بصوت. مسلم المطيري

اليله مسلم فاگدينــــــــــه اليله
طايـــــح ومامش چفوف اشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله الحسين نحنه وحيله نهدم
گابــــل العباس اخيه ويبچي دم
يگله مسلم طاح ياراعـــي العلم
واليطيـــــح اخوانـــــــه اتچيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل هــذا اليوم عـد الكوفه عيد
تكترت كلها وصبــح مسلم وحيد
بعيد درب حسين عن مسلم بعيد
والسيوف اعله الذبــــــح توميله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله گلب حسين تسري النار بيــه
الحرگه كاتلته وعلي ويصفگ بديه
يكابر بروحـــــه وهله تصبــر عليه
عله مسلم مــــــــــن مشه مخليله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله حالــــت مسلم اطـــر الگلب
بعيد عنــــــه حسين ونسد الدرب
منين مايتلفت الوادم غــــــــــرب
الكوفه خانت والعطش هــد حيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

،، مصطفئ الصالحي،،
شهادة مسلم بن عقيل

تحضيرات شهر محرم الحرام لعام 2019
شوط كربلائي
أستهلال هلال شهر محرم الحرام
......................
يهلال أبشهر عاشور .. زينب لا تأذيها
واسيها أبمصاب حسين .. لتزيد الألم بيها
.......................
يهلال الحزن والنوح .. زينب فاكده الخوان
مكسورة كلب من يوم .. شافتهم عله التربان
جاه الله نمشي أعليك .. ب خت المنذبح عطشان
يهلال التهل عالناس
وضع أم الخدر حساس
لتروع أخت عباس
وتجمل حزنها أحزان .. حزن البيها يكفيها
....................
جايب يا خبر يهلال .. بيك أنحس ذبح منحر
أو صدر أمهشمته الخيل .. وبسيف العدا أموذر
موت أحمر يغص بالموت ..ليلك والعطر عنبر
عنبر من نحر مذبوح
ظل فوك الثره مطروح
وبصفه العقيله أتنوح
أوتصفك باليمين أيسار .. من شدة مئاسيها
....................
شاعت للمنايا أعلوم .. نامت عالترابه أبدور
ما بين الكفلها أو بين  .. شبان أبجمال الحور
بهداي أعله أم الظيم .. لن منها الكلب مطرور
الكافها أنكطع جفين
وتصوب سهم بالعين
وولاد الحسن وحسين
زينب بيهم الهاليوم .. ما كفت نعاويها
.......................
بالطف شافت المنشاف ..زينب بت علي يهلال
عبد الله أبسهم ذبحوه ..أطفال أوبديها أحبال
نيران أبنات حسين .. كضت والشمر يختال
أبأمر الطاغيه أبن أزياد
غاليها علي السجاد
للشام أبحبل ينكاد
وبسن العواسل روس .. مرفوعه لهاليها
.....................
كل حول التهل يهلال .. زينب للألم تحتام
ويتام أبكترها أتلوذ .. وتنام أبحضنها أيتام
وحزان الخرابه أتصير .. عيد الكل أهالي الشام
أو عالدار أبرقيه أوصار
حيل أم الصبر منهار
تندب والدمع مدرار
وين أمي تجي وتشوف .. ياحاله أعانيها
......................
خادم أهل البيت
الشاعر : أسماعيل الجوراني

شوط كربلائي. بصوت. مسلم المطيري

كلمات الشاعر المرحوم
اسماعيل الجوراني

يامحرم يامحرم (الهلال)

يامحرم يامحرم بيك زينـب تنسبي
***

ياشهر بيك المواجـــــــــع تبتدي بيــــــوم التهل
شايل اهمـــــــوم ونوايب بيك جم عــين اتهمل
نقره بيك اشجم مصيبــــه غربه واجروح وجتل
صحرى وارمال وبراري نوك واحبـــال وهزل
وايتألم وايتألم والله جم طفل وصبي
يامحرم يامحرم بيك زينـــــب تنسبي
***

