في ملعب الدنيا نبي كسب الغناه
حتى ولو كانت مكاسبهـا صدف

‏والله ماشفتك في صغار الفعايل
‏عشان الومك في كبار المشاريه .

‏يَـارب وجّهت وجهي لك و أنا راجيٍ خير
‏و اللي رجا بك خير . . . شاف العجُوبه

‏خليت الاحزان باقصى القلب منثبره
‏ياكثر كذبي على نفسي . . وانا داري !

ان ضاع من نكران خلق الله الطيب
‏الطيب … عند الله … ماهو بضايع .

‏الفعل محسوب ، ولا الهرج مجاني
‏والناس يكسب رضاها من يجاملها

‏ماكل من يسكت عن الحق خوّاف
‏احيان نسكت لجل ماضي جمعنا..

‏لاتحسبني من اللي يتبع الراحلين
‏لي عزةٍ مستحيل اطيح من دونها

لنقفل بابٍ من الرزق حرّاسه وقوف
‏فتّحت بيبان الارزاق من كل اتّجاه

‏لله درّي على الصبر .. وعلى الاعتياد
‏أواجه الوقت صلب وخاطري ماحكى

‏استريني ياعيوني من عيون العباد
‏لا يبين فيك همي وحزني وزعلي .

‏مهما وصلت إلى أعلى مراحل الذكاء
إنتبه تستغفل . . لك فطين وساكت

‏ماعادني على خبرك احب التفاصيل
‏ان كان عندك سالفه اختصرها .

من يسولف بذنبه على المجلس المليان،
‏ مثل من يعلق بندقه . . . عند عدوانه."

‏شعور اليتيم اللي يشوف الحزن روتين
‏ما أستمتع بلذة عنفوانه ولا طيشه .

واهني اللي من النوم تسمع له شخير
‏ما تعرّض له من الوقت شيٍ يوجعه .

‏انتي مثل بيتٍ كتبته وانا طرب
‏طرّوه لي وانا حزين .. ونفيته

‏لاشفت المعاتب قل حاول تروح هناك
‏أنا لا وصلت لمرحلة " صمت " فارقني

اضحك وباب الرزق ماهوب مصكوك
‏رزقٍ | قسمه الله | . . . بياتيك وافي

حالف اني لا اعكس الريح واخذها عناد
لين تلقح عاقر النود برعود الضّنا .