مادة بكرا بدا دعاء الوالدين والصحابة والعشرة المُبشرين بالجنة وأربا ركع تهجّد لحتى تترفّع 🙂💔


ادعولي أبوس روحكن
فار دمّي وأعصابي شدّت 🥺🤎

خدني ولا تاخدني! 🤎

سامحو بعض 🤎

هى ليلة يتنزّل الله عزوجل فيها إلى سماء الدنيا برحمته وعفوه..
هي ليلة يغفرُ الله فيها لعبادهِ المُستغفرين والتائبين..

صفّي قلبك من الكراهية في هذهِ الليلة فإنّ الله لا يغفرُ فيها للمُتخاصمين.. وسامح من أساء إليك ليشملك الله فى مغفرته!

صلّي قيام الليل.. فقد كان النبيﷺ يطول في السجود بهذه الليلة لكثرة عتقائها.

فاللهم إجعلنا من العتقاء 🤎🌻

أوقات بحِس
إننا شَمس وقمَر
ما بيتلاقوش!

بس على بالي يا قمري
هالإحساس يختفي
وتلاقيني!
وتدندن على خيوطي
أحلى الألحان

ناطرتك، لا تتأخر 💛🌻

_ #ديما_عبطيني 🪽

لو بَس هالتفكير
يروح بعيد عني!
بعيد كتير..
يتركني لوحدي
لإغفى
غفوة هنيّة
بدون تعَب يا ربّ
بدون ألم..
بدون مأساة

اللهمّ إعفني من التفكير المُتلف للعقل
وللروح.. وللأعصاب
اللهمّ جرّدني من أفكاري المُقتة!
تعِبت. 🍂
3:58صَ

_ #ديما_عبطيني 🪽

يا قمَر..
قامَت الناس وروّحت
وإجا وَقت النوم
وأنا منّك..
محروم!

يا قمَر
لساتك مصدّق أكاذيبك
وأنا؟
مَ عدتش عتبان!

يا قمَر
خفّف عني حمِل هالشعورين
المُتناقضين
وتعَا..
كفاية تصدّق أكاذيبك! 🤎
#ديما_عبطيني 🪽

خبّو بلالين أحلامكن عن دبايس الناس! 📌🤎

أتمنى أن يلتقطني شخصّ حنون
لا يجرؤ على ضياعي
من يديه
أن أكون أنا كل الأشياء وأهمها
في قلبه 🤎

كل عام، والمرأة هيَ نُصف المُجتمع
وهيَ السّماء.. والجنَاح، والشّمس!
كل عام وهيَ
أقوى
وأعزّ..
وأعزّ!

كل عام وهيَ
الجوهرة
الثمينة
وعبّادة الشّمس
المُشرقة! 🌻

ـ 8.3.2024
#عيد_المرأة_العالمي

#ديما_عبطيني 🪽

إذا أردتَ شيئًا بشدّة
فأطلق سَراحه..
فإن عادَ إليك
فهو مِلك لك للأبد.
وإن لم يعُد
فهو لم يَكن لك من البداية! 🤎

ها هيَ تُشرق في السّماء.. بإنتظارها أن تُشرق في قلبي يا ربّاه! 🍂😪
5:01صَ
#ديما_عبطيني 🪽

لا لا خلص اليوم رح نام بكّير، مافي سهر 🙅🏻‍♀️

ديما الساعة 5 الصبح:
عم تاكل شيبس وتتابع حلقة من الفصول
الأربعة ومالا حيسه ع شي. 🙂🤎

سلامًا على من مر صُدفة فاستغفر فزادني
حسنة و زادت حسناته 🤎🤎🤎🤎!

يا ربّ بشّرنا 🤎🙇🏻‍♀️!

بتذكر لمّا كنا ماشيين بالشارع أنا ويّاك ودخّان سيغارتك..
وأنت لابس الليل فيك، وضوّ القمر عم يرافقنا..
ما بتذكر أنو كان في حدا..
أو يمكن في ناس كتير بس بصير مافي غيرك!
الأضوية الصفرا بالحارة، في كان شباك مسكّر وقطط عم تنوّي
وختيار عم يسقي الزرعات بالجنينة..
ومشغّل غنيّة محمّد عبد الوهّـاب: إمتى الزمان يسمح يا جميل؟
بتذكر كيف كنت عم تدّخن وساكت، وكلشي فيك عم يحكي
بدون ما تهـتف بأي حرف.. عم بسمع صوت نفسَك بين الثانية والتانية
شردت شوي أنا وعم بحكي.. وفجأة
لما وصلت لعند أحلامي
سكتت!
طلعت من شرودي ودققت بملامحك
مابعرف كيف سمعت رموشك وهيه عم تفتح وتسكّر بسرعة... باللاوعي
عم تحكيلي كملي!
نحنا مغرومين.. ما توقفي!
مرة وحدة
صفنت فيي، اتطلّعت وحكيتلي...
- عيونك!
= شبهـن؟
- بينباسو ❤

_ #ديما_عبطيني 🪽