ريسان الخزعلي
سحر أسود
ولا تحزَن ..
لوَن ما ماشفت لون الوجه بمرايَه
ولا تحزن ..
أعمى انت َ إو ..
عصاك
اتشوف
خط
النمل
نص
الليل ../
آيه الماكَبلهه آيه
عصاك
اعله
الحجر
تكتب
سحر
أسود
ولا ينفك بالقرايه ..!
.
.
ولا تحزن ..
أعمى انت َ او ضواك ابروحك اتشوفه
ياهو الشاف كَبلك ظلمه بمرايه ..؟! ...
سحر أسود
ولا تحزَن ..
لوَن ما ماشفت لون الوجه بمرايَه
ولا تحزن ..
أعمى انت َ إو ..
عصاك
اتشوف
خط
النمل
نص
الليل ../
آيه الماكَبلهه آيه
عصاك
اعله
الحجر
تكتب
سحر
أسود
ولا ينفك بالقرايه ..!
.
.
ولا تحزن ..
أعمى انت َ او ضواك ابروحك اتشوفه
ياهو الشاف كَبلك ظلمه بمرايه ..؟! ...
حسن البركي
(الى امل الانسانية )
عگب كلشي اليخلي الگلب دمه اسود
عمرك ياطويل العمر.. صار شگد
عمر البشر يگصر من يجيسه الظيم
بس عمرك عكس بالظيم يتمدد
واليصعد طويلة نخل وبلاخوف
يشوف المايشوفه الماكدر يصعد
وانت الصاعد اعله الزمن ومخاوي
يحالوب اليغث السنبل المرتد
يالشايف السامع بيهن التاريخ
اليشوف بعينه مو مثل اليگله احد
ياراعي الطلابة الماتريد شهود
يسيف المايشرفك تحتك بمبرد
اليعيش بظل حضارة (هاك لاهنّاك)
يحس بروحه ناصي وصعبة يتمرد
واذا يوسف النية الماضي ماچاوي
يظل ثوب المروة من القبل ينقد
شيخلص النده من المستحة المخنوك
شيطلع العذر من هوسة المحد
شيزيح التراب العشب اعله الدار
شيحد السيوف الباچت من الحد
من يعصف الخوف البي يضيع الصوت
هنا موقف ابنادم يبدي يتعقد
هنا مبدأ الثورة يريد دم خطار
هنا مثل الچمى الشخصية تتفرهد
يالشفت بزمانك چم حضارة اتطيح
وتكوم وتطيح وتحتر وتبرد
خو تندل نقاط الضعف وين تصير
اذا عين العدالة تلگتك مرود
هاي الحكمة من كل هالعصور تعيش
حسب وجهة نظر كل عقل مامرتد
يالماشايفه ولاينحمل فرگاه
يباب ارزاقنا الينفتح من ينسد
ترا المنك وبيك اچماله فوك البيك
شلونك من شفت طشارنا اتعدد
ياطشارنا الماينلظم بالعين
الوعي خطارنا الكاظيها يتنشد
ننهض بالفكر مثل اليريد يطيح
يكبر خوفه دنيا ودغدغة مسعد
صعبة تميز المابي مضرة اعليك
مثل مسحة الشامة من الجتف والخد
من تنظف الوادم تشتهيها ال آخ
وتتوصخ ونفس ال آخ تجدد
يمتى الثقة العمية تصير عدها عيون
وتفرزن اليبچي من الگظاها ارمد
محتاجك سفرجل للوليد الجاي
هم حبلة القضية وگربت تولد
وبعدني اعله السؤال البي بديت وياك
عمرك ياطويل العمر صار شگد
(الى امل الانسانية )
عگب كلشي اليخلي الگلب دمه اسود
عمرك ياطويل العمر.. صار شگد
عمر البشر يگصر من يجيسه الظيم
بس عمرك عكس بالظيم يتمدد
واليصعد طويلة نخل وبلاخوف
يشوف المايشوفه الماكدر يصعد
وانت الصاعد اعله الزمن ومخاوي
يحالوب اليغث السنبل المرتد
يالشايف السامع بيهن التاريخ
اليشوف بعينه مو مثل اليگله احد
ياراعي الطلابة الماتريد شهود
يسيف المايشرفك تحتك بمبرد
اليعيش بظل حضارة (هاك لاهنّاك)
يحس بروحه ناصي وصعبة يتمرد
واذا يوسف النية الماضي ماچاوي
يظل ثوب المروة من القبل ينقد
شيخلص النده من المستحة المخنوك
شيطلع العذر من هوسة المحد
شيزيح التراب العشب اعله الدار
شيحد السيوف الباچت من الحد
من يعصف الخوف البي يضيع الصوت
هنا موقف ابنادم يبدي يتعقد
هنا مبدأ الثورة يريد دم خطار
هنا مثل الچمى الشخصية تتفرهد
يالشفت بزمانك چم حضارة اتطيح
وتكوم وتطيح وتحتر وتبرد
خو تندل نقاط الضعف وين تصير
اذا عين العدالة تلگتك مرود
هاي الحكمة من كل هالعصور تعيش
حسب وجهة نظر كل عقل مامرتد
يالماشايفه ولاينحمل فرگاه
يباب ارزاقنا الينفتح من ينسد
ترا المنك وبيك اچماله فوك البيك
شلونك من شفت طشارنا اتعدد
ياطشارنا الماينلظم بالعين
الوعي خطارنا الكاظيها يتنشد
ننهض بالفكر مثل اليريد يطيح
يكبر خوفه دنيا ودغدغة مسعد
صعبة تميز المابي مضرة اعليك
مثل مسحة الشامة من الجتف والخد
من تنظف الوادم تشتهيها ال آخ
وتتوصخ ونفس ال آخ تجدد
يمتى الثقة العمية تصير عدها عيون
وتفرزن اليبچي من الگظاها ارمد
محتاجك سفرجل للوليد الجاي
هم حبلة القضية وگربت تولد
وبعدني اعله السؤال البي بديت وياك
عمرك ياطويل العمر صار شگد
عباس العبادي
ساكت والخلگ تغرف اجفوف وطوس..
وكل غرفة عفه ابصدر النهر حافر.
ما صحت ابوجه مستحه وعفّة ذات..
و لا ردّيت چف وخشّنت خاطر.
الحِب من طينتي ومن فيض عيني الماي ..
يضوگ إملوحتي ويتحسّر العابر.
وأبحّر باليمر تارس شليله اعثوگ..
بيهن دم صفنتي وخاطري الماذر.
ويمشن والذهب من ينعرض ينباع..
ويخلّي اليمد چف الفشل تاجر.
وأضحك واللسن ترفس ابراگ الماي..
بين اللاذ عنّي وبين الإيكابر.
اتمد إلسانها الما عدها ادين اتلوح..
وأنا لوما إبصده اينولها الباتر.
ضهدنّي الخطيّه ومستحه الناطور..
واليكبر ويعقل واليعف باچر.
روحي الصابره الكسرت اشراعي ابليل..
شكسر ظهر الذهب غير الغضا الصابر.
وعفوي اللبّس الما يستحون اثياب..
فشل ينجاب راسه الأعزل الحاسر.
آ.. يالمستحه الفارش ابروحي افراش..
چتّفني وتشضّت همّة الثاير.
لا يرضى الصبر يخلص وأوزْع الطين..
ولا چلمه التخطّت رگبة الضامر.
وآنه أدري الحيه المشگوگ ما ينراف..
والإتحيطه الذياب الجايعه ايناطر.
وأدري البورحت گصّته السانه ايطول..
واليسمع فحيح السامه ايحاذر.
وأدري الطلّعتهم للضوه اينكرون..
وأدري اليرد سالم ينكر الساتر.
وترك الفارغ امن الناس راحة بال..
الكهف جيه فارغ امن اتجابله ايداهر.
رساله لكل قلم طابع ابراسه الباب..
من گد ما امتاني المالح الشاجر.
ما تعدل مشيتك ريشة الطاووس..
تِبحِر بالمعادن صفنة الناظر.
و تفضحك ترى الشاعر تميزه الروح..
واليتنفّس بروحين مو شاعر.
هذني افضالتي الخشنات مضمومات..
گصر چف النبال وگرّب الطاير.
بس ما وكّرت حتى الزغيره اتطير..
يشد عزم المهر من يثگل الغاير.
المن غايره الظلِّت بأثرها الخيل..
وعليمن هالجمر للحارهم فاتر.
تطلگ شاعريتي وتوم يتبع توم..
بس يتفرهدن من عاجر لعاجر.
ما هدّيت صفنه وردّت ابلا ريم..
يتعب بس يجيب الخاتله الكاسر.
وين النايضه التنّعت للمحچال..
ما تارس شليلي امن الحچي العابر
ساكت والخلگ تغرف اجفوف وطوس..
وكل غرفة عفه ابصدر النهر حافر.
ما صحت ابوجه مستحه وعفّة ذات..
و لا ردّيت چف وخشّنت خاطر.
الحِب من طينتي ومن فيض عيني الماي ..
يضوگ إملوحتي ويتحسّر العابر.
وأبحّر باليمر تارس شليله اعثوگ..
بيهن دم صفنتي وخاطري الماذر.
ويمشن والذهب من ينعرض ينباع..
ويخلّي اليمد چف الفشل تاجر.
وأضحك واللسن ترفس ابراگ الماي..
بين اللاذ عنّي وبين الإيكابر.
اتمد إلسانها الما عدها ادين اتلوح..
وأنا لوما إبصده اينولها الباتر.
ضهدنّي الخطيّه ومستحه الناطور..
واليكبر ويعقل واليعف باچر.
روحي الصابره الكسرت اشراعي ابليل..
شكسر ظهر الذهب غير الغضا الصابر.
وعفوي اللبّس الما يستحون اثياب..
فشل ينجاب راسه الأعزل الحاسر.
آ.. يالمستحه الفارش ابروحي افراش..
چتّفني وتشضّت همّة الثاير.
لا يرضى الصبر يخلص وأوزْع الطين..
ولا چلمه التخطّت رگبة الضامر.
وآنه أدري الحيه المشگوگ ما ينراف..
والإتحيطه الذياب الجايعه ايناطر.
وأدري البورحت گصّته السانه ايطول..
واليسمع فحيح السامه ايحاذر.
