قاسم الربيعي
اخذني من الدفو احجاية لبرد اشتى
اخذني اتدثر بروحي يروحي انته
يبارد هاك اخذني الكلمة
ال اشاه
على شفافك اريد
اريد اطفى
ي بردان الهوه يگرصلك خدودك
تعال و قرب ازنودك
و يمي اكرص
تعال و خل نحيرها الموازين
ونضل بالنص
ثلجة و نار مندمجين جمره وفص
ي بردان على بختك
من تطگطگ هيج
شفتك يمي دنيها
على شفافي غجر ترگص
وانته احلى ترى بهواي
من احلى شكو بعمري
يبعد الليل و أهل الليل
واللمضة التمر بية
من اذكرك واني بالضلمة
يريح الجنة والتوليب
انته انسان
عند انسان
ما حب كبلك الا امه
يا بردان حطني اردان
احسن مني كلي ابيش
هيج امدلل اردانك
وَبواهس غنى السكران انا انسان سكرانك
اخذني و خلني أسير بيك
تسيورة غنى ام كلثوم
سيرة الحب بذن عاشگ
اخذني احسبني چن سنسال
يم رگبتك أو معضد
اخذني لصدرك اتوسد
ترى الدخان والله يعيش
يم الغيم من يصعد
يمثلج احساسك نار
انا ادريك بحساسي
تعال وياي خلي انطيح
انا وياك مثل طيحة
هوى عطرك
لمن ايطيح يم خصرك
اعوف الناس لجلك
و اترك اني الكاس
و انسم بيك يا كاسي
و انت التصعد براسي
اخذني من الدفو احجاية لبرد اشتى
اخذني اتدثر بروحي يروحي انته
يبارد هاك اخذني الكلمة
ال اشاه
على شفافك اريد
اريد اطفى
ي بردان الهوه يگرصلك خدودك
تعال و قرب ازنودك
و يمي اكرص
تعال و خل نحيرها الموازين
ونضل بالنص
ثلجة و نار مندمجين جمره وفص
ي بردان على بختك
من تطگطگ هيج
شفتك يمي دنيها
على شفافي غجر ترگص
وانته احلى ترى بهواي
من احلى شكو بعمري
يبعد الليل و أهل الليل
واللمضة التمر بية
من اذكرك واني بالضلمة
يريح الجنة والتوليب
انته انسان
عند انسان
ما حب كبلك الا امه
يا بردان حطني اردان
احسن مني كلي ابيش
هيج امدلل اردانك
وَبواهس غنى السكران انا انسان سكرانك
اخذني و خلني أسير بيك
تسيورة غنى ام كلثوم
سيرة الحب بذن عاشگ
اخذني احسبني چن سنسال
يم رگبتك أو معضد
اخذني لصدرك اتوسد
ترى الدخان والله يعيش
يم الغيم من يصعد
يمثلج احساسك نار
انا ادريك بحساسي
تعال وياي خلي انطيح
انا وياك مثل طيحة
هوى عطرك
لمن ايطيح يم خصرك
اعوف الناس لجلك
و اترك اني الكاس
و انسم بيك يا كاسي
و انت التصعد براسي
عقيل العرد
اغتيال وكلشي جاهز
والسما عدها علم
انجمع جيش من الجهل
ضد مدينة من العلم
گبل ليلة من الجرح بالكوفة خوف
والشوارع نايمه وشافت حلم
من السما لمسجد الكوفه
يثعول الدخان مرة
ومرة حايط ينثلم
ومر شريط الدنيا بعيون الامام
كام يتمشى الفجر بالذكريات
يبوس ذو الفقار
ويعلگه اعله صبره
ويرجع لبِشت النبي
يحضنه و يشم
مبينه نظرات الوداع بعين حيدر
ويلمح وجوه اليتامى ويبتسم
من زمان الصحرة تستاهل عطشها
ومو مكانك ياعلي تبديت بيها
هاي ناس تقدس الما يفتهم
اغتيال وكلشي جاهز
والسما عدها علم
انجمع جيش من الجهل
ضد مدينة من العلم
گبل ليلة من الجرح بالكوفة خوف
والشوارع نايمه وشافت حلم
من السما لمسجد الكوفه
يثعول الدخان مرة
ومرة حايط ينثلم
ومر شريط الدنيا بعيون الامام
كام يتمشى الفجر بالذكريات
يبوس ذو الفقار
ويعلگه اعله صبره
ويرجع لبِشت النبي
يحضنه و يشم
مبينه نظرات الوداع بعين حيدر
ويلمح وجوه اليتامى ويبتسم
من زمان الصحرة تستاهل عطشها
ومو مكانك ياعلي تبديت بيها
هاي ناس تقدس الما يفتهم
رحم الله الشاعر الشيخ عبد الامير الفتلاوي ، الملقب بأمير الشعراء ، من أعظم قصائده في مدح أمير المؤمنين علي ابن أبي طالب عليه السلام و مدح فضائله و خصاله هي هذه القصيدة الشعبية الرائعة قصيدة (( علي عالي اعلة كل عالي )) . الشيخ له ديوان كامل في العترة الطاهرة بعنوان (( سلوة الذاكرين )) .
..................
علي عالي اعلة كل عالي
علي يالعالي من الرب
علي ما نصبك منصوب
لكن بالنص منصّب
***
علي ابساگ العرش نورك علي يالعلّمت جبريل
اسمك نزل بالتوراة وازبور اوصحف وانجيل
يا آية اعله كل آية شبه شمس الضحى اِعلة الليل
يالمبدِر تمام التم وبسابع سما كوكب
***
يا كوكب خبر مسند اِلك تحت العرش مسند
لولاك انسلة الإسلام لا عابد ولا معبد
و لاسارت سفينة نوح و لا سد الإسكندر سد
وآدم من عصى وأبعد بسمك يا علي اتگرّب
***
گرب بسم النبي الهادي و بسمك دهر يتوسّل
يسر بالسر عِذت موسى اِو ناصر كل نبي مرسل
عَصاه انته الصرت ثعبان اوكل ساحر سجد واِختل
و صبّرته و عبّرته .. ولفرعون اِهلكت من طب
***
فرعون اوخسف قارون ياشُهب اِعلة جند ابليس
يا مهر النبي اسليمان يمحضّر عرش بلقيس
يالرافع لإبن مريم عيسى و گبل عيسى ادريس
برد وسلم لإبراهيم نار البالسمه تلهب
***
برد اوسلم ذيچ النار وانتَ النَصُر بالتابوت
بالجب من عِذت يوسف وعِذت يونس ابّطن الحوت
انتَ الفَنه اِعلة أهل اللات وانته السخط واِنتَ الموت
يمدمّر ثمود وعاد يا نقمة وعذاب الصب
***
يصب يا صاقعة نمرود فلك و كل فلك دوّار
يا در يا ذهب المصفّى يَا مُر يمدمّر الكفّار
حُكم الغيث حُكم الريح حكم الخلد حُكم النار
بإذن الله تحت يدك والكون الذي اِمركّب
***
كون الركّبه الباري تحت حكمك يحاميها
يا بحر المحيط اوقاف ياراسي رواسيها
يا مذهل اويا مهول و يا داهي دواهيها
سيف الباري المِنسل أسد يا سيف المجرّب
***
لسانه و عينه و چفّه والكل بيدك اِمسلمة
اِذانه السامعة و بابه و آياته و سفط علمه
يعفو الله و كظم غيظه و جوده و رحمته و حلمه
غضب لليغضب اِعليها و سيفك للعليها أغضب
***
غضب طحت اعلة جنّ البير ذات العلم منّه الفات
على افراش النبي من نام بالهجرة و تولّى و بات
على متن النبي تركّب بالكعبة و تكسر اللات
او من مثلك يكسر اللات و عَلَى متن النبي يركب
***
عله متن النبي تركب يا مُظهر عجايبها
الك طوع الشمس ردّت يحيدر من مغاربها
الباب الحصن من هزيت اهتزّت كل جوانبها
والسابع سما اِهتزت لسيفك من شطر مرحب
***
شطرته ولا تهاب الموت واتهزّك هزاهزها
ابن ود وابن مَعدي گرب و ابطال المبارزها
حامي الدخل حامي الجار واِتحلّ المعاجزها
سيفك شيّد الإسلام لأركان الكفر خَرَّب
***
لأركان الكفر هدّيت ومهدّم مساكنها
الدرس يمدرّس الإسلام مدرستك غبت عنها
اشلون انته الإنس والجن طاحنها بمواطنها
شلون بسيف ابن ملجم حيدر يا علي اِمصوّب
***
اشلون بسيف ابن ملجم حيدر يا علي اصوابك
كلّ الحزن كلّ النوح والمأتم عله امصابك
تشوفه اِمدلّس ابسيفه عله ابمحرابك
يمنعك صبرك اوحلمك اوشيبك بالدمه اتخضّب .
