‏عرفنا دواء نقص الفيتامين والاملاح
‏لكن وش دواء اللي ينقصه عَرف ومروه

عن كلمة الحق محد رابط لساني
‏اقولها لو جميع الناس مستحيه .

‏يالله افزع لي على بعض الأمور وعنّي
‏انت والله خير من يفزع وخير معاون .

‏من لايدق الصعايبّ مثل دقّ الخشوم
‏يمكن يدقّه زمانه . . مثل دقّ الأكك .

‏أحلامي اللي عليها هقوة الهاقي
‏راحت مثل زلّة الغالي على الطيب

‏لا صار مشيك هروله عند الاجناب
‏ليه تحبي . . في واجبات القرايب '

‏درس التجارب ماهوب يجيك مجاني
‏تـدفع رسومه سنينٍ من شقى عمرك

لا قل عرف العقول وطاح سِعر الكلام
سلم على الصّمت لا منه حفظ قيمته

‏قبل لاتتكلم عن الناس خذ لفه
‏على نفسك يا كامل الاوصاف .

« من كثر نكبات الليالي والايام »
‏حيل الله اقوى مابقى شي عندي .

‏أكابر على قلبٍ من الضيق فيه وفيه
‏وانا خابر ان ماعاد قلبي على خبري

‏في معركه ياسي هزمت امنياتي
والمعركه في داخلي مالها صوت

‏لو اللوح يدري وش هو اللي يجي المسمار
‏مايشره على المسمار . . والطق في راسه

‏لا يغرك صدق احساسهم ترى
‏كلهم على اوتار الخباثه يعزفون

‏تعبنا من الايام .. والعالم الفاضين
‏نجامل وآثر ساس البلا يوم جاملنا

اقطع وصل بايع الرفقه على اول زبون
‏مثل ما تقطع يمين السارق اللي سرق

‏إن طغت سود اللّيالي على وجه الظّروف
‏عاد لِيّ شيمة ومبدأ . . على وجه الثّرى