حسين التوبي
من تلگى الـ بگلبك مالــــه شرّايّة
من عينك تظل اتّطلع الحـﭼـايـــــة
اليكابر والشمس بالمغرب يطيحون
وانا ذيـﭻ الرسوم المالها امرايـّـــــة
وفضيحة وروحتك ما بيها حُر صواب
غفل من فارس البر طاحت الراية
فِلَت منك گلب ماكو أربعين وياه
على اخشوم النوارس مِنفرض رايه
يغالي السوم يغري الما يعرف السوگ
يالمغرب بِعــــــــت لِگطة الشــــرايّة
مو يومية يثگل خيــــط للصــــــــياد
ولا دوم البراگــــــــــــــع تستر الغاية
يِبهَت كل عذر ما ينحـﭼـي من العين
ودومه الما مصَدّك يحلف اهوايّة
مأمن فِلت سرّي بطاسة الناعور
وادري يبيع كلشي الما حفظ مايه
التراب وعين وحده وسهم حصته تصير
الرضا يگضي العمر نيشان رمايّة
وثمر نابك يشّهي امتون المأمنين
والتروضه العيون تبوگه الحـﭼـاية
ومن تبهت الغبشة بعين اليسهرون
المن ظاله گلوبــــــــــــات الولاية ..
ومن تفگد الرغبة بعين اليتانيك
من عينك تظل تطلع الحـﭼــــاية
من تلگى الـ بگلبك مالــــه شرّايّة
من عينك تظل اتّطلع الحـﭼـايـــــة
اليكابر والشمس بالمغرب يطيحون
وانا ذيـﭻ الرسوم المالها امرايـّـــــة
وفضيحة وروحتك ما بيها حُر صواب
غفل من فارس البر طاحت الراية
فِلَت منك گلب ماكو أربعين وياه
على اخشوم النوارس مِنفرض رايه
يغالي السوم يغري الما يعرف السوگ
يالمغرب بِعــــــــت لِگطة الشــــرايّة
مو يومية يثگل خيــــط للصــــــــياد
ولا دوم البراگــــــــــــــع تستر الغاية
يِبهَت كل عذر ما ينحـﭼـي من العين
ودومه الما مصَدّك يحلف اهوايّة
مأمن فِلت سرّي بطاسة الناعور
وادري يبيع كلشي الما حفظ مايه
التراب وعين وحده وسهم حصته تصير
الرضا يگضي العمر نيشان رمايّة
وثمر نابك يشّهي امتون المأمنين
والتروضه العيون تبوگه الحـﭼـاية
ومن تبهت الغبشة بعين اليسهرون
المن ظاله گلوبــــــــــــات الولاية ..
ومن تفگد الرغبة بعين اليتانيك
من عينك تظل تطلع الحـﭼــــاية
عصام كريم
انا لو ما رايدك ماعاتبك
الماخذك ما يسوة رفعة حاجبك
انت ذاك الظل مكانك خالي
حتى من تخون تبقى الغالي
روح لكن غيري بيمن عاجبك
ينطي حقك بالوصف لو غازلّك؟
ويعرف يرجعك طفل لو دللّك
ويدري ضحك الدنيا من شفايفك
وهم يشوف الموت اذا ما شايفك
وعالصغيرة وعالجبيرة يحاسبك
انت من تشتاگلي عندك بديل
هاي اذا تشتاگلي ..
وانا والحسرات ودموعي التسيل
والفراغ بداخلي
انا اتمنى البديل يخون
حتى تدري شصار بيه بدونك
وحتى تدري شجنت الي وشحاسبك
شلون خلصت الليالي احجيلي
بدونك انا الثانية اتهد حيلي
جربت كل الينسّي وما نسيت
ولملمت كل حيلي يمك
لجن من شفتك بجيت
انا ما رايد اشوفك .. رايد انت تشوفني
وارد اشوفك لون وجهي وحالي من تعوفني
الف هنيالك نسيت ..
وبشخص غيري التهيت
انا بعدك دورت كل اليشبهونك عليك وما لگيتك
وخانّي التعبير يمك من حـﭼـيت
ردت اگللك نسيتك ..
طلعت بحلگي الـ نسيت
اذا متريدني وما بيك جيّة
وما مر بيك ضيم المار بية
لتخليني حاير بين الاثنين
لو تانيك لو تاني المنية
انا اتمنى اگلك عايش بخير
بس المشكلة مبين عليه
صح اشوية جنت اتشوف وياك
بس الشفته منك مو اشويه
اگبالي الـ عليّ دوّر زلة السان
سولفت الألي و المو الية
سألوني اعلى گلبي وگلت خالي
وعشت احساس واحد لا أُبالي
بس ما طولت عرفوني مشتاگ
من فكرت بيك بصوت عالي
انا لو ما مرخص روحي وياك
وغلاتك ما صرت هالكثر غالي
واضحك والفراگ يگود بيه
مدري الـ يا مذلة ويا اذيه
حيلي وهيبتي ودمعات العيون
خلصن ..بس معزتك ذيج هيه
كبر بيه الصلح حد التواسيل
وانا ما حامله من جان نية
حقك ما مجربها الحرامات
ولا خنگتك مرة المغربية
ولا عايش احساس اليبجي بسكوت
تخنگ بالدمع ويفضحك الصوت
گدامك بشر بسنينك يعيش
مو حقي من اگلك مشتهي الموت
انا بـ اخر نفس واتحرك الباب
اتمنيتك انتَ ولا هوى يفوت
المهم خلصت القصة هاي هيَ
ووشالة نظر وعناد ريّة
ورقة مشگگة من دموع العيون
وقلم ما مستقر يرجف بـ ادية
خلصت القصيدة وظل نقص بيت
هذا البيت تلگاه بالوصية ..
انا لو ما رايدك ماعاتبك
الماخذك ما يسوة رفعة حاجبك
انت ذاك الظل مكانك خالي
حتى من تخون تبقى الغالي
روح لكن غيري بيمن عاجبك
ينطي حقك بالوصف لو غازلّك؟
ويعرف يرجعك طفل لو دللّك
ويدري ضحك الدنيا من شفايفك
وهم يشوف الموت اذا ما شايفك
وعالصغيرة وعالجبيرة يحاسبك
انت من تشتاگلي عندك بديل
هاي اذا تشتاگلي ..
وانا والحسرات ودموعي التسيل
والفراغ بداخلي
انا اتمنى البديل يخون
حتى تدري شصار بيه بدونك
وحتى تدري شجنت الي وشحاسبك
شلون خلصت الليالي احجيلي
بدونك انا الثانية اتهد حيلي
جربت كل الينسّي وما نسيت
ولملمت كل حيلي يمك
لجن من شفتك بجيت
انا ما رايد اشوفك .. رايد انت تشوفني
وارد اشوفك لون وجهي وحالي من تعوفني
الف هنيالك نسيت ..
وبشخص غيري التهيت
انا بعدك دورت كل اليشبهونك عليك وما لگيتك
وخانّي التعبير يمك من حـﭼـيت
ردت اگللك نسيتك ..
