ملاذ التايه عيونك
يهنيال اليحبونك


احبك من قبل مااعرف اتكلم
اشوفك بلمنام وكمت احب احلم
مااعرفك ولاجن كلبي يتلعثم
لو كالو حسين دموعي تتحزم

مغرم انه بأحساسك
ليش ع الرمح راسك

يبعد عيوني اشلونك
يهنيال اليحبونك


من عدها وعرفتك انته هوه انته
التجيني بلمنام وادخل ابخته
ومن اسمك يمرني ابجي ابسكته
واصرخ مااعرف شنهو انه الشفته

شفتك بلفله امطشر
كلشي بجسمك اموذر

شماخبطو لصف لونك
يهنيال اليحبونك


ماشفتك ولاجن هيج اشمنك
كل يوم اليمرني اكثر احبنك
مايهده الكلب من استمع ونك
مااعرف شنو اليربطني وي حزنك

يهنيالي وصرت منهم
ع حبك هيج احبنهم

الخادم لونه من جونك
يهنيال اليحبونك


وبديت اتعلم وادرك عرفت اسمك
وشلته بكلي طلسم للحفظ رسمك
من ارسم اسمك انضر ع الورق دمك
واضل ابجي واصيحن ياعضم همك

همك ماتحمله اجبال
حالك مايوصفه الحال

عطرك بليزورونك
يهنيال اليحبونك



محمد تقي الزاملي

اللهم عجل لوليك الفرج
#بناء_البقيع_حق
لو كل شخص ينزل ب5تغريدات بالساعتين راح يصعد الهاشتاك

وبالنسبه للناس الي تكول انتم وين تردون توصلون ومنو يستجيب الكم

فـ خلي يحضر جواب لصاحب زمانه عجل الله تعالى فرجه
حتى لو ما نسوي شي
مطلبنا يرعبهم

(رداد الحكوك)


منه العطاء والكرم والجود
راعي الكفاله محير الوجود
كل الصعاب ابابه سهلات
كل شده حلها يمه موجود

اعله زود اجفوفه نوكف ننتجي
اعله بابه نوكف احنه ونرتجي
كبل مامد ايدي يكلي هاك اخذ
يفك مايبقه يمه كل حجي

شيخ الهله ونعم ترد منه فرحان
ماخله طير ابسمه بلدنيه جوعان
ماخذ طباع الكرم من اهله السباع
مثل الحسن بلهله ترد منه شبعان

ياابا الفضل ياسيدي

غيره وشهم رداد الحكوك
الريشه اعله راسه بس اله تلوك
كافل خدر سكاي الضعون
للحومه طب سكتها الحلوك

كفو من عنده راعيها الشهم
نزل للحومه بجاها الزلم
الكفو بس يمه ترهم تنحجي
اخو العلويه داس اكبر خشم

حي الله ابن حيدره شيخ الميادين
نافض بصيره الكمر حامل لوه الدين
صكر الحرب بن علي بلطك ولا يلين
صل ابن صل وكلف هو ضهر الحسين


ياابا الفضل ياسيدي


شيخ الهواشم زود عدنان
يرهب لمن يدخله ميدان
من حيدره الدر حيل يمنا
متعلم اهوه يدوس فرسان

اليكابل سيفه ماظنه سلم
جبير العسكر كدامه انهزم
كفو من عنده ابن حيدر كفو
الكنيص اولامه والصيده عزم

يعزب ركب بلحرب حد شوف العيون
من يدخل اهوه حرب خصمه يفرون
راعي الكلافه ونعم حماي الضعون
ترعد غضب صورته هذه اخو ام عون


ياابا الفضل ياسيدي


هوه الكمر سردار الحروب
بوكت المعاره يموت الكلوب
بفرت حسامه الجيش يندار
سد ابيمينه كل الدروب

غظب جفينه يسوي الماحصل
اذا نط عرجه فن يمه الوصل
بدون مكاون بعيونه ذبح
ولمن طب ليها خلصها الفحل

طب جنه حيدر علي وخلاها طشار
ماخله واحد عدل من شد الوزار
يشبه ابوه الفحل بلحومه كرار
اشجع شجاع الكمر يفنيها لوغار



محمد تقي الزاملي

رداد الحكوك

يمته مااكولن احبك اقصد انته



محمد تقي

يازلم الحرب يافارس وحيد
بكلب العسكر انته اصول واتريد
اردود بصولتك من ترجع تعيد
يا صكارها ويازلمة البيد

هلا يمبريد الكوم
هلا يازين العلوم
كفو منك يفراس
هلا يمكسر الخشوم



جبير ويمه كلشي ماله احساب
ابن حامي الجار وقالع الباب
هد ع اليعيل وهوه طلاب
الحك غصبن يجيبه ويكسر اركاب

