#HududlardanXabarlar #Surxondaryo

🟢Surxondaryo: Tozalik oyligi chiqindi xizmatlari samaradorligini oshirmoqda

Surxondaryo viloyatida tozalik va obodlik oyligi doirasida navbatdagi kuchaytirilgan yo‘riqnoma tashkil etildi. Unda Chiqindilarni boshqarish va sirkulyar iqtisodiyotni rivojlantirish boshqarmasi, viloyat Prokuraturasi, IIB, Milliy gvardiya, Soliq va Ekologiya boshqarmalari qator mutasaddi mas’ullari ishtirok etdi.

Shuningdek, Muzrabod tumanida xizmat ko‘rsatuvchi “Sale Kingdom” MCHJ faoliyati atroflicha o‘rganildi. Jarayonda aholiga grafik asosida sifatli xizmat ko‘rsatishni ta’minlash, chiqindi xizmatida to‘lov intizomi, “Toza makon” billing tizimida abonentlar ma’lumotlarining shaffofligi, qamrov darajasini oshirish, ommaviy oferta va davlat-xususiy sherikchilik asosida investitsiya majburiyatlarini bajarish, texnika hamda debitor qarzdorliklarni bartaraf etish bilan bir qatorda, korxona faoliyatida mavjud muammolarni aniqlab, ularni bartaraf etish bo‘yicha aniq choralar kelishib olindi.

Qolaversa, viloyatning Jarqurg’on, Denov, Termiz, Qumqurg’on tumanlari va Termiz shahrida sanitar tozalash sohasida olib borilayotgan ishlar ham joyiga chiqib o‘rganildi. Reyd nazorat tadbirlari ham o‘tkazilib, belgilanmagan joyga chiqindi tashlagan yuridik va jismoniy shaxslarga nisbatan qonuniy baho berildi.

Veb-sayt | Telegram | Facebook | Instagram | YouTube