..................
علي عالي اعلة كل عالي
علي يالعالي من الرب
علي ما نصبك منصوب
لكن بالنص منصّب
***
علي ابساگ العرش نورك علي يالعلّمت جبريل
اسمك نزل بالتوراة وازبور اوصحف وانجيل
يا آية اعله كل آية شبه شمس الضحى اِعلة الليل
يالمبدِر تمام التم وبسابع سما كوكب
***
يا كوكب خبر مسند اِلك تحت العرش مسند
لولاك انسلة الإسلام لا عابد ولا معبد
و لاسارت سفينة نوح و لا سد الإسكندر سد
وآدم من عصى وأبعد بسمك يا علي اتگرّب
***
گرب بسم النبي الهادي و بسمك دهر يتوسّل
يسر بالسر عِذت موسى اِو ناصر كل نبي مرسل
عَصاه انته الصرت ثعبان اوكل ساحر سجد واِختل
و صبّرته و عبّرته .. ولفرعون اِهلكت من طب
***
فرعون اوخسف قارون ياشُهب اِعلة جند ابليس
يا مهر النبي اسليمان يمحضّر عرش بلقيس
يالرافع لإبن مريم عيسى و گبل عيسى ادريس
برد وسلم لإبراهيم نار البالسمه تلهب
***
برد اوسلم ذيچ النار وانتَ النَصُر بالتابوت
بالجب من عِذت يوسف وعِذت يونس ابّطن الحوت
انتَ الفَنه اِعلة أهل اللات وانته السخط واِنتَ الموت
يمدمّر ثمود وعاد يا نقمة وعذاب الصب
***
يصب يا صاقعة نمرود فلك و كل فلك دوّار
يا در يا ذهب المصفّى يَا مُر يمدمّر الكفّار
حُكم الغيث حُكم الريح حكم الخلد حُكم النار
بإذن الله تحت يدك والكون الذي اِمركّب
***
كون الركّبه الباري تحت حكمك يحاميها
يا بحر المحيط اوقاف ياراسي رواسيها
يا مذهل اويا مهول و يا داهي دواهيها
سيف الباري المِنسل أسد يا سيف المجرّب
***
لسانه و عينه و چفّه والكل بيدك اِمسلمة
اِذانه السامعة و بابه و آياته و سفط علمه
يعفو الله و كظم غيظه و جوده و رحمته و حلمه
غضب لليغضب اِعليها و سيفك للعليها أغضب
***
غضب طحت اعلة جنّ البير ذات العلم منّه الفات
على افراش النبي من نام بالهجرة و تولّى و بات
على متن النبي تركّب بالكعبة و تكسر اللات
او من مثلك يكسر اللات و عَلَى متن النبي يركب
***
عله متن النبي تركب يا مُظهر عجايبها
الك طوع الشمس ردّت يحيدر من مغاربها
الباب الحصن من هزيت اهتزّت كل جوانبها
والسابع سما اِهتزت لسيفك من شطر مرحب
***
شطرته ولا تهاب الموت واتهزّك هزاهزها
ابن ود وابن مَعدي گرب و ابطال المبارزها
حامي الدخل حامي الجار واِتحلّ المعاجزها
سيفك شيّد الإسلام لأركان الكفر خَرَّب
***
لأركان الكفر هدّيت ومهدّم مساكنها
الدرس يمدرّس الإسلام مدرستك غبت عنها
اشلون انته الإنس والجن طاحنها بمواطنها
شلون بسيف ابن ملجم حيدر يا علي اِمصوّب
***
اشلون بسيف ابن ملجم حيدر يا علي اصوابك
كلّ الحزن كلّ النوح والمأتم عله امصابك
تشوفه اِمدلّس ابسيفه عله ابمحرابك
يمنعك صبرك اوحلمك اوشيبك بالدمه اتخضّب .
موعود قاسم الرشيدي
زين سويت الدرع بعته ...
و شريت الگمره بفلوس المهر ...
زين سويت الشمس تچيتها غاد من المساك
و گلت لم البنين اتنسي بيها ...
خل يهم ايده الگمر
انت لو بايع اگرابك
چا الهسه الدنيا تلمع ...
و زين ما بايع سبحتك
چا الهسه الفلك يضلع
و چا الهسه الغيم يشكي من الضمه
الله شاهد خوش داريت السمه ...
چنت كل ما تجر سيفك
الله چان يصيح عينك عل فلك .
و انت غازلته بصلاتك مدري هو الغازلك
المهم ...
نهتتك سوت الگيض ...
و شيبتك لمعة الفضه ...
والشته ..الشته من تطلع الضيمك
و تشتاگ البناتك ...
حگه ... گلي شصبرك
من گلك الطارش سبوهن ...
وداعتك من گتله
هم ايده الگمر
بس ما لحگ بيهن
خذوهن ...
زين سويت
اشتهيت الموت هرفي ...
انت لو شايف بنيتك ذاك ظهر الحمر
عل مسحوگ من وگفت تهفي
انت لو شايف حريج الخيم
من وگفت بدمعتها تطفي
چان طبگت السمه ...
و چا گلت لهنا و كافي ...
السالفه الما تنحچي
عبدالله عطشان ...
واجته ام العوافي
زين سويت الدرع بعته ...
و شريت الگمره بفلوس المهر ...
زين سويت الشمس تچيتها غاد من المساك
و گلت لم البنين اتنسي بيها ...
خل يهم ايده الگمر
انت لو بايع اگرابك
چا الهسه الدنيا تلمع ...
و زين ما بايع سبحتك
چا الهسه الفلك يضلع
و چا الهسه الغيم يشكي من الضمه
الله شاهد خوش داريت السمه ...
چنت كل ما تجر سيفك
الله چان يصيح عينك عل فلك .
و انت غازلته بصلاتك مدري هو الغازلك
المهم ...
نهتتك سوت الگيض ...
و شيبتك لمعة الفضه ...
والشته ..الشته من تطلع الضيمك
و تشتاگ البناتك ...
حگه ... گلي شصبرك
من گلك الطارش سبوهن ...
وداعتك من گتله
هم ايده الگمر
بس ما لحگ بيهن
خذوهن ...
زين سويت
اشتهيت الموت هرفي ...
انت لو شايف بنيتك ذاك ظهر الحمر
عل مسحوگ من وگفت تهفي
انت لو شايف حريج الخيم
من وگفت بدمعتها تطفي
چان طبگت السمه ...
و چا گلت لهنا و كافي ...
السالفه الما تنحچي
عبدالله عطشان ...
واجته ام العوافي
#قصيدة_وشاب
حسين سعد ( بغداد)
(ثلاثيات عتب)
ظليت باللا وعي … بمچاننّا اتنطرك
واشلون بيّه صرت … يم كلشي أتذكرك
لمن خذاني العطش … وداني لصورّك .
ردّ وعلي العذر … لو خفت تقصيرك
اشما تزغر انت وطن … عش انت يم طيرك
ما اريد ارد بالمِثل … اتحبّ وأحب غيرك
مو هيچ يابو الگلب … يابو اليلچمنّه
كبّرني ذاك العشگ … زغران ارد منه ؟
اتطفّي الصبح مو بعد …عصفوري ما غنّى!!!
اتراويني حرية بس … اتبيعني القيدي
اچفوفك الرجفت خجل … بـ اول مواعيدي
اتوكّحَت من وادَعَت … عرفت تعت ايدي
كل ليلة بعدك گضت … تنعد بـ الف وحدة
يَا الذكرياتك ظَفُر … بالروح منشدّة
ثگلت عليّ وادري انَا… الما هادها اتهدّه
ما أعقِل اتغيّرِت …. وعقلك ابجهلك تاه
امسيچين حبنه انگضه … اوي الحچي الما ردناه
أبچي واريدك حضن … وتجيسني وي الـ آه
وياك گلبي وَهَج … ويضوي من تضحك
حط ايدك اعله الگلب … استورح ألم جرحك
وشيل ايدك ابسرعة لا … نار الجفا اتلفحك
ميوگفه عزم الصبر … دمعي البفگدك هل
گلي اشيوگفه بعد … الينزل ركض من تل
الأصعب علي مَشْيتك …بس عندك اسهل حل
شبَ گلبك اعله الهنا… ما داف گلبك ضيم
ما خاطي عينك سهر … وعيني ابسهرها اتهيم
لو عيني رادت بچي … تتنخّى كل الغيم
حسبة اشتهيتك تجي … اتطشر البقه ابلمّي
منك أناطر فرج … ومَحْلَى يفض همي
بالظلمة سيفك يجي … ويلمع عليه دمي
لو صاك اعله البعد … گلبك ، وابد ما ذاب
يختلف گلبي أنَا … ويگلك اشما خاب
الهسه مفتوح الك … طلاقتين الباب
حسين سعد ( بغداد)
(ثلاثيات عتب)
ظليت باللا وعي … بمچاننّا اتنطرك
واشلون بيّه صرت … يم كلشي أتذكرك
لمن خذاني العطش … وداني لصورّك .
