من أقدس الأماكن وأحبها على قلبي من ضريح سيدي ومولاي وأملي ورجائي أبا عبدالله الحسين الشهيد حبيب الله ورسوله عليه افضل الصلوات واتمها

قصيدة. زينب اميرة. لا مو اسيرة
ردت بالضعون. يم گبر الحسين
بصوت الرادود الحسيني
الموفق واخي المتفضل
ملا مالك الركابي زاد الله توفيقه
المكان. العراق كربلاء.
ضريح سيد الشهداء ع
موكب الزهراء ع للمشايه (موكب سيد جواد)
1445/2023

يـــاوالدي ابنفـاسك الاخـيرة
دمعك يهل لحسينك ومصيره
سولفلي عن جرح البين. خبــرني يـانور العين
دمعك يهل لحسينك ومصيره


بصوت الرادود الحسيني الموفق والخلص لال
محمد عليهم الصلوات ذرية الزهراء ع
السيد محمد الزاملي
العراق. ذي قار. النصر
مرقد السيد ومولاي محمد الاخضر
2023/1445

قصائد الزهراء عليها السلام 1445

رحت امي وفاركتني.     ونوايب.حاوطتني
صحت للموت الخذاهه.   فدوه اخذ روحي وراهه
رحت امي.  راحت امي

توسلت بالموت ارجع.  . يالخذت مني الزجيه
انا وامي بروح وحـــده    نعيش نتفارك سويه
والله من غمضت جفنها  مابفى شي صاحي بيه
وكمت احس بالكاع زغرت.  والسمه طبكت عليه

امي راحت راح كلشي.وينعشهه احلامي تمشي
يالخذت منه ضوهه.  فدوه اخذ روحي وراهه
رحت امي.  راحت امي



امي قارورة محنه.  من النعش ريحتها فاحت
والف خيعون المكابر.    تشبع بعطر امي راحت
يمه نجمه اخلاف عينج .زينب وعالكاع طاحت
وبكثر مابيه لچمه.  روحي اعله الموت صاحت

يالجيت ويتمتني.   وي دلالي فاركتني
امي ماعيش بجفاهه.   فدوه اخذ روحي وراهه
راحت امي.  راحت امي




شمحله دورتنا عليها.   جنه من نڰعد سويه
وامنه اتـــوزع محنه       اعلينه وكت المغربيه
زينب تگلي انتي روحي   والحسن عيني ضويه
والحسين انياط كلبي.    وهوه دم  اليمشي بيه

.ماكو مثل امي تحبنه تروح وترجع تشمنه
يالكطع عني هواهه.    فدوه اخذ روحي وراهه
رحت امي.  راحت امي



امي خيمه عله اليتامه.   جانت مفصله حضنهه
وكل يتيم اليفكد امه  تحسبه امي حساب ابنهه
تحرس امي اعله اليتامه.تكول جنهم قطعه منهه
وقبل لاتفتر عليهم.     والله مايغمض جفنهه

دموعه عليهم تلالي  وكل يتيم اعله امي غالي.  
ونت الفقره بعزاهه.    فدوه اخذ روحي وراهه
رحت امي.  راحت امي



عد ابونه شكد عزيزه  حيل مكسور الفكدهه
وحيله مايگدر يعينه . وظهره قوس من بعدهه
يكلهه يم بيتي وغلاتيج.   الدنيه بعدج طلگتهه
وكون مو روحج يزهره. روحي هاي الي ادفنتهه

عليهه مابطل آنينه  وففزز الموته بونينه
بروحه لو ترضه شتراهه    فدوه اخذ روحي وراهه
رحت امي.  راحت امي

خادم الزهراء ع ابو احمد الطائي

بالحلم شمس الله طاحت عالوطيه
وعرفت شي غـــالي رايح من اديه
وصوت اسمعه بداخلي.        يگلي صبراً ياعلي
وعرفت شي غالي رايح من اديه

علي انه الهزله دنيه وهالحلم طر جبدتي
وارد من اضلوعي يطلع كلبي من كد حسرتي
انه الميسر الشدايد صرت اسير الشدتي
وانه المبجي الحريب  حلم نزل دمعتي

نمرد جبدي وعلتي صارت خفيه
ومن صباح الله اون للمغربيه
وصوت اسمع بداخلي.  يعينك الله ياعلي
وعرفت شي غالي رايح من اديه


خضبت موبس لحيتي ثوبي من ادموعي ناگع
ومن كثر ماعصر ادييه تكسرن كل الاصابع
فكري شتت يزهره.وكمت احس بروحي ضايع
وكمت من امشي بطريج مدري رايح مدري راجع

هالحـــلم مگــصوده واضح يالزهرتي
والشمس غيبت يــعني تغيبي انتي
صوت اسمع بداخلي.   ودع احبابك علي
وعرفت شي غالي رايح من اديه

ارد بيع ايــام عمري وياهو يرغب يشتري
وياهو ينطي الزهره يوم وسنه ياخذ من علي
ياهو ينطي الزهره ليليه ولـه كلما ظل الي
فاطمه تسوه حياتي بروحي ابيعن واشتري

ويالملكتي انياط كلبي وكلشي بيه
نموت لو تبقين ونكمل سويه
صوت اسمع بداخلي.   عايش المن ياعلي
وعرفت شي غالي رايح من اديه


الف ايوب اعله وضعج ينفجع ويضيع صبره
ولو مثل يگعوب ميه اعلى الضلع ينكسر ضهره
محنة ام عيسى وحياتي ماتساوي اوياج گطره
ولا تلومي اعله حالج علي من ينطيج عمره

السده اعلينه ماسده اعله اهل البريه
ودري ماينعاد بس بالغاضريه
صوت اسمع بداخلي.   اشعظم حزنك ياعلي
وعرفت شي غالي رايح من اديه




اليوجعن وليه ولني فاطمة وداعت حيايتج
والف مره الموت ضكته لمن التمن بناتح
وحده تشتم راحت يدج وحده تشتم بعباتج
علي انه وحيلي هدني يساعد الله مدلاتج

لتمن وجنـــهن يتــــــامه بمغربيه
ونعي زينب ماترك شي صاحي بيه
وصوت اسمع بداخلي       صبر ايتلمك علي
وعرفت شي غالي رايح من اديه



خادم الزهراء ع ابو احمد الطائي

اويلاه جبريل يصرخ بالسمه
اويلاه مظلومه ماتت فاطمة
بصوت ذرية الزهراء ع الرادود سيد سلام المكصوصي
العراق بغداد منطقة العبييدي
1445/2023

قصائد استشهاد الامام الكاظم عليه السلام
امنياتي الليلة احج بالغاضرية
امنياتي بين الحسين واخيه
امنياتي هناك اتصير المنيه امنياتي
بصوت خادم ال محمد عليهم الصلوات
الرادود الحسيني ملا مسسلم المطيري
العراق البصرة الفيحاء 2024/1445