‏مقطع صوتي من ياصاحب الامران الأمريدعوك

https://www.instagram.com/reel/C4HRqO_IHIO/?igsh=ajlhNnUyZDRibzR2

زورو حسابي انستا كرام
اشرف بيكم
الشاعره
طالبةالزهراء القريشي

ماگـفـلـچـن
لـيـــل إوبـــر يزينـب  ماگفه إلچن
لـلـّـــه إلوجـه تنـطـن موگفه إلچن
صـدك عـباس بإلطـف ماگفـلـــچن
(كفـل عباس ينطي إلچـف هديـه)
                                    
هادي الموسوي

نعي السيده زينب ع اتخاطب أبي الفضل
بعد الرجوع من السبي



كـون الــگـبـر عـبـاس بـي بـاب
ويــمـك يلـمـنـي لــمـت احـبـاي
هسه اعرفتهه بطـول الاغـيـاب
يـالبـعـد اخـوهـه عـيـب تـنهاب


عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه


مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي


حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل

*----------------------*-------------------*
✍خـادم الـحسيـن
الشاعر رعد الجريخي

الصبر حدب

قصيده ثقيله الموالي يبث شوق انتظاره لصاحب الزمان عجل الله فرجه الشريف
*****



آنه يوميه بدمع للغايب
آنه مو ذاك الكبر بس شايب

من الفراك
من الفراك
*****
الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر

يمته تلحك يمته وتحسر سنين
ودعي عجل بالفرج بسم الحسين
وانه واثق ما اردن خايب
أنه يوميه بدمع للغايب

من الفراك
من الفراك
*****
ارد اكحل عيني لحضه بشوفته
يعتبر انجاز عمري محبته
ابو صالح سر الهي بغيبته

هوه اخر نور مشكات الوجود
هوه رحمه وهوه نعمه ابلا حدود
من اذكره ابطولي انهض طايب
آنه يوميه بدمع للغايب

من الفراك
من الفراك
✍طالبةالزهراء القريشي
**
من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع

يمته يكرمنه ألآله أبهل حبيب
فاضت كلوب البشر طال المغيب
وبدعاء الندبة نبقى نعاتب
آنه يوميه بدمع للغايب

من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ
**
يضيج خلكي ومن اذكره ينشرح
هوه بلسم لو نغز بيه الجرح
هوه معنى ولذه احجايه ملح

خاف يلفيني غفل مر الممات
حسره وتضل شوفته طول الحياة
شوك بالدلال احسن صايب
آنه يوميه بدمع للغايب

من الفراك
من الفراك

✍🏻ام عباس السكيني
*****
مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه

يمته اكرن عيني بانوار الامان
روحي تهده وترتقي لتاج الزمان

همت بيه وكلبي لجله ذايب
اني يوميه بدمع للغايب

من الفراك
من الفراك
✍ام حيدر العباديه عماره
*****
تمت القصيده باقلام شاعرات رابطه الطفوف
لانجيز حذف الاسماء

قصيدة ابطور اجيت امن اليسر يحسين تعبانه

➖➖➖➖

اون اعله المشو  والروح خلصانه
وسف بيت الاهل سدوها بيبانه
ليش، الاهل وحدي عافوني وحدي عافوني وحدي عافوني
بس، لدمع ابجي خلوني ابجي خلوني ابجي خلوني
***
خلوني وحيد وحيل مابيه
مريضه والمرض تعبها رجليه
بعد ماشوف عودي البيته اله جيه

راح الوكت... وراحو. احبابي راحو احبابي راحو احبابي
حيل خلص... من يدك بابي من يدك بابي من يدك بابي

✍خادمة اهل البيت ام ابراهيم الحلفي
****
يوميه اكف عالباب مهضومه
حيرني ابويه مامش علومـــــــه
من يوم المشه ماشايفه النومــــــــــه

