل
بحركه يهلها
وانه انشغ الها
الشده صعبت يالولي
ياهو اليحلها
فدوه افزعلها

للاسر كالوا روحي
عباس يامذبوحي
ـــــــــــــــــــــــــــــ
كطعت حيلي يالكمر
ماترجع شبيك
زينب تحاجيك
بس لا عله الغبره صفه
مكطوعه جفيك
والدمه غاطيك
معذور كون توذرت
خويه لبكه بيك
مكدر اجازيك
كل الضعن حتى الطفل
يسئلني اعليك
مايعرف البيك

لوح المنايه لوحي
عباس يامذبوحي

خادم الزهراء ع ابو احمد الطائي

بصوت. مسلم المطيري

ارجع طلعت روحي
عباس يا مذبوحي


كلمات الشاعر
ابو احمد الطائي

قصائد مولانا القاسم

هذا وكتك للوفه. يجسام
وفي الربه وحگ الربه. يجسام
عجت الحومه اعلى عمك يازلمتي وجيت احشمك
هذا وكتك للوفه.   يجسام
ــــــــــــــــــــــــــــــــــــــــــــــــــــ

وصلت الخيل الخيمنه هد عليها
وعمتك رادوهه اسيره ترضه بيها
الخوف طب لخيامنه وخيم عليها
وي أمانك لحظه بدم نشتريها

يانخوتي .ويارجوتي يجسام
بحضنك لذبن شيلتي  يجسام
ادري هالموقف يئلمك.     يازلمتي وجيت احشمك
هذا وكتك للوفه.   يجسام
ــــــــــــــــــــــــــــــــــــــــــــــــــــ
عمك ايدور مواقف وانت زلمه
وتدري بي لسيوفهم مطلوب دمه
حجايه منك من يشوف اتطيب لجمه
كوم هوس اكباله وسيفك ألزمه

سيفك يعوض الحسن. . يجسام.
اوكف بوجه المحن. يجسام
يعوض اسم الحسن اسمك     يازلمتي وجيت احشمك
هذا وكتك للوفه.   يجسام
، ــــــــــــــــــــــــــــــــــــــــــــــــــــ

گوم واتحزم يجــــــاسم بالعمامه
هالزمن كشر انيابه وزم لثامه
الكصد للسلب خالي من الشهامه
والخيم متروسه نسوان ويتامه

زينب اذاها البجي يجسام
وبشيمـــــــكم تنتخي.   يجسام
عاهدتهم وانـــا.أمك   يازلمتي وجيت احشمك
هذا وكتك للوفه.   يجسام

ــــــــــــــــــــــــــــــــــــــــــــــــــــ

يبني عمك خيلهم منتظره صدره
وكوم ذب روحك عليها واحمي ضهره
انفطر شيال الكلب باقيله شعره
ولمثل هـــــــــــــذا اليوم المثلك نكبره

كلب عمـــك منثلم. يجسام
والجـرح دگ للعظم. يجسام
دم علي يسري ويدمك. يازلمتي وجيت احشمك
هذا وكتك للوفه
يجسام
ــــــــــــــــــــــــــــــــــــــــــــــــــــ

مجد ابوك الحسن يوليدي تعيده
وجيب روس العده وسلم حسين بيده
كرهم بصارمك بضربه الشديده
وثار المسلم جيبه وفرح حميدة

بيك اريداً افتخر. يجسام
امحي الهم كل اثر. يجسام
ابيرق الكرار احزمك. يازلمتي وجيت احشمك
هذا وكتك للوفه
يجسام

خادم الزهراء ع ابو احمد الطائي

بصوت. مسلم المطيري

هذا وكتك للوفه. يجسام


كلمات الشاعر
ابو احمد الطائي

قصائد الامام القاسم ع

القاسم يخاطب امه ع


للأسر يالرايحه. اعليه اقري الفاتحه
اللمه مامقسومه النه. نلتقي بجنة اهلنه
اعليه اقري الفاتحه

يمه ماكو بطيب كلبج وبحنانه
الله لا ينطي الزمان الفرگانه
ردت افرحج بالعرس وماحل زمانه
الشــــمع والحنه اتركيه بمجانه

اتعبتي وربيتي. وللمنايه انطيتي
الدهر عادانه وخذلنه. نلتقي بجنة اهلنه
اعليه اقري الفاتحه


تدري يغاليتي بــيه اشكد اودج
وجنت اتمنا ييمه بيوم اسعدج
سامحيني بكثر ماغالي انه عندج
والله مجبور او فرض اعليه بعدج

حلم جان ابالي من دلالي تنالي
الحلم راح واحنه رحنه.   نلتقي بجنة اهلنه
اعليه اقري الفاتحه

العدها بس اوليد واحد تنشغل بيه
بروحه تخلي ابنها وتقفل اعليه
وكون هو التعب هذا هم يجازيه
وانا رد فضل التعب مالحگ اعليه

ردت يمه ابرالج. بالكي اجازي افضالج
الطف اجه فجه وبعدنه. . نلتقي بجنة اهلنه
اعليه اقري الفاتحه

يمه يمه جنت اتمنه بمشيبج
على جتافي المكه اشيلنج وجيبج
ادري بيت الله تعدينه حبيبج
بس حسافه كربله صارت نصيبج

ذكرى مانساها. جنت اعيش وياها
نحج سويه وماكدرنه . .  نلتقي بجنة اهلنه
  اعليه اقري الفاتحه

وجنت اتمنه الزياره الحيدريه
وبالنجف يم جدنه هم نگعد سويه
انه وامي يم علي اجمل مسيه
وهالحلم ودت جماله الغاضريه

بكربله اتذيتي. وللنجف ماجيتي
لعمر قصر ماسعفنه . .  نلتقي بجنة اهلنه
  اعليه اقري الفاتحه

اتمنه اقبل جبهتج الكلها رحمه
ونزل الجدمج ابوسنه واشمه
اتمنه عطرج يالعزيزه بروحي اضمه
طفل كلبي ومايمل من ريحة أمه

نصي انتي الثاني روحي او جداني
نموت بس نبقى بوعدنه . .نلتقي بجنة اهلنه
  اعليه اقري الفاتحه

خادم الزهراء ع ابو احمد الطائي

بصوت. مسلم المطيري

للأسر. يالريحه. اعليه اقري الفاتحه


كلمات الشاعر
ابو احمد الطائي