ردّ وعلي العذر … لو خفت تقصيرك
اشما تزغر انت وطن … عش انت يم طيرك
ما اريد ارد بالمِثل … اتحبّ وأحب غيرك
مو هيچ يابو الگلب … يابو اليلچمنّه
كبّرني ذاك العشگ … زغران ارد منه ؟
اتطفّي الصبح مو بعد …عصفوري ما غنّى!!!
اتراويني حرية بس … اتبيعني القيدي
اچفوفك الرجفت خجل … بـ اول مواعيدي
اتوكّحَت من وادَعَت … عرفت تعت ايدي
كل ليلة بعدك گضت … تنعد بـ الف وحدة
يَا الذكرياتك ظَفُر … بالروح منشدّة
ثگلت عليّ وادري انَا… الما هادها اتهدّه
ما أعقِل اتغيّرِت …. وعقلك ابجهلك تاه
امسيچين حبنه انگضه … اوي الحچي الما ردناه
أبچي واريدك حضن … وتجيسني وي الـ آه
وياك گلبي وَهَج … ويضوي من تضحك
حط ايدك اعله الگلب … استورح ألم جرحك
وشيل ايدك ابسرعة لا … نار الجفا اتلفحك
ميوگفه عزم الصبر … دمعي البفگدك هل
گلي اشيوگفه بعد … الينزل ركض من تل
الأصعب علي مَشْيتك …بس عندك اسهل حل
شبَ گلبك اعله الهنا… ما داف گلبك ضيم
ما خاطي عينك سهر … وعيني ابسهرها اتهيم
لو عيني رادت بچي … تتنخّى كل الغيم
حسبة اشتهيتك تجي … اتطشر البقه ابلمّي
منك أناطر فرج … ومَحْلَى يفض همي
بالظلمة سيفك يجي … ويلمع عليه دمي
لو صاك اعله البعد … گلبك ، وابد ما ذاب
يختلف گلبي أنَا … ويگلك اشما خاب
الهسه مفتوح الك … طلاقتين الباب
فرح حسن
اجيك امحملّة انة اهموم وعتاب
وتتلگاني مثل النسمة بالباب
واحضنك والبنفسج منك يفوح
عطرك چن ورد خزامى جذّاب
نبع ،ورّدت يم مجراك الـ اجروح
اثر ما باقي ،مو بس الجرح طاب
واجيبك كون لجل اعيوّنة اسبوح
نطيح بعِلة اذا وجهك ولك غاب
ومثل گذلة ابـ هِوية اگليبي مفضوح
اطيرن هچي من طاريْك ينجاب
واغار ولو الحّ اعليك مسموح
واضّمك عن نظرهم ،صورة بـ اكتاب
من إتمر تظل نسوانّة اتنوح
مثلك لأن ما شافن گبل شاب
النسيم الـ على اچتافك غافي مشتول
يشجرة خيزران بطول خلاّب
يـ واحة وخضّريت اگبال عاگول
نخاف اعليك من اعيون الـ أغراب
اخافن فوگ حايط غيرنا تطول
واخافن تعلى عن حدّك يـ لبلاب
منو امخلّي الزعل بيناتنا يجول؟
ورجلك ليش طولانة اعلة الـ اغياب
اعتذرنا وبلكي طيب امسامح ننول
هــاي الــروح حنـتـلك يـحباب
ونجي لمگفاك .. ونبوسك يمدلول
كتر قفل الگلادة ، بمگفة الـ ارگاب
اجيك امحملّة انة اهموم وعتاب
وتتلگاني مثل النسمة بالباب
واحضنك والبنفسج منك يفوح
عطرك چن ورد خزامى جذّاب
نبع ،ورّدت يم مجراك الـ اجروح
اثر ما باقي ،مو بس الجرح طاب
واجيبك كون لجل اعيوّنة اسبوح
نطيح بعِلة اذا وجهك ولك غاب
ومثل گذلة ابـ هِوية اگليبي مفضوح
اطيرن هچي من طاريْك ينجاب
واغار ولو الحّ اعليك مسموح
واضّمك عن نظرهم ،صورة بـ اكتاب
من إتمر تظل نسوانّة اتنوح
مثلك لأن ما شافن گبل شاب
النسيم الـ على اچتافك غافي مشتول
يشجرة خيزران بطول خلاّب
يـ واحة وخضّريت اگبال عاگول
نخاف اعليك من اعيون الـ أغراب
اخافن فوگ حايط غيرنا تطول
واخافن تعلى عن حدّك يـ لبلاب
منو امخلّي الزعل بيناتنا يجول؟
ورجلك ليش طولانة اعلة الـ اغياب
اعتذرنا وبلكي طيب امسامح ننول
هــاي الــروح حنـتـلك يـحباب
ونجي لمگفاك .. ونبوسك يمدلول
كتر قفل الگلادة ، بمگفة الـ ارگاب
عمار التميمي
أدري بيك تحنّي بيباني وتروح
ويفز گلبي بلايه خل
أدري بعيونك تبديني
وتره شبيده ألكحل
أدري بس حبيتك
ولميتك من ألغيم
وأترجيت ظِل
أنه چملتك شمع من ذاب شمعي
وگتلك أكبر بالصواني ومن يطفوني
أشتعل
أنه فوگ حجايتك بانيلي دنيه
وحدر نسيانك سجن
أنه گتلك وين ما تلصف دموعك
چفي لجفونك حضن
وأنه گتلك طيح خاطر تفشلهم
هاي گيعاني گطن
فرطتني ولا خرز ظل مني بيدك
غيم شبگاتك حزن
أخ من يطفه وطن بالروح وتسافر بشمعك
أخ من يطلع غيابك ما يتعب غير دمعك
أخ من تطلع غناويك چذب محد يسمعك
ولك هاي سنين ناسيني شذر بين ألرمل
جا ليش تصلبني عله أصبعك
أدري بيك تحنّي بيباني وتروح
ويفز گلبي بلايه خل
أدري بعيونك تبديني
وتره شبيده ألكحل
أدري بس حبيتك
ولميتك من ألغيم
وأترجيت ظِل
أنه چملتك شمع من ذاب شمعي
وگتلك أكبر بالصواني ومن يطفوني
أشتعل
أنه فوگ حجايتك بانيلي دنيه
وحدر نسيانك سجن
أنه گتلك وين ما تلصف دموعك
چفي لجفونك حضن
وأنه گتلك طيح خاطر تفشلهم
هاي گيعاني گطن
فرطتني ولا خرز ظل مني بيدك
غيم شبگاتك حزن
أخ من يطفه وطن بالروح وتسافر بشمعك
أخ من يطلع غيابك ما يتعب غير دمعك
أخ من تطلع غناويك چذب محد يسمعك
ولك هاي سنين ناسيني شذر بين ألرمل
جا ليش تصلبني عله أصبعك
عريان السيد خلف
جية العيد
يناهي الشوك ذمٌـه وذات من ذات
وفرق مابين حالي وحالك بْعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات بحضن صبري إليال ويباتْ
جرح يصحى وجرح متغصٌب يْهيد
وأكًًول إشوالف السرحان للشــاة
عْلى سـجٌه وكًاوداه الإيـد بالإيـــد
إلك جـانت يحلو الطول جيـات
عجب تبخل علينا بْجيٌـة العيـــــد
تنينه وأملينه جْفونـٌه بْطيفْ
وصبرنا وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع الـ مالهن جـــــاه
وعرفنه وعود حبك غيم بالصيف
المحل وين المطر بالصيف يلكاه؟
إشيصير عْلى الترف لو ينحسب ضيف
عْلى غفله وعيد وصل الزين محــــلاه؟
أنه بْعازة الموت وحاجبك ســيف
وأمــوت بْغير صدٌة غيض ماريـــد
إلك جانت يحلو الطول جيـٌات
عجب تبخل علينه بْجيٌـة العيـــد
أحن لمسامرك والكًاك شلكًاك
شَرِي المعشر حلاوة شــوك مابيــــك
يمر صيفك صبر واتنَطٌر شـْتــاك
تبيعك عزتـٌــك وبذلـٌـتي أشريـــك
تراك ويه النفس يلماتجي أشراك
وبالدم الـ يدور تدور أحس بيك
يبو الروح عْلى روح إهواك شلهــاك
وإهي بْعيـن الشفاكًـه إليال تِربيــك