وين اليجي.. جايب اخباره.. جايب اخباره.. جايب اخباره

ماضل صبر.. ولابقت جاره.. ولابقت جاره... ولابقت جاره

✍الشاعرة ام روكان الشمري
***
غيم كلبي المن اشكي ياوادم
تجيني الذكريات بهومه تترادم
يامه اتوسلت اخذوني جف خادم
فات الندم.. والمرض قاسي
والمرض قاسي
والمرض قاسي
ماكو امل..فاركت ناسي
فاركت ناسي
فاركت ناسي
✍طالبةالزهراء القريشي
*
مهضوم الگلب والروح خلصانه
اشمن ريحه المحراب ومجانه
مختنكه بهوه الله لعودي ولهانه

لحكو علي…. توحش ايامي.. توحش ايامي..  توحش ايامي
الوحدي اضل..
موتي جدامي..
موتي جدامي..موتي جدامي

✍️هدى المطر ام محمد
**
كلهم حملوا والوحدي تركوني
اعاين للدرب تربيهم اعيوني
اصيحن ياهلي ياوسفه عفتوني

ما ظل صبر ..دمعتي اتلالي دمعتي اتلالي
دمعتي اتلالي  
ميته قهر. بعازه الغالي بعازه الغالي بعازه الغالي

  ✍ام حيدر العباديه عماره
**
يانار الكلب ماتطفه لا ساعـه
من غصبن عليه اتقبل اوداعه
اصبر بلكلب والروح مرتاعـــــــــــه

جسمي نحل..زايد اللوعه
زايد اللوعه..
زايد اللوعه
من البجي..ذبلن افروعه
ذبلن فروعه ذبلن فروعه

✍الشاعرة ام روكان الشمري
****
تمت القصيده باقلام شاعرات رابطه الطفوف لا نجيز حذف الاسماء

الصبر حدب
بقلم
طالبةالزهراء مع شاعرات الطف
بصوت المله
حيدر الخفاجي

وزن النصاري
مفاعيلن مفاعيلن مفاعيل
قصيده بحق الزهراء عليها السلام
****
يضوي البيت يمه من تردين

بعداج الزمن ومرادف البين
****
من نگعد سويه جنة الايام
شخصج لو يردلي بس بالاحلام
افز من نومتي ياصعب الاوهام
كلبي امغيم اشتاك
يمه شصعبه الفراك
كون اوياج رحنه شكد مسعدين
بعداج الزمن ومرادف البين


✍مهج الزهراء الموسوي
**
يا ريحة الجنة ويا ثمرها
ريت المكبرة كل يوم امرها
واسولف عن ليالينا وسهرها
رحتي من ادينه
شيردج علينه
حسافة اليوم مو يمنه تسكنين
بعداج الزمن ومرادف البين


✍إيمان الطائي
****
صوبني الزمن دولبني دولاب
أخذ مني الحنينه ريح الاحباب
وخلاني اون طول الغياب
فراكج عذباني
يمن نومي سباني

زينب بالالم يمه متدرين
بعداج الزمن ومرادف البين
✍ ام عيسى الدليمي
**
يفراكج كلف وعلينه ميهون
متعوده تشوفج هاي العيون
ضل البيت خالي بدونج اشلون

انه الماوافي دينج
انه الفاركت عينج

صحت ارجاج عني لا ترحلين
بعداج الزمن ومرادف البين
✍ام حسن
***
تمنيت الوكت ليردج اردود
وكعد بالكتر يأخذني الزود
كعدات الحنينه البعد متعود
شيردج علينه
يمنه يالحنيه

اصدن للنزل والدمعه بالعين
بعداج الزمن ومرادف البين

✍ام حيدر العباديه عماره
**
تمت القصيده باقلام شاعرات رابطه
قرابين الطف
لا نجيز حذف اسماء الشاعرات
https://www.tg-me.com/sakiAtashi

فزاعيه للامام الصادق عليه السلام


اجينه لمجلس المسموم
للصادق نجر حسره
* ****
نونها الونه يستاهل
بعلمه يفضح الجاهل
عدوه يدري ضل ذاهل
سادس جوهر العتره
للصادق نجر حسره
✍طالبةالزهراء
*
جوهر نور من كوثر
وبيه علم النبي تنور
وعليه العالم اتكدر
نبجي وتفجع العبره

✍ام حيدر العباديه عماره
**
نون لمصابــــــه وننعه
وي الكاظم نهل دمعه
يفجع عـــــالابو وضعه
بفراگه انـحـنه ضهره