طلعت بحلگي الـ نسيت
اذا متريدني وما بيك جيّة
وما مر بيك ضيم المار بية
لتخليني حاير بين الاثنين
لو تانيك لو تاني المنية
انا اتمنى اگلك عايش بخير
بس المشكلة مبين عليه
صح اشوية جنت اتشوف وياك
بس الشفته منك مو اشويه
اگبالي الـ عليّ دوّر زلة السان
سولفت الألي و المو الية
سألوني اعلى گلبي وگلت خالي
وعشت احساس واحد لا أُبالي
بس ما طولت عرفوني مشتاگ
من فكرت بيك بصوت عالي
انا لو ما مرخص روحي وياك
وغلاتك ما صرت هالكثر غالي
واضحك والفراگ يگود بيه
مدري الـ يا مذلة ويا اذيه
حيلي وهيبتي ودمعات العيون
خلصن ..بس معزتك ذيج هيه
كبر بيه الصلح حد التواسيل
وانا ما حامله من جان نية
حقك ما مجربها الحرامات
ولا خنگتك مرة المغربية
ولا عايش احساس اليبجي بسكوت
تخنگ بالدمع ويفضحك الصوت
گدامك بشر بسنينك يعيش
مو حقي من اگلك مشتهي الموت
انا بـ اخر نفس واتحرك الباب
اتمنيتك انتَ ولا هوى يفوت
المهم خلصت القصة هاي هيَ
ووشالة نظر وعناد ريّة
ورقة مشگگة من دموع العيون
وقلم ما مستقر يرجف بـ ادية
خلصت القصيدة وظل نقص بيت
هذا البيت تلگاه بالوصية ..
كاظم لاله
إعترافات تحت الجلد
أمّا ان السقطة كانت بطيئة ، أو أن البئرَ كانت عميقة لدرجةٍ أنه استطاع أن يرى كل ما حوله ...
ريح ...
ريح وآنه غيمه إبِّين إيديك
إبيا كتر
يا گاع
أمطر لك .. أطيح ؟
ريح ..
لملمني حبيبي
ريح ..
طوِّگني حبيبي
أصعد لوجه الشمس
للفي أسيح
شلتك بروحي صليب
إو كل نبض بيّه مسيح
إو گتلي :
إبن آدم
بغير حزن الناس
إو فرح الناس
إو حلم الناس
لا هو ماي
إو لا هو ريح
إو جيتك بحبر إعترافي وإعتذاري
ابلا محبتك
لا آني ماي
إو لا آني ريح
.........
إعترافات تحت الجلد
أمّا ان السقطة كانت بطيئة ، أو أن البئرَ كانت عميقة لدرجةٍ أنه استطاع أن يرى كل ما حوله ...
ريح ...
ريح وآنه غيمه إبِّين إيديك
إبيا كتر
يا گاع
أمطر لك .. أطيح ؟
ريح ..
لملمني حبيبي
ريح ..
طوِّگني حبيبي
أصعد لوجه الشمس
للفي أسيح
شلتك بروحي صليب
إو كل نبض بيّه مسيح
إو گتلي :
إبن آدم
بغير حزن الناس
إو فرح الناس
إو حلم الناس
لا هو ماي
إو لا هو ريح
إو جيتك بحبر إعترافي وإعتذاري
ابلا محبتك
لا آني ماي
إو لا آني ريح
.........
مصطفى الخزاعي
يعبرني السكوت أشراع لعيونك
وأضم عن شوفتك تعبي ..
وأجيس ﭼـفوفك الحلوة ..
اغاني و شمس عصرية وشعر شعبي
وحدر فيّ الزلف عصفور أذب تعبي
وأفز والگاك مو يمي ..
واكفر بالصحو الباگك من عيوني ولـﭼـم گلبي
غصن عطشان يا گلبي
يا صاحب المتعوبين يا گلبي
هايم مثل المتيهين يا گلبي
هايم والدروب السود يغرگ بيهن اخيالي ويرد ضامي
واجيك من الصحو للطيف احضنك جذب بـ احلامي
واگلك هاك انا بدونك صور متشابهة ايامي
واگلك ليش ما تحلى الليالي الا من اگول اسمك
حزن كل الأغاني يوّرد بروحي من اگول اسمك
صدى ليلة مطر يندار بضلوعي من اگول اسمك
وأسافر بالونين اشراع ..
واسكت والبـﭼـي يرسمك ..
واسكت واشتعل والگاك
بـ اركاد النفس شهگة ..
واصبر الروح بالدخان
واجيك من الرماد ولاية محترگة
واجيسك مشتعل جمرة بهبوب الريح
واطفى بـ أول الشبگة ..
واگلك وي كل شهگة اشتهيت اضحك بوجهك والدموع تسيح
يا ذلة ادموعي التغفة كل ليلة على الوجنات وانت الريح
يا رخص الهلا التذبل ورة البيبان وانت الريح ..
ولك يبعيــــــــد يالبيّة..
يالبيك الضحك شمسين ..
بيه من الحزن غنوة جنوبية ..
وبيه من التعب جم ليل
ما بين السهر والحيف
بهتت كل معانيّه
وليلة من النشد والشوگ اضويلك
بـ اثر كل دمعة گمرية ..
بـ اثر كل السمار الدافن اهمومي بتجاعيده
اخضّـر كون الك جيّة
يعبرني السكوت أشراع لعيونك
وأضم عن شوفتك تعبي ..
وأجيس ﭼـفوفك الحلوة ..
اغاني و شمس عصرية وشعر شعبي
وحدر فيّ الزلف عصفور أذب تعبي
وأفز والگاك مو يمي ..
واكفر بالصحو الباگك من عيوني ولـﭼـم گلبي
غصن عطشان يا گلبي
يا صاحب المتعوبين يا گلبي
هايم مثل المتيهين يا گلبي
هايم والدروب السود يغرگ بيهن اخيالي ويرد ضامي
واجيك من الصحو للطيف احضنك جذب بـ احلامي
واگلك هاك انا بدونك صور متشابهة ايامي
واگلك ليش ما تحلى الليالي الا من اگول اسمك
حزن كل الأغاني يوّرد بروحي من اگول اسمك
صدى ليلة مطر يندار بضلوعي من اگول اسمك
وأسافر بالونين اشراع ..
واسكت والبـﭼـي يرسمك ..
واسكت واشتعل والگاك
بـ اركاد النفس شهگة ..
واصبر الروح بالدخان
واجيك من الرماد ولاية محترگة
واجيسك مشتعل جمرة بهبوب الريح
واطفى بـ أول الشبگة ..
واگلك وي كل شهگة اشتهيت اضحك بوجهك والدموع تسيح
يا ذلة ادموعي التغفة كل ليلة على الوجنات وانت الريح
يا رخص الهلا التذبل ورة البيبان وانت الريح ..
ولك يبعيــــــــد يالبيّة..
يالبيك الضحك شمسين ..
بيه من الحزن غنوة جنوبية ..
وبيه من التعب جم ليل
ما بين السهر والحيف
بهتت كل معانيّه
وليلة من النشد والشوگ اضويلك
بـ اثر كل دمعة گمرية ..
بـ اثر كل السمار الدافن اهمومي بتجاعيده
اخضّـر كون الك جيّة
عقيل العرد
هو ياهو اليدري بيك
صعد سعرك ..
نزل سعرك
انت محد يشتريك
تبجي .. تضحك
توگع بدربك.. تكوم
تصيح افزعوا
ياهو يفزعلك ؟
وياهو اليعتنيك ؟
انت محبس ذهب ضايع من هلك
اهلك موصين سوك الذهب كله وما لكوك
وانت ما ضايع ..
هذاك انت ذهب فوك المنارة
مبين ومحد يجيك
انت ما ضايع ابد
انت هذاك
حتى الاعمى يشوفك ويبجي عليك
وما لكوك
انت ذنبك مشتريهم كلهم .. وكلهم نسوك
هو ياهو اليدري بيك
صعد سعرك ..
