#قصص_رواها_الرسول_ﷺ


🌴قصة النخله و اليتيم 🌴

🌻 كان ياما كان و مايحلي الكلام
إلا بذكر النبي .... محمد ﷺ

🌼 وأولادي اللي بيحبوا سيدنا محمد أكتر واحد في الدنيا كلها

🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼 اللهم صل علي سيدنا مُحَمَّد

🌻 كان في زمن النبيﷺ غلام يتيم

🌼 وكان له بستان بجوار بستان رجل من الأنصار

🌻 فأراد هذا الغلام اليتيم أن يبني جدار فاصل بين بستانه وبستان الأنصاري

🌼 و بدأ بالبناء ولكنه وجد نخلة لهذا الرجل الأنصاري تعترض الجدار

🌻 فذهب اليتيم للرجل وطلب منه أن يعطيه هذه النخله ليبني الجدار من خلفها و يجعلها في يستانه

🌼فرفض الرجل الأنصاري هذا الأمر فطلب منه الغلام أن يبيع له النخله

🌻 فرفض أيضا أن يبيع له النخله فقال له الغلام إذا لم تعطني النخله سأذهب وأشكوك للنبيﷺ

🌼 فسكت الرجل و لم يرد عليه فذهب الغلام الى النبيﷺ وشكى له هذا الرجل الأنصاري


🌻 فذهب النبيﷺ مع الغلام إلى الرجل الأنصاري فغضب الرجل وعلم أن الغلام إشتكاه الى النبيﷺ

🌼 فطلب منه النبيﷺ أن يعطي النخله للغلام

🌻 فرفض الرجل الانصاري ذلك فأشار عليه النبيﷺ أن يبيع النخله للغلام

🌼 فرفض الرجل الأنصاري ذلك فقال له النبيﷺ أعطيه النخله ولك بها نخله في الجنه فرفض الرجل الأنصاري أيضا

🌻 وذلك بسبب أنه غضب من الغلام لأنه اشتكاه للنبيﷺ

🌼 فجاء الصحابي الجليل أبو الدحداح وقال للنبيﷺ أفرأيت إن إشتريت النخلة من هذا الرجل وأعطيتها للولد اليتيم أيكون لي نخله في الجنه؟

🌻 فقال له النبيﷺ نعم

🌼 فقام أبو الدحداح وذهب إلى الرجل الأنصاري وقال له أيها الرجل هل تعرف بستان أبي الدحداح

🌻 فقال له الرجل نعم ومن في المدينه لا يعرف بستان أبي الدحداح

🌼 وكان بستان أبي الدحداح فيه 600 نخله و بئر و بيت

🌻 وحوله سور كبير و كان الثمر الذي فيه من أحلى وأجمل ثمار المدينه

🌼 فقال له أبو الدحداح البستان كله لك على أن تعطيني تلك النخله

🌻 فوافق الرجل الأنصاري على ذلك فأنطلق ابو الدحداح الى النبيﷺ

🌼 وقال له لقد إشتريت النخله وأعطيتها للغلام

🌻 فتبسم النبيﷺ وقال كم من نخله مثمرة لأبي الدحداح في الجنه

🌼 وعلى الفور ذهب أبو الدحداح ليسلم البستان لهذا الرجل الأنصاري

🌻 فلما وصل إلى البستان سمع صوت زوجته وأولاده داخل البستان

🌼 فنادى على زوجته وقال يا أم الدحداح أخرجي أنت وأولادك من البستان فقد بعته للهﷻ

🌻 فقالت زوجته ربح البيع يا أبي الدحداح

🌼 فلما أرادت أن تخرج من البستان هي وأولادها

🌻 أخذ طفل صغير من أبناء أبي الدحداح ثمرة من البستان ليأكلها

🌼 فقامت أمه بإخراج الثمرة من فمه وألقتها في الارض وقالت سامحني يا بني فقد بعنا البستان للهﷻ

🌻 وهكذا فاز أبو الدحداح بنخيل في الجنه بسبب نخله واحده إشتراها وأهداها للطفل اليتيم

🌼 ونتعلم من هذه القصه أن المسلم يجب أن يكون رحيما على من حوله

🌻 ونتعلم أن عاقبة الغضب وخيمه وقد رأينا أن غضب الأنصاري جعله يقع في معصيه رفض أمر النبيﷺ دون أن يقصد ذلك

🌼 وأنه يجب على المسلم أن يغتنم أي فرصه تقربه الى اللهﷻ و تدخله الجنه

🌻 وأخيرا نتعلم أن الزوجه الصالحه هي التي تعين زوجها على فعل الخير ولا توقفه

🌼 وغدا إن شاء الله موعدنا مع قصة جديدة

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻
https://www.tg-me.com/seerawqass