✍️ سهام علي المالكي
**
اه يبن النبي الهادي
ذكرنه اعليكم اشسادي
ومنكم اطلب امرادي
نضره سيدي نضره
✍العلويه ام كرار
*
جينه نشيع المسموم
صبن وي دمعنه دموم
حجه وندري بيه مظلوم
وظلت بلگلب حسره
✍مهج الزهراء الموسوي
***
كل يوم الالم ينعاد
حاطو بالبقيع إلحاد
الغربة بالكلب تزداد
المهدي ينحب لكبره
✍طالبةالزهراء
****
تمت القصيده باقلام شاعرات رابطه قرابين الطف
لانجيز حذف الاسماء

🍂🍂🍂🍃🍃

قصيده للاهل

🟰

فراگهم یاکل ابروحي

نوحي یاروحي دنوحي

امناطره اهل المگابر

بحلم ویمرولي باچر

نوحي یاروحي دنوحي ۲

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

نوحي یاروحي علی افراگ الحبایب
للجفونـــــــي واسکنو حدر الترایب
انه من یوم المشو دلالــــــي شایب
اهموم دهري لازمنــــــي والمصایب

وظلع مني دهری کاسر
بحلم ویمرولی باچـــــر

نوحي یاروحي دنوحي ۲

✍🏻المیرزه ام ليلي الخاقانی

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

روحــي ملت انتظاري اه يروحـــي
والملامح بالنظر هاجت جروحــــي
شيبي برموشي نبت من كثر نوحي
يمته اموت ولنجف ينشال لوحــي

جمر من الفرگه شاجر
بحلم ويمرولي باجر

نوحي ياروحي دنوحي

✍طالبةالزهراء

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

راحوا وهيهات ميـردون اليـــه
ريت وياهم أنه جتني المنيــــه
ولاشفت هذا الألم وشگد أذيـــه
شوگي ليهم چن لَهب يستعر بيه

باقية اترقب واناطر
بحلم ويمرولي باچر

نوحي ياروحي دنوحي ٢

✍️#ولائـية_وافتـخر (دعاء العامري)

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

افراگهم ذوب دليلي وحيــلي مهدوم
امساهره عيوني وابد ماضاگت النوم
اتريدهم روحي وعليهم حنت اليـوم
گلبي صبح كلسمه ويلملم اغيـــــوم

صعب ياكسر الخواطر
ابحلم ويمرولي باجر

نوحي یاروحي دنوحي ٢


✍خادمة اهل البيت ام ابراهيم الحلفي

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

صعبه یا حال الذي امفارگله غالي
يگضي ليله بلحزن والدمـع هالي
بطيف يتمناهم اتمر الغوالـــــــي
اخلافهم لا زاد لا شربي حلالي

جفني طول اليل ساهر
بحلم ويمرولي باچـــر

نوحي يا روحي دنوحي ٢

✍️ام قاسم البوغبيش

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

صرت جرح آنه على طولي من جفوني
نشف دمعي من البجه وراحت عيونـــي
ايست بعد الاودهم مايجـونــــــــــــي
نگطع چن حبل الوصل من فارگــــــوني

عايشه گوه وكـــابر
بحلم ويمرولي باجر

نوحي ياروحي دنوحي

✍ام عباس السكيني

•‏​‏​​‏•❥ًً❀(•«﷽»•)❀❥ •‏​‏•‏​‏​​‏

تمت القصيده بأقلام رابطه شاعرات الطفوف
نسالكم الدعاء
لا اجيز حذف الاسماء

🍃🍂🍃🍂

فزاعيه


خويه حسين من الركضه ملينه
حركوها الخيم بالهيمه فرينه
**
شسولفلك علينه اجدام متعوبه
خدر ال نبي البينه كل حوبه
حرم وطفال هذا اليوم منكوبه
ما ضلت زلم
وسياط تولينه
✍طالبةالزهراء
***
حركوها الخيم ياخويه كوم النه                                                                      ماواحد البي ناموس غارنه                                                                         حيرنه الزمان شلون حيرنه                                                                       ماعدنه الزلم بس حرم ضلينه                                                                                             ✍أم خضير
****
ومـاعـدنا زلـم والنـار شبـوها
وچم طفلـه وطفـل بالخيل سحگـوها
ومن دم الدمع ياخـويه بچـوها

