🏥 Сынньанарга, эмтэнэргэ бары өттүнэн табыгастаах буолбут

🤩🤩 Биһиги өрөспүүбүлүкэтээҕи доруобуйаны чөлүгэр түһэрии киинин Тит Сосин аатынан Абалаахтааҕы салаатыгар (сэбиэдиссэй Иннокентий Аринкин) биир кэмҥэ 32 буолан сынньанныбыт, эмтэннибит.

👵👨‍🦳 Мэҥэ Хаҥаластан, Үөһээ Бүлүүттэн, Кэбээйиттэн, Чурапчыттан, Уус Алдантан, Амматтан, о.д.а. улуустартан мустан, бэркэ диэн тапсан, бодоруһан сырыттыбыт. Аллараа Бэстээххэ баар Абалаах сонотуоруйун саҥа куорпуһа олорорго, сынньанарга, эмтэнэргэ бары өттүнэн табыгастаах буолбут. Үрүҥ халааттаах аанньалларбыт быраастар: реабилитологтар Людмила Сидорова, Сардана терапевт Дарья Андреева, невролог Светлана Шадрина, сиэстэрэлэр, техүлэһиттэр бары олус эйэҕэстэр-сайаҕастар, бэйэлэрин идэлэрин толору баһылаабыт исписэлиистэр. Били Авиценна этэринии, аҥардас тылынан даҕаны киһини эмтиэхтэрин, санаатын көтөҕүөхтэрин сөп курдук!

🤩🤩 Процедуралар сүнньүнэн күн бастакы аҥаарыгар бүтэллэр, онтон киэһэ өттүгэр иллэҥ кэм элбэх. Ону биһиги бэйэбит баҕабытынан ситэринэбит: остуол оонньууларын оонньуубут, иккитэ билиини тургутар «Брейн-ринг» ыыттыбыт, Хомсомуолбут күнүн бэлиэтээтибит. Үксэ аҕам саастаах дьон буолан, «Уонна хаһан?» диэнинэн салайтараллар.

💚💊 Бэркэ диэн сынньанан, эмтэнэн, уһун кыстыгы туоруурга күүс-сэниэ эбинэн таҕыстыбыт. Доруобуйабытын чөл турукка киллэрбит абыраллаах «Абалаахпыт» кэлэктиибигэр барҕа махталбытын тиэрдэбит!

🏥 «Абалаахха»
 
«Абалаахха» сынньанан
Абыранным, доҕоттоор,
Алыс диэнник астынан
Ама буоллум, оҕолоор!
Саҥа дьиэнэн сандааран,
«Абалаахпыт» киэркэйбит,
Сырдык ыра санаанан
Абырала үрдээбит.
Аныгылыы моһуоннаах
Аппараата үксээбит,
Эрчим эбэр оруоллаах
Эҥин тэрил элбээбит.
Бадараана астыгыан,
Баанналара арааһыан,
Доруобуйам тубустун,
Дьолго эрэ дьулустун!

Сиһилии ⬅️⬅️⬅️

@gazetaerkeii
@ulusmedia