نزل سعرك
انت محد يشتريك
تبجي .. تضحك
توگع بدربك.. تكوم
تصيح افزعوا
ياهو يفزعلك ؟
وياهو اليعتنيك ؟
انت محبس ذهب ضايع من هلك
اهلك موصين سوك الذهب كله وما لكوك
وانت ما ضايع ..
هذاك انت ذهب فوك المنارة
مبين ومحد يجيك
انت ما ضايع ابد
انت هذاك
حتى الاعمى يشوفك ويبجي عليك
وما لكوك
انت ذنبك مشتريهم كلهم .. وكلهم نسوك
موعود قاسم الرشيدي
گبل ...
من چانت الوادم تنتفض
و تغني للدم ...
چنت ازغر من سؤالات البالي
و چفي ما تنشال بي صخره التعور ...
و چتفي مايوصل احزام الزلمه الذاك ...
الواگف يفشر على اصوات الفشگ
چانت الوادم
تريد الدم طري يضل ابعرجهم
و چانو البالسجن يردون الحبر يتلف اديهم
گاعد اكتب بالقصيدة
و غاز اليسيل الدموع ...
غوش الصورة البالي
و ايدي تاهت من ابوحزام اليفشر
و اركضت مالي جدم
بيام عمري
الگيت روحي بگهوه عل شط ...
و الاخبار تسولف عله ابني
الي طلعو من حدر بيتي المهدم ...
ابچي ...
والدمعه التكض ريحة تتن
هاي مبچيه صدگ لجل الوطن ...
ابچي ...
والاخبار طلع صوت ابوي
ايدور عليه
منو شايف ولد ...
مكتول
وبجيبه قصيدة ..
.
.
گبل ...
من چانت الوادم تنتفض
و تغني للدم ...
چنت ازغر من سؤالات البالي
و چفي ما تنشال بي صخره التعور ...
و چتفي مايوصل احزام الزلمه الذاك ...
الواگف يفشر على اصوات الفشگ
چانت الوادم
تريد الدم طري يضل ابعرجهم
و چانو البالسجن يردون الحبر يتلف اديهم
گاعد اكتب بالقصيدة
و غاز اليسيل الدموع ...
غوش الصورة البالي
و ايدي تاهت من ابوحزام اليفشر
و اركضت مالي جدم
بيام عمري
الگيت روحي بگهوه عل شط ...
و الاخبار تسولف عله ابني
الي طلعو من حدر بيتي المهدم ...
ابچي ...
والدمعه التكض ريحة تتن
هاي مبچيه صدگ لجل الوطن ...
ابچي ...
والاخبار طلع صوت ابوي
ايدور عليه
منو شايف ولد ...
مكتول
وبجيبه قصيدة ..
.
.
عامر عاصي
إلى حبيبة جبار رشيد:
روحچ بسيطة، همومچ زغار
وبيچ العشگ، ما جرّب النار
أدري الزغيرة، إتَيّه الاعذار
بس آنه اشوف بعين جبار
…..
من چان گلبچ لا أُبالي
وچانت احلامچ بالعلالي
بليلة من ذيچ الليالي
جبار، فك گلبه وحچالي
….
گال انتظرها، وما أمِلها
واضفر همومي، وما أفِلها
وافتِگ جروحي، وما أشِلها
وعود من اموت، اكتِبهِن الها
…..
گلها الوكت ما چان بيده
ولا روَّض احلامه البعيدة
يا نجمته،
ويهلال عيده
جبار مو شاعر … قصيدة
……
گلها آنه ابن أم، شوگها صواب
من تخبز، التنور محراب
آنه ابن فوطة متانية ابّاب
وچرغد سِلِم، (والسيف چِلّاب)
…….
حربين طاحن فوگ راسي
وصعدت على چتافي الكراسي
ما جاملت يوم السياسي
من كاسَرِت بالناس كاسي
…….
گلها آنه واحد … واحد بجيل
أزرع گصب، واحصد مواويل
من يندفِنْ حدر الكحل ميل؟
منين ألگه لعيونچ مراسيل؟
….
آنه الفقير الطاح بالبير
وضاع بمزادات النواطير
تدرين بالحيطان شيصير؟
الصور ثارت عالبسامير
…..
ترضين مالچ بالوطن دار؟
وتتحمّلين العمر طشّار؟
منّ المشط بزلوفچ يغار
مسودن بكلشي البيچ جبار
…..
جبار، يا حفنة نشامى
ينجرح، لو صادو حمامة
خد من بچي، وخد ابتسامة
ومغسول، بدموع اليتامه
….
گِلّلها گضّة الليل مهموم
طير وعليچ يدور ويحوم
كون القصايد، تلبس هدوم
چا فصّلتلچ غيم ونجوم
…..
گلّلها چفه يريد حِنّه
مجروح، ظل ينزف محنّه
شما طاح، يذبل لحن منّه
شاعر .. وصار طوير جنّة
…….
عشگي، العِشِگ يحتاج نشتاگ
يحتاج دمعة، بگد الفراگ
وضوگي، الحلم بالليل ينضاگ
وعيشي الحرامي… الليل بوّاگ
……
گلّلها جبار اشتهى الموت
من صار عمره بزندچ بتوت
جرفچ ذهب، والماي ياقوت
وكل حرف باسمچ، صار تابوت
…..
جبار، مو عايز جزالة
بس ذيب، مسكون بغزالة
من يرسم مراية بخياله
تنكسر بضلوعه الرسالة
إلى حبيبة جبار رشيد:
روحچ بسيطة، همومچ زغار
وبيچ العشگ، ما جرّب النار
أدري الزغيرة، إتَيّه الاعذار
بس آنه اشوف بعين جبار
…..
من چان گلبچ لا أُبالي
وچانت احلامچ بالعلالي
بليلة من ذيچ الليالي
جبار، فك گلبه وحچالي
….
گال انتظرها، وما أمِلها
واضفر همومي، وما أفِلها
وافتِگ جروحي، وما أشِلها
وعود من اموت، اكتِبهِن الها
…..
گلها الوكت ما چان بيده
ولا روَّض احلامه البعيدة
يا نجمته،
ويهلال عيده
جبار مو شاعر … قصيدة
……
گلها آنه ابن أم، شوگها صواب
من تخبز، التنور محراب
آنه ابن فوطة متانية ابّاب
وچرغد سِلِم، (والسيف چِلّاب)
…….
حربين طاحن فوگ راسي
وصعدت على چتافي الكراسي
ما جاملت يوم السياسي
من كاسَرِت بالناس كاسي
…….
گلها آنه واحد … واحد بجيل
أزرع گصب، واحصد مواويل
من يندفِنْ حدر الكحل ميل؟
منين ألگه لعيونچ مراسيل؟
….
آنه الفقير الطاح بالبير
وضاع بمزادات النواطير
تدرين بالحيطان شيصير؟
الصور ثارت عالبسامير
…..
ترضين مالچ بالوطن دار؟
وتتحمّلين العمر طشّار؟
منّ المشط بزلوفچ يغار
مسودن بكلشي البيچ جبار
…..
جبار، يا حفنة نشامى
ينجرح، لو صادو حمامة
خد من بچي، وخد ابتسامة
ومغسول، بدموع اليتامه
….
گِلّلها گضّة الليل مهموم
طير وعليچ يدور ويحوم
كون القصايد، تلبس هدوم
چا فصّلتلچ غيم ونجوم
…..