وأدري الطلّعتهم للضوه اينكرون..
وأدري اليرد سالم ينكر الساتر.
وترك الفارغ امن الناس راحة بال..
الكهف جيه فارغ امن اتجابله ايداهر.
رساله لكل قلم طابع ابراسه الباب..
من گد ما امتاني المالح الشاجر.
ما تعدل مشيتك ريشة الطاووس..
تِبحِر بالمعادن صفنة الناظر.
و تفضحك ترى الشاعر تميزه الروح..
واليتنفّس بروحين مو شاعر.
هذني افضالتي الخشنات مضمومات..
گصر چف النبال وگرّب الطاير.
بس ما وكّرت حتى الزغيره اتطير..
يشد عزم المهر من يثگل الغاير.
المن غايره الظلِّت بأثرها الخيل..
وعليمن هالجمر للحارهم فاتر.
تطلگ شاعريتي وتوم يتبع توم..
بس يتفرهدن من عاجر لعاجر.
ما هدّيت صفنه وردّت ابلا ريم..
يتعب بس يجيب الخاتله الكاسر.
وين النايضه التنّعت للمحچال..
ما تارس شليلي امن الحچي العابر
بهاء سوادي
بعد التَعـب
ملهوف اجيتك عصفـور،
وجوگـة اغانـي
مبللّـه بـ ماي الصُـبح،
وشويـه غـاد من الخُصـر
گلبي يـدور.
واتأمـل ، انـدل ،
"مـوگِـدك"
واشتعـل ،وانـذل ،
وانجـرِح
واصعـد "هـلاهـل للسـما"
وأنـزل أصـابع ناعـمه ..
بخصـلة
شَـعـر ،
اشـگر ،
سَـرِح ،
وأبــچِيك ها يشـگر ولك!
اشگـر يبـو عيـون السُمـر
رگَّصِـت گلبـي اعلى الجَـمر"
چا دَمّـك اليلـمع ثَلـج..
يمتى يفـور ؟
يمتى تِـّـدِگ حـِزن شـباط؟
ويـگوم نيسـان بمضايفنـا يـدور..
ويشـگگ احـزانه السـَهر
وتهلهـل شمـوس الصـُبح عالنـاطور.
بعد التَعـب
ملهوف اجيتك عصفـور،
وجوگـة اغانـي
مبللّـه بـ ماي الصُـبح،
وشويـه غـاد من الخُصـر
گلبي يـدور.
واتأمـل ، انـدل ،
"مـوگِـدك"
واشتعـل ،وانـذل ،
وانجـرِح
واصعـد "هـلاهـل للسـما"
وأنـزل أصـابع ناعـمه ..
بخصـلة
شَـعـر ،
اشـگر ،
سَـرِح ،
وأبــچِيك ها يشـگر ولك!
اشگـر يبـو عيـون السُمـر
رگَّصِـت گلبـي اعلى الجَـمر"
چا دَمّـك اليلـمع ثَلـج..
يمتى يفـور ؟
يمتى تِـّـدِگ حـِزن شـباط؟
ويـگوم نيسـان بمضايفنـا يـدور..
ويشـگگ احـزانه السـَهر
وتهلهـل شمـوس الصـُبح عالنـاطور.
جليل قاسم
من عرفتك .. ﭼـنّي ما ﭼـنت أعرف أحد ..
الشيب الـ بلون الثلج خضّر سواد
ووجهيّ المطلگه الضحك ..باللحظة ورّد ..
من عرفتك .. بعد كل ذيـﭻ النوايب صرت مِسعد ..
راح الغراب الـ گبل يفتر عليّة
وصوت بلبل صرت اسمعه بروحي غرد ..
من عرفتك ..
گمت أحس كل الخلايا الماتت بروحي تتجدد ..
نزعت من اسنينها تلاثين روحي
وردّت لـ عشرينها بلا خجل تنعد
أنت مدري شلون أجيت .. بغفلة شو ﭼـنك قصيدة..
اتولّت الشاعر ﭼـوي وما رضت تبرد ..
وشرد أوصفك؟!! ..
وأحنه يبن الناس من دم ولحم بس أنتَ من ليلو وزمرد
أنت مرود للكحل بين الكحل والعين مرود ..
انت رحمة وفرّحت مسكين من أمة محمد ..
والله من تگلي أحبك ..
أنا أحس بـ أعصابي من فوگ الجمر يا روحي تجمد ..
ولا تدليني بمكانك ..
هذا انت وداعتك وي النفس تنزل وتصعد ..
ومن مشيت الفرحة الـ بعيني طفت
ورَد على الخمسين عمري
والثلاثين الحذفهن ويّ عشرين الشباب اتوالفت ..
وگمت أشوف الضحكة دمعة ..
ودثرّت روحي بجمرها وما دفت
أتعارك بعيني الأرق ويّ النعاس
العركة خشنة الليل كله وما صفت
وجرحي صار بطول عمري ..
وصفنتي ويّ الليل ضدي اتحالفت ..
وبقت عيني مگابلتني گبالي وتباوع بعيني ..
وسلّمن شمسين لله وما غفت ..
ومن ذكرتك .. سكت كلشي
وعاند السكتة وبقى يصب الدمع
من ذكرتك مدري شنهي الصار بيّه
رفس گلبي وراد يشلعلي الضلع
وصحت .. شو محد سمعني
وللعلم لمن ذكرتك ﭼـان ليل
وصوت دخان الجگاير ينسمع ..
من عرفتك .. ﭼـنّي ما ﭼـنت أعرف أحد ..
الشيب الـ بلون الثلج خضّر سواد
ووجهيّ المطلگه الضحك ..باللحظة ورّد ..
من عرفتك .. بعد كل ذيـﭻ النوايب صرت مِسعد ..
راح الغراب الـ گبل يفتر عليّة
وصوت بلبل صرت اسمعه بروحي غرد ..
من عرفتك ..
گمت أحس كل الخلايا الماتت بروحي تتجدد ..
نزعت من اسنينها تلاثين روحي
وردّت لـ عشرينها بلا خجل تنعد
أنت مدري شلون أجيت .. بغفلة شو ﭼـنك قصيدة..
اتولّت الشاعر ﭼـوي وما رضت تبرد ..
وشرد أوصفك؟!! ..
وأحنه يبن الناس من دم ولحم بس أنتَ من ليلو وزمرد
أنت مرود للكحل بين الكحل والعين مرود ..
انت رحمة وفرّحت مسكين من أمة محمد ..
والله من تگلي أحبك ..
أنا أحس بـ أعصابي من فوگ الجمر يا روحي تجمد ..
ولا تدليني بمكانك ..
هذا انت وداعتك وي النفس تنزل وتصعد ..
ومن مشيت الفرحة الـ بعيني طفت
ورَد على الخمسين عمري
والثلاثين الحذفهن ويّ عشرين الشباب اتوالفت ..
وگمت أشوف الضحكة دمعة ..
ودثرّت روحي بجمرها وما دفت
أتعارك بعيني الأرق ويّ النعاس
العركة خشنة الليل كله وما صفت
وجرحي صار بطول عمري ..
وصفنتي ويّ الليل ضدي اتحالفت ..
وبقت عيني مگابلتني گبالي وتباوع بعيني ..
وسلّمن شمسين لله وما غفت ..
ومن ذكرتك .. سكت كلشي
وعاند السكتة وبقى يصب الدمع
من ذكرتك مدري شنهي الصار بيّه
رفس گلبي وراد يشلعلي الضلع
وصحت .. شو محد سمعني
وللعلم لمن ذكرتك ﭼـان ليل
وصوت دخان الجگاير ينسمع ..
حسين التوبي
يرب رجعني جاهل مو حلو الشيب
تجاعيدي كلَت لون البراءة
ولا اريد أعرف الحب والعلاقات
ولا اريد التطور وأنتماءه ..
وأضوجن صدگ يو من صاحبي يگول
أفنك وين واصل بالقراءة ..
وترد مشراگة اشتا .. وگعدة الباب
ويرد نوم الظهر يم الروازين
ويرد ليل الصدگ بالسبعة بالليل
ونفز وي غبشة طيور البساتين
چِنه بعوز لكن چِنه تجار ..
ضحكنا بلا گلب يسوى الملايين
بياض شكثر بينا وچِنه ملحان
من نلتم سويّة انضوّج التين
اليچذب ترة يذبونه بالنار
هذا اكبر قسم گد ما مساكين
نتزاعل صدگ بس حدنا للنوم
اعلى فطرتنا رغم ما چنه وكحين
نتمرض وناكل تربة ونطيب
ويجي لبيوتنا ويتعنى الحسين
شحلاة العابنا وحتى احلى من هاي
مثل البشر چانت كلها من طين
مليت التصنع والتفاهات ..
اريد ارجع وأشخبط عالحياطين
يرب رجعني جاهل مو حلو الشيب
تجاعيدي كلَت لون البراءة
ولا اريد أعرف الحب والعلاقات
ولا اريد التطور وأنتماءه ..
وأضوجن صدگ يو من صاحبي يگول
أفنك وين واصل بالقراءة ..
وترد مشراگة اشتا .. وگعدة الباب
ويرد نوم الظهر يم الروازين
ويرد ليل الصدگ بالسبعة بالليل
ونفز وي غبشة طيور البساتين
چِنه بعوز لكن چِنه تجار ..
ضحكنا بلا گلب يسوى الملايين
بياض شكثر بينا وچِنه ملحان
من نلتم سويّة انضوّج التين
اليچذب ترة يذبونه بالنار
هذا اكبر قسم گد ما مساكين
نتزاعل صدگ بس حدنا للنوم
اعلى فطرتنا رغم ما چنه وكحين
نتمرض وناكل تربة ونطيب
ويجي لبيوتنا ويتعنى الحسين
شحلاة العابنا وحتى احلى من هاي
مثل البشر چانت كلها من طين
مليت التصنع والتفاهات ..
