“KINOKARVON” LOYIHASI DOIRASIDA SHAHRIXONDA TANIQLI AKTYOR VA SHOIRLAR BILAN UCHRASHUV O‘TKAZILDI

Bugun Shahrixon tumani Madaniyat saroyida “Biz bir bo‘lsak - yagona xalqmiz, birlashsak – Vatanmiz!" shiori ostidagi “Kinokarvon” loyihasi doirasida ma’naviy-ma’rifiy tadbir o‘tkazildi.
Unda ishtirok etgan O‘zbekiston xalq artisti Tesha Mo‘minov, O‘zbekistonda xizmat ko‘rsatgan artist Rixsivoy Aliyev, taniqli aktyorlar Farhod Xudoyberdiyev, Anjelika Yesimbetovalar mamlakatimizda amalga oshirilayotgan islohotlar, yurtimizda yangi suratga olingan filmlar, kino sohasida erishilayotgan yutuqlar, milliy san’atimizning yoshlar ma’naviyatini yanada yuksaltirishdagi ahamiyati xususida so‘z yuritdilar. Ayniqsa, O‘zbekistonda xizmat ko‘rsatgan madaniyat xodimi Bobur Bobomurod, andijonlik iste’dodli shoir Orif Meliyev tomonidan o‘qilgan she’rlar tadbirga yanada fayz kiritdi.
Qiziqarli tarzda o‘tgan mazkur uchrashuv ishtirokchilarda unutilmas taassurotlar qoldirdi.
————
Шаҳрихон тумани ҳокимлиги
Матбуот хизмати