گلّلها چفه يريد حِنّه
مجروح، ظل ينزف محنّه
شما طاح، يذبل لحن منّه
شاعر .. وصار طوير جنّة
…….
عشگي، العِشِگ يحتاج نشتاگ
يحتاج دمعة، بگد الفراگ
وضوگي، الحلم بالليل ينضاگ
وعيشي الحرامي… الليل بوّاگ
……
گلّلها جبار اشتهى الموت
من صار عمره بزندچ بتوت
جرفچ ذهب، والماي ياقوت
وكل حرف باسمچ، صار تابوت
…..
جبار، مو عايز جزالة
بس ذيب، مسكون بغزالة
من يرسم مراية بخياله
تنكسر بضلوعه الرسالة
#قصيدة_وشاب
حسين سعد (بغداد)
"بهداي"
بهداي حط عالجرح
ضمّادة خل ارتاح
جبتك تداوي الجرح
مو تحط فوگه اجراح
بهداي ، گلبي رِخي
وحمولك اثگيلة
تَعّبت عمري الگضا
خُف عاللّي باقي له !
اشذنبه الگلب من عطش
ما ضاگ الِتمناه …
ولبسته ثوب الحزن
تطريزه من الآه
ما ولّهتني ابعشگ
يا مال من طرواي
چانت مشيتك رمح
كل خطوة دگ ب اعضاي
من چنت خمرة ، چنت
بهداي المن بيك …
چا هيچ صار الجِزا ؟
اتطشّر دمع راعيك !
حسبالي گد كلمتك
والشينة متلوحك
چا من تِفض عشرتك
إلّا ابرخص روحك .. !
ما غرى اعيونك نهر
اتحب بالسراب اتديح
انت الطفيت الشمع
مو زحمة الوم الريح
صاعد قطار الغرب
مو عن قناعة وراي
چنك اوراق المشت
مغصوبة فوگ الماي
يا گلبي غلطة وبعد
بطّل لتحچي لِي
اشعندي دخلت ابعشگ
ماخذني من حيلي !
يا عيني ليش الأمل ؟
ما بقت بوب اعتاب !
هيه خيانة ضوى
مَد روحه للسرداب …
حسين سعد (بغداد)
"بهداي"
بهداي حط عالجرح
ضمّادة خل ارتاح
جبتك تداوي الجرح
مو تحط فوگه اجراح
بهداي ، گلبي رِخي
وحمولك اثگيلة
تَعّبت عمري الگضا
خُف عاللّي باقي له !
اشذنبه الگلب من عطش
ما ضاگ الِتمناه …
ولبسته ثوب الحزن
تطريزه من الآه
ما ولّهتني ابعشگ
يا مال من طرواي
چانت مشيتك رمح
كل خطوة دگ ب اعضاي
من چنت خمرة ، چنت
بهداي المن بيك …
چا هيچ صار الجِزا ؟
اتطشّر دمع راعيك !
حسبالي گد كلمتك
والشينة متلوحك
چا من تِفض عشرتك
إلّا ابرخص روحك .. !
ما غرى اعيونك نهر
اتحب بالسراب اتديح
انت الطفيت الشمع
مو زحمة الوم الريح
صاعد قطار الغرب
مو عن قناعة وراي
چنك اوراق المشت
مغصوبة فوگ الماي
يا گلبي غلطة وبعد
بطّل لتحچي لِي
اشعندي دخلت ابعشگ
ماخذني من حيلي !
يا عيني ليش الأمل ؟
ما بقت بوب اعتاب !
هيه خيانة ضوى
مَد روحه للسرداب …
عباس الغالبي
ذكرتني بخوفي مني ..
من امد ايدي على گلبي امنيتي اجيسك
وجستك بحزني ولگيتك
ردّة شموس العصر لبيوت باچر
عيوني چن تراب غربة ..
ما اعرف منين يوگف للهوه ويشبه فرگتك
آخ لو ادري بشبابيچك ورگ سدرة
و تريد تخون فيها چا حرگتك
بس ذكرتك ..
دوم اذكرك
حتى من يسكت الشاعر هم اذكرك
حتى من يبچي الوطن ع العيد اذكرك
من يضوگ إنسان اسمه بغير جنسية
و يموت هواي اذكرك
من تنام على المنارة حميمة بردانة اذكرك
ما لهيت ..
شگد حلاة تطيح گدامي و تموت
وحارگ گليبي على مرّك
چني ويلاه بحلگ ما يعرف أحد
ذكرتني بخوفي مني ..
من امد ايدي على گلبي امنيتي اجيسك
وجستك بحزني ولگيتك
ردّة شموس العصر لبيوت باچر
عيوني چن تراب غربة ..
ما اعرف منين يوگف للهوه ويشبه فرگتك
آخ لو ادري بشبابيچك ورگ سدرة
و تريد تخون فيها چا حرگتك
بس ذكرتك ..
دوم اذكرك
حتى من يسكت الشاعر هم اذكرك
حتى من يبچي الوطن ع العيد اذكرك
من يضوگ إنسان اسمه بغير جنسية
و يموت هواي اذكرك
من تنام على المنارة حميمة بردانة اذكرك
ما لهيت ..
شگد حلاة تطيح گدامي و تموت
وحارگ گليبي على مرّك
چني ويلاه بحلگ ما يعرف أحد
السلام عليكم اصدقاء قصيدة وشاعر،
أذكروا النا بخانة التعليقات
اسماء شعراء شباب .. تحبون تشوفون قصائدهم بالقناة ..مع الحُب
أذكروا النا بخانة التعليقات
اسماء شعراء شباب .. تحبون تشوفون قصائدهم بالقناة ..مع الحُب
باهر الجنديل
انت اتخيل الحالة الوصلناها
وادم ما يعرفونك سألناها
والهدوم اللبسناها بمواعيدك
شگد صغرن علينا وما انطيناها
اذا جابوا اخبارك نبجي ..
اذا جابوك نذبحلك الاصيلة الما ركبناها
نگعدك وين ما ظلينا نبجي عليك
لأن اكثر برودة هناك تلگاها
هديتك ما گدر يكبر عليها تراب
مثلها گبور اهلنا ما مسحناها
ونغطيها احتراماً ما بقينا نشوف
مثل الناس اليغطون موتاها
وغفينا من البـﭼـي والا احنه سهرانين
ونومه الوفه دينه الليلة نمناها
ودكاكين العزاهم خلص من كم يوم
هيج عيوننا گوة فتحناها
هاي عيوننا لو ما فراگك جان ..
يگدر هالسواد يصير جواها
ونشدناهم عليك وگالوا مغيريك
وصدمتنا السوالف من سمعناها
گالوا عافكم گلنا احنه شمسوين
گالوا شگ صوركم ..گلنا فوگاها!
غلطتك ما تجي .. وغلطتنا منتظريك
وكتبنالك قصايد ما قريناها
احنه الـ بالمگابر دمعة ما يبجون
وعليك المغرب اتنگع لحاياها
هسه احنه جذب ما عايشين بخير
بنص الفوضوية الما فهمناها
نركض نلتفت ..تركض ورانا وجوه
ما ناسين ..بس ردنا ننساها
انت اتخيل الحالة الوصلناها
وادم ما يعرفونك سألناها
والهدوم اللبسناها بمواعيدك
شگد صغرن علينا وما انطيناها
اذا جابوا اخبارك نبجي ..