أبد ما سامرتها الآه لولاكْ
ولا جـان إعله دربك لاويــه الجيـــد
إلك جانت يحلو الطول جيـٌات
عجب تبخل علينه بْجيٌـة العيـــد
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون الـ يساهر ليل معـذور
ألم لو من وكت لو من ولف شــــال
وانه بْحالي عْلى صبرك حال مزهــور
صبر ومكابر المحتـــام جَتـــٌال
إلك عمري عْلى زين وشين منذور
ولَو من السنيــن إوشال ما ظـــال
لـَـجَنْ يبقى الجفن للطيف مسمور
ويظل راجد عليها النوم ترجيــــد
إلك جانت يحلو الطول جيـٌات
عجب تبخل علينا بْجيٌـة العيـــد
جية العيد
يناهي الشوك ذمٌـه وذات من ذات
وفرق مابين حالي وحالك بْعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات بحضن صبري إليال ويباتْ
جرح يصحى وجرح متغصٌب يْهيد
وأكًًول إشوالف السرحان للشــاة
عْلى سـجٌه وكًاوداه الإيـد بالإيـــد
إلك جـانت يحلو الطول جيـات
عجب تبخل علينا بْجيٌـة العيـــــد
تنينه وأملينه جْفونـٌه بْطيفْ
وصبرنا وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع الـ مالهن جـــــاه
وعرفنه وعود حبك غيم بالصيف
المحل وين المطر بالصيف يلكاه؟
إشيصير عْلى الترف لو ينحسب ضيف
عْلى غفله وعيد وصل الزين محــــلاه؟
أنه بْعازة الموت وحاجبك ســيف
وأمــوت بْغير صدٌة غيض ماريـــد
إلك جانت يحلو الطول جيـٌات
عجب تبخل علينه بْجيٌـة العيـــد
أحن لمسامرك والكًاك شلكًاك
شَرِي المعشر حلاوة شــوك مابيــــك
يمر صيفك صبر واتنَطٌر شـْتــاك
تبيعك عزتـٌــك وبذلـٌـتي أشريـــك
تراك ويه النفس يلماتجي أشراك
وبالدم الـ يدور تدور أحس بيك
يبو الروح عْلى روح إهواك شلهــاك
وإهي بْعيـن الشفاكًـه إليال تِربيــك
أبد ما سامرتها الآه لولاكْ
ولا جـان إعله دربك لاويــه الجيـــد
إلك جانت يحلو الطول جيـٌات
عجب تبخل علينه بْجيٌـة العيـــد
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون الـ يساهر ليل معـذور
ألم لو من وكت لو من ولف شــــال
وانه بْحالي عْلى صبرك حال مزهــور
صبر ومكابر المحتـــام جَتـــٌال
إلك عمري عْلى زين وشين منذور
ولَو من السنيــن إوشال ما ظـــال
لـَـجَنْ يبقى الجفن للطيف مسمور
ويظل راجد عليها النوم ترجيــــد
إلك جانت يحلو الطول جيـٌات
عجب تبخل علينا بْجيٌـة العيـــد
موعود قاسم الرشيدي
شيوصل دمعتي
الشطچ مسيعيده
و انشدمن عله العنوان ...
ياهو الينتخي
و ياخذ حزن دشداشتي الميسان
الفرح ثاري چذب نيسان ..
اشم ايدي
و قلق بگليبي يتلملم ...
ابن آدم حته لو يفرح
يفرح تالي يتندم ...
اشخيرك ...
و انت تدري الروح گوه مچلبه بيه
علگ متهزل مصوفر ...
و دمعي بجفني متخوصر ...
ادور عليك ...
و اچهب و العماره غيومها سوده
اشهگ و انچوي حته من البروده
طواريك اويلي بنبرة عبادي
ونعاوي الهور ...
انا شنعاك
ضيعت الحچي والطور
شيوصل دمعتي
الشطچ مسيعيده
و انشدمن عله العنوان ...
ياهو الينتخي
و ياخذ حزن دشداشتي الميسان
الفرح ثاري چذب نيسان ..
اشم ايدي
و قلق بگليبي يتلملم ...
ابن آدم حته لو يفرح
يفرح تالي يتندم ...
اشخيرك ...
و انت تدري الروح گوه مچلبه بيه
علگ متهزل مصوفر ...
و دمعي بجفني متخوصر ...
ادور عليك ...
و اچهب و العماره غيومها سوده
اشهگ و انچوي حته من البروده
طواريك اويلي بنبرة عبادي
ونعاوي الهور ...
انا شنعاك
ضيعت الحچي والطور
هاشم الخزاعي
من مريت حليت الـ "أعلوگة" التارسة الشباﭺ
وقريت أرسوم وجهك ذيج
لگيت المستحة بعينك
دفو ومن شافك العصفور ضم عشه بروازينك ..
يـ حُر شحصل الفلاح من طينك
تجي وك يا ضوة اتدنى ..
وفرهدني العمر گطرة اعلى راگ الغيم
وفك ازرار صدري وگول شتمنى
اتمنى ألم كل التراب الما رضى يجزيك
واضم حصّة لهذاك العيد ما حصل شذر منه
واجيك بزرگة الغرگان ..
أگلك عدنا حرحارة ولميض ازلوف
وانتَ اولاية الحنّة ..
تبطرتك ضوة الحواف لو شاف الگمر لونه
وتانيتك هوى العشاگ من يخلص بهلهولة ..
يمتبدي اعلى خلگي امتاع .. باصرني
الضوة شيريد غير بليل يتبدّة
باصرني .. النهر شيريد غير بگاع يتعدّة
وانتَ ولا عطش جابك
لا فزيت لا هب الهوة ببابك
لا رفت عيونك والعمر گشّة ..
ولا مديت شوفي عليك من جان الوكت رمشة
ولا سولفتك لعصفور من جان العشگ غبشة ..
ومن زمان اشتهى العاگول مايك
واشتهى البرحي نداك
وگالت النسمة هواك
وگالت النجمة ضواك
وسولف الصفصاف طولك وارتـﭼـى الفيّ بگفاك ..
من زمان وعيني تتدربى وراك ..
من زمان سولفن بيك العرايس
گالن الگمرة ويَّ خدّك طافيّة
يا ضواي الفزز عيون المدينة الغافية
ويا نهار الخط على دروب الشجر سـﭼـة اگرنفل
ورطّب اشفاف الظهاري الدافية ..
ويا ظلام الما اخذ عرض الحرامي
ويا نهار الما تمدد بالروازين الهزيلة
ولا تنيسل للرذيلة ..
من زمان الجِفن ضماك بشليلة ..
من مريت حليت الـ "أعلوگة" التارسة الشباﭺ
وقريت أرسوم وجهك ذيج
لگيت المستحة بعينك
دفو ومن شافك العصفور ضم عشه بروازينك ..
يـ حُر شحصل الفلاح من طينك
تجي وك يا ضوة اتدنى ..
وفرهدني العمر گطرة اعلى راگ الغيم
وفك ازرار صدري وگول شتمنى
اتمنى ألم كل التراب الما رضى يجزيك
واضم حصّة لهذاك العيد ما حصل شذر منه
واجيك بزرگة الغرگان ..
أگلك عدنا حرحارة ولميض ازلوف
وانتَ اولاية الحنّة ..
تبطرتك ضوة الحواف لو شاف الگمر لونه
وتانيتك هوى العشاگ من يخلص بهلهولة ..
يمتبدي اعلى خلگي امتاع .. باصرني
الضوة شيريد غير بليل يتبدّة
باصرني .. النهر شيريد غير بگاع يتعدّة
وانتَ ولا عطش جابك
لا فزيت لا هب الهوة ببابك
لا رفت عيونك والعمر گشّة ..
ولا مديت شوفي عليك من جان الوكت رمشة
ولا سولفتك لعصفور من جان العشگ غبشة ..
