سفرت ولاء.     ولكربلاء.         هاذي مسيرتنه
نحو الحبيب.     نحو الطبيب.  مرفوعه رايتنه
لبيك ياحسين.      لبيك ياحسين
**
سفرة عشگ لله. هاي الزياره
وهاالرفت الرايات بيد الغياره
ولي يزور حسين عرش الله زاره
وذيچ العجوز تگول اعظم عباره♕♕♕
عنك ولا يمنعني كلشي
مادام زينب تمشي انه امشي꧁꧁꧂꧂
لو تعبن الرجلين يحسين
اتعنه الك امشي اعله رمشي
باالاربعين.  كل السنين، سارت سفينتنه
**
كل زاير تعناك يحمل عقيده
حبك يبو الاحرار، يمشي بوريده
تفضل يزاير بات، اجمل قصيده
الرايه چن قرأن شايلها بيده
يقدسها ويحبها ويجلها
ويتباهه راعيها بحملها
وكت الصلاه لوصار الاذان
مصلايه عنده يصير ضلها
وبكل زمان.   وبكل مكان.    مرفوعه رايتنه
**
مرت علينه اوضاع صعبه وعسيره
وضلينه ملتزمين هاي المسيره
انت الاهل يحسين وانت العشيره
ولي يعوفك يوم ماعنده غيره
بدربك قوافل قديمنه
اشگد فجرو بينه و مشينه
هوه انت خالد طول السنين
والحاربك يحسين وينه
في كل حين.  والعاشگين. ثبتت عقيدتنه
**
اثبتنه وكت الموت حبنه وعزمنه
وام البنين عليك شدة حزمنه
عشاگك ومعروف للدنيا اسمنه
حضن الابو يحسين صحنك يلمنه
اليستشهد بدربك امانه
يخظر الف واحد مكانه
چم ضالم وطاغوت اجه وراح
عن حبك ولا غيرانه
هوه الممات.   بدربك نجات.   حبك كرامتنه
**
بدربك يبو السجاد قسمنه الادوار
شي تخدمك يحسين شي تمشي زوار
هذا الكرم والله باالدنيا ماصار
وشقيمة الاموال تستاهل اعمار
هاي الارض نحسبها ارضك
ياالغالي خيعونه اليقرضك
ترجعله انت اضعاف وضعاف
وتگله ابشر انه اعوضك
انت الرؤوف.  كل ضروف.  ماتنسه خدمتنه

سعد العبودي

دموع زينب

ارد اسولف قصتي للزائرين
من اجيت لكربله باالاربعين.  
دربي حسرات والالم
لامواكب لا خدم
**
انه ياالمشايه.  ضعني مابيه رايه، وماسمعت احچايه.  
                      لوكلمه ترحيب
هذا گلبي وضيمه، لاذره ولا خيمه، درب هيمه بهيمه
                     مابيه معازيب
محد الحياني، وباالهله تلگاني، گبالي روس اخواني
                  عن عيني متغيب
حايره بأيتامي، چم طفل ضل ضامي،، هيچي جبت ايامي.           ياجرح الي يطيب

