لا تحلف وتعتذر
حِلفانك يشلك
وينك وين الصدك
تندلة ؟ يندلك ؟

شايلّك حِقد
بالدرُب لو الاگيك
وأشوفِك تحترِگ
وتأشر أفزعَلك !
صح أركِضلك
وكِل هَمي أوصلّك ،
ما أطفيك !
صوغة حَطب جايبلك.

الوَرد لو مِثلچ حَلو
تركضلهَ وادم حافيه
والمَالكه لعَلته دوه
نبرهَ ضحَكتچ كافيه 💗

انـا باللاوعي من انطيتك الروح
عقل ما چان عندي وهسه فزيت

شمالها عيونك نستني !
ويا مرايا الغيرتك هيچ وعفتني
گمت أشوفك تهوى غيري
بيش غثنّك عيوني ، وغربتني .

و أنام الليل و ألگاني احبك حتى بأحلامي ❤️.

ليـــش أَهتم !
و عَلميـن محترگ كلبـي و يطِگ الدَم
و إِذا جاسوا طَرف شَعـرڪ !
و إِذا شَمـوك غير إنـتَ ٱشتهيت الشَم !

ليش اجيك ؟
لا تنعـاد بيه اوجاع السنين
من اجيك وبروحي لهفة وشوگ
وتخذلني وترجعني مثل اليتيم
خايب ومحترگ گلبه ويدور حنين
مـــا اجيك .

اجيت بطرگ ادي
سچينتك جرهـا
مو رجال اعرفك ما تدبرها

الليله الخسارات الچبيره
‏ابجي اعلى روحي؟ اعليك ؟ حيره

من شفتك تمثل بطلت مَنك
مَا ضايج عليك ولا اني متندم
الغلط من عندي غليتك
طلعَت على الرخص فد مرَة متعلم
وچنت من نفسي انطي هواي
احبك چنت لا تحسبني مستسلم

وعذرك ما يفيد شلون عذر الماي
من يغرّگ ابن ادم يرجع يغسله

اضم بصورتة
وخايف عليها اضيع
ومدري شلون ذب كلادتي الفضة
من فاركني !
علمني المحبة حظوظ
مو كلمن وحبة ، كلمن وحظة

بس وحگك
بـاچر يعوفوك كلهم
ووحدك ترجعلي ذابل
باچر اثـار الغُرب هوسه اعله خصرك
اكثر من اثار بابل .

اعوفك للزمن
تلويك الايـام
بضلك باچر يبين انكسارك
تظن الذكريات تعوفك بخير ؟
محطة تمُـرها يومية بقطـارك
وتذكرني بشكو شلونك بالوجوه
ويصفى الندم عنوان بشعـارك
وتتمنى ولو واحد يحس بيك
وتحن لعنـادي من چنة نتعـارك
ويشب گلبك
لحــد ما يصبح رمـاد .

أسمر حَبيبي
العَسل يشبَه لونَة 🤎🧁.