هلا براعيها الثكال
هلا ياشيخ الرجال
ياابو فاضل يمغوار
يرعب خصمه لو صال



اذا مويمها لاتددنه للاكبار
الحار بطبعه لازم يهوه للحار
خوزر ويلي وبعينه جدح نار
وحتارو الكوم امنين معبار

يخلاس الصناديد
يلمرجف العرابيد
كفو راعي الملمات
بخزرة عين تصيد



هزبر انته يمخوف الجحاجيح
بخزرة عينك انته اشوارب اطيح
يلترعب اذا بخصومك اتصيح
يلبصيحتك انته محرك الريح

هلا يمرجف السباع
هلا يازين الطباع
هلا يلوكت الزماط
برجلك تخسف الكاع



يمجفل العساكر يوم هديت
تاهه اعليهم المشراد من جيت
هلا يلطاري اسمك عابر الصيت
هلا بعباسنه بكل صوتي ناديت

هلا بريالهه الحوك
خورس كل الحلوك
فنه اليكرب احذا
يموت وموش مطكوك



عيه بكربله وضهضابه صارت غاد
من كالو كمر هاشم عليهم هاد
صد ابعينه واللاحه كبل باد
ادخيل خزرة عينه ابن سبع الشداد

بلنص طب والاصفاح
حته الشارد اللاح
كل العسكر ارتاب
يويلي صوته من صاح


محمد تقي الزاملي

هيه احداه الأمنيات

كيف السبيل اليك والبلاد بعيدتا

وا صادق العلم الذي حاط البريه
ناقل  رزية كربلاء  فيهِ الرزيه


يوم الوعيت بعين جدك شفت الالام
وويا عشت دور السبي وطباته للشام
واكبرت ويا والجرح هم يكبر وكام
لو حجو يمك كربلا تلطم عله الهام

مايصح مجلس ماتصح بيه
المايبجي علمصرع اتبجيه
البعيونه واكف حرملة ماي
لو سولفت عبدالله يجريه

ياحسرتك مولاي منهه الجبل طاح
ودمعك اعله الخيمات ياكل بالصفاح
اثنعش عام اوياه عايشهن  اصحاح
وي جدك اعله احسين دم الدمع ساح

واجعفراه واجعفراه
................................. ................
مريم تون جي عيسى راح وتكثر النوح
ومريم ابنيتك مو دمع لا من بجت روح!
مصلوب عيسى ومابقه اعله الكاع مطروح
وما شاف اجت خيل اعوجيه بصدره وتروح

تشرب وتعطش بلمحاجي
الماي يتحول. بواجي
ماصار باحد بيكم الصار
طيح عگل وگع خواجي

لو تمتحن مو صوم؟ ذيج الضهيره
بواحد اتكول اتهون فاگد عشيره
مامش  دمع و اتموت كلسا زغيره
وفوك الفگد نسوان ماخوذه اسيره

واجعفراه واجعفراه
................................. ................
مافاركك طفهم ولاكن عشته مرتين
اتخيلته خيمه البيت شب و مالك ايدين
من شفت دخان وركض ذيج النساوين
عاينت تل وصوت صاح ادركنا يحسين

اجدامهن مالاحهن نار
ولاذن.. هواي ابيتك اكتار
بس كلت عماتي انجون حيل
وبهيمه فرن غدن طشار

طَفوهه نار البيت وبكلبي ناري
ماتطفه رغم الماي من عيني جاري
گبالي اهل ببتي بخير بس انكساري
الطلعت بسوك الجان ماكو الهه طاري

واجعفراه واجعفراه
................................. ................

ياوارث الآم النسل من النبي وجاي
مسموم بيتك محترك گبرك بلا فياي
جبدك اتفطر وانهضمت بشوفة الماي
بهللحضه شفت الحسن جاي ومتت بهداي

السممك مو منصور خسران
ماات و يعزبه الباري نيران
ولجمتك وسط الشيعه مولاي
طگة غفل فوگ من الآذان

جي تنقتل لو شاع بلجعفريه
بس اهل بيته وعاش غربه المنيه
والوفا اهنا مريود يالرافضيه
الكال احيو امرنه اعليه نحيي العزيه

واجعفراه واجعفراه



مصطفى خالد

🤲🏻✨ فمن يكون أسوأ حالًا مني؟ إن أنا نُقلت على مثل حالي إلى قبري، لم أمهّده لرقدتي …