اريد ارجع وأشخبط عالحياطين
عقيل العرد
خايفين يمر وكت ما بي حنين
وما نعَرف شضامه بوجناتها وجوه السنين
جان ابونا يضمنا من برد الشتا
بلمة جناحه
انام ما ندري حدر ذاك الجناح
شكد تعب
وشكد ونين
وجانت امنا
اتلمنه من لعب الشوراع
ونيبس من الخوف اذا نرجع لاهلنا
نستحي من هدومنا المليانه طين
جنا واحنا اصغار نختل
محد يدلي علينا
لا الحايط عنده اذان
ولا الحارس عنده عين
جنا واحنا اصغار نندل
شو كبرنا وصار اسمنا التايهين
خايفين يمر فرح ما يلكه فرحه
وخايفين يمر حزن ما يلكه روحه بيا حزين
خايفين يمر وكت ما بي حنين
وما نعَرف شضامه بوجناتها وجوه السنين
جان ابونا يضمنا من برد الشتا
بلمة جناحه
انام ما ندري حدر ذاك الجناح
شكد تعب
وشكد ونين
وجانت امنا
اتلمنه من لعب الشوراع
ونيبس من الخوف اذا نرجع لاهلنا
نستحي من هدومنا المليانه طين
جنا واحنا اصغار نختل
محد يدلي علينا
لا الحايط عنده اذان
ولا الحارس عنده عين
جنا واحنا اصغار نندل
شو كبرنا وصار اسمنا التايهين
خايفين يمر فرح ما يلكه فرحه
وخايفين يمر حزن ما يلكه روحه بيا حزين
اسماعيل محمد اسماعيل
بين الجدايل والنهد
شمس الصبح ..
والماي..
والفيّ..
والسِعد ..
وبعيونها الحب والحلم للحابها ..
وبين الجدايل والجدم مامش ورد ما باس غصنه اگبالها وبيها حلم
وأتمنى نسمة اتمازحه من ثيابها ..
وااوف شتحب الحابها ..
ومرت سنة وسنتين وأكثر والعشگ ماليهم ..
وغنّوا غِنى يمر أول ايام العرس ويصعد دفو لتاليهم ..
حلوين ..
وأحلام الوطن گمرة وتساهر بيهم
مرة بفرح مرة بحزن
واتلملمت تتلاگط اعلى الناس نيبان الأمن ..
هولاكو .. ردها غيوم ومن الدم مزن ..
وأتفارگوا حلوينا بدرب الشمس ..
گالولها ضاع العرس گالت لاااا ..
ثاير حبيبي وشوگي اله امفيي اعلى حبي وحلّاه ..
شايل تفگته ومر حلم لململي شعري .. وحلّاه ..
وگال الشمس باجر تجي ويانه الـ وطنا وتملاه ..
ويملن زغاريد الفرح زفة فراته لـ دجلاه ..
ويملن وطنا طيوفهم ..
هالشايلين بكل كتر فوگ الرصاص گلوبهم
ثوار وعيون الشعب هيل وهلا اعلى ادروبهم
باجر وألم كل الدفو بفي ثوبهم ..
وانا وحبيبي اعلى الوعد ...
بين الجدايل والنهد
شمس الصبح ..
والماي..
والفيّ..
والسِعد ..
وبعيونها الحب والحلم للحابها ..
وبين الجدايل والجدم مامش ورد ما باس غصنه اگبالها وبيها حلم
وأتمنى نسمة اتمازحه من ثيابها ..
وااوف شتحب الحابها ..
ومرت سنة وسنتين وأكثر والعشگ ماليهم ..
وغنّوا غِنى يمر أول ايام العرس ويصعد دفو لتاليهم ..
حلوين ..
وأحلام الوطن گمرة وتساهر بيهم
مرة بفرح مرة بحزن
واتلملمت تتلاگط اعلى الناس نيبان الأمن ..
هولاكو .. ردها غيوم ومن الدم مزن ..
وأتفارگوا حلوينا بدرب الشمس ..
گالولها ضاع العرس گالت لاااا ..
ثاير حبيبي وشوگي اله امفيي اعلى حبي وحلّاه ..
شايل تفگته ومر حلم لململي شعري .. وحلّاه ..
وگال الشمس باجر تجي ويانه الـ وطنا وتملاه ..
ويملن زغاريد الفرح زفة فراته لـ دجلاه ..
ويملن وطنا طيوفهم ..
هالشايلين بكل كتر فوگ الرصاص گلوبهم
ثوار وعيون الشعب هيل وهلا اعلى ادروبهم
باجر وألم كل الدفو بفي ثوبهم ..
وانا وحبيبي اعلى الوعد ...
جواد زغير
تنوي أدير وجهك صوب كلشي بعيد
تحلف ما تحب الناس
تمشي وشايل بچفك خساراتك ،
ومدري شلون تتذكر ،
سنينك بيد هاي الناس
حزنك بيد هاي الناس
تبچي هواي
تنوي وكلشي ما بيدك
ترد تبچي ،
وشني غير الدمع بيدك ،؟
زمانك فات
عمرك فـات
ليلك ماهو مثل الليل ،
ظلمه أ.ولا الك نجمات
ولا واحد أيغنيلك
ولا شباچ من يقرا النسيم البيك يوميلك
حسافه ،
حسافه
الـ ما اجو ،
و الـ وين ،
و الـ ياريت ،
و الـ مدري ،
وحزن ما تدري بيه ألمن ،
كسر گلبك وعانگته
حسافه ،
التعب ،
والحرمان ،
والتگضي ،
وحچي لمن مشوا گلته
أعله هونك يا ولك شتريد ،؟
گلبك هٰذا ،
بالناس الغريبه هواي كاسرته
تنوي أدير وجهك صوب كلشي بعيد
تحلف ما تحب الناس
تمشي وشايل بچفك خساراتك ،
ومدري شلون تتذكر ،
سنينك بيد هاي الناس
حزنك بيد هاي الناس
تبچي هواي
تنوي وكلشي ما بيدك
ترد تبچي ،
وشني غير الدمع بيدك ،؟
زمانك فات
عمرك فـات
ليلك ماهو مثل الليل ،
ظلمه أ.ولا الك نجمات
ولا واحد أيغنيلك
ولا شباچ من يقرا النسيم البيك يوميلك
حسافه ،
حسافه
الـ ما اجو ،
و الـ وين ،
و الـ ياريت ،
و الـ مدري ،
وحزن ما تدري بيه ألمن ،
كسر گلبك وعانگته
حسافه ،
التعب ،
والحرمان ،
والتگضي ،
وحچي لمن مشوا گلته
أعله هونك يا ولك شتريد ،؟
گلبك هٰذا ،
بالناس الغريبه هواي كاسرته
كآظم العطشآن
مَرَّه گتلك
لاتتيه ابحضن غيري
امحاضن الغربه چذب
وانته گتلي
الشوگ شتله ايريد طين
وگتلك الغربه عذاب
وطين الولايه عذب
ومره گتلي
غَنّي ياماي القصايد
غني ياغربي اليهب
غَنّي بيّه واثمل ابكاس الهلاهل
والهلاهل مُهره من تصْهِل تِشِب
ومره گتلي
الليل ورَّثني جكاره
وشتهيتك چاي هيل وخُبز سَمرَه
واوف يللّه امن اشتهيك
الحلم يتبدّه قصيده
وانته تدري الحلم سفره
والعمر شَبَّت عِشِب
ومرّه گتلك
يانده اليحلف ابختك
كل ورد ديرتنه ذاك
يانبي القدّاح سولفلي شجاك ...!
يمته تتبرزل وضوگك
يمته ياشيبة غلاك
و منهد اوّل عرس صفگله نجمك
و منهد آخر حلم طفّاه ضواك
ماكسر فَيّ البراري ولاشبع وردي ابنداك
ومره گتلي
ياشذر ياهَيَه ياكشخة الباشه
طشني بدروبك محاچي
وخذني يافيْ التراچي
الروج عتني وغرگن اسنيني عطاشه
ومره گتلك
ياقفل شباچ حضره
الحِنّه يِبسَت والشموع ابلايَه بُرگع
والشمس شربت سماري ومالگيتك فَيْ ضريح
وچان بين الليل والمو ليل إصبع
چان حته اهلالك امزاعل سمارك
واذكر الكاروك صدري
وچان عمر الصبر مرضع
ومره گتلك
حصدت الوادم حنين
وانه بيّه الشوگ حال
لاشمس نثرت شعرهه
ولانفح ضيّه الهلال
وآخ ياچف الربيع الشتل بجروحي خضاره
وطاف بظنوني جوابه وعَسَّر ابشفتي السؤال
ومانشدتك ؟؟؟
ليش ياتالي الدلال !!
ليش دمك عندي كعبه
ودمي عندك دم غزال !!
ومره گتلي .. وستحيت
وخذني بيك الخوف لأحلام الرجيف
صللَّه بيّه وفَرني بيك أشواط سبعه
واشتراني اعلوم صيت
وباعني اعله العبره دمعه
وساوماني ابصم بخور
وشَبني بسطوح ال اگبور
المارضه ابحضن الصواني اعتلگ شمعه
ومره گتلي
ومره گتلك
ولتهينه وباگنه اتراب السوالف
وانتهينه وغرُّبت بينه السنين
الخطوه تتوچه اعله خطوه
وخايف ايهَدّي اعله خايف
وانه اصيحن (ها ي يَبَعد اليوجعني )
التعب خذني وباگنه اتراب السوالف
وافترگنه
وچان أوّل سفر شيب
وچان آخر طعم مر
وچان آخر بشر ذيب
وچان آخر مدري شنهي
وچان نوم الظن فزيز
وزرت روحي وجدَّدت شبّاچ نيتي
واختلط ماي المطر ويَّه النزِيز
ومن صحينه
لنهه وشلة كاس ظلّت
مدري ليش..
العمر من يصحه اعله وشله ايظل عزيز
ومدري ليش ايظل عزيز
مَرَّه گتلك
لاتتيه ابحضن غيري
امحاضن الغربه چذب
وانته گتلي
الشوگ شتله ايريد طين
وگتلك الغربه عذاب
وطين الولايه عذب
ومره گتلي
غَنّي ياماي القصايد
غني ياغربي اليهب
غَنّي بيّه واثمل ابكاس الهلاهل
والهلاهل مُهره من تصْهِل تِشِب
ومره گتلي
الليل ورَّثني جكاره
وشتهيتك چاي هيل وخُبز سَمرَه
واوف يللّه امن اشتهيك
الحلم يتبدّه قصيده
وانته تدري الحلم سفره
والعمر شَبَّت عِشِب
ومرّه گتلك
يانده اليحلف ابختك
كل ورد ديرتنه ذاك
يانبي القدّاح سولفلي شجاك ...!