سوده ايامك نحســــهه وتذبـح انفاس العمر
تخطف العز والمحنـه ومانشم ياس وعطر
تترس الدنيه بواجــي وتبدي أيــــام الجمر
يامحـــرم بيش طالب زينب ابديــن اشكثر
والمخيم المخيم يحترك بيد اجنبي
يامحرم يامحرم بيك زينب تنسبي
***
ليش ياشـــهر المصايب ينسلب عطر الورد
اتيبس ارياك الطفولـــه وتذبح آيـــات الحمد
جم شباب اليطفى عمره وينمــرد منـه الجبد
بس نســــــاوين ويتامـه ضعن المسافر يرد
واتحزم واتحزم للنوايــــب بالعبي
يامحرم يامحرم بيك زينب تنسبي
***
ماتخلي الزينب احــــــد بيش مطلوبه بذنب
تاخذا اعزاز امن اهلهه والمخـــــيم ينــهب
اخيامهه اتذري رمــاده بنارهه لمــن تشب
لا اخوان التفزعلـــــهه من اختـــهم تنسلب
وايتهدم وايتهدم حيلهه بنت النبي
يامحرم يامحرم بيك زينب تنسبي
***
من بعد عز العشــــيره والدلال البــت علي
لا كمر ظل ومحامــي لا كفـــــيل ولا ولي
زحمه علويه وجبيــره هاشمـــــيه وتنولي
اتصيح لو حمل ضعنه من يعـــــدل محملي
واتلجم واتلجمم من سياط الناصبي
يامحرم يامحرم بيك زينب تنسبي
***



ابو علي الركابي

بصوت. مسلم المطيري

يامحرم. يامحرم. بيك زينب تنسبي

كلمات الشاعر
ابو علي، الركابي

وينك يا عـــــزيز امك يغالي
اهز المهد وادري المهد خالي

ناغيتك دللول / جاوبني يمدلول
ــــــــــــــــــــــــــــــــــــــــــــــــــ
صحت يا مدلول وينك حاجني وبرّد دليلي
ليش ياعبدالله ساكت وبسكوتك باد حيلي
جيت الوليك ييمه ورايده اگضي اوياك ليلي

وشفت راسك عالرمح/ويجري دمك منسفح
وينك اويــن الذبح/ ويلي يبني اعليك ويلي

مو مالت ذبح رگبَتَك ترفه
ورده وتنگطع بالنبل وسفه

بعمر الورد مجتول / ناغيتك دللول
ــــــــــــــــــــــــــــــــــــــــــــــــــ
عمره ست اشهور بعده وفطمته اسهام المنيه
جان من يسمع ابصوتي ايرفف ويشبگ عليه
تارس البيت بضحكته امنين اجنتني الغاضريه

حلوه جانت ضحكته/ ياجمال اطلالته
عذبتني امصيبته / اتفرهد ابساع امن اديه

ضاع وضاعن اسنيني بضياعه
ما شفت الدرب ســاعة وداعه

ريت العمر ميطول /ناغيتك دللول
ــــــــــــــــــــــــــــــــــــــــــــــــــ
لجان بس ابحضني يغفه اعله الترب نايم لگيته
گرّبت منه وندهته وما گعد من گعديته
يا ترف گتله شعلامك ليش حضن امك نسيته

عذبتني بنومتك /ما تحمل فرگتك
يا عضمها امصيبتك /گلبي شيّب من جفيته

فز من نومتك عبدالله يبني
دولبني الزمن بيك وهضمني

عگلي اعليك مذهول/ ناغيتك دللول
ــــــــــــــــــــــــــــــــــــــــــــــــــ
قبل لا يگطع وريدك ريت ابن كاهل رماني
وقبل لـ تغمض اعيونك ريت ملك الموت اجاني
شأرجه من دنياي يمه ومن بعد عينك شتاني

ماكو راحه بدنيتي/ وما تبطّل ونتي
تبقى عالخد دمعتي/ والفرح عگبك جفاني

عاشرني الحزن بعدك يغالي
بجفاك اصبحت سود الليالي

مالت بيه الحمول / ناغيتك دللول
ــــــــــــــــــــــــــــــــــــــــــــــــــ
يالعفتني اخلاف عينك كلشي ما تسوه حياتي
انتهت كلمة الـ يمه  وبدت تكبر نايباتي
ايّست واحلامي ضاعت وانتظر ساعة مماتي