باالشمس لوردنه نگعد نستريح
ماكو واحد هلا باالزاير يصيح
ماشفت رفة علم.   لامواكب لا خدم
**
من الهزل تعبانه، مانمت سهرانه، شرد اصيرن انه
                      من هاي الاحزان
دمعتي الحراگه، تچوي ضهر الناگه، وي اخوتي اتلاگه
                      ويلاه عاالخوان
الشمس كل مره، اذا صارت حمره، حسين اذكر نحره
                   واندب يعطشان
دربي يهل الغيره. خلصيته بحيره، گمت احس كل ديره،                مابيها بيبان
اليل اذا چلچل انوم عيلتي
وانه اگعد ابچي يم روس اخوتي
گلبي نصين نجسم.    لامواكب لاخدم
**
تمشي بيه الدمعه، مثل نار بشمعه، راجعه وهاالرجعه
                      ماخلت ارواح
دنيا دارت بيه، وانهظم يوميه، چنت انه مسبيه
                     والحادي ذباح
المثلي فاگد ناسه، يصبح ابيض راسه، شيبقه بيه احساسه.         من كثر الجراح
لاخدم لاموكب، طلع بينه يرحب، من يصير المغرب
                     باالهيمه نرتاح
نفرش الاهات عاالرمله ونچن
اليل من طبعه يلم كل الحزن
نگعد ونغفه عله هم.   لامواكب لا خدم
**
الخادم الحياكم، بلهفته وناداكم.  علي علي وياكم،
                     ضلت المسافات
لكربله ياالتمشي، واصل وماضل شي، بعد عيني ورمشي.          تصيح الخدم بات
وسفرتي اشگد صعبه، كلها غربه بغربه، يابلد لنطبه
                       تطلعي شمات
العطش أذانه،، وكل يتيمه ويانه، ذابله وعطشانه
                         حال اليتيمات
ماكو واحد جاب ماي اوزعه
شبيدي والرواي يم المشرعه
عينه صوبها السهم.    لامواكب لاخدم
**
من وصلت حسيني، دمع صبت عيني، عشره بينه وبيني.                   حب مااله حدود
جيت ادور گبره، روحي مثل الجمره، گلبي الله يصبره
                            عاالخوه ممرود
صحت من يسمعني، الزمن رجعني، وينه كافل ضعني،
                           ماضن الي عود
كلمه ماحاچاني، بهضمتي خلاني، ادري ماتنساني
                          ياصاحب الجود
گتله كلش خايفه يابن علي
خاف ازورك اخر زياره الي
وصرت اشم اترابه شم.   لامواكب لا خدم

سعد العبودي

اليوم زينب عودت برچابها
جايه بحسره تزور احبابها
**
حيل مشتاگه واجت مستعجله
وباالدرب ماتستراح القافله
طگ گلبها تريد توصل كربله
الشوگ لخوتها الضياغم جابها
**
چان گبل الناگه يسبگها الگلب
باالبواچي خلصت كل الدرب
صعب حال ام الخدر كلش صعب
والحزن ناصبله خيمه أبابها
**
هيه درب الطف نواعي جابته
مساهره واليل أبد مانامته
هذا حاله الجاي لگبور اخوته
للي يسأل هچي چان اجوابها
**
جابها الشوگ واجت للمگبره
ومن على الناگه وهوت فوگ الثره
حگها زينب حيل معذوره تره
صار فتره مرافگه سلابها
**
حضنت اتراب الگبر وعليه هوت
وبچه التل الزينبي لمن بچت
حسين يبن امي عليه تلطم صفت
رغم كلشي ولا ماتسمعه اعتابها
**
تسولف وكل كلمه متروسه هظم
الفاگده باالمگبره تحب الطم
تره افراگ اهل الوفه يدگ باالعظم
حيل ذبلت والافراگ اسبابها
**

راحت الراعي الوفاء وگصدته
إنه ياعباس اجيتك ندبته
علم جابت فوگ گبره وخلته
والعيون ولانشف خنيابها

سعد العبودي

رقيه
ياعمه لو رديتي  والوالدي تعنيتي
بذيچ المسافات     اهديلي خطوات     ياعمتي

ياعمه هاذي غربتي  ،، وسط الگبر بچتني
شبيدي وشسوي دنيتي،، عن الابو بعدتني
من الفرگه هليله رجع  ،، يوجعني كلش متني
طفله وزغيره بهل العمر،، والدنيه مارحمتني
باالغربه محد يمي       لاوالدي ولاعمي
مات الامل مات     اهديلي خطوات  ياعمتي

ذني الوصايه انه ردت،،  ياعمتي اتسمعيهن
امشيلي چم خطوه وجدم،، گولي الرقيه اهديهن
ويعذرني بلكت والدي،، وانه ادري يقبل بيهن
الموت عطلني تره،، هل ماگدرت امشيهن
عنه الاجل بعداني،،  و برض الغرب خلاني
وبروحي حسرات،، اهديلي خطوات  ياعمتي

زوري النيابه اهديها الي،، شوگي انه گلش عتني
خافن يعتاب والدي،، ويگول مازارتني!!
شميلي ياعمه الگبر،،، ذاك العطر موتني
باالشام مدفونه صرت،، وزيارتك فاتتني
سلميلي عمه هوايه،، سوي اعله گبره قرايه
ونيلي ونات،، أ هديلي خطوات  ياعمتي