ومن زمان اشتهى العاگول مايك
واشتهى البرحي نداك
وگالت النسمة هواك
وگالت النجمة ضواك
وسولف الصفصاف طولك وارتـﭼـى الفيّ بگفاك ..
من زمان وعيني تتدربى وراك ..
من زمان سولفن بيك العرايس
گالن الگمرة ويَّ خدّك طافيّة
يا ضواي الفزز عيون المدينة الغافية
ويا نهار الخط على دروب الشجر سـﭼـة اگرنفل
ورطّب اشفاف الظهاري الدافية ..
ويا ظلام الما اخذ عرض الحرامي
ويا نهار الما تمدد بالروازين الهزيلة
ولا تنيسل للرذيلة ..
من زمان الجِفن ضماك بشليلة ..
عن لسانِ ستينيّةٍ سمراء
تبيع العطر والبخور
وأوراق الورد ..
ميثاق الهلالي
عمُر مثل الرصاص الحار من يخطف
جِزَن ستّين چيله وما ضحك سنّي...
أشد خمسه ابگلب خمسه،
أگول أحضن خطوط أيدي،
وأغنّي الهن،
صدگ يا روحي! چآنه شبيّه ما غنّي!
أگول اتسودن ويه الناس،
غير الحشر ويَّ الناس...
بس الخوف،
و چفوفي،
ووصيْة أمي،
هذنّي الما يخلّنّي...
ويطيح من النهار اسمه
ويغط الراس بالحسبات،
يتعلّگ على العتبه طفل كادود...
وتطيح (المدري ياهي آنه) على فراشي
ويطيح الليل صفنات و چراچف سود...
والفانوس خلگه يضيج كلما غمّضت عيني
يمد عينه على الشبّا چ ويسومِر گلب وخدود....
ويندهني البرد وأتلفلف بروحي
ويعبّرني الفجر طيره،
واهيس التفگ من كل صوب،
مدري شصلّى ما صلّى…
أشد حيلي،
وأروف الليل،
أصلّي اركاض حتى ألحگ صباح الله...
وأجيب الورد من كل ساجيه
تفك عينها ويغدي النهار أخضر...
أجيب العطر من كل طين، ساحگته فراشه
وراكض وياها الندى موزّر...
أفصْل الصبح خام أبيض،
وأخيط الشمس بمتوني،
وأجي من شيلة بريسم خويط اسمر...
أجي والورد يلحگني ويطير وياي
برحيّه ووراها عثوگ...
أجي من العدم للدنيا وافك الباب،
واتلولح نهر بالسوگ…
أبَسّط وافرش جروحي
وأظل أعزف،
لحد ما تنشف أيامي عطر محروگ...
وتجي الوادم،
الِم روحي، وأخلّي الورد يتمايل
خصر بالعرس يتلوّى...
واصيحن من حدر گلبي:
ورد للبيع.......
ورد للراجع من السفر،
للمبحِر
ورد للبالعشگ توّه...
ورد للعرس،
للكاروك،
لضلوع النَعَش،
للگبر،
للـ.....
ولا چنهم يسمعون الصياح الحار
سيف بِّين ضلع وضلع يتطوّى...
واظل أقرا الوجوه التخطف گبالي:
هذاك مغيّم ويركض،
هذيچ مغطيه دمعتها
هذاك بلا ورگ محني
هذاك مفارگ ومكسور...
هذا يدرفع بروحه،
هذيچ مضيعه كحلتها،
هذاك من التعب شارد
هذيچ بثوبها مچلّب حزن عاشور...
أخذني الوكت وآنا اقرا
ولا شرّاي!
مدري شلون، والمامش بواچي طيور.....
مدري شلون يا گلبي
يبو جناح الگطن ترهم
تطفّي الجمر بدموعي ..
اجاك الليل، وانت مرايه مكسوره
وتشظّت فوگها ضلوعي ..
وارد اشهگ، وأغيّم،
واغرگ معاتب،
واتاني الناس،
واتلفّت، ولا واحد!
واشوف الشارع بلا راس..
حَدّ الحَدْ حزن وحجار.
أرد مستحية؛ ردّيت الورد ذبلان
لا بعته، ولا عفته على متون الجرف خطّار
لو ميتة ولاني بفشلة المامش
ولو هيّ بواچي المستحة والموت كلها كبار...
صم تراب ارد وازغر،
مثل عود البخور الباگته الحيطان ارد للدار...
أرد من التعب لفراشي، والفانوس،
و چفوفي
كواغد شاردة من النار
تبيع العطر والبخور
وأوراق الورد ..
ميثاق الهلالي
عمُر مثل الرصاص الحار من يخطف
جِزَن ستّين چيله وما ضحك سنّي...
أشد خمسه ابگلب خمسه،
أگول أحضن خطوط أيدي،
وأغنّي الهن،
صدگ يا روحي! چآنه شبيّه ما غنّي!
أگول اتسودن ويه الناس،
غير الحشر ويَّ الناس...
بس الخوف،
و چفوفي،
ووصيْة أمي،
هذنّي الما يخلّنّي...
ويطيح من النهار اسمه
ويغط الراس بالحسبات،
يتعلّگ على العتبه طفل كادود...
وتطيح (المدري ياهي آنه) على فراشي
ويطيح الليل صفنات و چراچف سود...
والفانوس خلگه يضيج كلما غمّضت عيني
يمد عينه على الشبّا چ ويسومِر گلب وخدود....
ويندهني البرد وأتلفلف بروحي
ويعبّرني الفجر طيره،
واهيس التفگ من كل صوب،
مدري شصلّى ما صلّى…
أشد حيلي،
وأروف الليل،
أصلّي اركاض حتى ألحگ صباح الله...
وأجيب الورد من كل ساجيه
تفك عينها ويغدي النهار أخضر...
أجيب العطر من كل طين، ساحگته فراشه
وراكض وياها الندى موزّر...
أفصْل الصبح خام أبيض،
وأخيط الشمس بمتوني،
وأجي من شيلة بريسم خويط اسمر...
أجي والورد يلحگني ويطير وياي
برحيّه ووراها عثوگ...
أجي من العدم للدنيا وافك الباب،
واتلولح نهر بالسوگ…
أبَسّط وافرش جروحي
وأظل أعزف،
لحد ما تنشف أيامي عطر محروگ...
وتجي الوادم،
الِم روحي، وأخلّي الورد يتمايل
خصر بالعرس يتلوّى...
واصيحن من حدر گلبي:
ورد للبيع.......
ورد للراجع من السفر،
للمبحِر
ورد للبالعشگ توّه...
ورد للعرس،
للكاروك،
لضلوع النَعَش،
للگبر،
للـ.....
ولا چنهم يسمعون الصياح الحار
سيف بِّين ضلع وضلع يتطوّى...
واظل أقرا الوجوه التخطف گبالي:
هذاك مغيّم ويركض،
هذيچ مغطيه دمعتها
هذاك بلا ورگ محني
هذاك مفارگ ومكسور...
هذا يدرفع بروحه،
هذيچ مضيعه كحلتها،
هذاك من التعب شارد
هذيچ بثوبها مچلّب حزن عاشور...
أخذني الوكت وآنا اقرا
ولا شرّاي!
مدري شلون، والمامش بواچي طيور.....
مدري شلون يا گلبي
يبو جناح الگطن ترهم
تطفّي الجمر بدموعي ..
اجاك الليل، وانت مرايه مكسوره
وتشظّت فوگها ضلوعي ..
وارد اشهگ، وأغيّم،
واغرگ معاتب،
واتاني الناس،
واتلفّت، ولا واحد!
واشوف الشارع بلا راس..
حَدّ الحَدْ حزن وحجار.
أرد مستحية؛ ردّيت الورد ذبلان
لا بعته، ولا عفته على متون الجرف خطّار
لو ميتة ولاني بفشلة المامش
ولو هيّ بواچي المستحة والموت كلها كبار...
صم تراب ارد وازغر،
مثل عود البخور الباگته الحيطان ارد للدار...
