🌻🌻🌻🦋.

تخيّل بس؟

أنو الوجه اللي بتشوفه كل نهار بملل...
في حدا مستعد يدفع نص عمرهُ ليشوفه دقيقة وحدة بس! 🤎

أحتاجُك ..
ك رغبة شخص مُتعب يرغب بالوصول إلى منزلهِ 🌻🤎

#شامِة 🪽

دَخلك.. شو إلو مَعنى اللّيل إذا ما نطرتني؟ 🤎🤎🤎🎶.

3:04صَ _شامِة 🕯

جدّي أحمَد عبدُ الله يَسقي قارئ وكاتب وشاعر مواليد الـ1931، رحمة الله عليه 🤎🕯

لمّا سألتو: = ليش أنا؟
قلّي:
- أنتِ الأولى والأخيرة، أنتِ كل مية سنة لحتى تخلق مرَه متلك! 🤎

«مسيلمة الكذّاب».

هلأ المُهم،
جايّ عَ بالي شي ما بعرف شو هوّ!🤎🥲

شلون بَعرف؟
3:13صَ

أكتوبر الجميل! 🌻
كنت متأملة من أيلول يكون مخبّيلي آمال حنونة بجيوبو
غمّضت عيوني، ويوم بَعد يوم أيلول أهداني غيوم مطّرت عليي أمَل!
حسّيت أنو لمّا بنبلّش شهر جديد بنيّة جديدة
طاقة هالشهر رح تنجذب إلنا ع حسب كيف متأملين تكون أيّامنا ..

هالمرة رح حاكيك ..
أكتوبر، بتأمّل أنك تكون دافي وحنون متل حنيّة الأمّهات
بتمنّى أحصُد فيك اللي زرعتهُ بهالماضي وتعطيني يُسر وحُب والكتير من الشغف بحلول المطَر،
بتمنّى تهديني كمشة رضا تحتوي عقلي الغاضب دائمًا وتهدّيه ... 🤎

#ديما_عبطيني 🪽

مُنذ اول حَديث دارَ بيننَا، ادرَكتُ بأني لن انجو مِنك ابداً. ♥️

5:05صَ

وبصبَاح بارِد متل قلبّ المدينة يلي ساكنة فيها ..

ناديتك من حِزني
عرفت إنّك مَعي 🌻

= مَن الّذي سرّب إليك معلومة أنّي أُنثى شتويّة؟
أُمطر حبًا، وحبًا، وحُب!

- ملامحكِ تسرِّبُ كلَّ ما أُضمِر فيك
مثلاً أنَّكِ بعنفوانِكِ تحلِّقينَ في ليلِ الشتاء
تصنعينَ عاطفتكِ مثلَ كوبِ قهوة
وتستعيدينَ صوتك عبرَ خيالاتك
بلا مَلل
فقط الهدوء ومعطفك الصوفيّ. 🤎

_ رسائل أكتوبر _ 🌻.

فراشةٌ هي 🦋
أينما حلّت يأتي معها الحُب .. والكثير من الحُب 🦋🦋🦋

شامِة 🪽

الإنسان يتورّد بعيون مَن يُحب 💗💗💗🧚🏻‍♀️

شامِة 🪽

أن أعود إلى البيت بعدَ يومٍ قارح التّعب، مُنهكة من مشقّة الطرقات،
من اللغو مع النّاس، من أصوات السيارات، وأضوية الشوارع، وسائقي التكاسي، وإشارات المرور.

