#Plogging

♻️ Chirchiq daryosi bo‘yida tozalik tadbirlari o‘tkazildi

Respublika miqyosida ekologik madaniyatni, xususan chiqindilarni saralash madaniyatini shakllantirish maqsadida turli “Green games” ekologik turkumdagi o‘yinlar o‘tkazilmoqda.

Jumladan, “Ekolog” jamoat birlashmasi, “Beeline Uzbekistan” kompaniyasi vakillari, O‘zJOKU talabalari hamda “Yashil maktab” volontyorlari ishtirokida Toshkent viloyatidagi Chirchiq daryosi bo‘yida “Green games” tozalik aksiyasi tashkil etilib, atrof-muhit tozaligiga munosib hissa qo‘shildi.

Jarayonda ishtirokchilar daryo bo‘yidagi belgilanmagan joylarga tashlab ketilgan chiqindilarni yig‘ib, tozalashdi. Yakunda 800 kg. ga yaqin to‘planib, mas'ul sanitar tozalash korxonasi tomonidan tegishli tartibda bartaraf etildi.

Bu kabi sa’y-harakatlar davlatimiz rahbarining “O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risida” 2025-yil 30-yanvardagi PF–16-son Farmoni ijrosiga muvofiq olib borilmoqda.

Veb-sayt | Telegram | Facebook | Instagram | YouTube

#HududlardanXabarlar #Namangan

🟡 Namanganda chiqindilarni boshqarish sohasi samaradorligi muhokama qilindi

Namangan viloyati Prokuraturasi, Chiqindilarni boshqarish va sirkulyar iqtisodiyotni rivojlantirish hamda Milliy gvardiya boshqarmalari mutasaddilari va sanitar tozalash korxonalari vakillari ishtirokida seminar tashkil etildi. Unda "nol chiqindi" tamoyiliga erishish va soha mas'ullari zimmasiga qo'yilgan vazifalar ijrosi birma-bir muhokama qilindi.

Jumladan, aholi roziligiga erishish maqsadida maishiy chiqindilarni to‘plash va olib chiqib ketish xizmatlari sifatini oshirish, debitor qarzdorliklarni undirish, aholi murojaatlarini belgilangan vaqtda bartaraf etish, sanitar tozalash korxonalari tomonidan chiqindi to‘plash shoxobchalariga videokuzatuv kameralarining o‘rnatilishi va aholi nazoratining yo‘lga qo‘yilishiga doir masalalarning yechimi o‘zaro kelishib olindi. Masʼullarga tegishli ko‘rsatma va topshiriqlar berilib, alohida nazoratga olindi.

Veb-sayt | Telegram | Facebook | Instagram | YouTube

#XalqaroMunosabatlar

♻️ Agentlikda chiqindilarni samarali boshqarish yo‘nalishidagi hamkorlik muhokama qilindi

Chiqindilarni boshqarish va sirkulyar iqtisodiyotni rivojlantirish agentligida Xitoy Xalq Respublikasining “Centre Testing International Group” kompaniyasi vakillari bilan uchrashuv bo‘lib o‘tdi. Ahamiyatli jihati mazkur kompaniya chiqindilarni qayta ishlash, ekologik nazorat va laboratoriya sinovlarini o‘tkazish yo‘nalishlarida keng ko‘lamli xizmatlarni taqdim eta oladi.

Uchrashuvda Agentlik direktori Sharifbek Hasanov hamda “Shanghai SUS Environment” kompaniyasining O‘zbekistondagi bosh vakili David Zhou va “CTI” kompaniyasining asosiy mijozlar bilan ishlash bo‘yicha direktori Zoe Wu janoblari boshchiligidagi soha mas’ullari ishtirok etdi.

Jarayonda “CTI” kompaniyasi tomonidan O‘zbekiston Respublikasida yuqori texnologiyali laboratoriya tashkil etish taklifi bildirilib, unda chiqindilarni yoqish orqali elektr energiyasi olinadigan loyihalarni samarali monitoring qilishga xizmat qilishi ta’kidlandi.

Jumladan, sohada mavjud imkoniyatni oshirish, texnik bazani yaxshilash va malakali mutaxassislarni tayyorlash nazarda tutilgan.

Zoe Wu tomonidan loyihaning barcha bosqichlarida — konsepsiyani ishlab chiqish, qurilish, jihozlash va keyingi ekspluatatsiya jarayonlarida — to‘liq texnik hamda metodologik ko‘mak ko‘rsatilishi alohida qayd etildi.

Yakunda tomonlar atrof-muhitni muhofaza qilish, xususan chiqindilarni qayta ishlash sohasida sifatli hamkorlikni yo‘lga qo‘yish va mustahkamlashga tayyor ekanliklarini bildirishdi.

Veb-sayt | Telegram | Facebook | Instagram | YouTube