#XalqaroMunosabatlar

♻️ Agentlikda chiqindilarni samarali boshqarish yo‘nalishidagi hamkorlik muhokama qilindi

Chiqindilarni boshqarish va sirkulyar iqtisodiyotni rivojlantirish agentligida Xitoy Xalq Respublikasining “Centre Testing International Group” kompaniyasi vakillari bilan uchrashuv bo‘lib o‘tdi. Ahamiyatli jihati mazkur kompaniya chiqindilarni qayta ishlash, ekologik nazorat va laboratoriya sinovlarini o‘tkazish yo‘nalishlarida keng ko‘lamli xizmatlarni taqdim eta oladi.

Uchrashuvda Agentlik direktori Sharifbek Hasanov hamda “Shanghai SUS Environment” kompaniyasining O‘zbekistondagi bosh vakili David Zhou va “CTI” kompaniyasining asosiy mijozlar bilan ishlash bo‘yicha direktori Zoe Wu janoblari boshchiligidagi soha mas’ullari ishtirok etdi.

Jarayonda “CTI” kompaniyasi tomonidan O‘zbekiston Respublikasida yuqori texnologiyali laboratoriya tashkil etish taklifi bildirilib, unda chiqindilarni yoqish orqali elektr energiyasi olinadigan loyihalarni samarali monitoring qilishga xizmat qilishi ta’kidlandi.

Jumladan, sohada mavjud imkoniyatni oshirish, texnik bazani yaxshilash va malakali mutaxassislarni tayyorlash nazarda tutilgan.

Zoe Wu tomonidan loyihaning barcha bosqichlarida — konsepsiyani ishlab chiqish, qurilish, jihozlash va keyingi ekspluatatsiya jarayonlarida — to‘liq texnik hamda metodologik ko‘mak ko‘rsatilishi alohida qayd etildi.

Yakunda tomonlar atrof-muhitni muhofaza qilish, xususan chiqindilarni qayta ishlash sohasida sifatli hamkorlikni yo‘lga qo‘yish va mustahkamlashga tayyor ekanliklarini bildirishdi.

Veb-sayt | Telegram | Facebook | Instagram | YouTube

#HududlardanXabarlar #Namangan

🚛 Namanganda tozalik ishlari samaradorligi muhokama qilindi

Namangan viloyati hokimligida hokimlik, Prokuratura, Ekologiya, Chiqindilarni boshqarish va sirkulyar iqtisodiyotni rivojlantirish boshqarmasi mas’ul mutasaddilari va sanitar tozalash korxonalari vakillari ishtirokida yig‘ilish tashkil etildi.

Unda hududlardagi atrof-muhit muhofazasi va sanitar tozalash ishlarini samarali tashkil etish masalalari muhokama qilindi.

Jarayonda mas’ullarga aholi yashash hududlarining sanitariya holatini yaxshilash, chiqindilarni yig‘ish va qayta ishlash tizimini takomillashtirish, aholining ekologik madaniyatini oshirish borasidagi ishlarni samarali yo‘l qo‘yish bo‘yicha ko‘rsatmalar berildi. Shuningdek, mavjud muammolar yechimi yuzasidan taklif va tavsiyalar bildirilib, mas’ul idoralarga aniq vazifalar yuklatildi.

Veb-sayt | Telegram | Facebook | Instagram | YouTube

#TozalikOyligi #Namangan

📍Namangan: Mahallalarda zamonaviy chiqindi yig‘ish maydonchalari quriladi

Davlatimiz rahbari tashabbusi bilan butun respublika bo‘yicha e'lon qilingan "Tozalik va obodlik" oyligi doirasida hududlardagi mavjud infratuzilma alohida o‘rganilmoqda.

Jumladan, Namangan viloyatida bir qator mas'ul mutasaddilardan tashkil etilgan shtab a'zolari tomonidan mahallalarda ko‘rsatilayotgan sanitar xizmat sifati, qamrov darajasi joyiga chiqib o‘rganilmoqda.

Jarayonda Davlatobod tumanida aholiga qulaylik yaratish, hududlarning sanitar holatini yaxshilash, tozalik va tartibni saqlash maqsadida "Davlatobod", "Umid", "Xalqlar do‘stligi" va "To‘quvchi" MFYlarida zamonaviy chiqindi yig‘ish maydonchalari (CHYM) barpo etiladigan bo‘ldi. Ushbu chora-tadbirlar shu kunning o‘zida "Yuksalish" massivida jadallik bilan boshlab yuborildi.

Loyihaga ko‘ra, yangi qurilayotgan CHYMlarda chiqindilarni saralab yig‘ishga mo‘ljallangan maxsus qutilar o‘rnatilib, ishchilar uchun qulay sharoit yaratilishi belgilangan.

Veb-sayt | Telegram | Facebook | Instagram | YouTube

#HududlardanXabarlar #Xorazm

✅Xorazmda jamoatchilik vakillari bilan uchrashuvlar tashkil etildi

Xorazm viloyati Chiqindilarni boshqarish va sirkulyar iqtisodiyotni rivojlantirish boshqarmasi boshlig‘i boshchiligidagi mas'ullar, mahalla vakillari ishtirokida Urganch shahri "Navro‘z" MFY fuqarolari bilan uchrashuv o‘tkazildi.

Unda keng jamoatchilik vakillariga davlatimiz rahbari tashabbusi bilan chiqindilarni boshqarish sohasida yaratilayotgan islohotlar, "Tozalik va ozodalik" oyligi doirasida hududlarni chiqindidan xoli manzilga aylantirish bo‘yicha olib borilayotgan ishlar haqida tushuntirishlar berildi.

Shuningdek, aholi o‘rtasida to‘lov intizomi, debitor qarzdorliklarni bartaraf etishga doir masalalar belgilab olindi. Shu kuni mahalla hududida obodonlashtirish ishlari ham olib borildi.

Veb-sayt | Telegram | Facebook | Instagram | YouTube