اذا جابوك نذبحلك الاصيلة الما ركبناها
نگعدك وين ما ظلينا نبجي عليك
لأن اكثر برودة هناك تلگاها
هديتك ما گدر يكبر عليها تراب
مثلها گبور اهلنا ما مسحناها
ونغطيها احتراماً ما بقينا نشوف
مثل الناس اليغطون موتاها
وغفينا من البـﭼـي والا احنه سهرانين
ونومه الوفه دينه الليلة نمناها
ودكاكين العزاهم خلص من كم يوم
هيج عيوننا گوة فتحناها
هاي عيوننا لو ما فراگك جان ..
يگدر هالسواد يصير جواها
ونشدناهم عليك وگالوا مغيريك
وصدمتنا السوالف من سمعناها
گالوا عافكم گلنا احنه شمسوين
گالوا شگ صوركم ..گلنا فوگاها!
غلطتك ما تجي .. وغلطتنا منتظريك
وكتبنالك قصايد ما قريناها
احنه الـ بالمگابر دمعة ما يبجون
وعليك المغرب اتنگع لحاياها
هسه احنه جذب ما عايشين بخير
بنص الفوضوية الما فهمناها
نركض نلتفت ..تركض ورانا وجوه
ما ناسين ..بس ردنا ننساها
الإستاذ علي الشبّاني
مستاحش
تمر بيّة السـﭼـﭻ سكتة ..وأرد مذبوح
لن طولك بعد مامش
ولك عمري عطش .. عمري مهر مجنون
ولك عمري تعنالك .. يهلبت ﭼـلمة بيك تهون
أنا الطحت بدروبك مِذلّة .. وهَم
أفر گلبي بسواليفك وأطيحن دم ..
وإنتَ امسيّس بكل السواجي اورود
وانتَ امسيّس بكل الگلوب اورود
وبروحي تمر جدحة نجم للگاع
تجرحني ولا عوفك
وأخافن تثگل عيوني من أشوفك!
وأطيح بروحي من تجزي حطب وألهب
وإنتَ ولا تخضّر عود ..
ولك خضّر ولو بس ماي
اجيك امناحر السـﭼـة ..الـحـﭼـي امترّب على عيوني
وأصابيعي دمع وأمشيلك امرايّه
اجيك بحيل فختاية وأرد الك عشگ ما ينگال
وأطگ بعيونك المغرب شذر وهلال
ياخذني عليك الليل ..يالطولك سمه وهلال
أگعد بدربك سمه .. وإنتَ أكبر بعمري گمر
انا المبعثر سواجي ..وانتَ ها وسعك نهر
انا بيَّ السكتة تمشي سنين ..
تعبان النهر بالماي
ثگلان النهر بالطين
والسكتة جسر عالماي .. روحي لـ يا جرف تردين
يا هلبت تجي بلا خوف
زاهي الشوف بعيونك .. واحجيلك علي الليل كلّه
وترجف بروحي محنّة ..
غنّى حتى الخوف ..بيَّ الماي غنّى
وفاضت بروحي المحنّة ..
وأعتنيت الشوگ بيَّ وما خفت
خافت عيونك عليّة وما خفت
طشريت أيامي ..دوهني غرامك حيل
وبروحي تهت ..
وأنتَ كلش مستريح .. وانا من شفتك همت
انا من شفتك شبابيج العمر وجّن ضوة وقدّاح ..
وأيامي رصيف يروح للملگة ..ويرد مرتاح
والبيت اليخضرلك على العتبة عشب أخضر
وأظل انا على الشوفات خلگ يزغر ..خلگ يكبر
وتظل إنتَ على ايامي حرير أشگر .. حرير أشگر ..
مستاحش
تمر بيّة السـﭼـﭻ سكتة ..وأرد مذبوح
لن طولك بعد مامش
ولك عمري عطش .. عمري مهر مجنون
ولك عمري تعنالك .. يهلبت ﭼـلمة بيك تهون
أنا الطحت بدروبك مِذلّة .. وهَم
أفر گلبي بسواليفك وأطيحن دم ..
وإنتَ امسيّس بكل السواجي اورود
وانتَ امسيّس بكل الگلوب اورود
وبروحي تمر جدحة نجم للگاع
تجرحني ولا عوفك
وأخافن تثگل عيوني من أشوفك!
وأطيح بروحي من تجزي حطب وألهب
وإنتَ ولا تخضّر عود ..
ولك خضّر ولو بس ماي
اجيك امناحر السـﭼـة ..الـحـﭼـي امترّب على عيوني
وأصابيعي دمع وأمشيلك امرايّه
اجيك بحيل فختاية وأرد الك عشگ ما ينگال
وأطگ بعيونك المغرب شذر وهلال
ياخذني عليك الليل ..يالطولك سمه وهلال
أگعد بدربك سمه .. وإنتَ أكبر بعمري گمر
انا المبعثر سواجي ..وانتَ ها وسعك نهر
انا بيَّ السكتة تمشي سنين ..
تعبان النهر بالماي
ثگلان النهر بالطين
والسكتة جسر عالماي .. روحي لـ يا جرف تردين
يا هلبت تجي بلا خوف
زاهي الشوف بعيونك .. واحجيلك علي الليل كلّه
وترجف بروحي محنّة ..
غنّى حتى الخوف ..بيَّ الماي غنّى
وفاضت بروحي المحنّة ..
وأعتنيت الشوگ بيَّ وما خفت
خافت عيونك عليّة وما خفت
طشريت أيامي ..دوهني غرامك حيل
وبروحي تهت ..
وأنتَ كلش مستريح .. وانا من شفتك همت
انا من شفتك شبابيج العمر وجّن ضوة وقدّاح ..
وأيامي رصيف يروح للملگة ..ويرد مرتاح
والبيت اليخضرلك على العتبة عشب أخضر
وأظل انا على الشوفات خلگ يزغر ..خلگ يكبر
وتظل إنتَ على ايامي حرير أشگر .. حرير أشگر ..
أمير ال جدوع
زحمة دمعي
زحمة توگع يم شماتة
ولصف مايّك كاسِر عيون المناير
زحمة دمعي ..وروج طبعك
ليش فلّاك البلم فلّة ظفاير
والموگعك شايل اطباع الگناطر
عنده خير الماي وافر
ما يهملك ..
وصى كل شامت بموتك خاف ينسى يغني باجر ..
لا يدمعي ..
الطيحة ما مرجية منك ..
يبو عيون الجانت تربي كرامة ..
موش گتلك بالرسايل ..ليش شگيت الرسايل والحمامة؟!
المزهرية الكشخت بورد الترافة
تصير سـﭼـين بكسرها ..
اي يدمعي ..
ذيج المغطية شعرها ..
سنين عرگانة بسترها
ادري لو مرة هدل بيها الحجاب بساع تندم
والورد ذاك اليفرع ثوب عطره
يبيع عمره وينگطع بعدين ينشم
وانا گايل ..
من يكشفنا سترهن .. تلگى بالنار الرسايل
زحمة دمعي ..شوگعاك
وأنت ساجد ..من تمر عيون ذنبك
تستحي اتكزبر صلاتك
وانتَ ذنبك بلبل ويدعي اعلى صيده
عاشرت تين الولاية وشلعت ريشات جنحك بلكت يگرب مماتك
وموش تدري اتسد شبابيجك يدمعي
شبيك ما حشمت اديه ..
هي مخلوقة الليالي اتضمضم نفوس الدنيّة ..
