‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك .. حلّت كل مُره

‏هاك قلب وهاك عين وهاك غادي
‏دلّه لدربك وخذ .. خيره و شره

‏وش أبي بوجيه خلق الله وأنادي
‏وجهك الله خالقه طيب ومسره

‏يا أخر محَطاتي و يا خير خلاّني

‏انا لازلت في رهبة لقاك وقو ترحابك
‏ألملم بسمتي في طارف شفاتي و أخّبيها

‏لك من سنين العمر لا غبت عمر أنتظار
‏للموعد أن جيت .. وإن ماجيتني للصدف

‏يفز لك قلبٍ يحبّك من أقصاه
‏وتضحك لك عيونٍ تهنّت بشوفك

أنا وين ألد العين منك و أدور درب
‏و كل الدروب اللي تودي .. تودي لك

مو بس أحبّك .. أنا حتى أحب
‏ الدروب اللي على بابك تودّيني

‏فيك زانت جميع أيامي أولها وتاليها

‏ما يـلام اللي يشوفك .. و يتعلّق
‏و أنت وجهك فيه ملح و فيه قبلة

‏كل الدروب المظلمه نورها .. وجهك

‏كم مرني من وجيه وكم تعدى وجيه
‏ولا شفت وجهٍ يضاهي وجهك المخملي

‏عسى الله يكتب لي مع ضحكتك ميعاد
‏انا حيل متلَهف .. لوجهك وضحكاتك

‏" في ضحكتك شفت العُمر "

زولٍ لا لمحته يزول همي

‏خذ سنين العمر أو خذني معك
‏أنت تالي العمر و أنتَ أوله

‏أنا مستعد أجيك لو كان دونك جيش
‏أغامر على لقِياك لو تقطع .. أذراعي

يا طيوفٍ كل ما مرت على درب الرجاوي
‏قمت أخايلها وأنا كفّي من الوصل مغسوله

‏فداك القلب و راعي القلب و ربوعه الأجناب‏
يا وجهٍ من عرفته صارت الأيام مرغوبه

‏كل هاجّس مايجيب .. إلا خياَلك

‏سيّد البال تاخذني عليك الطواري
‏اثر مالي لو يطول الجفا عنك صده

‏انت ليلٍ تخاطفني عليه المساري
‏وانا ما جابني لك غير صدق الموده

‏ودي اخذ من عيونك ومبسمك ثاري
‏شي يوخذ بـ لين وشي يوخذ بـ شده

‏عاد ، وان بان بين الساعدين انكساري
‏من يلوم القوي لا بيّح الشوق سده ؟