گليله باالشام اندفن،، ياخويه الكم ايه
الوحدها ضلت والگبر،، مايمه رفت رايه
لكن بساعات الدفن،، گالت يخويه حچايه
بس لو رجعتي الوالدي،،  سلميلي حيل هوايه
مشتاگه اشوف عيونه،، اي لهفة ازغيرونه
شافت معانات  ،، اهديلي خطوات   ياعمتي

لو صار راسچ عاالحد،، گطعي البچي وصغيله
بلكنه گاعد والدي  ،، العبدالله ويناغيله
اه يادللول الولد،،  ياعمتي گليله
بلكت يخف جرح السهم،،  لو واحد يلوليه
ماادري ما اوصله،،  يمكن كبر عبدالله 
وجروحه زينات،، اهديلي خطوات  ياعمتي

سعد العبودي أهدي ثوابها الى روح والدتي

اليوم زينب عودت بحزانها
وجايبه وياهه روس اخوانها
**
اليوم ردت لچن مكسورة ضهر
مفارگه الخوان اكثر من شهر
گوه تمشي من التعب ومن السهر
حيل هاضمها فگد وليانها
**
رجع موكبها ورجعته الكربله
فوگ هزل باالصحاري القاحله
گبل ماكو هله باالزاير هله
وماكو.وادم فتحت بيبانها
**
اجت تمشي مشيت الگاصد وطن
وباالدرب ما ودها يرتاح الضعن
حيل مابيها على الفرگه لئن
ذكر اخوتها اعله طرف السانها
**
وعله روس اخوانها المدمع يهل
وياهه چم طفله التنوح وچم طفل
تدري ما يلتم بعد ذاك الشمل
والبيوت ولايرد بنيانها
**
الحد اخوها هوت تشتم العطر
مثل دگت باب دگت عاالگبر
تگله انه اختك اجيت من اليسر
اگعد اسمع رحلتي واشجانها
**
يم گبر كافلها راحت نادته
وصله جابت للگمر من رايته
بلكي ينهض للأخت لو حاچته
اشگد مصايبها صعب نسيانها
**
سعد العبودي

وينه اليروح العباس. ويگله يتلگه اخته
**
وينه اليروح الكافلي. ويگله چم احچايه
ويخبره زينب باالدرب. ليكم اجت مشايه
رجعت وهاضمها اليسر. ضيم بگلبها هوايه
وتتمنه ياراعي العلم تلاگي الضعن باالرايه

صاير الي انه هواي عباس ما شايفته
**
باالعبره ضليت اختنگ. من تستراح اضعوني
مااريدن اگعد باالدرب. هسه لهلي توصلوني
ارد اوصل حسين بعجل. ووصل كفيل اضعوني
لخواني ملهوفه وعلي. مشتاگه حيل اعيوني

بعاشر محرم لليوم ذاك العطر فارگته
**
عباس يابعد الگلب. عاالناگه ضليت انعه
صح انه ليكم راجعه. بس العمر شيرجعه
جبت الدرب يابوالفضل. ماعندي غير الدمعه
طشرنه يخواني الوكت. راحت هذيچ الجمعه

لمن طحت يم الماي. خويه الخدر ودعته
**
كلما گربنه الكربله. گلبي انه يركض بيه
عباس يدري بجيتي. هوه الضعن راعيه
چن اسمع يگلي هله. يازينب المسبيه
طولتي يابت فاطمه. عن اخوتچ ماهيه

وكت السبي ياعباس عني رحت وين انته
**
زين ورجعت الكم انه. بعدالمحن يخواني
وتمنه يمكم كون الي. يحفر گبر دفاني
اتمنه تصبح دفنتي. هليله يم ولياني
صرت بدمعتي اتوسلك ياموتي چا شمتاني

من ضيعيت الخوان. كل العمر ضيعته

سعد العبودي

نعي

احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته

شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك

رديت بس شلون رده
حسبالي اشوف اهل الموده

ذاك الوكت ماي وتبده

رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه

سعد العبودي

ها. يخوتي. جايتكم من بًعٌدٍ
ها  يخوتي،، تضيفوني لو ارد
انه زينب        انه زينب

والله تعبني السفر،،،، صارلي اكثر من شهر،
فارگتكم ماشفتكم ياالحبايب
انه زينب يخوتي،،،، ماعرفتو ريحتي
لو تغير عطري من ذيچ الخرايب
يابعد كل العمر،،، جايه بيكم امر
ارد اشم اترابكم ما اريد اعاتب
عذب احوالي اليسر،، والله مليت الهجر
جايتكم بيه لهفه ياالاطايب
جايه الكم،،، ارد شوفنكم تره
جايه الكم،،، مو اشوف المگبره!!
انه زينب.  أنه زينب