يمته تتبرزل وضوگك
يمته ياشيبة غلاك
و منهد اوّل عرس صفگله نجمك
و منهد آخر حلم طفّاه ضواك
ماكسر فَيّ البراري ولاشبع وردي ابنداك
ومره گتلي
ياشذر ياهَيَه ياكشخة الباشه
طشني بدروبك محاچي
وخذني يافيْ التراچي
الروج عتني وغرگن اسنيني عطاشه
ومره گتلك
ياقفل شباچ حضره
الحِنّه يِبسَت والشموع ابلايَه بُرگع
والشمس شربت سماري ومالگيتك فَيْ ضريح
وچان بين الليل والمو ليل إصبع
چان حته اهلالك امزاعل سمارك
واذكر الكاروك صدري
وچان عمر الصبر مرضع
ومره گتلك
حصدت الوادم حنين
وانه بيّه الشوگ حال
لاشمس نثرت شعرهه
ولانفح ضيّه الهلال
وآخ ياچف الربيع الشتل بجروحي خضاره
وطاف بظنوني جوابه وعَسَّر ابشفتي السؤال
ومانشدتك ؟؟؟
ليش ياتالي الدلال !!
ليش دمك عندي كعبه
ودمي عندك دم غزال !!
ومره گتلي .. وستحيت
وخذني بيك الخوف لأحلام الرجيف
صللَّه بيّه وفَرني بيك أشواط سبعه
واشتراني اعلوم صيت
وباعني اعله العبره دمعه
وساوماني ابصم بخور
وشَبني بسطوح ال اگبور
المارضه ابحضن الصواني اعتلگ شمعه
ومره گتلي
ومره گتلك
ولتهينه وباگنه اتراب السوالف
وانتهينه وغرُّبت بينه السنين
الخطوه تتوچه اعله خطوه
وخايف ايهَدّي اعله خايف
وانه اصيحن (ها ي يَبَعد اليوجعني )
التعب خذني وباگنه اتراب السوالف
وافترگنه
وچان أوّل سفر شيب
وچان آخر طعم مر
وچان آخر بشر ذيب
وچان آخر مدري شنهي
وچان نوم الظن فزيز
وزرت روحي وجدَّدت شبّاچ نيتي
واختلط ماي المطر ويَّه النزِيز
ومن صحينه
لنهه وشلة كاس ظلّت
مدري ليش..
العمر من يصحه اعله وشله ايظل عزيز
ومدري ليش ايظل عزيز
ليث النعيمي
عاتبيني
روحي تعبها الونين
وكلفه احس من ما تجيني
عاتبيني .
روحي ساومها حزنها
ويا حزنها
( ليل شاعر ) ضيع بغفلة وكت فرحة سنينه
وهيج احس ضاعت سنيني
يالتجيني وما تجيني
شوغة السجه مسافه
وحسرة الماله صدر ومضة برك
تشعل حسافه
الج بين اوراقي دفتر
والج بين ضنوني ظن
الليل شاخص شايل بأيده عصاته
شما يدك روحي يشك بير المحن
واني ادري البيج سر
وهوه سر
بس تعاي الما يطاوعني شكله
منين اروضله عذر ؟؟
عيوني سود
تكتب بخد الوكت ذكره بعيده
وخلصت عيني حبر
بس تعاي
راح ابدل ( الــ بس تعالو ) ابس تعاي
واحرك الروح بغناي
وراح اكلج ( حني حني )
شويه يا عين الغدت واهس بجاي
بس تعاي
اني اريد عتاب منج
حتى ما يكضه العمر ومضه حزينه
ثقفت طول القلم
يكتب عتاب
كون بس تعاتبينه
شكد ينطرج
فطر اطرافه المناطر
وصل عليه كلش حنينه
شكد ينطرج ..
وغيرج اشكد ناطرينه
يالشواطيج حلك يبلع مدينه
روحي شيوصلها يمج
بلم روحي ومو سفينه
وادري بيج بلايه حد
شما اطبش بيج اغرك يلي كل يومج كمر
ما بيج مد
هواي لاعبني الوكت لعبات توجع
واني ادري بلعبه جد
هواي باس خدودي دمعي
وما بقه بس تالي خد
هواي سيل الاه تجري بغير موسم
مالي سد
عود عاكول اني سدي منيلي سد
والعواصف اخذت الخيمه الاوتني وضلي بس في الوتد
وضاع ضاع
ضاع راس الخيط غفله
وهسه خيطي بلايه راس
كلها نادت كلها كالت
انته حطاب المدينه
واني شجره بخصري فاس
شافو مكابر ضحكتي وعودي اخضر
ما درو كلب الخضار اصبح يباس
وكاس كاس
نادمت ليل المواجع كاس كاس
طين حري وماي دربج
ما اصل ما بي مداس
( وعين عين )
تشوفج وما بيها عيني
عاتبيني
عاتبيني
حنطت لون السواد براسي خاف يطيح عيب
وريت عيب
شعري من حزنه لبس ثوب السواد
ولان نيتي وياج بيضه بكلبه شيب
عاتبيني عتاب سكته
وعدلي ادروب العمر كلها متاها
عمري يمشي بغير وكته
اني سالفتي طويله بجال صدج
خاف تنطك هيج فلته
وانعلج بحلوك شرها
السالفه الينطك علجها تصير نكته
وحيل خايف
حيل خايف ما تجين
ترتجف حتى الشفايف
وارد اكلج شمشمت نوحي الطوايف
اني ابن ديره تحب صوت الغريب وما تحب تغريد ابنها
عاتبيني
اليسكت ومحبوس دمعه يموت ذل
واليسولف علهوى بزحمة مآثر ينكتل
اني شب طولي بزمن كله ( اجتثاث )
والعدل لازم يقاضيه اليزل
ان شب طولي بعراق اللا عراق
والعد لازم يقاضيه اليزل
عاتبيني
وخلي اسولفلج على احساسي وشعوري
خل اكوم اكلب عبرتي
وازرع العبرات جوري
وخل اسولف كلشي اسولف
واشعل شموع السوالف
واشمر بأيدج صيامي
واكفر بدين العواطف
شكد حلف عني الزمان خل اصير اليوم حالف
خل اعيش بكل صفاتي
اني زوجني الوكت عبره ويه لوعه
واجن بنواتي مصايب
رايد أوئدهن بناتي
بروحي كل ذكره طلع بيديها اظافر
تكشط بعمري تعالي
وكرضي اظافر ذكرياتي
بس تعالي
والبسي بجفج حياتي
بس تعالي
وعاتبيني
وما يخالف لو وره عتابج مماتي
عاتبيني
روحي تعبها الونين
وكلفه احس من ما تجيني
عاتبيني .
روحي ساومها حزنها
ويا حزنها
( ليل شاعر ) ضيع بغفلة وكت فرحة سنينه
وهيج احس ضاعت سنيني
يالتجيني وما تجيني
شوغة السجه مسافه
وحسرة الماله صدر ومضة برك
تشعل حسافه
الج بين اوراقي دفتر
والج بين ضنوني ظن
الليل شاخص شايل بأيده عصاته
شما يدك روحي يشك بير المحن
واني ادري البيج سر
وهوه سر
بس تعاي الما يطاوعني شكله
منين اروضله عذر ؟؟
عيوني سود
تكتب بخد الوكت ذكره بعيده
وخلصت عيني حبر
بس تعاي
راح ابدل ( الــ بس تعالو ) ابس تعاي
واحرك الروح بغناي
وراح اكلج ( حني حني )
شويه يا عين الغدت واهس بجاي
بس تعاي
اني اريد عتاب منج
حتى ما يكضه العمر ومضه حزينه
ثقفت طول القلم
يكتب عتاب
كون بس تعاتبينه
شكد ينطرج
فطر اطرافه المناطر
وصل عليه كلش حنينه
شكد ينطرج ..
وغيرج اشكد ناطرينه
يالشواطيج حلك يبلع مدينه
روحي شيوصلها يمج
بلم روحي ومو سفينه
وادري بيج بلايه حد
شما اطبش بيج اغرك يلي كل يومج كمر
ما بيج مد
هواي لاعبني الوكت لعبات توجع
واني ادري بلعبه جد
هواي باس خدودي دمعي
وما بقه بس تالي خد
هواي سيل الاه تجري بغير موسم
مالي سد
عود عاكول اني سدي منيلي سد
والعواصف اخذت الخيمه الاوتني وضلي بس في الوتد
وضاع ضاع
ضاع راس الخيط غفله
وهسه خيطي بلايه راس
كلها نادت كلها كالت
انته حطاب المدينه
واني شجره بخصري فاس
شافو مكابر ضحكتي وعودي اخضر
ما درو كلب الخضار اصبح يباس
وكاس كاس
نادمت ليل المواجع كاس كاس
طين حري وماي دربج
ما اصل ما بي مداس
( وعين عين )
تشوفج وما بيها عيني
عاتبيني
عاتبيني
حنطت لون السواد براسي خاف يطيح عيب
وريت عيب
شعري من حزنه لبس ثوب السواد
ولان نيتي وياج بيضه بكلبه شيب
عاتبيني عتاب سكته
وعدلي ادروب العمر كلها متاها
عمري يمشي بغير وكته
اني سالفتي طويله بجال صدج
خاف تنطك هيج فلته
وانعلج بحلوك شرها
السالفه الينطك علجها تصير نكته
وحيل خايف
حيل خايف ما تجين
ترتجف حتى الشفايف
وارد اكلج شمشمت نوحي الطوايف
اني ابن ديره تحب صوت الغريب وما تحب تغريد ابنها
عاتبيني
اليسكت ومحبوس دمعه يموت ذل
واليسولف علهوى بزحمة مآثر ينكتل
اني شب طولي بزمن كله ( اجتثاث )
والعدل لازم يقاضيه اليزل
ان شب طولي بعراق اللا عراق
والعد لازم يقاضيه اليزل
عاتبيني
وخلي اسولفلج على احساسي وشعوري
خل اكوم اكلب عبرتي
وازرع العبرات جوري
وخل اسولف كلشي اسولف
واشعل شموع السوالف
واشمر بأيدج صيامي
واكفر بدين العواطف
شكد حلف عني الزمان خل اصير اليوم حالف
خل اعيش بكل صفاتي
اني زوجني الوكت عبره ويه لوعه
واجن بنواتي مصايب
رايد أوئدهن بناتي
بروحي كل ذكره طلع بيديها اظافر
تكشط بعمري تعالي
وكرضي اظافر ذكرياتي
بس تعالي
والبسي بجفج حياتي
بس تعالي
وعاتبيني
وما يخالف لو وره عتابج مماتي
مصطفى الخزآعي
اعذرني
حزن روحي يفيّضني وافز غرگان!