#قصص_القرآن_للأطفال

🔦 قصة موسى والسامري

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 بعد ما ربنا أمر سيدنا موسى عليه السلام وهو على قمة الجبل إنه يبلغ اللي في ألواح التوراه لبني اسرائيل

🌸 وقاله على حاجة وحشة خالص عملوها بني إسرائيل اللي هما قوم موسى وهو مع ربنا وغايب عنهم

🌸 إنهم سمعوا كلام واحد اسمه السامري والسامري ده كان واحد من علماء بني إسرائيل

🌸 وكانوا نساء بني إسرائيل معاهم دهب أخذوه من الفراعنة علشان يلبسوه

🌸 بس لما سيدنا موسى جالوا الأمر من ربنا بالخروج من مصر

🌸 قالهم لازم نخرج دلوقتي من مصر بسرعه وخرجوا بسرعة وملحقوش يرجعوا الذهب لأصحابه علشان فرعون كان بيجري وراهم وخافوا إنه يمسكهم ويموتهم

🌸 والعلماء بتوع بني إسرائيل قالوا لهم لازم ترموا الدهب ده لأنه حرام علشان هو مش بتاعكوا

🌸 فسمعوا الكلام وراحوا حطوا الدهب كله على بعضه قدام العالم بتاعهم اللي اسمه السامري

🌸 فأخد السامري الدهب كله وسيحه على النار وحط عليه شوية تراب من الأرض اللي مشي عليها سيدنا جبريل بحصانه لما نزل في معجزة شق البحر علشان يساعد سيدنا موسى

🌸 وعمل عجل كبير فاضي من جوه لأنه كان نحات شاطر بيعرف يعمل تماثيل

🌸 وعمل فتحة من قدام العجل ده وفتحة من وراه وحط العجل في مكان فيه هوا جامد

🌸 فكان الهوا لما يدخل جوه العجل يعمل صوت كأنه عجل حقيقي

🌸 ولما بني إسرائيل سألوه إيه اللي أنت عملته ده يا سامري؟

🌸 قالهم ده إلهكم وإله موسى اللي هتعبدوه

🌸 فقالوا له إزاي يعني يكون ده إله موسى وهو راح علشان يقابل ربه؟

🌸 فقال لهم أصل موسى نسي كان فاكر ربنا هناك وهو هنا وأكيد لما ييجي هيعبدوا معانا

🌸 ولما جه هوا جامد ودخل من الفتحة اللي ورا وخرج من أنف العجل اللي قدام عمل صوت جامد أوي فصدقوا إنه ربنا وسجدوا ليه وعبدوه

🌸 وكان سيدنا هارون عليه السلام أخو سيدنا موسى موجود معاهم وقالهم الكلام ده غلط مفيش غير ربنا اللي في السما وبس

🌸 لكن مفيش غير شوية صغيرين اللي سمعوا الكلام والباقي كلهم عبدوا العجل

🌸 وقعد سيدنا هارون يفكرهم إزاي ربنا أنقذهم من فرعون وقسم لهم البحر نصين لكن مفيش فايدة فضلوا يعبدوا العجل

🌸 وقعدوا يلفوا حوالين العجل الدهبي ويرقصوا


🌸 رجع سيدنا موسى وهو زعلان جدا وأول ما شافوا سيدنا موسى واقف قدامهم بطلوا رقص وخافوا من سيدنا موسى لأنه كان باين عليه الغضب وهو كان قوي جداً

🌸 ورمى الألواح اللي في ايده وقالهم إنتوا إزاي تعملوا كده ومسك أخوه هارون من شعره ودقنه وقاله أنت إزاي وافقت على الكلام ده وسبتهم يعبدوا العجل وليه مكسرتش العجل ده يعني إنت كمان مسمعتش كلامي وأنا وصيتك تاخد بالك منهم وأنا مش هنا

🌸 قاله سيدنا هارون إهدى بس يا ابن أمي يعني يا أخويا بيفكروا إنه أخوه ومش ممكن يعمل حاجة غلط وهو عارف أخوه كويس وقاله أنا خفت أعمل كده فتحصل حرب بينهم بس أنا مسكتش وقلتلهم إن الكلام ده غلط

🌸 فساب سيدنا موسى شعر أخوه وقال يا رب اغفر لنا وارحمنا ومتحسبناش على اللي عملوه الناس الوحشين دول