فألقاك كما أنتَ ..
بحنانِك، بشقاوتك وضِحكتك التي أُحب!
تنتظرني عندَ مطلعِ قصيدة، بيدك كوبين من الشاي الساخن
أعددتهُ لي لأنّك تعلمُ أنّي «أُحب» الشاي من بين يديك
تاركًا لي بعضًا من الصحون المتكسّرة والغير نظيفة في المَطبخ، وعلى الطرفِ الآخر من مائدة عِشقنا هناك حيثُ وعاء البيتزا اللذيذة التي أعددتها من أجلي، تنتظرني معَك أيضًا .. بكامل شهيّة الحُب
لم أشتم سوى رائحة حُب من البيتزا، لا رائحة البيتزا الحقيقية!
لا أدري يا ربّاه ..
أَيُمكن أن يكون لإنسان ما في العالم رائحة، تشبه رائحة الحُب؟
بيديك الدافئتان، وعيناك الممزوجة ببريق النُعاس
تقطّع البيتزا لي وتنفُخ عليها من رياح فمك .. تضعُ قضمةً في فمي وتنتظرني ..
وتنتظرني! كم أُحب أن تنتظرني ..
أن أراك مُتعبًا أكثر منّي، ومُنهكًا أكثر منّي
وبرغمِ تواجد «ضرّتي» التي أكره وهي «النومة» حولك تنثُر عِطرها هنا وهنا إلى أن تجعل عينيك خاضعة لها ..
لكنّك رجُل، ووعدُ الرجال حقّ لا يُردّ
وعدتني أنّك لن تترك طِفلتك تغفو بعيدة عن صدرك .. أقصد «بيتها».
وأنّك ستنتظرها مهما خضعت عيناك لضرّتي ..
أعشقُ أنك تنتظرني ..
أُحبُّك لأجل أنك تنتظرني دائمًا.
وأُحب أنك هنا بَيني وبَيني
وكأنّك تُغني لي أغنية فيّروز:
"ولمّا ع حالي سكرت الباب، لقيتك بيني وبين حالي! "🕯

ضلّك ناطرني وتأكد إني جاي ..
جاي لحتى أخطُف من نجمات عيونك
سما وسافر فيها لعندك يا وِشاح العُمر. 🤎

#ديما_عبطيني 🪽.

أحبّائي في الله ..
ادعولي بالشفاء الله لا يضركم ولا يوجعكم 💔

ما حدا ع هالطرقات فاضية الشوارع..
بس ليش عم بلمح وجّك؟
بضوّ سيغارة مجهول واقف عالبرندة ..
بين الشبابيك المسكّرة، ومرايا البيت!
بنص العتمة حتى؟
عم غمّض عيوني لحتى أقطع الخيوط
يلي عم تنحت وجّك بين رموشي
أو أو، مارح كذّب ع حالي، إي.
عم غمّض عيوني
لإتذكّر وجّك .. بعدو أليف؟ بعدو ظريف ..؟
بعدك متذكّر شهر ميلادي؟ نوڤمبر؟
وآخر جورية صفرا خبّيتلي ياها بالكتاب!
متذكر آخر غنيّة سمعناها بالشارع؟
بوقتا تطلّعت فيك بزعَل غميق، كانت عَبير نعمة
عم تغني غنيّتي اللي بحبّا...
بعدك متذكرا؟ ولا عم تتناسى حتى موسيقتها؟
مع أنو آخر مرة شفتك فيها، من شي؟ مابعرف كم سنة
ورن تلفونك عصّ قلبي لمّا سمعتها ..!
أي أي انتبهت أنك حاطتها نغمة رنين، بس ليش؟
مو كنت تحكيلي أنو نحن حَبيبين وليل؟
مِش غريبين ...
معقول اقتنعت انو نحن غريبين؟
وجمعنا ليل، وفرّقنا ليل؟
وتنهيدة!
يمكن تودّعنا ، بس صوتك ما غاب
بعدو بذاكرتي عم يغنيلي:
عشّاق الطرقات إفترقو لا حكي لا مواعيد
أنا وحدي صوت الشوارع، أنا طير الإرميد! 🤎

#ديما_عبطيني 🪽

الصّباح اللي ببلّش بصوتك هوّ اسمو صباح الخير
ما تبقّى كلّو، مجرّد تأويل.
وبعدين نسيت قلّك إني بكره الفيقة الصّبح ..
بس صوتك مُمكن يخليني عيد النظر بعلاقتي مع الصّباح! 🤎🌥

#ديما_عبطيني 🪽