ولا وحـد رحمنـه انغـر يواليـنه
✍🏻 *_الشاعــرة ام مهــدي العيــداني_*
****
اجيت انه بتوالي اليل يبن امي
مهمومه وحزينه واعثر بهمي                                                                         اخافن منذبح وسفه يخال ابني                                                                    خويه تروعينه وليك هل جينه
✍ام خضير
**
محروك الجدم  وكلبي هم محروك.                                                               يبن امي اهيس انسبي اعل النوك                                                                  يمرونه الاعادي خافن اعل السوك                                                                       وصحنه ياعلي ماتلحك اعلينه
✍ام خضير
*
خويه حسين بس رحمك رسه بعيني                                                                     واني بغير والي وغربه تجويني
                                                                      كلفه انه بيسر والشمر يحديني
صعبه النايبه التوجر الم بينه
✍ام خضير
***
تمت القصيده باقلام شاعرات رابطه قرابين الطف
لانجيز حذف الاسماء
https://www.tg-me.com/sakiAtashi

🍂🍂🍂🍂🍂

ياصادق العتره .. نادينه بالعبره
يومك فلا ننساه .. يومك فلا ننساه
......................
صبينه دمع العين يبن الزجيه
بالحسره والآهات ننصب عزيه
وسفه بحقد سموك هاي المسيه
وناعي الحزن ينعاك صوت الرزيه

تهمل مدامعنه .. يبن النبي صحنه
يومك فلا ننساه .. يومك فلا ننساه
.......................................1
منك علوم الدين اخذت صداهه
كل المدراس بيك عالي مداهه
وارث علم مكنون للهادي طاهه
شمسك تظل مولاي واضح ضواهه

نورك فلا يخفه .. من الذهب اصفه
يومك فلا ننساه .. يومك فلا ننساه
........................................2
جور وظلم عانيت بين الاطايب
عشت الألم وهموم شفت المصايب
گلبك يجعفر صار من ضيمه شايب
لجرحك تنوح اليوم كل الحبايب

كل محب يالغالي ... باحزانه يالوالي
يومك فلا ننساه ... يومك فلا ننساه
............................................3
يبن النبي مسموم جبدك تگطع
شنهو الذنب مولاي جسمك تلوع
ياصادق اهل البيت ما الك مفزع
لمصيبتك هاليوم كل شيعي يجزع

مفجوعه احبابك ..هاليوم لمصابك
يومك فلا ننساه .. يومك فلا ننساه
.........................................4
ياسيدي مظلوم يومك فجيعه
مأتم نقيم اليوم لأجلك نذيعه
نعلن حداد اعليك يبن الوديعه
نواسي النبي المختار نعشك نشيعه

نواسي النبي وحيدر .. والگلب يتحسر
يومك فلا ننساه .. يومك فلا ننساه
...........................................5
حرگو عليك الدار مثل العقيله
شبهو خيمها بنار اهل الرذيله
بالعاشر بعاشور ما مر مثيله
اخوتهه صرعه الگوم دمهم تسيله

خيمتهه حرگوهه .. واعليك عادوهه
يومك فلا ننساه .. يومك فلا ننساه
............................................6

خادمكم مالك السعيدي

نَرْفَعُ تَعَازِينَا لِمَوْلَانَا صَاحِب الْعَصْرِ وَالزَّمَانِ عَجَّلَ اللَّهُ تَعَالَى فَرْجَهُ الشَّرِيف وَإِلَى شِيعَةِ أَهْلِ الْبَيْتِ صَلَوَاتُ اللَّهِ عَلَيْهِمْ أَجْمَعِينَ بِذَكَرِى شَهَادَة مَوْلَانَا الْإِمَامِ الصَّادِقِ عَلَيْهِ السَّلَامُ عَظَّمَ اللَّهُ لَنَا وَلَكُمْ الْأَجْرُ إنْ شَاءَ اللَّهُ

#قناه
#طالبة_الزهراء_القريشي