🌸 وراح سيدنا موسى للسامري وقاله إيه اللي خلاك تعمل كده

🌸 فقاله أنا لما شفت سيدنا جبريل عليه السلام وهو راكب الحصان بتاعه ولما البحر بقى نصين

🌸 كان كل لما الحصان يحط رجله على الأرض يطلع فيها زرع بعد ما كانت رملة

🌸 فرحت واخد شوية رمل وزرع من اللي داس عليهم حصان سيدنا جبريل وحطتهم على الدهب وعملت العجل الدهبي ده والشيطان ضحك عليا وأنا افتكرت إني عالم والناس هتسمع كلامي وهيعجبوا بي

🌸 فأخد سيدنا موسى العجل الدهبي وقعد يبرده لحد ما بقى كومة دهب زي ما يكون شوية دقيق

🌸 وراح رمى الدهب جوه مية نهر النيل وكانوا بني إسرائيل بيشربوا من مية النهر ده

🌸 فكل اللي كانوا بيعبدوا العجل اتحول وشهم للون اصفر دهبي عقاب ليهم لما شربوا من النهر بس المؤمنين محصلش لهم أي حاجة

🌸 وسيدنا موسى قال للسامري أنت بقى عقابك إنك هتمشي في الأرض كده لوحدك وهتقعد تقول لا مساس يعني ولا حد هيقدر يلمسك ولا تقدر تلمس حد لغاية ما تموت

🌸 وكده كانت عقوبته من جنس عمله زي ما لمس التراب اللي مشي عليه حصان جبريل عليه السلام وده كان غلط لأنه مأخدش إذن فكانت عقوبته إن محدش يلمسه ولا يلمس حد

🌸 واتعلمنا إن الأنبياء والرسل بشر بيزعلوا ويغضبوا زينا بالظبط بس مش علشان نفسهم علشان ربنا

🌸 والقصة دي موجودة في سورة طه وسورة الأعراف


🌸 ومعادنا بكرة إن شاء الله مع قصة قابيل وهابيل

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌴 السيدة صفية بنت حيي ابن الأخطب رضي الله عنها(4)🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 و بعد ما صلى الرسول الفجر هو و اصحابه

🌻قعد المزارعون بتوع يهود خيبر يصرخوا و يندهوا على اهلهم

🌻 و يقولوا محمد و اصحابه جم علشان يقتلونا اجروا استخبوا بسرعة

🌻فقال النبي الله اكبر خربت خيبر إنَّا إذا نزلنا بساحه قوم فساء صباح المنذرين

🌻ومعنى الكلام ده ان المسلمين هيغلبوا اليهود

🌻 وفعلا فضل المسلمين يحاربوا اليهود وكان عندهم حصون كبيره و المسلمين كل شويه ياخدوا حصن ورا حصن

🌻وفي الآخر المسلمين انتصروا و أخدوا الاطفال والستات أسرى عندهم

🌻فاليهود ملقوش قدامهم غير الصلح مع المسلمين فعرضوا الصلح على الرسول صل الله عليه وسلم فوافق الرسول بشرط إن المسلمين ياخدوا نص ثمار خيبر

🌻واليهود ليهم النص التاني مقابل انهم هيشتغلوا في الارض

🌻وسأل الرسول صل الله عليه وسلم كنانه بن الربيع زوج السيده صفيه عن أموال اليهود ودهبهم اللي جابوهم من بنو قينقاع وبنو النضير لما مشيوا من المدينه

🌻فكنانه قال الرسول صل الله عليه وسلم و الله إحنا صرفناها كلها في الحرب اللي معاكوا و مفضلش منها حاجة

🌻فرد عليه الرسول صل الله عليه وسلم وقاله طيب كده انا عملت اللي عليا بس خلي بالك لو لقينا الحاجات دي عندكوا هيكون جزاءك القتل وهكون برئ من دمك وكذبك

🌻فوافق كنانة على كلام الرسول

🌻فنادى الرسول صل الله عليه وسلم على شويه رجاله من اليهود و المسلمين وخلاهم يشهدوا على الكلام ده

🌻وأمر جيش المسلمين انه يفتشوا ويدوروا على الدهب اللي أنكر كنانه وجوده

🌻وفعلا لقوه وكان مخبيه في حته مهجوره من الحصن بتاعه

🌻وبكده اتحكم على كنانه بالقتل علشان كذبه

🌻وبعدين قسم الرسول الحاجات اللي أخدوها من خَيْبَر على المسلمين وده كان بيعمله بعد كل غزوه بيحاربوا فيها

🌻 وجه واحد من أصحاب الرسول صل الله عليه وسلم اسمه دحية بن خليفه الكلبي و قال للرسول انا عايز جاريه تشتغل عندي