ليش تلهج دوم مامش
وانت تدري
الحايط بصورة عزيز يصير عايش
يا امدرّس .. درسيتك
وادم الينگال عدها ..
الميتة والباعت سترها اثنين من نفس الطوايف
هاي جثة بلايه روح ..
وهاي روح بلا جسدها ..
والجفوف السولفلك ورد غبشة
تلاگي بالمنجل نفس بصمات اديها
گتلك اثخن والدشاديش الخفيفة يبين المضموم بيها
وانا گتلك
شوف رايي ولا تطيح بگاع غربة
ابقى خاتل بين گاعي
وتدري هالدنيا رسالة تموت اذا ما الها ساعي
گوم وإيبس .. وانت تدري
الگصبة خضرة تعيش ﭼـذبة
لا تدنيها المضيف ولا تدنيها اعلى راعي
اي يدمعي
والبيوت الخالية بلايه عزيز
تصير طين گبال الاجدام النظيفة
وﭼـنها شروة اگبال الجيوب الخفيفة
گتلك اصبر!
والشبابيج التندّي ..
اتشگگ عيون الستاير
گتلك الشمعات والليلة الطويلة ماتن امتاناة باجر
گوم دمعي
حتى لو مشروگ نصك
گتلك الحگ وانستر من عين دربك
حتى بت الليل تلحگ ..تشگف المفضوح بيها
شيل روحك من الفطور التشربك
وگتلك المبيوگ بيته .. سنون شكه اتملخ الوردة بسلفهم ..
هي هاي عوف طبعك واحجي للصبير هيمة
ولا تسولفله اعلى ماي
وگوم سكتة ولا تسولف للگصب داعيك راعي
گبال حزنك ينفتگ للشفّة ناي
احضن جفوني يدمعي وموت
والعطابة والدم حيل ماتن بالمشابگ
كافي تدعي ..
وانت شاعر توّه يكتب ياهو اليسمعك يدمعي
ياهو يسمع حـﭼـي ظنونك
والولاية فطورها تكرهك يدمعي
اتدور الزلّة اعلى مايك
هذا رايي وشوف رايك ..
زحمة دمعي
زحمة توگع يم شماتة
ولصف مايّك كاسِر عيون المناير
زحمة دمعي ..وروج طبعك
ليش فلّاك البلم فلّة ظفاير
والموگعك شايل اطباع الگناطر
عنده خير الماي وافر
ما يهملك ..
وصى كل شامت بموتك خاف ينسى يغني باجر ..
لا يدمعي ..
الطيحة ما مرجية منك ..
يبو عيون الجانت تربي كرامة ..
موش گتلك بالرسايل ..ليش شگيت الرسايل والحمامة؟!
المزهرية الكشخت بورد الترافة
تصير سـﭼـين بكسرها ..
اي يدمعي ..
ذيج المغطية شعرها ..
سنين عرگانة بسترها
ادري لو مرة هدل بيها الحجاب بساع تندم
والورد ذاك اليفرع ثوب عطره
يبيع عمره وينگطع بعدين ينشم
وانا گايل ..
من يكشفنا سترهن .. تلگى بالنار الرسايل
زحمة دمعي ..شوگعاك
وأنت ساجد ..من تمر عيون ذنبك
تستحي اتكزبر صلاتك
وانتَ ذنبك بلبل ويدعي اعلى صيده
عاشرت تين الولاية وشلعت ريشات جنحك بلكت يگرب مماتك
وموش تدري اتسد شبابيجك يدمعي
شبيك ما حشمت اديه ..
هي مخلوقة الليالي اتضمضم نفوس الدنيّة ..
ليش تلهج دوم مامش
وانت تدري
الحايط بصورة عزيز يصير عايش
يا امدرّس .. درسيتك
وادم الينگال عدها ..
الميتة والباعت سترها اثنين من نفس الطوايف
هاي جثة بلايه روح ..
وهاي روح بلا جسدها ..
والجفوف السولفلك ورد غبشة
تلاگي بالمنجل نفس بصمات اديها
گتلك اثخن والدشاديش الخفيفة يبين المضموم بيها
وانا گتلك
شوف رايي ولا تطيح بگاع غربة
ابقى خاتل بين گاعي
وتدري هالدنيا رسالة تموت اذا ما الها ساعي
گوم وإيبس .. وانت تدري
الگصبة خضرة تعيش ﭼـذبة
لا تدنيها المضيف ولا تدنيها اعلى راعي
اي يدمعي
والبيوت الخالية بلايه عزيز
تصير طين گبال الاجدام النظيفة
وﭼـنها شروة اگبال الجيوب الخفيفة
گتلك اصبر!
والشبابيج التندّي ..
اتشگگ عيون الستاير
گتلك الشمعات والليلة الطويلة ماتن امتاناة باجر
گوم دمعي
حتى لو مشروگ نصك
گتلك الحگ وانستر من عين دربك
حتى بت الليل تلحگ ..تشگف المفضوح بيها
شيل روحك من الفطور التشربك
وگتلك المبيوگ بيته .. سنون شكه اتملخ الوردة بسلفهم ..
هي هاي عوف طبعك واحجي للصبير هيمة
ولا تسولفله اعلى ماي
وگوم سكتة ولا تسولف للگصب داعيك راعي
گبال حزنك ينفتگ للشفّة ناي
احضن جفوني يدمعي وموت
والعطابة والدم حيل ماتن بالمشابگ
كافي تدعي ..
وانت شاعر توّه يكتب ياهو اليسمعك يدمعي
ياهو يسمع حـﭼـي ظنونك
والولاية فطورها تكرهك يدمعي
اتدور الزلّة اعلى مايك
هذا رايي وشوف رايك ..
حمزة الجابري
الخليتهم بفصوص العيون
گاموا يعوفوني وينامون
هنيالهم شبساع ينسون
وكل ما ابتعدوا بعد يِحلون
ولكم يطين الله يحلوين
جا من صدك عالبعد ناوين
أنتم بعد ماشين ماشين
شمتانية وما تنعمي العين
يـ أهل الرحم شوفولي ﭼـارة
هي الـ شلونك هم خسارة؟
انا الـ گضى ليله ونهاره
ﭼـن طافية بعينه جگارة
دگيت بابك ماني جوعان
بس موش كل بيبان بيبان
شيصير من تصيحلي فلان
أرد اشبگ أسمي منين ما ﭼـان
من ركضن أسهامك عليّه
بالريش گتلك ..ﭼـذب بيه
اتبدت بوجهي المغربية
وشديت مشنقتي بـ اديه
من انشگت بوجهي المكاتيب
ردت أنتحـ.ـر بس كاضني العيب
وهاي الجروح ولمعة الشيب
ﭼـي منك ولاريدها تطيب ..