حزن يتكسّر بعيني
حزن ماغاسله النسيان
حزن يندار بظنوني
حزن مشتول عالبيبان
الدمع الاسود وره غيابك يردني انسان
أعذرني العشگ نيشان
يالماشايف دموعي
الك بيّه بواچي الوان
كونك تسمع ليا صوب
صوتي يفزّع الدنيه حزن غرگان
ليليه احرگ بروحي
ويشب وجهك وره الدخان
عجب ذاك التراب اليروه بدموعي ولاخضّر على رموشك غصن للشوف؟
عجب يالنومتك طالت
ولاجاسك سراب طيوف
وعجب يم دورة عيونك
ولاتنگال سورة خوف
ولانجمه تسامر وحشة الحيطان
وتعبر لهفتي المصلوبه عالشباچ وتندهك صلاة چفوف
واصابيعي سجن وجهي وتصاويرك بعيني تطوف
اعذرني السنين سيوف
تذبحني الغباشي المرّن بلياك
شتله وغاب من عدهه الضوه والمي
العمر مبيوع سفره من الشمس للفيّ
العمر يلتم وره غيابك
وينطش نذر للملگه
أنه كلبي نذر لليشتري الخفگه
وذرعاني نذر لليشتهي الشبگه
هذا انه هويت الناس لعيونك يبعد الناس
ياتالي النفس ياصوغة الشهگه
ماظنيت مثل الغبشه ناوي تروح
وحدر عينك بگايه احلام محترگه
وماظنيت
وماظنيت
يشباچ الظنون تفتحك السكته
ويموّال الحنين تبوگك السكته
واغطي الـ اه بالضحكه
واكولن ماتموت انته
تطفه اعله الرمل گطره
وتطگ فوگ الرمل نبته
واگول انته
شما يلمع ضوه بظهر الضباب المر بالولايه
اگول انته
اعذرني
حزن روحي يفيّضني وافز غرگان!
حزن يتكسّر بعيني
حزن ماغاسله النسيان
حزن يندار بظنوني
حزن مشتول عالبيبان
الدمع الاسود وره غيابك يردني انسان
أعذرني العشگ نيشان
يالماشايف دموعي
الك بيّه بواچي الوان
كونك تسمع ليا صوب
صوتي يفزّع الدنيه حزن غرگان
ليليه احرگ بروحي
ويشب وجهك وره الدخان
عجب ذاك التراب اليروه بدموعي ولاخضّر على رموشك غصن للشوف؟
عجب يالنومتك طالت
ولاجاسك سراب طيوف
وعجب يم دورة عيونك
ولاتنگال سورة خوف
ولانجمه تسامر وحشة الحيطان
وتعبر لهفتي المصلوبه عالشباچ وتندهك صلاة چفوف
واصابيعي سجن وجهي وتصاويرك بعيني تطوف
اعذرني السنين سيوف
تذبحني الغباشي المرّن بلياك
شتله وغاب من عدهه الضوه والمي
العمر مبيوع سفره من الشمس للفيّ
العمر يلتم وره غيابك
وينطش نذر للملگه
أنه كلبي نذر لليشتري الخفگه
وذرعاني نذر لليشتهي الشبگه
هذا انه هويت الناس لعيونك يبعد الناس
ياتالي النفس ياصوغة الشهگه
ماظنيت مثل الغبشه ناوي تروح
وحدر عينك بگايه احلام محترگه
وماظنيت
وماظنيت
يشباچ الظنون تفتحك السكته
ويموّال الحنين تبوگك السكته
واغطي الـ اه بالضحكه
واكولن ماتموت انته
تطفه اعله الرمل گطره
وتطگ فوگ الرمل نبته
واگول انته
شما يلمع ضوه بظهر الضباب المر بالولايه
اگول انته
مصطفى الزبيدي
حزن والأخ تسبكني خفك جنحان...
لاميت والم روحي بتوالي الكاع..
ولاعايش..
ولابيه الحزن يكضي..
سكته الخوف جاساني وعبر بيه ..
مهر يركَض على الدنيا بعشب فضي...
مهر والعمر مايكَضي..
مهر والحزن مايكَضي..
وشفت وجهك..
خيال ايشوبح اعلى الباب..
يشرب من سما عيوني
شمسها ولونها الجذاب..
والصفنه...
ونثيث الروح والحركَه الجزت دمي..
بعد ذاك العتب والباب...
خفكَ جنحان..
وانا ادري العمر سكته ؟؟
خاف يطول مايكَضي!!
وانا ادري العتب والباب..
جويه او اوف..؟؟
غيمة بلاسما ولاكاع روحي اطوف!!!
ذنب...
والموت مو ذنبي..
لكن ياذنب يرهم اذا مات الورد بالخوف؟؟
يادنيا التلم حزني..
وانه غيضة نهر بيه بـ يباس الكَاع...
انه المذبوح والذباح
والدم البهت لونه برجيف الماي
بس ماضاع...
انه المابين كاع وكاع...عشت منفي
مشاويري جنايز والدروب اهواي..
وبروحي حركَ غابه..
ومكَابل وجوه وكل ضحك جذاب..
وانه وروحي اعلى بختك حيل جذابه..
بيها من الحركَ غابه..
وبيها من التعب لصفة كَمر مذبوح..
حدر ظله ينام الليل بثيابه..
وشفت وجهك..
دفو بيه...
دنية مكَلبه ومابيها بس انت..
وجه صد اعلى وجهي وضاعت الدنيه
وكَلتلك وين يالبيه...
حزني اهواي...
وعيونك عتب شباج بالجيه..
حزني اهواي...
وانا ادري الحزن شاره...
واكَلك لاتعذبني...
انه كَلبي جنح نورس..
ليش اتلومني امن ابجي يمن دنياك بحاره...
وليش اتلومني امن ابجي...
ومرات الدمع موقف...
اذا فز الوجه مبيوكَ ويدور على اعذاره...
من ساومني جف الموت غنيتك...!!
ومن كطعو مشاويرك وصحت هناك...
ريح المستحه الشباج زتيتك...
او من اخطوط البجفي...
رسمت اسمك وضميتك...
رسم ماضاع بجفوفي...
رسم من كل كتر بيه..
يفز عيون فختايه بكبر خوفي...
واجيس اسمك...
رغبة من الفرح لــ الله بركَص صوفي...
واجيس اسمك على اجفوفي
نداوه ومستحة ثلاثين..
نداوه وحدر في التوت..
ابوسك واعطش الملكَاك..
انه بجفوفي كلشي الكَاك..
انه بين الصحو والموت...
رجفه من الصحو والموت
هم الكَاك...
غيمه التمت بروحي ومطرها انت...!!
وخفت لاضيعك بكاع العطش وانضيع انا وياك...
وكتلك لاتعاندني...؟؟
شنو معنى العطش بالكاع؟؟؟
سواجي الماي جذابه..
وشنو معنى الحرك بالروح...
اذا ماطفته احبابه...
بعد كلبي يشب بيدك...
نحر كطره اعلى لبلابه.
نجم زاعل كمر بليل.
واتعنى اعلى شباجك..
يفض خلكَه..
ويسولف حركَة اعتابه..
نجم والروح مشتعله حركَ غابه...
ولايكَضي..
سكته الخوف جاساني وعبر بيه ...
مهر يركض على الدنيا بعشب فضي..
خيالك والحزن والباب..
رشكَة من الدفو والخوف...
والتم اعلى صدرك وانا متشظي..
حزن والأخ تسبكني خفك جنحان...
لاميت والم روحي بتوالي الكاع..
ولاعايش..
ولابيه الحزن يكضي..
سكته الخوف جاساني وعبر بيه ..
مهر يركَض على الدنيا بعشب فضي...
مهر والعمر مايكَضي..
مهر والحزن مايكَضي..
وشفت وجهك..
خيال ايشوبح اعلى الباب..
يشرب من سما عيوني
شمسها ولونها الجذاب..
والصفنه...
ونثيث الروح والحركَه الجزت دمي..
بعد ذاك العتب والباب...
خفكَ جنحان..
وانا ادري العمر سكته ؟؟
خاف يطول مايكَضي!!
وانا ادري العتب والباب..
جويه او اوف..؟؟
غيمة بلاسما ولاكاع روحي اطوف!!!
ذنب...
والموت مو ذنبي..
لكن ياذنب يرهم اذا مات الورد بالخوف؟؟
يادنيا التلم حزني..
وانه غيضة نهر بيه بـ يباس الكَاع...
انه المذبوح والذباح
والدم البهت لونه برجيف الماي
بس ماضاع...
انه المابين كاع وكاع...عشت منفي
مشاويري جنايز والدروب اهواي..
وبروحي حركَ غابه..
ومكَابل وجوه وكل ضحك جذاب..
وانه وروحي اعلى بختك حيل جذابه..
بيها من الحركَ غابه..
وبيها من التعب لصفة كَمر مذبوح..
حدر ظله ينام الليل بثيابه..
وشفت وجهك..
دفو بيه...
دنية مكَلبه ومابيها بس انت..
وجه صد اعلى وجهي وضاعت الدنيه
وكَلتلك وين يالبيه...
حزني اهواي...
وعيونك عتب شباج بالجيه..
حزني اهواي...
وانا ادري الحزن شاره...
واكَلك لاتعذبني...
انه كَلبي جنح نورس..
ليش اتلومني امن ابجي يمن دنياك بحاره...
وليش اتلومني امن ابجي...
ومرات الدمع موقف...
اذا فز الوجه مبيوكَ ويدور على اعذاره...
من ساومني جف الموت غنيتك...!!
ومن كطعو مشاويرك وصحت هناك...
ريح المستحه الشباج زتيتك...
او من اخطوط البجفي...
رسمت اسمك وضميتك...
رسم ماضاع بجفوفي...
رسم من كل كتر بيه..
يفز عيون فختايه بكبر خوفي...