🌻فالرسول صل الله عليه وسلم قاله خد الجاريه اللي انت عايزها

🌻فراح دحيا واخد السيده صفيه

🌻فراح الصحابي للرسول صل الله عليه وسلم يقوله يا رسول الله صفيه بن حيي سيدة بني قريظه وبني النضير وهي متنفعش غير انها تكون جاريه عندك انت

🌻فنادى الرسول صل الله عليه وسلم على دحية وقاله خد جاريه غيرها

🌻وكان للرسول صل الله عليه وسلم حاجه اسمها الصفي

🌻والصفي ده جزء من الغنيمه ممكن تكون عبد او فرس او اي حاجه يختارها الرسول صلى الله عليه وسلم

🌻فأختار الرسول صفيه وجه سيدنا بلال ونادى على صفيه علشان تروح للرسول وكان معاها بنت عمها

🌻وهما ماشيين ورايحين للرسول شافوا الناس اللي اتقتلت من اليهود

🌻فقعدت تعيط السيدة صفية هي وبنت عمها وراحوا للرسول وهما معيطين كده

🌻فزعل الرسول من بلال وقاله انت معندكش رحمه إزاي تمر بأتنين ستات على اهلهم وهما ميتين بالطريقه دي

🌻وكلم الرسول السيده صفيه وبنت عمها عن الأسلام

🌻وخلاهم يختاروا بين انهم يدخلوا الاسلام او يفضلوا على اليهوديه ويقعدوا مع أهلهم واختاروا الإسلام

🌻وقالت السيده صفيه للرسول صل الله عليه وسلم يارسول الله انا كنت مقتنعه ان الاسلام هو الدين الحق من ايام ما كنت بسمع ابويا وعمي بيتكلموا عنك

🌻فخير الرسول صلى الله عليه وسلم السيده صفيه بين ان هي تقعد مع اهلها اللي هيقعدوا في خيبر او تروح للمدينه مع المسلمين وتوافق على زواجها بالرسول

🌻 فأختارت السيده صفيه الرسول والمسلمين

🌻فأعتقها الرسول صل الله عليه و كان ده هو المهر بتاعها

🌻و بعد ما عرف المسلمون بجواز الرسول صل الله عليه وسلم بالسيده صفيه

🌻اعتقوا كل الستات والاطفال علشان وقالوا مينفعش يكون عندنا اسرى من أهل زوجه الرسول

🌻و بكره هنعرف ايه اللي حصل بعد زواج الرسول بالسيده صفيه و دلوقتي جه معاد النوم

🌻تصبحوا على خير يا حلوين🌻

🌻وصل اللهم وسلم على سيدنا محمد
🌻🌼🌻🌼🌻🌼🌻

إقرأ 📚 وانشر 📬 تُؤْجَرْ @seerawqass

#قصص_الأنبياء_للأطفال

🌴سيدنا داوود عليه السلام🌴

🪴الحلقة 1 🪴

🌻كان ياما كان و مايحلي الكلام
إلا بذكر النبيﷺ ..

🌼اللهم صل علي سيدنا مُحَمَّد

🌻 اصطفى الله طالوت ملكا على بني إسرائيل و كون جيشا

🌻و سار به لمحاربة العدو لمسافات طويلة حتى جاع الجيش و عطش

🌻 وأراد طالوت إختبار قوة الجيش على التحمل

🌻عندما مروا بنهر الشريعة الواقع بين الأردن و فلسطين

🌻فقال لهم من يشرب من النهر حتى يرتوي لن يقاتل ويجاهد معي

🌻 ومن أخذ شربه يسيرة ليبل ريقه فقط سوف يقاتل معي في المعركة

🌻وللأسف شرب معظم الجنود من النهر و خرجوا من الجيش

🌻ولم يبق مع طالوت الا القليل من الجنود و كان عددهم 80 الف

🌻فشربوا جميعا و لم يبق منهم الا 113 رجل و هؤلاء هم كانوا الصابرين الشجعان

🌻ولكن كان جيش العدو كبيرا فأحسوا انهم اضعف بكثير من جالوت و جنوده

🌻فقالوا لطالوت لا طاقه لنا اليوم بجالوت و جنوده

🌻ولكنهم كانوا أقوياء و صابرين وقالوا كم من فئة قليلة غلبت فئة كثيرة بإذن الله والله مع الصابرين وهذا حال المؤمن الذي عنده يقين في الله

🌻وإلتقى الجيشان ودعوا الله وقالوا ربنا أفرغ علينا صبرا وثبت أقدامنا وانصرنا على القوم الكافرين