ماتسألون الأخت،، وين هاالفتره چنت
وليش هاي الدنيا عنكم بًعٌدٍتٌنِيَ
انه حيل اتغيرت،،،غصن مگطوع اصبحت
خويه ذيچ الشام هيه الغيرتني
وي رقيه اتوادعت،، باالخرابه انه متت
البيها اشمن عطر ابوها ودعتني
الصوط وي چعب الرمح.  بيها تارك چم جرح
ذيچ صورتها ابد ما فارگتني
ودعتها،، صعبه لحضات الهجر
ودعتها،، زغيره وزغير الگبر
انه زينب،،،، انه زينب

شوگي الكم ماله حد،،، هم اشوفنكم بعد
وشيرد ذاك الوكت يااهل المحنه
من على الناگه طحت،، حسين يبن امي صحت
جيتك وجبت الدرب ونه اعله ونه
طحت چن طيحت مطر،، عود يابس ونكسر
من علي گلالي عمه ذوله اهنه
عاالگبردمعي يصب،خويه رشيت الترب
ذني دمعاتي عسن گلبك رونه
يابو فاضل،،روحي حيل ملوعه
يابو فاضل،، وينه درب المشرعه
انه زينب،،،،،، انه زينب

ها يكافل عزتي،، گوم شاهد حالتي
انه زينب ياگمر انه الوديعه
هوايه دولبني الوكت،، اعذرني خافن تيهت
منين دربك خويه ومنين الشريعه
ماشفت راحه أبد،، صرت خيمه ابلا عمد
من هوت عاالگاع چفينك گطيعه
ماتحاچيني اشعجب،، هون عليه التعب
بعيني ضاكت ياگمر هاي الوسيعه
ياكفيلي،، جيتك وكلي الالم
ياكفيلي،، رايده اهديلك علم
انه زينب،،،، انه زينب
**
ضيف عدكم حولت،، بس هلا منكم ردت
ليش، سكته لا گعدتو ليه ساعه
وكتي وياكم گضه،، ياليالي تعوضه
حسين ودعت العمر لحضة وداعه
صار يجرحني الهوى،، دنيتي بلايه ضوه
صرت مثل المركب الطايح شراعه
موتي صار احسن الي،، من بعدكم ياهلي
المصايب صلن بروحي جماعه
راح اروحن،، وانه مكسورة گلب
راح اروحن،، بًدٍمًوٌعٌ اسگي الدب
انه زينب،،، انه زينب

سعد العبودي

أنت المعزى سيدي.  ياصاحب الزمان
**
اليوم ابوك العسكري عن داره راحل
البيت چنه يطيح اذا راعيه شايل
باالمدامع جينه نبعثلك رسايل
دنگينه ابابه چن روس السنابل

فاح العطر من مرقده. كنفحت الجنان

**
هاي فاتحته وجينه بعبره ليها
چنه نتمنه نشوفك انت بيها
اليله دارك للسمه يوصل بچيها
والامام العسكري مايرد ليها

هذا الرحيل المرتقب.هليله وكته حان

هاالمسه سامره اضلم كل سماهه
اليله حدر الگاع يتواره ضواهه
جنازت المسموم ياهو الشيعاهه
بذاك عمرك تنحب وتمشي وراهه

تبچي المصيبة والدك  ياسيد الحنان
**
اليله گلبك يابو صالح تدوي ناره
لوالدك ويانه من تقره الزياره
يبقه يتلاله الدمع مثل المناره
ويلي عاالمسموم تجرح هاالعباره

ثامن ربيع بكل الم.   يذكرها كل لسان
**
هسه وين بياكتر تصبح گعدتك
ياغريب من البشر يشبه غربتك
الون الاحمر تره يذكرنه بدمعتك
ياشمسنه بلهفه نتنطر طلعتك