واجيس اسمك...
رغبة من الفرح لــ الله بركَص صوفي...
واجيس اسمك على اجفوفي
نداوه ومستحة ثلاثين..
نداوه وحدر في التوت..
ابوسك واعطش الملكَاك..
انه بجفوفي كلشي الكَاك..
انه بين الصحو والموت...
رجفه من الصحو والموت
هم الكَاك...
غيمه التمت بروحي ومطرها انت...!!
وخفت لاضيعك بكاع العطش وانضيع انا وياك...
وكتلك لاتعاندني...؟؟
شنو معنى العطش بالكاع؟؟؟
سواجي الماي جذابه..
وشنو معنى الحرك بالروح...
اذا ماطفته احبابه...
بعد كلبي يشب بيدك...
نحر كطره اعلى لبلابه.
نجم زاعل كمر بليل.
واتعنى اعلى شباجك..
يفض خلكَه..
ويسولف حركَة اعتابه..
نجم والروح مشتعله حركَ غابه...
ولايكَضي..
سكته الخوف جاساني وعبر بيه ...
مهر يركض على الدنيا بعشب فضي..
خيالك والحزن والباب..
رشكَة من الدفو والخوف...
والتم اعلى صدرك وانا متشظي..
عبآس الغآلبي
وهدنت روحي وگلت بيه گصب
كلهه صارت هور ومربيه الشلب !
وشجرة الغار
التوجدني اعله طولي
اتفرهدت مني بحچي ولاية حطب.
چان ظني ..
الليل فصليه لحسبتي ؟
دوم اشوف احلامي طفله بعمري تلعب
ومادريت
الطين مكروه اعله زغره
ومن يشب تنور ينحب.
بينك وبيني
سجن هيل ودلال
وركضت اه تسبح لرب الصحاري الكاتلتني
الحلوه بيك اتريدني اتعافه بجفاك
الحلوه بيك اتريدني اتحاسب عليك
كون طيفك
ينحسب لمت شته
بتنور گلبي ليش اخاوي الليل بيدي
كون تدري بعيني
سفرة شارع مگابل مشيتك
ليش ماتحسبني عثره
ليش كل ميت عشگ يلگاني گبره
انه شمسوي لصلاتك
حتى شيطان المواعيد الخذتني يكفر بكلشي نسيم
فراگ وجهك مايفض بالله كريم
يابو وجه العافيه بسولة قطار تلولح بروحي دليل
السجه ماهي
وانته ماكو حته طعم الخمره فاهي
شنهو عود الدنيه مابيهه مچانك
وشنهو عود .. الناس
من اطلع گبلهه تگلي هنيالك يگمره
انت سامع بالنفس جتاله حسره
وانت سامع بالشمس
ما الهه صاحب
لو حجاهه غروب باهت
تحترگ وتبات حمره
كلشي بينه يعثر الدنيه الگبلنه
والله لو ماكو عشگ جا عشنه كفره
يل دفنت جفوفي بسنينك شتال
ياهَضم عني حصادك ياخصر
وياهو شاف الدنيه
كلهه بلا صلاة
وما عرف وجهك قدر
فرهدت گلبي وطلبتي
حتى لو دگت مهر
المسچ لو عاش بس اسمه مسچ تاليته يتعب.
وآنه يحييني الحرگ.
حزني مو غبشة آذان وحته يتسمه وزه.
النار ألهه اليضحكلهه
وهدنت روحي وگلت بيه گصب
كلهه صارت هور ومربيه الشلب !
وشجرة الغار
التوجدني اعله طولي
اتفرهدت مني بحچي ولاية حطب.
چان ظني ..
الليل فصليه لحسبتي ؟
دوم اشوف احلامي طفله بعمري تلعب
ومادريت
الطين مكروه اعله زغره
ومن يشب تنور ينحب.
بينك وبيني
سجن هيل ودلال
وركضت اه تسبح لرب الصحاري الكاتلتني
الحلوه بيك اتريدني اتعافه بجفاك
الحلوه بيك اتريدني اتحاسب عليك
كون طيفك
ينحسب لمت شته
بتنور گلبي ليش اخاوي الليل بيدي
كون تدري بعيني
سفرة شارع مگابل مشيتك
ليش ماتحسبني عثره
ليش كل ميت عشگ يلگاني گبره
انه شمسوي لصلاتك
حتى شيطان المواعيد الخذتني يكفر بكلشي نسيم
فراگ وجهك مايفض بالله كريم
يابو وجه العافيه بسولة قطار تلولح بروحي دليل
السجه ماهي
وانته ماكو حته طعم الخمره فاهي
شنهو عود الدنيه مابيهه مچانك
وشنهو عود .. الناس
من اطلع گبلهه تگلي هنيالك يگمره
انت سامع بالنفس جتاله حسره
وانت سامع بالشمس
ما الهه صاحب
لو حجاهه غروب باهت
تحترگ وتبات حمره
كلشي بينه يعثر الدنيه الگبلنه
والله لو ماكو عشگ جا عشنه كفره
يل دفنت جفوفي بسنينك شتال
ياهَضم عني حصادك ياخصر
وياهو شاف الدنيه
كلهه بلا صلاة
وما عرف وجهك قدر
فرهدت گلبي وطلبتي
حتى لو دگت مهر
المسچ لو عاش بس اسمه مسچ تاليته يتعب.
وآنه يحييني الحرگ.
حزني مو غبشة آذان وحته يتسمه وزه.
النار ألهه اليضحكلهه
Forwarded from قصيدة وشاعر 💙 📜 " (مصطفى اسعد)
عزيز عسكر
( هذا انه)
مدري المن حذوني شراع يل خصرك تعدى الشيب..
بين الروج والغافين شمس الله ويه وجهي تغيب..
غاد من العمر تابوت صوته يجيسني من ارتاح
ماتدري المناير بيك من كل كمره اشوفك جاي..
لكيت الدم رسايل غافيه بكل بيت وانت
ويه الكلايد ذيج شفتك ماي..
ياسجه التبات وياي بيها انت..
ياغيمه اعله وجه الكاع تتبدى حزنها انت..
افز من ياتعب والكاك ماخذني العباة الخوف صوت يريد..
دلني الفخاتي وياك وندليت حزني منين
بس ماوجدت شيريد..
اليشرب من رفيض الناس يتكسر بعينه الماي
انه بيا ضوى متانيك حسبة حيل..
بثيابك عبر ياغيم وانت بصف سمار الروح عديت الكناطر بيض هاك الطيف والباكو سواجيه التهو باليل..
ركضت منين ما بالدنيا يفتك باب
بس ماجستك ورديت يم روحي شكثر تعباااان
وجهي شلون مايندار يلكه لحزنك مرايااات
ﻻكي الدفو موادع ريح واطلع من كفاه بردان
ولصابيعك بخلكي شموع لوسافر ضواك وياي تشربني صبر سفان
شفتني وياك مزنه تناطر بنادم ورى ضنوني
وطحت كاع بسماك بغير ماتدري لحد مافززك لوني
هذا انه
وهذاك انته شتلت حجايتي بعمرك
وﻻكضيت بس ياااحيف
اشم طول السنابل سالفه بروحي
وارد منك غريب وياي واكسر خاطر عيوني
وين ادري الجدايل لوعرض بعيونها النسيان تضحك للعطش شلال
يلي منين ماغنوك اصابيعي تفز خيال
يا اخر سالفه بعين الفلح للكاع باكو من خيالي سنين
من تاهو طريج الله انه الرديتهم للطين
وهذااا انه
بعدني انسان
جواز لكل غريب يريد بيه يسافر لروحه
وهذا انه
شمس وفياي للما سولف جروحه
( هذا انه)
مدري المن حذوني شراع يل خصرك تعدى الشيب..
بين الروج والغافين شمس الله ويه وجهي تغيب..
غاد من العمر تابوت صوته يجيسني من ارتاح
ماتدري المناير بيك من كل كمره اشوفك جاي..
لكيت الدم رسايل غافيه بكل بيت وانت
ويه الكلايد ذيج شفتك ماي..
ياسجه التبات وياي بيها انت..
ياغيمه اعله وجه الكاع تتبدى حزنها انت..
افز من ياتعب والكاك ماخذني العباة الخوف صوت يريد..
دلني الفخاتي وياك وندليت حزني منين
بس ماوجدت شيريد..
اليشرب من رفيض الناس يتكسر بعينه الماي
انه بيا ضوى متانيك حسبة حيل..
بثيابك عبر ياغيم وانت بصف سمار الروح عديت الكناطر بيض هاك الطيف والباكو سواجيه التهو باليل..
ركضت منين ما بالدنيا يفتك باب
بس ماجستك ورديت يم روحي شكثر تعباااان
وجهي شلون مايندار يلكه لحزنك مرايااات
ﻻكي الدفو موادع ريح واطلع من كفاه بردان
ولصابيعك بخلكي شموع لوسافر ضواك وياي تشربني صبر سفان
شفتني وياك مزنه تناطر بنادم ورى ضنوني
وطحت كاع بسماك بغير ماتدري لحد مافززك لوني
هذا انه
وهذاك انته شتلت حجايتي بعمرك
وﻻكضيت بس ياااحيف
اشم طول السنابل سالفه بروحي
وارد منك غريب وياي واكسر خاطر عيوني
وين ادري الجدايل لوعرض بعيونها النسيان تضحك للعطش شلال
يلي منين ماغنوك اصابيعي تفز خيال
يا اخر سالفه بعين الفلح للكاع باكو من خيالي سنين
من تاهو طريج الله انه الرديتهم للطين
وهذااا انه
بعدني انسان
جواز لكل غريب يريد بيه يسافر لروحه
وهذا انه
شمس وفياي للما سولف جروحه
محمد الوسمي
چم دوب
اغلط وأشتاگ
واخزر گلبي بجيوبي
أذكر مره
الك حنيت
ولزمني ببابكم ثوبي
اعتنيتك
والشبر صوبين
وباخر نظرة ع الشباچ
بالخطوة اعثرت مرتين
يما تدري
اعز چفيتك اعله العين
وامسح دمعي برداني
اذا گلبك گبل وازاك
بعدك گلبي وازاني
أذا تشتاگلي وأشتاگ
ياهو العايف الثاني؟
لجلك طلگت دنيا
ورفضت من الگمر نوره
وكتبت بگلبي گبر ابليس
خاطر محد ايزوره
تدري الثلج صفنة ماي ..
