Халкыбызның иң мөһим мәдәни ел вакыйгасы - «ТАТАР СҮЗЕ» бишенче Халыкара нәфис сүз телевизион бәйгесенең финалы узды! 🔥

Бәйге Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан - Яңа Гасыр» телерадиокомпаниясе тарафыннан оештырылды.

Бу сезонда «ТАТАР СҮЗЕ» бәйгесенәТатарстаннан, Россиядән һәм чит илләрдән 4500дән артык гариза кабул ителде.
Профессиональ жюри җиңүче булырга лаеклы 38 эшне сайлап алды, алар Гала-концертта игълан ителделәр.

Җиңүчеләр сәхнәдә мактаулы бүләкләр, исемле таныклыклар һәм акчалата премияләргә лаек булдылар. Премиаль фонд – 2 000 000 сум.

Гала-концерт буыннар арасындагы бәйләнешне, милли мәдәниятнең матурлыгын һәм байлыгын ассызыклады.

Программаны татар эстрадасының күренекле йолдызлары бизәде: Татарстан Республикасының халык артисты Зәйнәб Фәрхетдинова, Сәид Галиуллин, Рөстәм Хөсәенов. Тамашачыларны шулай ук яшерен кунак - Ришат Төхвәтуллин чыгышы сөендерде!

🔥

Барлык катнашучыларны һәм җиңүчеләрне котлыйбыз!
Әйдәгез күп лайклар калдырыйк! ❤️