أرد من التعب لفراشي، والفانوس،
و چفوفي
كواغد شاردة من النار
جواد زغير
هذا انه
اجيت بطرگ گلبي الـحاضن الشباچ
اجيتچ والتعب طافح على عيوني
وسموم هواي ، يشبه ناس تندهني
وحزن راكد على البيبان يشبهني
اجيت منين ؟ "ما ادري
مثل جية الضباب اليحضن الجامه
وانه مسودن
اعوف الليل
واغفى بشوفة الشامه
أيا محلى العيون التنچفي بـ شامه
ولو هو العمر ساعات
ساعه أيفيض بوس
وساعه خزامه
هذا انه
اجيت بطرگ گلبي الـحاضن الشباچ
اجيتچ والتعب طافح على عيوني
وسموم هواي ، يشبه ناس تندهني
وحزن راكد على البيبان يشبهني
اجيت منين ؟ "ما ادري
مثل جية الضباب اليحضن الجامه
وانه مسودن
اعوف الليل
واغفى بشوفة الشامه
أيا محلى العيون التنچفي بـ شامه
ولو هو العمر ساعات
ساعه أيفيض بوس
وساعه خزامه
عقيل العرد
ولايتي
ولايتي شما غيروج
الروح لهفة والدة وغيرة فلح
يم عباة النخل
ياطور الحصاد ،
اليطرب بكل مبعد اغنية ملح ،
ولايتي شما بدلوا عيني اشتهيج
وماترف روحي اعله غيرج
العشعشو باغصانج اولاد المواسم
ياسدرتي براحتج بس انه طيرج ،
امشي عنج واغسل من ادموعي جامات القطار
والم من كل سله جلمه
من اللعب والسوك والكهوة وربعنا
وهوسة الشارع
والطيور الزغار ،
ومن اجيج النهر يرسم طوله ضحكة
ويوكوف السراي
والثوار عالسجة قصيدة
وتمتد بروحي گصيبه
وشوك نثيه
وتوگع الكمرة اعله شباج النهار .
ولايتي
روحي شريعة ورسمچ حديثة
تمد بروحي چف
تغرف وتغسل شعرها
وغنوتج غيرة سلف
ومن يمر طاريچ نسمه
گليبي يضحكلچ سعف .
ولايتي حضنچ نساني
وخنگ بيه حچايه وكحه
وبابچ انسد عالشريف
آوي شياطينچ مسنحة
وانه ذاك الگلبه خالي
الونس الناس على جرحه
لملميني اطشرت مطرة
على گاع الماعرفهم
ولايتي عيوني رسايل
والظروف وجوه بس ضيگ ظرفهم
استغرباني الليل يمهم
والگمر ماچنه اخوي
عنچ جدامي خذتني وفاگدچ
ياگاع ابوي .
بيا مناجل ضاع خصري حجايه وهدنهه الخضار ،
بيا هضيمة انذر ضحكتي
اللناس مابيهم مزار
انه من زغري غريب
ومالگيت حچايه تسوه
التعب لفلف غراضه
وسافر بوجهي سمار
والأحبهم مو اليه
كلمن بنيته ولايه
وروحي فرگونة قطار
ولايتي
ولايتي شما غيروج
الروح لهفة والدة وغيرة فلح
يم عباة النخل
ياطور الحصاد ،
اليطرب بكل مبعد اغنية ملح ،
ولايتي شما بدلوا عيني اشتهيج
وماترف روحي اعله غيرج
العشعشو باغصانج اولاد المواسم
ياسدرتي براحتج بس انه طيرج ،
امشي عنج واغسل من ادموعي جامات القطار
والم من كل سله جلمه
من اللعب والسوك والكهوة وربعنا
وهوسة الشارع
والطيور الزغار ،
ومن اجيج النهر يرسم طوله ضحكة
ويوكوف السراي
والثوار عالسجة قصيدة
وتمتد بروحي گصيبه
وشوك نثيه
وتوگع الكمرة اعله شباج النهار .
ولايتي
روحي شريعة ورسمچ حديثة
تمد بروحي چف
تغرف وتغسل شعرها
وغنوتج غيرة سلف
ومن يمر طاريچ نسمه
گليبي يضحكلچ سعف .
ولايتي حضنچ نساني
وخنگ بيه حچايه وكحه
وبابچ انسد عالشريف
آوي شياطينچ مسنحة
وانه ذاك الگلبه خالي
الونس الناس على جرحه
لملميني اطشرت مطرة
على گاع الماعرفهم
ولايتي عيوني رسايل
والظروف وجوه بس ضيگ ظرفهم
استغرباني الليل يمهم
والگمر ماچنه اخوي
عنچ جدامي خذتني وفاگدچ
ياگاع ابوي .
بيا مناجل ضاع خصري حجايه وهدنهه الخضار ،
بيا هضيمة انذر ضحكتي
اللناس مابيهم مزار
انه من زغري غريب
ومالگيت حچايه تسوه
التعب لفلف غراضه
وسافر بوجهي سمار
والأحبهم مو اليه
كلمن بنيته ولايه
وروحي فرگونة قطار
عبد الرحمن الدوخي
مدري شـﭼـان موضوعي بوكتها ..
ولو هيَّ بمواضيعي الوحيـــدة
ردت أكتب قصيدة وزاعلتها
لا وكتّج ولا وكت القصيــدة
زعلت بس اعرف مكابرتها ..
وإلّا شجابها بـدربي العنيدة
من نتلاگى وتطخ صاحبتها
وضحت مثل عنوان الجريدة
الحاصل طالت الغيبة شفتها
وتحققلي حلم ما جنت أريده
يمي عيونها وما فسرتها
تغوّش مثل الوجوه البعيدة
بقت شغلة نسيت وما گلتها
تريد تعوفني بحظها وبختها
انا رجلُ النهايات السعيدة
الطير شوكت ما يعجبني أصيده
عبالها حــﭼـايّة وگلتها
ترى ما هامنّي أحد يالبعيدة
جگارة و وين ماكملها أزتّها
على طاري ردت اكتب قصيدة
كملت القصيدة..وشگگتها ..
ومدري شـﭼـان موضوعي بوكتها ..
مدري شـﭼـان موضوعي بوكتها ..
ولو هيَّ بمواضيعي الوحيـــدة
ردت أكتب قصيدة وزاعلتها
لا وكتّج ولا وكت القصيــدة
زعلت بس اعرف مكابرتها ..
وإلّا شجابها بـدربي العنيدة
من نتلاگى وتطخ صاحبتها
وضحت مثل عنوان الجريدة
الحاصل طالت الغيبة شفتها
وتحققلي حلم ما جنت أريده
يمي عيونها وما فسرتها
تغوّش مثل الوجوه البعيدة
بقت شغلة نسيت وما گلتها
تريد تعوفني بحظها وبختها
انا رجلُ النهايات السعيدة
الطير شوكت ما يعجبني أصيده
عبالها حــﭼـايّة وگلتها
ترى ما هامنّي أحد يالبعيدة
جگارة و وين ماكملها أزتّها
على طاري ردت اكتب قصيدة
كملت القصيدة..وشگگتها ..
ومدري شـﭼـان موضوعي بوكتها ..
" فرحة ودمع "
جليل قاسم
من عرفتك .. ﭼـنّي ما ﭼـنت أعرف أحد ..
الشيب الـ بلون الثلج خضّر سواد
ووجهيّ المطلگه الضحك ..باللحظة ورّد ..
من عرفتك .. بعد كل ذيـﭻ النوايب صرت مِسعد ..
راح الغراب الـ گبل يفتر عليّة
وصوت بلبل صرت اسمعه بروحي غرد ..
من عرفتك ..
گمت أحس كل الخلايا الماتت بروحي تتجدد ..
نزعت من اسنينها تلاثين روحي
وردّت لـ عشرينها بلا خجل تنعد
أنت مدري شلون أجيت .. بغفلة شو ﭼـنك قصيدة..
اتولّت الشاعر ﭼـوي وما رضت تبرد ..
وشرد أوصفك؟!! ..
وأحنه يبن الناس من دم ولحم بس أنتَ من ليلو وزمرد
أنت مرود للكحل بين الكحل والعين مرود ..
انت رحمة وفرّحت مسكين من أمة محمد ..
والله من تگلي أحبك ..
أنا أحس بـ أعصابي من فوگ الجمر يا روحي تجمد ..
ولا تدليني بمكانك ..
هذا انت وداعتك وي النفس تنزل وتصعد ..
ومن مشيت الفرحة الـ بعيني طفت
ورَد على الخمسين عمري
والثلاثين الحذفهن ويّ عشرين الشباب اتوالفت ..
وگمت أشوف الضحكة دمعة ..
ودثرّت روحي بجمرها وما دفت
أتعارك بعيني الأرق ويّ النعاس
العركة خشنة الليل كله وما صفت
وجرحي صار بطول عمري ..
وصفنتي ويّ الليل ضدي اتحالفت ..
وبقت عيني مگابلتني گبالي وتباوع بعيني ..
وسلّمن شمسين لله وما غفت ..