چا ما تومي بحروره؟
اغار من النهر بالليل
ياخذ للگمر صوره
واسهر ليلي ما انامه
اخافن بالحلم لا اهيم
ادگك بيا وتد للروح
اشد اجدامي بجدامه
تخيل نايم ومشدود
عينن نوم البلامه
واعاين ع المرايا تراب
وانفخ روحي ما ادري
عفتني تراب
بعدك عيشة الفانوس
يذبحني النسيم الهاب
احس روحي صليب اموات
امس نام اعله متني غراب
تنيت الموعد البلطيف
شمدريني الحلم چذاب؟
وغصبا عني ع الأيام
خلگي ايطول
من يفقد اعصابه
شيكسر المشلول
دمر بالروح وسولف
كل الاعرفهن
اكو چذبات بس
محتاج اصدگهن
شلت روحي
هوه من المي
ونزعت هواي احبنهم
احترام لگلبي وهمومه
مثل المحترگ مجبور
لمن ينزع اهدومه
ألا انتَ عشت بالبال
رغم ما گلبي ما همك
شو صاير بخور السوگ
ياهو يعامل ايشمك
چم دوب
اغلط وأشتاگ
واخزر گلبي بجيوبي
أذكر مره
الك حنيت
ولزمني ببابكم ثوبي
اعتنيتك
والشبر صوبين
وباخر نظرة ع الشباچ
بالخطوة اعثرت مرتين
يما تدري
اعز چفيتك اعله العين
وامسح دمعي برداني
اذا گلبك گبل وازاك
بعدك گلبي وازاني
أذا تشتاگلي وأشتاگ
ياهو العايف الثاني؟
لجلك طلگت دنيا
ورفضت من الگمر نوره
وكتبت بگلبي گبر ابليس
خاطر محد ايزوره
تدري الثلج صفنة ماي ..
چا ما تومي بحروره؟
اغار من النهر بالليل
ياخذ للگمر صوره
واسهر ليلي ما انامه
اخافن بالحلم لا اهيم
ادگك بيا وتد للروح
اشد اجدامي بجدامه
تخيل نايم ومشدود
عينن نوم البلامه
واعاين ع المرايا تراب
وانفخ روحي ما ادري
عفتني تراب
بعدك عيشة الفانوس
يذبحني النسيم الهاب
احس روحي صليب اموات
امس نام اعله متني غراب
تنيت الموعد البلطيف
شمدريني الحلم چذاب؟
وغصبا عني ع الأيام
خلگي ايطول
من يفقد اعصابه
شيكسر المشلول
دمر بالروح وسولف
كل الاعرفهن
اكو چذبات بس
محتاج اصدگهن
شلت روحي
هوه من المي
ونزعت هواي احبنهم
احترام لگلبي وهمومه
مثل المحترگ مجبور
لمن ينزع اهدومه
ألا انتَ عشت بالبال
رغم ما گلبي ما همك
شو صاير بخور السوگ
ياهو يعامل ايشمك
موعود قاسم الرشيدي
بطلوع الشمس ذكّرني
و اذِكرك لمن اتغرب
على گبري كتبتك اسمك
حزنك هاكثر بيه ... حنين مچلب اتچلب
اصيحك بيش ؟
طايح بالدرب حلگي
اصيحك بيش ؟
انا بدلت يوز اشفايفي بسرگي ...
امدخن و التتن بالروح ...
امدخن و الجمر يطفى و ينفخه النوح
قريت اسمك على گبري
اگعدت و اقريت فاتحتي ...
تلمست التراب و عاتبت روحي
ولچ متّي ؟
الحزن من يشتهي ابن آدم يتبعه اذلال
الدمعه ... افيش ماتنگال
انا حسبالي كل الناس تشبهني
گد ما رافگيت اشكال
كلهم غمسو بيه السهر و الضحچ ... و الأهمال
تاليتي علگ بذيال شيله
اندفنت بكنتور ...
تاليتي بطرگ روحي گبر بس بعده ما محفور
انا مهجور ...
من اهد ما چلبت بعباية الديره
و خذتني وضعت بالغربه
انا مهجور
ورقت الوجوه و مالگيت البسمه التلمني
شيگومني ...
طحت بحلوگهم هسه شيگومني ...
گالو ماكو منك ... من چنت نجمه
طحت ...
و الگيت لا صورة
و لا ريحت ذچر مني ...
بطلوع الشمس
اذكرني ...
.
بطلوع الشمس ذكّرني
و اذِكرك لمن اتغرب
على گبري كتبتك اسمك
حزنك هاكثر بيه ... حنين مچلب اتچلب
اصيحك بيش ؟
طايح بالدرب حلگي
اصيحك بيش ؟
انا بدلت يوز اشفايفي بسرگي ...
امدخن و التتن بالروح ...
امدخن و الجمر يطفى و ينفخه النوح
قريت اسمك على گبري
اگعدت و اقريت فاتحتي ...
تلمست التراب و عاتبت روحي
ولچ متّي ؟
الحزن من يشتهي ابن آدم يتبعه اذلال
الدمعه ... افيش ماتنگال
انا حسبالي كل الناس تشبهني
گد ما رافگيت اشكال
كلهم غمسو بيه السهر و الضحچ ... و الأهمال
تاليتي علگ بذيال شيله
اندفنت بكنتور ...
تاليتي بطرگ روحي گبر بس بعده ما محفور
انا مهجور ...
من اهد ما چلبت بعباية الديره
و خذتني وضعت بالغربه
انا مهجور
ورقت الوجوه و مالگيت البسمه التلمني
شيگومني ...
طحت بحلوگهم هسه شيگومني ...
گالو ماكو منك ... من چنت نجمه
طحت ...
و الگيت لا صورة
و لا ريحت ذچر مني ...
بطلوع الشمس
اذكرني ...
.
وحدة وحدة بهيدة وشل مايهن
وانفض كحلهن وحدة وحدة
فراگك وديرة عيونك مو حملهن
وحدة وحدة
ديرني من آخر سما
ولا بالچذب يندار وجهك
ديرني المتبدي منك
مآ صبر من ضاگ حسنك
آنه مو شغلة اريد اكسر قرارك
آنه ذاك الشال غيض اعلى الورد
من طخ سمارك
آنه المسبگ واصيح افيييش نارك
الوادم تفييلي واستاحش خيالك
آنه ذاك الـ لم بواچي الناس بسكوت وبچالك
يا حنين اليجي ببالك
آنه چنت اوياك احن
عيوني لوما عاشگاتك ما عمن
صير اوياي
حزنك لايگ لحزني
ليش شما اريد اقراك اشوفك كاعد تچزني
صير اوياي...
چا هو شفزع للطين غير الماي
وليش ابن ادم يسمّوك
وانت اول بزر لچلاي
ادم ما موشل الكاس
انت ابني يبعد الماي
انت اول صدك يتربع بعمري
وچا يمته گذلتك تفرش بصدري
يخي عونك على عيونك
وعلى كلشي انقرا بلونك
يرب ضحكاتي الگليلات
مامش عافية بدونك
احضني لحد ما اتييه بحضنك
تراها سوالف المشتاگ ما تنفض بالشلونك
اشتهيتك يا سبب نذري
وصليتك قصيدة بكاع كل محراب
ولگيتك انت رب شعري
خطية الما يشبهونك
يالماخذني من الناس اثاري العافية عيونك
وطن مصيوغ برگبتك
وشفتي جدام الغريب
من غميج الروح احبك مدري ليش
وآنه امس من اشتريتك
هاك گتلك گبل لا اكلك بيش
السالفة الما تبدي منك ما تعيش
گوة ميزت الصبح من لون خدك
ليش چا تارسني بيك وباقي وحدك
بكثر ما شفتك بروحي خفت لا اكفر واعبدك
خاب گمت اكفر واعبدك
مرايتك .. طولك .. ضحكتك
والضريح الجوة قمصانك
رگبتك
هنه ذني الما يخلني استراح
الغربة من تدوور بناسك عرف
الكاع حد صوابها بكد النزف
الغربة من تدوور بناسك اثر
لوجوه ناسك
وانت واحد شايل بچفك
رسالة و ليش و دموع
وشليل من النشد
الغربة عند العاشگ اهله تبتدي براس العگد
موت...
جنازك الصوت ونسمتك كافور لحدك
واخذ دخان الجكارة يسولف اويا تراب خدك
موت...
حتى تعيش وحدك
واخذ كل الطين شاهد
العطر للقمصان ثورة
الليل للمشتاگ ثورة
وحتى مفتاح الضوى محتاج ثورة
ومدري ليش ..
الناس عدهم وكفة الشباچ عورة
سافر بتذكرة عمرك
واخطف عيون المحطات بقطارك
يا غريب اليوم جنسيتك سمارك
وصاحب عيونك اذا ما صح رفيج
وغازل من الليل گمرة
وصير انت الرب اذا لاگيت فقره
صير ثورة
حتى لا تنفهم عدهم وگفة الشباچ عورة
لا تدورهم وخل حزنك رسايل
الناس حتى للضوى تانيله عثرة
الليل من تكبر حسرته يفيض نجمه
وسولف البيك اويا روحك
حتى مو گدام خدك دمعك من يطيح علمه
غيب لتدوور بناسك ناس تنشد
محد اليفگد عيونك
ابعد شما بيك تبعد
غيب لا من ريتك يبوكون نسمة
گبل لا جرحك يلچمك
سافر ومشط ضحكتك باول مرايات حلمك
انسى كل وجوه ناسك عمرك المتبدي لمه
انسى والنسيان نعمة
عيش وحدك
حتى لا تبقى هذاك الـ من وكت مبيوگ عمره
وظل غريب الناس عن النار شمرة
كافي اخاف اليوم اريد احجيها
شامتك عد يا سما مسويها
نعمة الله نبوسها لمن تطيح
فدوة گطرة شفتك بديها
و ديرلي عيونك ترة عيونك ثواب
الكاع لذتها بمتن راعيها
الصبح شيعودلك طالع عليك
الغيمة شمضيعة وتدورك بيها
وهذا شعرك طاح ساكت لو الليل
چفوفك الله بيا ضوى مغطيها
الله شاهد من اريد اصفن عليك
(الفاتحة و يس) احس قاريها
المشكلة ( مرة گتلي شلونك )
ولسه اني زين...