ما بيه حيل لذني الـ اثگال
وعادي الحزن خوفي من الخبال
طال البعد يـ أهل الرحم طال
وانا التراب الـ عالگبر ظال
بالمگبرة وغنيـــــت ﭼـذاب
وسرداب يشمرني اعلى سرداب
هاي الـ أحبك بعد العتاب
مثل البرودة الجوة التراب
ليش أشتروك ورخصتني
ونمت بحضنهم جا وحضني؟
مرتاح گالوا من عفتني
وذكرولك أسمي وشتمتني
بس يلا وكت العتب هم فات
ومو كل بشر يسوة الحرامات
ڷرجع وحيد من المحطات
بـ طرگ گلبي وعافني ومات
الخليتهم بفصوص العيون
گاموا يعوفوني وينامون
هنيالهم شبساع ينسون
وكل ما ابتعدوا بعد يِحلون
ولكم يطين الله يحلوين
جا من صدك عالبعد ناوين
أنتم بعد ماشين ماشين
شمتانية وما تنعمي العين
يـ أهل الرحم شوفولي ﭼـارة
هي الـ شلونك هم خسارة؟
انا الـ گضى ليله ونهاره
ﭼـن طافية بعينه جگارة
دگيت بابك ماني جوعان
بس موش كل بيبان بيبان
شيصير من تصيحلي فلان
أرد اشبگ أسمي منين ما ﭼـان
من ركضن أسهامك عليّه
بالريش گتلك ..ﭼـذب بيه
اتبدت بوجهي المغربية
وشديت مشنقتي بـ اديه
من انشگت بوجهي المكاتيب
ردت أنتحـ.ـر بس كاضني العيب
وهاي الجروح ولمعة الشيب
ﭼـي منك ولاريدها تطيب ..
ما بيه حيل لذني الـ اثگال
وعادي الحزن خوفي من الخبال
طال البعد يـ أهل الرحم طال
وانا التراب الـ عالگبر ظال
بالمگبرة وغنيـــــت ﭼـذاب
وسرداب يشمرني اعلى سرداب
هاي الـ أحبك بعد العتاب
مثل البرودة الجوة التراب
ليش أشتروك ورخصتني
ونمت بحضنهم جا وحضني؟
مرتاح گالوا من عفتني
وذكرولك أسمي وشتمتني
بس يلا وكت العتب هم فات
ومو كل بشر يسوة الحرامات
ڷرجع وحيد من المحطات
بـ طرگ گلبي وعافني ومات
حسن كتاب
گلبتك لگيتك خير
من اول حرف لاخر مواسم بيك
انه بهلولك ومجنون
الماشافوك
مافهموك
خليهم شمايحچون
شيبك
والگلب
والملح نفس الون
انت هلال
اشوفنك واصيحن عيد
اصيحن عيد.
اصيحن عيد
يل قلمك ولا ينعاد
ملتفه السياط عليك وانته اتشتم الجلاد
شفت بيك الترف صوبين
وانت عناد
وتجاعيدك
تعب من ازمة التسعين
ملامح بيك من الطين
ولا مره بقصيده الگاك دم بالسيف
دوم الگاك
وي حسين
بس الموت
ماصح للقصيدة اضماد
ويضمد نزيف الصوت
حته انشوف
حامد
من يهزه الشوگ ويرد للنهر ملهوف
انت هواي
انه اكتب عليك وبية هوسه الخوف
گلبتك لگيتك خير
من اول حرف لاخر مواسم بيك
انه بهلولك ومجنون
الماشافوك
مافهموك
خليهم شمايحچون
شيبك
والگلب
والملح نفس الون
انت هلال
اشوفنك واصيحن عيد
اصيحن عيد.
اصيحن عيد
يل قلمك ولا ينعاد
ملتفه السياط عليك وانته اتشتم الجلاد
شفت بيك الترف صوبين
وانت عناد
وتجاعيدك
تعب من ازمة التسعين
ملامح بيك من الطين
ولا مره بقصيده الگاك دم بالسيف
دوم الگاك
وي حسين
بس الموت
ماصح للقصيدة اضماد
ويضمد نزيف الصوت
حته انشوف
حامد
من يهزه الشوگ ويرد للنهر ملهوف
انت هواي
انه اكتب عليك وبية هوسه الخوف
زين ال برگع
سنبلة حجله على جدمه
والروايح ، تهب منه خيول وترد وتشمه
بجيده ماي الساجية
وگلبي حبر بيها ، شيلمه
گتله هاك الچف يالأبيض
حني المراية ابدالي
هاك دگ راسي على چالي
عشگي ظلي و حزني غالي
وبالحلم چنك لعب عوّر اچفوفي
تدوس فوگ اجفون عيني
وبوكاحة تگلها شوفي
وگالو الشافوك اعذره
مهرته البيضة اليشگ الليل بيها
من حنينه
ومن لهيبه تصير شگرة
أخذ بجويريد گلبي وانتچه وچواه بخده
وكسر من الشفة جمرة
وحطها فوگه
وسهر ، راد ايعرف يا عطاب منهن
من طفت جمرته ظل عطاب شوگه
وضحك بوگة
ومن ضحكته وگع طوگه
وضيعت شوفه گذلته
وعز چلمته
يرديني اوصفله طعم ما مرة ضگته
سنبلة حجله على جدمه
والروايح ، تهب منه خيول وترد وتشمه
بجيده ماي الساجية
وگلبي حبر بيها ، شيلمه
گتله هاك الچف يالأبيض
حني المراية ابدالي
هاك دگ راسي على چالي
عشگي ظلي و حزني غالي
وبالحلم چنك لعب عوّر اچفوفي
تدوس فوگ اجفون عيني
وبوكاحة تگلها شوفي
وگالو الشافوك اعذره
مهرته البيضة اليشگ الليل بيها
من حنينه
ومن لهيبه تصير شگرة
أخذ بجويريد گلبي وانتچه وچواه بخده
وكسر من الشفة جمرة
وحطها فوگه
وسهر ، راد ايعرف يا عطاب منهن
من طفت جمرته ظل عطاب شوگه
وضحك بوگة
ومن ضحكته وگع طوگه
وضيعت شوفه گذلته
وعز چلمته
يرديني اوصفله طعم ما مرة ضگته
أحمد فشلان الوائلي
من أرسمك،
من أريد أبدي بحلاتك
عمري يزغر،
كون لعيونك أصوغ الليل غنوة
كون اگلك انتَ وحدك للعمر فانوس ضوّه..!
عيونك الحلوات تاخذني إلك
والليل بدّاني اعلى طولك عطش گمرة..
شيلني من الگاع أخذني العينك أفرشلي القصايد
ياحبيبي العمر سَفرة
روحي خضرة
عيني مزّتها حلاتك،
يا نغم روحي ووتر لليل تعزفني بأصابيعك سوالف
غنّي خل اشرب دفو عيونك وأذوب
صبلي من شفتك خمر ما اريد اتوب
انتَ وين ..؟
انتَ ذاك الواگف بحد الگمر خدك گمر
بيك من التم طفل يحلى السهر
نار عينك ثورة حمرة
روحي خمرتها ضحكتك ..
صبلي خل انسى الليالي الباردة الما بيها من عينك عرس
صبلي خل الگاك لـ أيامي الخذاها الشيب
وطلعلي شمس
انت تشعل كل شراييني وتدليني اعلى طولك ..
طولك مشذر خضار
انت نار،
انت لـ أهل الشوگ دنيا من القصايد
انت طولك مغزل اخيوط الحرير
لفني خيط..
من أرسمك،
من أريد أبدي بحلاتك
عمري يزغر،
كون لعيونك أصوغ الليل غنوة
كون اگلك انتَ وحدك للعمر فانوس ضوّه..!
عيونك الحلوات تاخذني إلك
والليل بدّاني اعلى طولك عطش گمرة..
شيلني من الگاع أخذني العينك أفرشلي القصايد
ياحبيبي العمر سَفرة
روحي خضرة
عيني مزّتها حلاتك،
يا نغم روحي ووتر لليل تعزفني بأصابيعك سوالف
غنّي خل اشرب دفو عيونك وأذوب
صبلي من شفتك خمر ما اريد اتوب
انتَ وين ..؟
انتَ ذاك الواگف بحد الگمر خدك گمر
بيك من التم طفل يحلى السهر
نار عينك ثورة حمرة
روحي خمرتها ضحكتك ..
