مسا المسا .. بمُناسبة شهر نوڤمبر وبما أنّي إنسانة ما بتحبّ الروتين
قررت قرار ينصّ على:
"تغيير صورة البروفايل الخاصّة بصفحتي شامِة "
واللي مرق على تأسيسها ما يُقارب 5 سنوات ..
وطيلة هالسنين كنت موحدة البروفايل، وماغيّرتو
وصارت الصورة مرتبطة بشامِة رباط وثيق
بس مع الوقت حبّيت يكون بروفايل الصفحة المعهود عليه
فيو شي منّي، فيني، بيشبهني ..
لذلك أنا هلأ رح ودّع هي الصورة، واستقبلو معي
بروفايل شامِة الجديد 😎🤎

بحبّكن.. ولا تضيعوني!
أنا هون متل ما أنا ..
رح ضل إكتب لإلكن لتتعافى أرواحكن 🌻.

لله طريقته المبهرة ‏
في حل كل هذا الذي يعصف بك ..
‏لله لطفه الخفي ويده الحانية الخيّرة
‏التي ستجعل للقصة ختاماً لائقاً بهذه المشقّة 💛

دون أن يُخبرني أحد 🌑🤎

‏"الحبّ، أن ألمح وجهكَ على زجاج المقهى
‏وأنتظر دخولك طوال الوقت، وأنتَ في مدينةٍ أُخرى".🤎

ياربّ نستودعك هذا البلد 💔
#حلب@shamih0

في مآسي الآخرين وانكسارهم ،
إياك أن تبتسم ، تأدب في حضرة الجُرح !

كن إنساناً أو مُت وأنت تحاول ..🤎

في بسمة غابت ..
وناطرة شي إيد ترجّعا وترسُم ضحكات بدالها 🤎

بتصير لاجئ بس لحتى تكون معها؟ 🤎

8 _ كانو الأول _ 2024 عيد الجلاء ☀

شو هالصباح هاد؟؟ ضل أحلى من هيك؟؟؟؟
اللهمَّ لك الحمد حتى تُحب وترضى
الله أكبر الله أكبر
أنا صحيت من النوم قلبي عم يرجف مابعرف فرح برد قوميّةة ما بعرف
بس اللي بعرفو إني بحياتي ما حسيت بهيك شعور من قبل!
شعور الفراشة!
الحرّة الطليقة الوديعة!

يارب كم ام نادتك وأمّنتك ضناها، كم شب أمّنك ع مستقبلو، كم أخت احترق قلبها ع أخوا،
ياربّ في ودائعك أحلام الناس حيث لا تضيع عندك الودائع 😭💚


مُبارك للشعب التعبان يلي مو عارف كيف يفرح لأنو ما داق طعم الفرح من قبل 🥺💚

ديسمبر!
شهر النهايات الجميلة 💚💚💚🕊

بحياتي ماشفت نهاية حلوة
قد نهاية الظلم والاستبداد بسوريا. 💚

الله أكبر
الله أكبر 🕊

خلص خلص خلص بح ماضل خوف ماضل قهر ولا وجع ولا شيييييي صرنا بأماااان صار صوتنا يوصل بدون ما نخاف
بدون ما تخجل من كلمة أنا سوري!
خلص الكابوس يا جوليا بطرس وبدل الشمس عم تشرق شموس☀
صح طفولتنا راحت...

بس رب العالمين أكرمنا نعيش لذّة التحرير وهاد بكفّي 💚✌🏻

8/كانون الأول/2024 🕊
#سورية_حرة

انا ارهقني الكتمان والله

جمركة شو يلي عم تحكوا عنها ياجماعة وعامليلا كل هالضجة
انا كاسرة الايمي 💚🫢

= بتعرف هاد الجو شو بدّو؟
- شو؟
= إيدك وكاسة سحلب ❤

2:25صَ

وفي رواية أُخرى: 🐤

= بتعرف هاد الجو شو بدّو؟
- شو؟
= جيبك وكاسة سحلب ..
- جيبي؟
= جيبك أي كرمال أسرق مصراتك وافركا يعني اش مفكّر
فاضية للرومانسية تبعك فنص البرد 🤣❤

تخيلي،
أن تُصبح البلاد لنا
أنا وأنتِ
أحلم أن نتزوج
فيحدث
وتحلمين بفتاة صغيرة
فتُنجبي
عائلتك لا تطلب مهراً
وعائلتي لا تخضعك لفحص شامل

نشتري منزلاً
كالذي رسمناه يوماً على السحاب
تكونين سيدته
وأكون كل كلمات الغزل التي تليق بالأميرات

هذه البلاد التي لم نعرف منها شيئاً
سوى أن نخاف
ونقلق، نبكي،
وفي
-كل الأحيان-
ندخل في نوبات طويلة من الهلوسة

التي جعلتك مرات لا تأكلين تذمراً
فأنا رجل بسيط
لا يملك المال لينالك
وأنت فتاة عاشقة تكره طوابير الأفران
ومعاملات الدوائر الحكومية الفظة

كنا نضحك سخرية على حظنا العاثر
على أحلامنا
في أن نكون معاً
في بقعة جغرافية لايعرف شعبها
شكل السماء
يسيرون في الأرض بلا عيون
متجاهلين كل الهراء الذي كان يحدث
ليحافظوا على حناجرهم
على حق أجسادهم بالتنفس بشكل طبيعي

تخيلي،
أننا لن نعود للخوف مجدداً
وسنحلم
كما يحلم الآخرون،
وسنحقق كما حقق الآخرون،
وأن البلاد لنا
أنا وأنتِ
ولفتاة الجيران
ولعامل النظافة
للعصفور الذي ترك
الأسلاك يا حبيبتي
فقد بات فيها كهرباء

هذه البلاد للعشاق
للذين يصنعون بدفء قلوبهم
رغيف الخبز
لأصابعك وهي تعد القهوة صباحاً
ولعيني وهي تحملق فيك من البعيد

ستشرق شمسنا
ستشرق كما لو لم يكن الأصفر يوماً

لتكون البلاد
للناس الذين يملؤون الشوارع
يأخذون صوراً للذكرى
للجدات في الحدائق
ولكل الأولاد الذين يركضون ملء حريتهم

لن تكون للخوف
لن تكون للخوف
بل لأولادنا في المستقبل. 🤎