وجهك انت العافية ومابيها
انه المحيرني والشادهني بيك
يا دلال لخصرك يماشيها
وحگ شلال الضوه الجوة القميص
رمشة عيونك اخاف اعليها
صوتك يحشم النوارس عالنشيد
فوگ وجهك چم شمس ناسيها
الوطن خدران برگبتك مو الناس
عاشكك والمستحى مخليني اموت
ولشوكت راح اسكت وتاليها
اي احبك واستلذ بس بهواك
اليوم وياك الكرامة انهيها
اتدنى خل يتبدى من حضني عليك
هي هاي الساعة المتانيها
الظلمة تبدي وماتمض بينا الـ افيش
وبيك اطلع حرگة الباچيها
#لـ مصطفى الشمري
وانفض كحلهن وحدة وحدة
فراگك وديرة عيونك مو حملهن
وحدة وحدة
ديرني من آخر سما
ولا بالچذب يندار وجهك
ديرني المتبدي منك
مآ صبر من ضاگ حسنك
آنه مو شغلة اريد اكسر قرارك
آنه ذاك الشال غيض اعلى الورد
من طخ سمارك
آنه المسبگ واصيح افيييش نارك
الوادم تفييلي واستاحش خيالك
آنه ذاك الـ لم بواچي الناس بسكوت وبچالك
يا حنين اليجي ببالك
آنه چنت اوياك احن
عيوني لوما عاشگاتك ما عمن
صير اوياي
حزنك لايگ لحزني
ليش شما اريد اقراك اشوفك كاعد تچزني
صير اوياي...
چا هو شفزع للطين غير الماي
وليش ابن ادم يسمّوك
وانت اول بزر لچلاي
ادم ما موشل الكاس
انت ابني يبعد الماي
انت اول صدك يتربع بعمري
وچا يمته گذلتك تفرش بصدري
يخي عونك على عيونك
وعلى كلشي انقرا بلونك
يرب ضحكاتي الگليلات
مامش عافية بدونك
احضني لحد ما اتييه بحضنك
تراها سوالف المشتاگ ما تنفض بالشلونك
اشتهيتك يا سبب نذري
وصليتك قصيدة بكاع كل محراب
ولگيتك انت رب شعري
خطية الما يشبهونك
يالماخذني من الناس اثاري العافية عيونك
وطن مصيوغ برگبتك
وشفتي جدام الغريب
من غميج الروح احبك مدري ليش
وآنه امس من اشتريتك
هاك گتلك گبل لا اكلك بيش
السالفة الما تبدي منك ما تعيش
گوة ميزت الصبح من لون خدك
ليش چا تارسني بيك وباقي وحدك
بكثر ما شفتك بروحي خفت لا اكفر واعبدك
خاب گمت اكفر واعبدك
مرايتك .. طولك .. ضحكتك
والضريح الجوة قمصانك
رگبتك
هنه ذني الما يخلني استراح
الغربة من تدوور بناسك عرف
الكاع حد صوابها بكد النزف
الغربة من تدوور بناسك اثر
لوجوه ناسك
وانت واحد شايل بچفك
رسالة و ليش و دموع
وشليل من النشد
الغربة عند العاشگ اهله تبتدي براس العگد
موت...
جنازك الصوت ونسمتك كافور لحدك
واخذ دخان الجكارة يسولف اويا تراب خدك
موت...
حتى تعيش وحدك
واخذ كل الطين شاهد
العطر للقمصان ثورة
الليل للمشتاگ ثورة
وحتى مفتاح الضوى محتاج ثورة
ومدري ليش ..
الناس عدهم وكفة الشباچ عورة
سافر بتذكرة عمرك
واخطف عيون المحطات بقطارك
يا غريب اليوم جنسيتك سمارك
وصاحب عيونك اذا ما صح رفيج
وغازل من الليل گمرة
وصير انت الرب اذا لاگيت فقره
صير ثورة
حتى لا تنفهم عدهم وگفة الشباچ عورة
لا تدورهم وخل حزنك رسايل
الناس حتى للضوى تانيله عثرة
الليل من تكبر حسرته يفيض نجمه
وسولف البيك اويا روحك
حتى مو گدام خدك دمعك من يطيح علمه
غيب لتدوور بناسك ناس تنشد
محد اليفگد عيونك
ابعد شما بيك تبعد
غيب لا من ريتك يبوكون نسمة
گبل لا جرحك يلچمك
سافر ومشط ضحكتك باول مرايات حلمك
انسى كل وجوه ناسك عمرك المتبدي لمه
انسى والنسيان نعمة
عيش وحدك
حتى لا تبقى هذاك الـ من وكت مبيوگ عمره
وظل غريب الناس عن النار شمرة
كافي اخاف اليوم اريد احجيها
شامتك عد يا سما مسويها
نعمة الله نبوسها لمن تطيح
فدوة گطرة شفتك بديها
و ديرلي عيونك ترة عيونك ثواب
الكاع لذتها بمتن راعيها
الصبح شيعودلك طالع عليك
الغيمة شمضيعة وتدورك بيها
وهذا شعرك طاح ساكت لو الليل
چفوفك الله بيا ضوى مغطيها
الله شاهد من اريد اصفن عليك
(الفاتحة و يس) احس قاريها
المشكلة ( مرة گتلي شلونك )
ولسه اني زين...
وجهك انت العافية ومابيها
انه المحيرني والشادهني بيك
يا دلال لخصرك يماشيها
وحگ شلال الضوه الجوة القميص
رمشة عيونك اخاف اعليها
صوتك يحشم النوارس عالنشيد
فوگ وجهك چم شمس ناسيها
الوطن خدران برگبتك مو الناس
عاشكك والمستحى مخليني اموت
ولشوكت راح اسكت وتاليها
اي احبك واستلذ بس بهواك
اليوم وياك الكرامة انهيها
اتدنى خل يتبدى من حضني عليك
هي هاي الساعة المتانيها
الظلمة تبدي وماتمض بينا الـ افيش
وبيك اطلع حرگة الباچيها
#لـ مصطفى الشمري
حسن الحسآني
سفر للبرزخ بروحين
وحيّ ذنوبي درب متعوب
ومطر غنّه …
شكو بروحي الـ تراب البوب
سفر وعيوني معصوبات للمدري
وباهلت التراب الباسني وبسته
وعلگته حدر صدري ..
اخذو عيوني اريد ارتاح
البچي معيبر الـ ذاك الصوب
سفر للبرزخ بروحين
جسد يشتم ملامح غربتي ودمعي
ويتمرگص بفي الطين
اريد ارتاح
وجسد يتثاوب من الـ اخ
هجرة من الجسد لأخر سما من الخوف
وارد ملهوف
وارد مرعوب
ارد مرعوب من كلبي
وأسولفله
ياكلبي ... غريب انت
وحيد ومحد يحبك
غريب انت
اسافر وين ياعمري خطية انت
الٓه الشوگ شمتاني ( اخذ عبدك )
اسجدلك
هلال وعيد وغنّة وضحكة عرايس ماي
عليمن جاي
( اله الشوگ ) حلم من ضىّ يراودني
موكتلي تفارگنه عليمن جاي يبچيلي
وحيّ ذنوبي يناغيلي
اقرأ …
كل حزن سافر من ضلوعك على عيونك
اثارينا رسالة ورب
وقريت اسمي وهويتي وكل جنوبيتي
ونسيت احجي
ولك نوبات
حزني يبوسني ويبچي؟
يرب الماي
ماشربك لون گيظي يبس حلگه ؟
وانه العطشان لرسومي
انه العطشان
دليني بعطر منك ملينه حجي القمصان
مكاتيب التتن دخان
هذا انه بطرك روحي ومواعيدي
لحاچي مظفر بحلمي واسولفله
يمظفر غربتك حيل تشبهني
ويمظفر حزنك يوجع ضلوعي
وحق عيني
شمدريني
الشمس عاهر تشم حلمي وتفرهدني
يمظفر غربتك حيل تشبهني
وارد لأول جسد وامسح تراب البوب
على ياتابوت تنشدني وارد مذلول
لكيت الله ؟
ومواعيدك چذب منسي
بس ما اتوب
سفر للبرزخ بروحين
وحيّ ذنوبي درب متعوب
ومطر غنّه …
شكو بروحي الـ تراب البوب
سفر وعيوني معصوبات للمدري
وباهلت التراب الباسني وبسته
وعلگته حدر صدري ..
اخذو عيوني اريد ارتاح
البچي معيبر الـ ذاك الصوب
سفر للبرزخ بروحين
جسد يشتم ملامح غربتي ودمعي
ويتمرگص بفي الطين
اريد ارتاح
وجسد يتثاوب من الـ اخ
هجرة من الجسد لأخر سما من الخوف
وارد ملهوف
وارد مرعوب
ارد مرعوب من كلبي
وأسولفله
ياكلبي ... غريب انت
وحيد ومحد يحبك
غريب انت
اسافر وين ياعمري خطية انت
الٓه الشوگ شمتاني ( اخذ عبدك )
اسجدلك
هلال وعيد وغنّة وضحكة عرايس ماي
عليمن جاي
( اله الشوگ ) حلم من ضىّ يراودني
موكتلي تفارگنه عليمن جاي يبچيلي
وحيّ ذنوبي يناغيلي
اقرأ …
كل حزن سافر من ضلوعك على عيونك
اثارينا رسالة ورب
وقريت اسمي وهويتي وكل جنوبيتي
ونسيت احجي
ولك نوبات
حزني يبوسني ويبچي؟
يرب الماي
ماشربك لون گيظي يبس حلگه ؟
وانه العطشان لرسومي
انه العطشان
دليني بعطر منك ملينه حجي القمصان
مكاتيب التتن دخان
هذا انه بطرك روحي ومواعيدي
لحاچي مظفر بحلمي واسولفله
يمظفر غربتك حيل تشبهني
ويمظفر حزنك يوجع ضلوعي
وحق عيني
شمدريني
الشمس عاهر تشم حلمي وتفرهدني
يمظفر غربتك حيل تشبهني
وارد لأول جسد وامسح تراب البوب
على ياتابوت تنشدني وارد مذلول
لكيت الله ؟
ومواعيدك چذب منسي
بس ما اتوب