صبلي خل انسى الليالي الباردة الما بيها من عينك عرس
صبلي خل الگاك لـ أيامي الخذاها الشيب
وطلعلي شمس
انت تشعل كل شراييني وتدليني اعلى طولك ..
طولك مشذر خضار
انت نار،
انت لـ أهل الشوگ دنيا من القصايد
انت طولك مغزل اخيوط الحرير
لفني خيط..
مرتضى الميالي
أكو احساس أرد اعيشة وارد اجربة
اريد يحبني واحد ما احبة
عشت عمري أحب من طرف واحد
بالحب انتصر فد يوم رايد
بس شلون خاف القسوة صعبة
شلون العاشگ يكسرون گلبة
.......................................
شنو هذا الكلام الجاي اگولة
هية القسوة يمتة بهل سهولة
اجي من تالي اسود گلبي اسوي
الانانية الغرور من الطفولة
.......................................
طويل يصير ليلة طويل نوحة
الضايع گلبة منة وما يلوحة
بالحب گلبي ما يتشاور وياي
ينساني ويضيع وينسى روحة
شلون يحبني واحد ما احبة
شلون العاشگ يكسرون گلبة
شلون يحبني واحد ما احبة
شلون العاشگ يكسرون گلبة
أكو احساس أرد اعيشة وارد اجربة
اريد يحبني واحد ما احبة
عشت عمري أحب من طرف واحد
بالحب انتصر فد يوم رايد
بس شلون خاف القسوة صعبة
شلون العاشگ يكسرون گلبة
.......................................
شنو هذا الكلام الجاي اگولة
هية القسوة يمتة بهل سهولة
اجي من تالي اسود گلبي اسوي
الانانية الغرور من الطفولة
.......................................
طويل يصير ليلة طويل نوحة
الضايع گلبة منة وما يلوحة
بالحب گلبي ما يتشاور وياي
ينساني ويضيع وينسى روحة
شلون يحبني واحد ما احبة
شلون العاشگ يكسرون گلبة
شلون يحبني واحد ما احبة
شلون العاشگ يكسرون گلبة
الإستاذ عبد الكريم القصاب
"دفعة بله "
هـــا يلخذاك جناح بومة وطـرت
يلكاظ لك جمـــرة وعفت ســــنبلة
مــــن كَال لك عني بجيت بحـزن ؟
هوّ آنـــت تسـوة الدمعــــة المكحّلة؟
بلــوة ودفعها الله وبجـيـت بفـــرح
وجانــت ادمــــوعي تطيح دفعة بله
وآنـــت آشعليك وجاي تقره الدمـع ؟
كلمن مشـى آبنيّه ورجــــــع لـ أوّله
لا أنـــــت مُهري ولانـي خيّال آلك
خيّال شـــــــــكَـره مأصّلـة مكَذّلـة
مـن ظهر آبوي آويــــاي عزة نفس
والــــــروح كَبل آكَماطـها آمــدللة
يذيال ثوب ، آشــــكثر شــايل وحل !
وآشـــــكَد مراود ســـود بالمكْحلة !
صرت امن أشوفك جاي أدير الوجه
مــــا شـــوف شي بيّه اليكَلّك هله
وشـــــلون عــــــود النوب آذا نلتقي ؟
شــنكَول ، شـنسولف وره البسمـــــلة
وشـــــــــــلون يمبلّل يجـيـنـي الدفـو
مـــــــن شـــبكَة رطبة ثيابها آمبلله ؟
ليغاد ، لاتكَـــــــرب ضـــريح العشك
..مـــالك شــــفايف طاهـــــرة أتقبّله
خلّـيـني ويْ رحـمانـي اظـل مخـتـلي
وآنـــت اويـَ شـيطانك البيك اختله
"دفعة بله "
هـــا يلخذاك جناح بومة وطـرت
يلكاظ لك جمـــرة وعفت ســــنبلة
مــــن كَال لك عني بجيت بحـزن ؟
هوّ آنـــت تسـوة الدمعــــة المكحّلة؟
بلــوة ودفعها الله وبجـيـت بفـــرح
وجانــت ادمــــوعي تطيح دفعة بله
وآنـــت آشعليك وجاي تقره الدمـع ؟
كلمن مشـى آبنيّه ورجــــــع لـ أوّله
لا أنـــــت مُهري ولانـي خيّال آلك
خيّال شـــــــــكَـره مأصّلـة مكَذّلـة
مـن ظهر آبوي آويــــاي عزة نفس
والــــــروح كَبل آكَماطـها آمــدللة
يذيال ثوب ، آشــــكثر شــايل وحل !
وآشـــــكَد مراود ســـود بالمكْحلة !
صرت امن أشوفك جاي أدير الوجه
مــــا شـــوف شي بيّه اليكَلّك هله
وشـــــلون عــــــود النوب آذا نلتقي ؟
شــنكَول ، شـنسولف وره البسمـــــلة
وشـــــــــــلون يمبلّل يجـيـنـي الدفـو
مـــــــن شـــبكَة رطبة ثيابها آمبلله ؟
ليغاد ، لاتكَـــــــرب ضـــريح العشك
..مـــالك شــــفايف طاهـــــرة أتقبّله
خلّـيـني ويْ رحـمانـي اظـل مخـتـلي
وآنـــت اويـَ شـيطانك البيك اختله
عمار التميمي
زعل ترس العيون المارضت تبچي
وضوه يبعد وياخذ حصته من لونك
كسرتك يا غصن واخر خضار اتغطه بجفونك
كسرتك
واكو چف من وره ضلوعي يصيح لعيونك
هااا يالماخذين اسمي
هااا يالطولكم عمري
بريسم ليلكم اخر محطاتي
واصابعكم
صفير اخر قطار من الحزن متمدد بصدري
ها يا ضحكة لهتني ونسيت ارسمها عالبيبان
حلم من الشمس للگاع
امدله وي الغصن گلبي وارد عطشان
شحاچيت المخاد ونفضن دموعي
انت اكبر من الدمعة.. بجيتك نبض بضلوعي
ريح بطيشها هبت على شموعي..
وطفت ظلي
چنت عالاقل يم روحي واذا ما ينشبگ ظلي
روج على الجرف.. كل صوره الك بالبال
الك بيه عطش ناعور
تدريني رمل طبعي
واذا صرت على شاطي قصور
زعل ترس العيون المارضت تبچي
وضوه يبعد وياخذ حصته من لونك
كسرتك يا غصن واخر خضار اتغطه بجفونك
كسرتك
واكو چف من وره ضلوعي يصيح لعيونك
هااا يالماخذين اسمي
هااا يالطولكم عمري
بريسم ليلكم اخر محطاتي
واصابعكم
صفير اخر قطار من الحزن متمدد بصدري
ها يا ضحكة لهتني ونسيت ارسمها عالبيبان
حلم من الشمس للگاع
امدله وي الغصن گلبي وارد عطشان
شحاچيت المخاد ونفضن دموعي
انت اكبر من الدمعة.. بجيتك نبض بضلوعي
ريح بطيشها هبت على شموعي..
وطفت ظلي
چنت عالاقل يم روحي واذا ما ينشبگ ظلي
روج على الجرف.. كل صوره الك بالبال
الك بيه عطش ناعور
تدريني رمل طبعي
واذا صرت على شاطي قصور