للمنيه ابقى انتظر/ بعد ما يسوه العمر
كون وياك ابگبر/ اندفن هاي امنياتي

كون اوياك تاخذني المنيه
وبنفس اللحد ننمد سويه

يالمادار الك حول/ناغيتك دللول


علي كاظم المنصوري

بصوت. مسلم المطيري

وينك ياعزيز امك يغالي
اهز المهد وادري المهد خالي

كلمات الشاعر
علي كاظم المنصوري

رسالة شوگ بدموعي اكتبوها
من گلب الحزينة لگلب ابوها
من حضرة حميدة شوگ وعتاب
الى حضرة جناب الوالد الغاب     رسالة شـوگ
،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
من الألم من الحزن  من الدمع والحسرة
للغاب عن عيني لچن  بالروح عايش ذكره
من خاطري المنكسر  من روح چانت خضره
من ورده چانت ترتوي بمايك وصارت صحره  
تعال عيوني غيابك عماها 
يريت الموت اجه الروحي وخذاها
جفن عيني بغيابك من رحت شاب
الى حضرة جناب الوالد الغاب   رسالة شوگ
،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
لا ليلي ليل بفرگتك   ولا حال بعدك حالي
مبين على رسومي الهجر   هذا اللي يفگد غالي
بربع جهات اتخيلك  وبكل كتر تبرالي
عن بالي لحظة ماغبت   اگعد اگوم ابالي
يريت الموت من بعدك اجاني
ولا متحيره حيره بزماني
تفتت گلب طفلة وبالهجر ذاب
الى حضرة جناب الوالد الغاب
،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
مو مالت وداع ودمع  زغيرة بعدني اعله الهجر
كل مغرب يمرني اختنگ  وياخذله ثلمة من العمر
خالي مچانك لو شفت  نيران بيه تستعر
يطيحني معول فرگتك   ومچلبة بحبل الصبر 
يهزني الشوگ مثل اغصان الاشجار
وناطر جيتك ماطبن الدار
گلوله بعدني بعتبة الباب
الى حضرة جناب الوالد الغاب   رسالة شوگ
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
خلتني بويه فرگتك  لا ميته ولا عدله
ولا اندل مچانك بعد  ومشيله حتى اوصله 
يل خذت مرسال الابو  لو شفته زين اشرحله
گله نفذ منها الصبر  وتنتظر جيتك گله
گله مناطرة المرسال منك
وتنشد باليجي والراح عنك
الجيتك يا ابوها يحسب احساب
الى حضرة جناب الوالد الغاب     رسالة شوگ
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
حسيت بعدك باليتم  من طولت بالغيبه
من شفت ابو اليمه بچه   وبدمعه بلل شيبه
لمن على راسي مسح  وسمعت صوت نحيبه
حاچاني اني والدچ  مسلم بعد شيجيبه
نزلت دمعتي عالخد جريه
وحسيت السمه نطبگت عليه
يفت الروح ها يفراگ الاحباب
الى حضرة جناب الوالد الغاب     رسالة شوگ
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
لحسين رحت وناشدت  وتهمل دموع احزاني
اشصار گلي بوالدي  بس بچه وما حاچاني
وعرفت من شفت  الگمر  اتعنالي او وساني
وحسين عزاني وبچه  والصدره اجه وضماني
ابوچ الراح ابوچ اني بمچانه
وعوضچ عن غيابه وعن حنانه
حالچ حال سكنة وهاي الاسباب
الى حضرة جناب الوالد الغاب  رسالــة شـــوگ
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
حسين كاظم الطائي

بصوت. مسلم المطيري

رسالة شوگ


كلمات الشاعر
حسين كاظم الطائي

نَاحَتِ الْكَعْبَه وْبِچَتْ وَكْتِ السَّفَرْ
وِالْحَجَرْ گَلْبَه عَلَى حْسِينِ  انْفُطَرْ
هَاذَه  بُو  الْيِمَّه  طِلَعْ  وَيَّه  الْگُمَرْ
عَافَوِ الْحَجْ وِالْحَجِيجِ  بْيَا  وَضِعْ
-----------------------
نَادَه  بِيتَ  الله  بْدُمُوعَه   الْهَامِلَه
لَا    تِفَارِگْنِي     وْتِرُوحِ     لْكَرْبَلَه
قِبْلَةِ  الْقِبْلَه    يَبِنْ    سَيْدِ    الْمَلَه
خُوفِي لَا شُوفَكْ جَدِيلِ وْمِنْصِرِعْ
-----------------------
لُو عِفِتْنِي وْسَدَّرِتْ وَيْ عِيلِتَكْ
عَالثَّرَى ظَامِي تِصِيرَنْ ذَبْحِتَكْ
تُبْگَه عَارِي  وَآنَه  أَنْظُرْ  حَالِتَكْ
حَگِّي لُو  أَسْتَارِي  لَجْلَكْ  تِنِّزِعْ
-----------------------
بِالْحَرَمْ آنَه عَلَى عْيُونَكْ أَطُوفْ
لُو مِشِيتِ عْلِيكُمِ الْوَادِمْ تِطُوفْ
بِالْحِجَارَه  وِالسِّهَامِ  وْبِالسُّيُوفْ
وِالْحَوَافِرْ   مَا   تِخَلِّيلَكْ   ضِلِعْ
-----------------------
إِنْتَه  لِلْحَجْ   يَا   أَبُو   الْأَكْبَرْ   أَمِيرْ
شْلُونِ اذا بَاچِرْ يِجِي الْعِيدِ شْيِصِيرْ
عِيدَكِ  شْحَالَه  وْلَعِدْ  مُوتَكْ   تِسِيرْ
وِالتَّهَانِي   يَا   وِسَفْ   وَنِّ    وْدَمِعْ
-----------------------
#الشاعر حسن خنافز العاملي