ومن ذكرتك .. سكت كلشي
وعاند السكتة وبقى يصب الدمع
من ذكرتك مدري شنهي الصار بيّه
رفس گلبي وراد يشلعلي الضلع
وصحت .. شو محد سمعني
وللعلم لمن ذكرتك ﭼـان ليل
وصوت دخان الجگاير ينسمع ..
جليل قاسم
من عرفتك .. ﭼـنّي ما ﭼـنت أعرف أحد ..
الشيب الـ بلون الثلج خضّر سواد
ووجهيّ المطلگه الضحك ..باللحظة ورّد ..
من عرفتك .. بعد كل ذيـﭻ النوايب صرت مِسعد ..
راح الغراب الـ گبل يفتر عليّة
وصوت بلبل صرت اسمعه بروحي غرد ..
من عرفتك ..
گمت أحس كل الخلايا الماتت بروحي تتجدد ..
نزعت من اسنينها تلاثين روحي
وردّت لـ عشرينها بلا خجل تنعد
أنت مدري شلون أجيت .. بغفلة شو ﭼـنك قصيدة..
اتولّت الشاعر ﭼـوي وما رضت تبرد ..
وشرد أوصفك؟!! ..
وأحنه يبن الناس من دم ولحم بس أنتَ من ليلو وزمرد
أنت مرود للكحل بين الكحل والعين مرود ..
انت رحمة وفرّحت مسكين من أمة محمد ..
والله من تگلي أحبك ..
أنا أحس بـ أعصابي من فوگ الجمر يا روحي تجمد ..
ولا تدليني بمكانك ..
هذا انت وداعتك وي النفس تنزل وتصعد ..
ومن مشيت الفرحة الـ بعيني طفت
ورَد على الخمسين عمري
والثلاثين الحذفهن ويّ عشرين الشباب اتوالفت ..
وگمت أشوف الضحكة دمعة ..
ودثرّت روحي بجمرها وما دفت
أتعارك بعيني الأرق ويّ النعاس
العركة خشنة الليل كله وما صفت
وجرحي صار بطول عمري ..
وصفنتي ويّ الليل ضدي اتحالفت ..
وبقت عيني مگابلتني گبالي وتباوع بعيني ..
وسلّمن شمسين لله وما غفت ..
ومن ذكرتك .. سكت كلشي
وعاند السكتة وبقى يصب الدمع
من ذكرتك مدري شنهي الصار بيّه
رفس گلبي وراد يشلعلي الضلع
وصحت .. شو محد سمعني
وللعلم لمن ذكرتك ﭼـان ليل
وصوت دخان الجگاير ينسمع ..
حسين التوبي
من أول لا هلا بمگفاي قاريــــك
وترى من الماكو ﭼـنت من أنتـﭼـي عليك
ومثل ملگى العزيز الثارك وياه
عشت لا تنطرد لا ودّي الاگيك
عوز وطحت يم شماغ مذروب
يالموّسم الگصص ما ردت ابديك
وخليتك كحل بعيون ملدوغ
بالـ ما تنطبگ ﭼـا وين أخليك
ايـا مگفى الغروب اعلى المساجين
وﭼـزّت مستحة المديون طاريك
تصلي وحاسبك ويَّ اليصلون
يـسـﭼـين اغلبتني الـجِبلة الـ عليك
الطير اشما انطگ يحسبها بالريش
وحاذر مخلب الملـﭼـوم ياذيك
أمشرع خدّك و ما هوّنت بيه
وإلا حـﭼـي الطين أموالم عليك
زَلّة وما أخيط اردانگ النوب
وأمسح طرف سنّك خاطر أبريِك
ولا انا اليفز يا هلهولة الگوم
ليك وعرگ ينضح من يلاگيك
النياشين الغريبة تطيب وتروح
التهدك نياشين المنك وبيك
اليكابر ينحسب مكسور ﭼـذاب
ﭼـذب ما بيه ذنب لكن يحليك
بس شلفايدة من ابنادم يحوم
يبيع السما ويتبع ممشى رجليك
يصواب الحرامي الفشلة ينشاف
گوة اعليّة أضمك وأستعز بيك
الرسالة الحايلة ابين الصناديگ
كل ما ترجع وتقراها تـﭼـويك
ومثل لبسة الكشخة ..الـ بالمواعيد
أذبك بس ارد اردود وأشريـــــك
وأردلك وأفز يا هلهولة الگوم
وأسطر ذكرياتك وأنتـﭼـي عليك
ﭼذب وهوايّة غيرك وأنتـﭼـي عليك ..
من أول لا هلا بمگفاي قاريــــك
وترى من الماكو ﭼـنت من أنتـﭼـي عليك
ومثل ملگى العزيز الثارك وياه
عشت لا تنطرد لا ودّي الاگيك
عوز وطحت يم شماغ مذروب
يالموّسم الگصص ما ردت ابديك
وخليتك كحل بعيون ملدوغ
بالـ ما تنطبگ ﭼـا وين أخليك
ايـا مگفى الغروب اعلى المساجين
وﭼـزّت مستحة المديون طاريك
تصلي وحاسبك ويَّ اليصلون
يـسـﭼـين اغلبتني الـجِبلة الـ عليك
الطير اشما انطگ يحسبها بالريش
وحاذر مخلب الملـﭼـوم ياذيك
أمشرع خدّك و ما هوّنت بيه
وإلا حـﭼـي الطين أموالم عليك
زَلّة وما أخيط اردانگ النوب
وأمسح طرف سنّك خاطر أبريِك
ولا انا اليفز يا هلهولة الگوم
ليك وعرگ ينضح من يلاگيك
النياشين الغريبة تطيب وتروح
التهدك نياشين المنك وبيك
اليكابر ينحسب مكسور ﭼـذاب
ﭼـذب ما بيه ذنب لكن يحليك
بس شلفايدة من ابنادم يحوم
يبيع السما ويتبع ممشى رجليك
يصواب الحرامي الفشلة ينشاف
گوة اعليّة أضمك وأستعز بيك
الرسالة الحايلة ابين الصناديگ
كل ما ترجع وتقراها تـﭼـويك
ومثل لبسة الكشخة ..الـ بالمواعيد
أذبك بس ارد اردود وأشريـــــك
وأردلك وأفز يا هلهولة الگوم
وأسطر ذكرياتك وأنتـﭼـي عليك
ﭼذب وهوايّة غيرك وأنتـﭼـي عليك ..
عبد الكريم القصاب
غربة
عيد وعصاري مزركشه
ووجوه زيّنها الطوز .
كَذله وشرايط من قزح ..
وآطفال بآلوان الروز .
والناس تترنح وسط شارع ...
مثل كَشر الموز
ناس بدواخلهم فحم ...
ووجوههم لب الجوز .
تفرح جذب ،
تحزن جذب .
ماكو صدك الا الجذب ،
والجذبه سدادة عوز .
طوفان أزياء ...
ومناديل وشطافي وأحذيه ،
طوفان والشارع نهر جاي بتوز .
وآنمسحت خطوط العبور ...
وبطل فعل الاضوية .
جدامي مسرح تمثيل ،
مشهد فرح للتضليل ،
مشهد لزيف التقبيل ،
مشهد لصخرة قابيل ،
مشهد لمحنة هابيل ،
مشهد أناشيد الفوز .
كل شي شفت ،
بس ما شفت شي ، ما شفت ،
لكن شفت ...
نفسي وخيالي والطفوله ...
وشجرة الكالبتوز
غربة
عيد وعصاري مزركشه
ووجوه زيّنها الطوز .
كَذله وشرايط من قزح ..
وآطفال بآلوان الروز .
والناس تترنح وسط شارع ...
مثل كَشر الموز
ناس بدواخلهم فحم ...
ووجوههم لب الجوز .
تفرح جذب ،
تحزن جذب .
ماكو صدك الا الجذب ،
والجذبه سدادة عوز .
طوفان أزياء ...
ومناديل وشطافي وأحذيه ،
طوفان والشارع نهر جاي بتوز .
وآنمسحت خطوط العبور ...
وبطل فعل الاضوية .
جدامي مسرح تمثيل ،
مشهد فرح للتضليل ،
مشهد لزيف التقبيل ،
مشهد لصخرة قابيل ،
مشهد لمحنة هابيل ،
مشهد أناشيد الفوز .
كل شي شفت ،
بس ما شفت شي ، ما شفت ،
لكن شفت ...
نفسي وخيالي والطفوله ...