🌻وقال جالوت الملك الظالم هل من رجل يخرج الي هنا لأقاتله


🌻فخرج من جيش طالوت غلام صغير كان يرعى الغنم اسمه داوود

🌻وكان يعلم ان القوة الحقيقية هي قوة اليقين و الثقة في الله

🌻وكان طالوت الملك المؤمن قد وعد أفراد الجيش أنه من يستطيع ان يقتل جالوت سوف يجعله قائدا للجيش ويزوجه ابنته

🌻وأخذ داوود عصاه و 5 أحجار وشيء يشبه الرمي بالسهم يسمى النبلة

🌻وضحك جالوت وسخر من داوود وأهانه ولكن داوود لم يتأثر

🌻وأخذ حجرا وأطلقه على جالوت بنبلته فأصاب جالوت وقتله

🌻وكانت مفاجأة مذهله للجيشين لأن حجر صغير قتل رجل ضخم يلبس الدرع و معه اكثر من نوع للسلاح ولكن الله على كل شيء قدير

🌻وبعد قتل جالوت بدأت المعركة وانتصر جيش طالوت على جيش جالوت

🌻وأصبح داوود ملكا على بني إسرائيل كما وعده طالوت وتزوج ابنته

🌻وبذلك جمع الله له بين قوة الملك و النبوة فأصبح ملكا نبيا

🌻كان داوود عليه السلام جميل الخلق و الخُلق و له قلب طاهر نقي

🌻و قد أنزل الله عليه كتابا وهو الزبور وكان داوود كثير الذكر والتسبيح العبادة والصلاة

🌻وكان ورعا تقيا وكان يقسم على أهله وأبنائه و نساءه الصلاة

🌻فكانت لا تأتي عليهم ساعه من الليل ولا النهار الا و إنسان من ال داوود قائم يصلي

🌻وكان يقوم الليل كله ويصوم نصف العام اي يصوم يوم و يفطر يوم كما اخبرنا الرسول صل الله عليه و سلم

🌻وأنعم الله سبحانه وتعالى على داوود بصوت جميل فكان الكون كله يسبح معه عندما يقرأ في الزبور مثل الجبال و الطيور و غيرهم ~الأنبياء 79 و سبأ10

🌻وغدا إن شاء الله سوف نكمل قصة سيدنا داوود مع ابنه سيدنا سليمان والكثير من تفسير قصص القرآن التي كنا لا ننتبه إليها

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻
https://www.tg-me.com/seerawqass

#كل_يوم_فائدة

╰🌸🍃╮

🌺 هذه أعظم ساعه في يوم عرفه اللي كان النبي بيرفع يده بالدعاء ويتضرع فيها ما بين عصر يوم عرفه الى المغرب
لا تترك الدعاء والذكر فيها

وأهم ثلاث دعوات👇

١- واعظم دعاء دعاء التوحيد
لا إله إلا الله وحده لا شريك له
له الملك وله الحمد وهو على كل شيء قدير

٢- الباقيات الصالحات
سبحان الله والحمد لله ولا إله إلا الله والله اكبر
ثم الدعاء بعدها قل رب اغفر لي وارحمني وارزقني واهدني

بعد ما تقولها ربنا يقول صدقت فقلها ثم ادعو بما شئت

٣- ربنا آتنا في الدنيا حسنة وفي الآخرة حسنة وقنا عذاب النار

🤲 اللهم ان لك عليّ حقوق فاغفرها لي
ولخلقك عليّ حقوق فتحملها عني


🌺 اللهُم لا تدع لنا في يوم عرفة ذنبًا إلا غفرته ، و لا مريضًا إلا شفيته ، ولا ميتًا إلا رحمته ، ولا دُعاء إلا إستجبته ، ولا مؤمنًا إلا ثبته ولا عاصيًا إلا هديته ، ولا مظلومًا إلا نصرته ، ولا حاجة من حوائج الدنيا والآخره هي لك فيها رضا ولنا فيها صلاح إلا قضيتها و يسرتها برحمتك يا أرحم الراحمين

🌺 لبيك وإن قست القلوب، لبيك وإن فاضت الذنوب، لبيك إنا عائدون، تائبون، نادمون.. لبيك إن العيش عيش الآخرة
لبيك ما شقى قلب لجأ إليك، لبيك اللهم عفوًا وعافية، لبيك اللهم إجابةً بعد إجابة، لبيك رضا وحسن خاتمة، لبيك ربي وإن لم أكن بين الحجيج ملبيًا

╰🌸🍃╮

@seerawqass