"የኢንዱስትሪ መንደር" ከተባለችው ኮምቦልቻ የወንዝ ውሃ በፋብሪካ ኬሚካል ወደ መርዝነት ተቀይሯል!

ኮምቦልቻ፣ ኢትዮጵያ— የ"ኢንዱስትሪ መንደር" ተብላ የምትሞካሸው ኮምቦልቻ ከተማ ውስጥ ካሉ ፋብሪካዎች የሚለቀቅ አደገኛ ኬሚካሎችን የያዘ ተረፈ ምርት፣ የወንዙን ውሃ ደም የመሰለ ቀለም እንዲይዝ በማድረግ የአካባቢውን ሕይወት አደጋ ላይ ጥሏል።

የኮምቦልቻና የቃሉ አርሶአደሮች በኢንቨስትመንት ስም መሬታቸውን በዝቅተኛ ዋጋ ከተቀሙ በኋላ፣ የተረፋቸውንም እርሻ ከዚህ ከባድ የኬሚካል ፍሳሽ የሚመጣ መርዝ ተንከባክበው እንዳያለሙት ስጋት ላይ ወድቀዋል።

ይህ ደም የመሰለ ፈሳሽ ወንዝ የተረፈ ምርት የኮምቦልቻ እና የቃሉ አርሶአደሮች የሰብል ምርትንና የመሬቱን ለምነት በመግደል ላይ ነው። የአካባቢው ነዋሪዎችና አርሶአደሮች ይህ መርዝ የአካባቢ ስነ-ምህዳር ላይ እያሳደረ ያለውን ከባድ ተፅዕኖ ገልጸዋል።

የአካባቢው ማህበረሰብ በተደጋጋሚ ድምጹን ቢያሰማም፣ "የራሱን ምቾት የሚጠብቅ አመራር እንጂ ለሕዝብ ደህንነት ደንታ የሌለው ነው" በማለት በሕዝብ ደህንነት ጉዳይ ላይ የኃላፊነት ስሜት የጎደለው አመራር መኖሩን ይወተወታሉ። እስካሁን ለቅሬታቸው የሚሰማ ኃላፊ ማጣታቸው ነገሩን ይበልጥ እንዳሳዘናቸው ተናግረዋል።

ጥሪ ለሚመለከተው አካል!
የኮምቦልቻ እና የአካባቢው ወንዞች በዚህ አሰቃቂ የፋብሪካ ኬሚካል ተረፈ ምርት መበከሉ የአርሶአደሩን ኑሮ ከመናድ ባሻገር፣ ለወደፊት የጤና ቀውስና የአካባቢ ጥፋት ሊዳርግ ይችላል።

ፌዴራልና ክልላዊ የመንግስት አካላት ለሕዝብ ደህንነትና ለአካባቢ ጥበቃ ቅድሚያ በመስጠት አስቸኳይ እርምጃ እንዲወስዱ ጥሪ ቀርቧል።

Via አሊ ወሎ

@sheger_press
@sheger_press

ቅጣት‼️

በጋምቤላ ክልል ዲማ ከተማ ከባህል ውጪ በሆነ አለባበስ ምሽት ላይ ዳንስ ቤት የተገኙ ሴቶች የገንዘብ ቅጣት መቀጣታቸውን ተሰማ።

ከማህበረሰቡ ባህል ያፈነገጠ አለባበስ ለብሰው ዳንስ ቤት የተገኙ 13 ሴቶች በፖሊስ ቁጥጥር ስር ውለው በገንዘብ እንዲቀጡ መደረጉን የዲማ ወረዳ ሴቶችና ማህበራዊ ጉዳይ ጽህፈት ቤት አስታውቋል ::

የዲማ ወረዳ ሴቶችና ማህበራዊ ጉዳይ ጽህፈት ቤት ሃላፊ የሆኑት ወ/ሮ ኚካሃ አኳይ ለወረዳው መንግስት ኮሙኒኬሽን እንደገለፁት ሴቶቹ ሰሞኑን በዲማ ከተማ ጨለማን ተገን በማድረግ ከባህል ውጪ አለባበስ ለብሰው ከምሽቱ 4:ዐዐ ላይ ዳንስ ቤት በመገኘታቸው ጽ/ቤቱ ከፖሊስ ጋር በመነጋገር በቁጥጥር ስር ውሎው እያንዳንዳቸው 5 ሺህ ብር በአጠቃላይ 65 ሺህ ብር እንዲቀጡ መደረጉን ተናግሯል ::

በመጨረሻም ጽህፈት ቤቱ ከፖሊስ ጋር በመቀናጀት የጀመረው የቁጥጥር ስራ አጠናክሮ እንደሚቀጥል ገልፀዋል ።

@sheger_press
@sheger_press

ለክልል አቃቢ ህጎች ከተላከው አዲሱ የደመወዝ ስኬል ውስጥ የአፋር፣የሲዳማ፣የቤንሻንጉል ጉሙዝ እና የደቡብ ኢትዮጵያ ክልል የዓቃቤ ሕግ የደመወዝ ስኬልን ከላይ አያይዘነዋል።

@sheger_press
@sheger_press

በወላይታ ዞን፣ ኪንዶ ኮይሻ ወረዳ በአደጋ ምክንያት የደረሰ ጉዳት!

በወላይታ ዞን፣ ኪንዶ ኮይሻ ወረዳ፣ በሌ አዋሳ ከተማ አቅራቢያ በሚገኝ ቁልቁለት መንገድ ላይ አደጋ መድረሱ ተዘግቧል።

ነዳጅ የጫነ አንድ ተሽከርካሪ ከነተሳቢው ሲጓዝ፣ ብሬክ (ፍሬን) ከቁጥጥር ውጭ በመውጣቱ ምክንያት መንገድ ስቶ ወጥቷል።

ተሽከርካሪው በከፊል መኖሪያ ቤት ደርምሶ የወደቀ ሲሆን፣ በሰዎች ሕይወት ላይ ከባድ ጉዳት ሳይደርስ መቅረቱ ታውቋል።

ሆኖም በደረሰው አደጋ በሹፌሩ እና በአንዲት ትንሽ ህፃን ላይ መጠነኛ ጉዳት ደርሷል።

ለአሽከርካሪዎች የተላለፈ መልዕክት፦

ወደዚህ አካባቢ የምትጓዙ አሽከርካሪዎች!

መንገዱ ከባድ ቁልቁለት የሚጠብቅ በመሆኑ፣ ሲያሽከረክሩ ከፍተኛ ጥንቃቄ እንዲያደርጉ በጥብቅ እናሳስባለን።

@sheger_press
@sheger_press