وشجرة الكالبتوز
#قصيدة_وشاب
حسن عويز ( بغداد )
بلدمعه انذكر جني المناديل
وبلضحكه انسي جني المشاكل
اذه مابيك واهس للمراسيل ؟
عليمن تشكل اجناح الزواجل
نتضرت هواي شردت التماثيل
وهاي عيون حته انسان تاكل
عدل تموت لازم دربك يميل
تعوج ياله تعيش المناجل
انسه واغفه ساعه طيوفك تعيل
وفز فحطان احشم بلعواذل
لا اول فراك ولا انا مهضوم
نتركت هواي زهكت المحاطات
اضحك مابين انا ملجوم
ضحكه ناس متروسه المصحات
الكمر على ماي بس ينام بغيوم
تتعب من تفكر بلمسافات
امشي بغرفتي ولن طحت مصدوم
شفت واحدغريب على المشوفات
بمتاع اليغامر خشب ملموم
عشرتي وياك ماتكضي بسلامات
.
حسن عويز ( بغداد )
بلدمعه انذكر جني المناديل
وبلضحكه انسي جني المشاكل
اذه مابيك واهس للمراسيل ؟
عليمن تشكل اجناح الزواجل
نتضرت هواي شردت التماثيل
وهاي عيون حته انسان تاكل
عدل تموت لازم دربك يميل
تعوج ياله تعيش المناجل
انسه واغفه ساعه طيوفك تعيل
وفز فحطان احشم بلعواذل
لا اول فراك ولا انا مهضوم
نتركت هواي زهكت المحاطات
اضحك مابين انا ملجوم
ضحكه ناس متروسه المصحات
الكمر على ماي بس ينام بغيوم
تتعب من تفكر بلمسافات
امشي بغرفتي ولن طحت مصدوم
شفت واحدغريب على المشوفات
بمتاع اليغامر خشب ملموم
عشرتي وياك ماتكضي بسلامات
.
عباس العبادي
جرحي ازناد تفكه شما تسحكة ايثور
وكلبي اعيون طفله امن الهوه يدمعن
بجّيتك خجل عن لا تبيّن ذيب
خفتك تبتسم وانيابك يطلعن
امّنتك عمر وركَه اعله وجه الماي
اتمرجح صبر وامواجك يصفعن
عمري اوياك سبحه ابخيط مابي روح
خايف ينكطع واسنيني ينزعن
وانطيتك اسنيني وطعنتك والليل
رجعت طعنتك واسنيني ما رجعن
مدري اعظام ظهري العرينتهن بيض
مدري انياب سيفك بالضوه ايلمعن
لا تكسر اضلوعي الماسه من تنظام
اشما كثرن اكسور اضلوعهه ايشعن
بعد كوخ العمر ما عاد حدره اسنين
منجل والمبارد بالعمر شبعن
ايّس لا بعد بعيوني واهس ذيب
ولا غزلان طيفك بالجفن يرعن
صفنة يا عقل تحكم اعليهن توم
اجروحي اتشيّلن واجروحك ايرضعن
ولو ميزان وكتك من كبل خاواك
انته اتبوك وآنه اجفوفي ينكطعن
خنت شوفي وخذيت امتوني والجنحان
ومن ثكل الخيانه امتونك انخلعن
اليصعد مو شرط شايل ابمتنه اجناح
السهام ابلا جنح بس فوك يرتفعن
شفت حملي رمح وامتوني من فلّين
ذبلت غيرتك واسهامك الفزعن
وسامة خنجرك لمّت اجروحي اعليك
احجبهن صبر واكبالك ايفرعن
من طبع الجرح يرتاح حتى ايموت
واسيوفك جواعه وبالجرح رتعن
عفتني اعله الدرب طفله ابوجه محروك
وكف بس الصبر بعيونهه اتمعّن
لا تتبعني احركك جفني ينزف نار
تبعنّي السنين وكبلك انلسعن
تسحك خاطري ويصعد لراسك ماي
ويذبلن احلامي البالهوه انزرعن
مثل ما جان طيفك بالجفن مطبوع
فوك اعظام ظهري اجدامك انطبعن
جرحي ازناد تفكه شما تسحكة ايثور
وكلبي اعيون طفله امن الهوه يدمعن
بجّيتك خجل عن لا تبيّن ذيب
خفتك تبتسم وانيابك يطلعن
امّنتك عمر وركَه اعله وجه الماي
اتمرجح صبر وامواجك يصفعن
عمري اوياك سبحه ابخيط مابي روح
خايف ينكطع واسنيني ينزعن
وانطيتك اسنيني وطعنتك والليل
رجعت طعنتك واسنيني ما رجعن
مدري اعظام ظهري العرينتهن بيض
مدري انياب سيفك بالضوه ايلمعن
لا تكسر اضلوعي الماسه من تنظام
اشما كثرن اكسور اضلوعهه ايشعن
بعد كوخ العمر ما عاد حدره اسنين
منجل والمبارد بالعمر شبعن
ايّس لا بعد بعيوني واهس ذيب
ولا غزلان طيفك بالجفن يرعن
صفنة يا عقل تحكم اعليهن توم
اجروحي اتشيّلن واجروحك ايرضعن
ولو ميزان وكتك من كبل خاواك
انته اتبوك وآنه اجفوفي ينكطعن
خنت شوفي وخذيت امتوني والجنحان
ومن ثكل الخيانه امتونك انخلعن
اليصعد مو شرط شايل ابمتنه اجناح
السهام ابلا جنح بس فوك يرتفعن
شفت حملي رمح وامتوني من فلّين
ذبلت غيرتك واسهامك الفزعن
وسامة خنجرك لمّت اجروحي اعليك
احجبهن صبر واكبالك ايفرعن
من طبع الجرح يرتاح حتى ايموت
واسيوفك جواعه وبالجرح رتعن
عفتني اعله الدرب طفله ابوجه محروك
وكف بس الصبر بعيونهه اتمعّن
لا تتبعني احركك جفني ينزف نار
تبعنّي السنين وكبلك انلسعن
تسحك خاطري ويصعد لراسك ماي
ويذبلن احلامي البالهوه انزرعن
مثل ما جان طيفك بالجفن مطبوع
فوك اعظام ظهري اجدامك انطبعن
مصطفى الاشتراني
امس من باگو اعيونك گلت غنو مواويلي
امس من من شبگو چفوفك
تكسر سنبلي بچفي وعرفت ابكسرة الفلاح
من ضاعت محاصيلي
يا بذات يالتشبه حنين الخذلو امالة
تعز روحي اسمع بطاريك وتكتر بالوشاله
چنت راويك ياعرج الصنوبر وانا المحليك
ياطير العشگ غير الصدگ شنطيك
امس من حطو اعله اسمك سوالف لوم
گمت ابچيك
غطيني بحلات النوم ياطيفي وحبيب النوم
اخذني اوياك يا ميزة عيوني ولذة المكتوم
يانبعة ولع روحي الگظاها اللوم
خفت يالوصلتني امن الزعل للسوم
لون تدري الضوه ابراس الضرير احلام ماخليتني اتمنه
ولو طبع الرجه ايتعب الگلوب البيض
وخاف ابذلتي اتحنه
ونشدك ليش كاروك الصور يمك غفه بحسرة دللولك
گبل من حملي وتنخاك هسه احمولي وحمولك
شوف شگد خذتنا بعيد يالنادر
ولا حب اشتهي اتخطاك غلطه بعثرة الشاطر
امس من باگو اعيونك گلت غنو مواويلي
امس من من شبگو چفوفك
تكسر سنبلي بچفي وعرفت ابكسرة الفلاح
من ضاعت محاصيلي
يا بذات يالتشبه حنين الخذلو امالة
تعز روحي اسمع بطاريك وتكتر بالوشاله
چنت راويك ياعرج الصنوبر وانا المحليك
ياطير العشگ غير الصدگ شنطيك
امس من حطو اعله اسمك سوالف لوم
گمت ابچيك
غطيني بحلات النوم ياطيفي وحبيب النوم
اخذني اوياك يا ميزة عيوني ولذة المكتوم
يانبعة ولع روحي الگظاها اللوم
خفت يالوصلتني امن الزعل للسوم
لون تدري الضوه ابراس الضرير احلام ماخليتني اتمنه
ولو طبع الرجه ايتعب الگلوب البيض
وخاف ابذلتي اتحنه
ونشدك ليش كاروك الصور يمك غفه بحسرة دللولك
گبل من حملي وتنخاك هسه احمولي وحمولك
شوف شگد خذتنا بعيد يالنادر
ولا حب اشتهي اتخطاك غلطه بعثرة الشاطر