📔 مقطع من دعاء أبي حمزة الثمالي

كافي معطلك واشكيلك غريب
جايمته بشوك ادعيلك غريب



محمد تقي الزاملي

هل لي اليك يبن احمد
هل لي سبيلٌ منك يمتد

هل لي نداء.. بين يديك
أرنو الضياء.. في وجنتيك
هل لي سبيلٌ فيهِ القاكا





محمد تقي الزاملي

شكد حلوه الدموع بحضرة السلطان
تنسه الدنيه من عدها وتصير انسان
تلكه هنا شكو بلدنيه منك ضاع
تلكه هنا دموع هواي عل العطشان


محمد تقي الزاملي

متباركين بولاده النور الثامن شمس الشموس
الضامن السلطان علي ابن موسى الرضا عليه السلام

(غاية الكلب)


علي ياجمال الاسم
من اطب للضريح ابتسم
حكي اضيع ابجمال الهوه
مسكني بي اهيم واشم

علي محير العقل يجذبك كبل
بغرامه يهيم الضريحه وصل
انيس الكلب علي ابد مايرد
اليريد الحاجه بعلي لطلبته حصل


امامي الرضا. انيس النفوس. يــــاعلي


اجي المشهده بلشغف
وارد مملي منه ترف
ازور واشعرانه بأنس
ضامن دمعي منه ارتشف

الضمان اليمه ابد ولا ينوصف
حبيبي وخيره مطر عليه عطف
صبح كلبي من يدك علي ياعلي
يهنيالي انه وشفت كل هذه اللطف


امامي الرضا. انيس النفوس. يــــاعلي


صرخ كلشي بيه اله
علي وهل اسم مااجمله
نتعش كلبي بصيحته
مأنسي الكلب رتله

علي وغاية الكلب يذوب بعشك
غرام ابهوى علي عشك من صدك
غرام الحب مشهدي انتمائي نجف
اسير كليبي بأسم علي من يدك


امامي الرضا. انيس النفوس. يــــاعلي


وجَد اية الحب وجِد
سجد ابعتبته المجد
علي مأنس الكلب
علي منه اضوي امن ارد

اميري الماله وصف جذبني وصحت
لكيت ابابه عطف وصلت وشفت
جذبني الحب وصحت حبيبي الرضا
امان ورحمه انه بجواره عشت

امامي الرضا. انيس النفوس. يــــاعلي





محمد تقي الزاملي

(غاية الكلب)

(باب الجواد)

اليجود برحمتك عن كلشي مانادم
جواد وهل اسم خلاني اضل هايم
اليحضه من الجواد بنضره لو لحضه
كفيله النضره هاي تميزه بلوادم

بس مو بلسهل هل نضره
يحصلها الشخص بالفطره
لوطاعه وورع وملازم
علخدمه يضل كل عمره

كل عمره يبقه
اعله الطاعه لازم
يله يحصل هل امر
الرايدها لازم
بالطاعه يسعه
بمرضات امام العصر

يبن الرضا دخيلك
من نفسي اشتكيلك

عبدك سائلك من العدم قادم
وانته ابن الذي قبل الطلب كارم
دخيلك سيدي غيرلي احوالي
وانته بفقر حالي وضرتي عالم

لايذ بلعطف باعتابك
ادعو برحمتك يم بابك
وانته للكرم عنوانه
النجيب المنتجب القابك

سائل اجيتك
بلرحمه طامع
وانته الامام المنتجب
وعدي يقين
بهذه كلامي
مترده خايب لو طلب

يبن الرضا دخيلك
من نفسي اشتكيلك


من باب الجواد اطلب اضل خادم
ومنه استجدي انه دموع المأتم
وحيلي لكربله من عنده انه طالب
وانه بشده ورخائي بعتبته لازم

اباب الجواد دمعاتي
كل حسره التمر واهاتي
خيري البين ادي افضاله
ب اسم ابن الرضا حاجاتي

ماكو قياس
العطفه وعطائه
ابن الرؤوف المرتضى
ماحاجه اسولف
عنه سخائه
غير اهوه ابن الرضا

يبن الرضا دخيلك
من نفسي اشتكيلك

وكفت ابابك وطالب انه الزلفه
وانته ابن الرؤوف ومنك الرئفه
ارزقني المحرم جمره من خيمه
ولجمه لمعمتك منعدها مااشفه

دمعه لعمتك طالبها
تصاحب وجنتي حاسبها
بس ذني ردت للعاشر
ويوم امحرمك اكتبها

بفضل الجواد
النعمه هايه
وعليها اشكرك سيدي
باب المراد
وابن الكريم
الضامني من مولدي


يبن الرضا دخيلك
من نفسي اشتكيلك





محمد تقي الزاملي

باب الجواد