سكة_فرح

ما عارفة أكتب أقول شنو لأنو الصورة وحدها تتحدَّث💔

- لو الحبيب ما وقف معاك وقت الحارة ده مِن الأول معناها ما بحبك مهما حكىَ ليك مِن عبارات وزيَّف ليك الحقايق في الأخير حتكشفي إنو الحكاية كلها ” مسرحية تمثيلية “ ما أكتر وإنو هو ولا ذرة حب ما عندو ليك..

- مهما عمل ومهما ضحّىَ عشانك بمجرد ما جات لحظة حارة زي دي وما وقف معاك ومشىَ خلّاك بالبساطة دي، أتأكدي إنو ده ما كان بحبك في يوم مِن الأيام لأنو لو بحبك بالجد كان وقف معاك وواصل معاك للأبد..

- دي كلها إبتلاءات وإمتحانات مِن ربنا ليك ولو ربنا ما بحبك ما كان إبتلاك بحاجة زي دي قبل الزواج، ربنا بإختصار كان عايز يبَيِّن ليك إنو الزول ده ما زول طويلة لأنو لو بكرة وإنتي متزوجة وإتحرقتي كان مشىَ خلّاك برضو لكن عشان ربنا بحبك كشف ليك حقيقتو قبل الزواج..

- لما إنت تجي تختار شريك لحياتك يا ريت ما تستعجل وأعرف أختار الصح من الأول عشان بعدين ما تتندم وعمرك عمرك ما تعاين لجمال لأنو الجمال زايل والمعدن باقي..

- بقدر ما أنا زعلانة علي البنت دي بقدر ما أنا فرحانة ليها، زعلانة عليها لأنو قضَّت 5 سنة مِن عمرها مع الشخص الخطأ وحبتو بضمير وبقلب صافي وبمشاعر صادقة وفي الأخير كانت النتيجة إنو يتخلىَ عنها بالبساطة دي ..
وفرحانة ليها لأنو ربنا بحبها شديد وكشف ليها حقيقة شريكها قبل ما تتزوجو ووضح ليها إنو الزول ده زول مظاهر وأشكال بس وزي ما خلاها أسي لو حصل ليها شيء لقدام حتى لو كانت بعيالها حيخليها..

- وما تزعلي يا جميلة بكرة ربنا زي ما كشف ليك حقيقتو وشالو منك بكرة حيعوضك براجل هو فعلًا راجل كلمة ومعنى مش راجل كلمة بس يخليك لأبسط حاجة وجرحك حيبرأ وحترجعي أجمل مِن أول وحتعيشي حياتك بصورة أجمل مع الزول الصح، ربنا يجبر كسرك ويعوضك بالأفضل ..

- أما إنتو بس أعرفو أختاروا الزول المناسب بالطريقة الصحيحة عشان تعيشو العمر مع بعض بحب صادق وحياة حلوة للأبد وتتقاسمو الحلوة والمرة وتكملو بعض في كل حاجة وعمرو ما كان الشكل مقياس، ربنا يجمع كل مُحِب معَ حبيبو ويكشف حقايق التزييف والحب الخطأ ويجبر بخاطر كل بنت مكسورة ويعوضها لما تتعجب من عوض ربنا ..! 💙

#أختاروا_الشخص_الصحيح

AL-Batool Mohammed

923 viewsMõhâmměd.Ãhméd Ømãr, 15:37