‏لا توّضح ضيقتك لو تضيق الارض فيك
‏خل في صدرك مقابر وفي وجهك حياه

‏مايعكّر خاطر السمح من عقب المغيب
‏كود نسناس الهبايب بـ ذكرى مبطيه

‏لو وجيه الناس تكشف لك خفاها
‏شانت وجيهٍ . . ملامحها جميله

‏أغيّييب ما دام غيييري كمل الباقي
‏انا ماحب الحضور اللي بلا معنى .

‏تضيع الجمايل عند جحادة المعروف
‏لكن ما يضيع الطيب لا صار في طيّب .

لي ايام سارح ما يشد إنتباهي شي
يمر الكلام المختلف كنّه العادي .

لو تعيش العمر كله تحت سقف الديون
‏لا عطاك الله غنى النفس عيّنت الغناة .

الفقر ماهوب عيب ان كان فقر الجيوب
‏العيب فقر العقول و قل اخلاقها .

هرج القفى في غايب الناس تالف
قلّت حيا وذنوب من دون قيمه .

من أول ادور على الفيّه وعيني للظلام
واليوم مايفرق معي برد الحياة وحرّها

‏ما عاد ابي عقل الذكي و السياسي
‏اليوم ابي حظ الغشيم الموفق .

"شفت اللي ما يهاب وكن قلبه حصاه ؟
قدام عينه لو تموت الحمامه .. بكى"

كل ما واجهت لي طيّب دعيت الله تعالى
ما يوريه " الظروف " اللي تخليه يتردا .

احسب اني كل ماضقّت بلقى لي صديق
واثر كل الناس صدقان في وقت السعه .

‏الحياه خوض التجارب وحايفها يحوف
‏كم خذت من راس طيب وراسٍ  به ردا

عن المجامل وكسّب الناس ورضاها
رضا ضميري . . على نفسِي يغنيني