ماضل امان ولا امن.بس قربك الامان
**
سعد العبودي

تطفه الشمس لو غمضت امنه
ياهو البعد يحضنه ويضمنه
راح كلشي وياهه.   اه من فرگاهه
**
راحت عافيتنه ودعيناهه
وبعد هيهات ابد مانلتقي وياهه
حنينه الوالده وماينسي ارباهه
گعدتها گبل باالبيت محلاهه
كل كلمه منها تفيض، حنيه
اشگد حلوه بيها الدار يوميه
بليل ودعناهه.   اه من فرگاهه
**
انام اليل كله وهيه سهرانه
اشكثر شافت تعب ياناس بربانه
اليوم البيت تبچي عليها حيطانه
اول ليله امنه ماهي ويانه
باالضلمه من شالو جنازتها
زينب يتيمه اليله خلتها
يوم ماننساهه.  اه من فرگاهه
**
باب الدار ابد ماودنه ليه انصد
البيت بلايه ام مايسوه بيه نگعد
اليالي الحلوه راحت مستحيل ترد
صعبه الذكريات وباالگلب تمرد
بسمتنه راحت ما ترد ساعه
ثاري العزيز يموت وداعه
حين زتيناهه.    اه من فرگاهه
**
ضلعها والگلب نفس الكسر هنه
حيل مدللين وياهه من چنه
هليله اندفن باالگاع موطنه
الدفنها بليل كون وياهه دافنه
امنه العزيزه هيچ تاليها
باالخفيه والدنه يواريها
صاح من وارهه. اه من فرگاهه
**
مو مثل الخلگ نگصد گبرها احنه
نص اليل نمشي بخفيه لو رحنه
نبچي بسكته فوگ الگبر لو طحنه
ونخاف الظلمه لا تعرف ملامحنه
ننعه اعله امنه وخرسه النياحه
وحتى الگبر مانوصله براحه
ليش يادنياهه.   اه من فرگاهه
**
گبرهه المختفي شاهد ضلامتها
جيل الجيل حتى يعرف قصتها
ليش توصي نص اليل دفنتها
وليش اشچم نفر حضرو جنازتها
بهاي الوصايه وضحت فكره
عن الضلمهه فاطمه الزهره
هاي بضعة طه.  اه من فرگاهه

سعد العبودي

غريبه ام الحزن ودعت دنيتها
اليروح يزورها يشعر بغربتها
**
اليروح يزورها من بعيد دمعه يطيح
يازينب بعالي الصوت يبقه يصيح
صرخات الحزن تاخذها ليهه الريح
زينب للأبد ما ننسه محنتها
**
عاشت باالحزن لخر نفس بيها
مصايب يامصايب مرت اعليها
مهظومه وغريبه اتموت تاليها
ولاواحد حضر ليها من إخوتها
**
ولاواحد حضرها بأخر الأنفاس
لامرها الحسين ولا اجه العباس
جنازتها غريبه بين ذيچ الناس
وبرض الشام صارت غادي دفنتها
**
زينب ام وأبو للضيم والاحزان
دفنوها بعيده وماكو يمها اخوان
لحد الان مظلومه لحد الان
الساعه ثمانيه يسدون حضرتها؟؟؟
**
الخرايب ها الصفت داير مدايرها
مناضر اصبحت تجرح مشاعرها
لحد هذا الوكت مكسور خاطرها
ولليوم الخرايب تشم ريحتها
**
من نسمع بأسمها الدمعه نسچبها
زينب حب عقيده وعاطفه نحبها
القصايد باالخرابه كون نكتبها
بلكي نضوگ اهات الي شافتها

سعد العبودي

غريبه زينب.    غريبه زينب

جنازتها الوحشه تغطيها*والحسرات تشيع بيها
ماتت وبعيدين إخوتها*محد منهم صلى اعليها

مهظومه وتستاهل دمعه*خل اليوم الزينب ننعه
تابوت نجيب بهاالذكرى*ونطلع فوگ الروس نشيعه
غريبه.  زينب            غريبه زينب
**
لليوم الغربه تعاشرهه*بيها يحس كلمن زايرهه
چن ذيج الخربه الطبتها*بيوت الداير مادايرهه

اليوصل ليها اتذبحه العبره*ويصرخ جن ماصارخ عمره
لليوم يخافون عليها. وبليل يسدون الحضره
غريبه زينب.          غريبه زينب
**
للتله حسين يروح الها*اليله وعن زينب يسألها
يتوجه للشام وينعى* ودموعه اعله الحره يهلها

زينب وابدن ماينساهه*اخته وخلص عمره وياهه
راحت روحه بذاك العاشر*من راحت زينب شافاهه
غريبه زينب.        غريبه زينب
**
باالدنيا اشگد ماتت هيه*من يوم الراحت مسبيه
من مرت عاالشاطي وشافت*بيرغهم طايح راعيه

رادت بلكي اتسمع اخوتها*حن فاگدحنت ناگتها
بذيچ الحضه تنز الناگه* لوزينب طاحت دمعتها
غريبه زينب.  غريبه زينب
**
زينب يامصدر عبرتنه*بس نذكرها تصب دمعتنه
مهما صار ولا ننساهه*والكل العالم اثبتنه

من راد يعيلون عليها*تطوعنه ورحنه نحاميها
وقسمنه بعباس وجوده*محد يگدر يوصل ليها
غريبه زينب.  غريبه زينب

سعد العبودي

ذبلانه ماتت عمتي زينب
حتى اليشيل النعش مايتعب
من ضيم الايام.   من غربة الشام
**
جنازتها خفيفه ولا ثگل بيها
ذبل ذاك البدن بفراگ اهاليها
رحيل اخوانها حيل اثر عليها
بت حيدر غريبه تموت تاليها
هيه المثلها تحظر اخوتها
مو غربه توگف يم جنازتها
اشگد شافت الام.    من غربة الشام
**
على متن الگمر عدهه امنيه تنشال
اسف تالي الجنازه يشيلها الحمال
من ثگل الهظم حگه النعش لو مال
تره الگلبه صخر يبچي اعله هذا الحال
چفوف التشيل اجنازت الحره
شاء، القدر تالي اصبحن ذكره
صارن باالاحلام.  من غربة الشام
**
غربة عمتي خلتني دوم انحب
شمسويه العقيله وهيچ تتغرب
ام الحزن هيه وللمصايب  اب
التراب بعمره مادافن مثل زينب
كربله شخلت بيها وشعافت
زينب مصايب ها كثر شافت
ماچانت تنام.    من غربة الشام
**
من كثر الحزن صار البدن نحلان
وحتى باالدفن مايتعب الدفان
الجنازه تحب بچي بيه نشغت الخوان
بس زينب وحيده وماكو واحد چان
حتى الگبر يبچي اعله حالتها
هاي العزيزه مدلله اخوتها
عليها الگلب هام.    من غربة الشام
**
تره اليندفن يفرح بااليزورونه
واذا گعدو على گبره و يحاچونه
شلون العن اهلهه بعيد مدفونه
الگبر ينظر يضل بلكت يمرونه
البيه ريحه من الطف يجي ليهه
جيتك تگله ياهله بيهه
تنعاهه الايتام.    من غربة الشام

سعد العبودي

اريد ابچي اعله زينب لا تلوموني
وخلي من البواچي يطيحن عيوني
**
هاي الي گضت دنيتها هم بهم
بشل أحوالها حيل الزمان اهتم
نار الدار تشبه نار المخيم
وگالت شاهدت چم نار تدروني
**
اريد ابچي عليها واعله حالتها
وعلى ايام الخرابه شلون گضتها
ما يمها اخو وگربت منيتها
المن تلتفت ياناس خبروني
**
كفت وانتهت راح العمر وشل
وآيات الحزن هليله تترتل
كون اليوم اشگن زيجي فوگ التل
وكون بسوط اضرب وجهي ومتوني
**
زينب ياغريبه بيها من اسمع
وحگ عباس ماسيطر على المدمع
دوم من البواچي اعليها مااشبع
مجنون العقيله اتباهه بجنوني
**
اه يلشام يكسر گلبي طاريها
لأن مدفونه غاد ام الخدر بيها
چا دمعات عيني المن مخليها
كون ويه الدموع يطيحن اجفوني
**
يوم اخمسطعش من رجب بيه ماتت
غير الضيم زينب كلشي ماشافت
ماادري أخير انفاسها اشگالت
اضن نادت يخوتي ما تحضروني

سعد العبودي