بصوت. مسلم المطيري

نَاحَتِ الْكَعْبَه وْبِچَتْ وَكْتِ السَّفَرْ
وِالْحَجَرْ گَلْبَه عَلَى حْسِينِ  انْفُطَرْ
هَاذَه  بُو  الْيِمَّه  طِلَعْ  وَيَّه  الْگُمَرْ
عَافَوِ الْحَجْ وِالْحَجِيجِ  بْيَا  وَضِعْ
-----------------------
نَادَه  بِيتَ  الله  بْدُمُوعَه   الْهَامِلَه
لَا    تِفَارِگْنِي     وْتِرُوحِ     لْكَرْبَلَه
قِبْلَةِ  الْقِبْلَه    يَبِنْ    سَيْدِ    الْمَلَه
خُوفِي لَا شُوفَكْ جَدِيلِ وْمِنْصِرِعْ
-----------------------
لُو عِفِتْنِي وْسَدَّرِتْ وَيْ عِيلِتَكْ
عَالثَّرَى ظَامِي تِصِيرَنْ ذَبْحِتَكْ
تُبْگَه عَارِي  وَآنَه  أَنْظُرْ  حَالِتَكْ
حَگِّي لُو  أَسْتَارِي  لَجْلَكْ  تِنِّزِعْ
-----------------------
بِالْحَرَمْ آنَه عَلَى عْيُونَكْ أَطُوفْ
لُو مِشِيتِ عْلِيكُمِ الْوَادِمْ تِطُوفْ
بِالْحِجَارَه  وِالسِّهَامِ  وْبِالسُّيُوفْ
وِالْحَوَافِرْ   مَا   تِخَلِّيلَكْ   ضِلِعْ
-----------------------

-----------------------
#الشاعر حسن خنافز العاملي

       باچر سفر **** باچر قهر
       والحادي مو عمي الگمر
               ================    
         يـزينب لـمّـن الـعيلـه
         وداع أوياچـن الليـله
         علينه البين شدحيله
          مصيبه ،، مصيبه
تعـالن يالفــواطــم نـگـعد ابـخيمه
كـل واحـد يسولف  باچر أبضيمه
علينه الخـيل تغبش تشبه الـغـيمه
يشـح المـاي وتصير الجرب هيـمه
               يبدي الألم
             تبچي الحرم
               بين الخيم
                 يازينب
               :::::::::::::::::::::::::::::::::::::::::
           بـس الليله ويـانـه
          عمي الگمر وخوانه
           باچـر تفـزع أعـدانه
            مصيبه ،،، مصيبه
  نرئ ابمصباح عاشـر كـل درب ينسد
  تجينه اخيولهم وتخيم اعـلـه الحـد
  معلوم الـعـطش وكـت الضهـر يشتد
يضـل جـمر الطفـوف أسنين مـاتبـرد
                    نار وتشب
                   بين الغرب
                 وسط الگـلب
                     يازينب
                :::::::::::::::::::::::::::::::::::
         من صوب الفرات اسمع
          خـيـل أوزلـم تـتـجـمـع
          تـتـقــدم ولاتــرجــــــع
            مصيبه ،،، مصيبه
أذن مصباح باچـر  تنتهي احـلامي
أشوفن كل هـلي أيطيحون جدامي
والاكبر ينذبح مـن الـعـطش ضامي
والعباس عـمي  اعلـه النـهـر دامـي
             شنهو  السده
              بين الـعـده
              ضل وَحده
                يازينب
                 :::::::::::::::::::::::::::::::::::::::
          مذبوح ألچن إيرده
          دم النـحر يتـبـده
          مثل الجزر والمده
          مصيبه ،، مصيبه
يضل بس الطفل وقت الضهر قبله
بـدال الـمـاي عـدهـم بالنحر نبـلـه
يـرجـع للخـيام وصـوتچن يـعـلـه
مصيبة يوم عاشر صعبه موسهله
              يمشي ابألم
               بين الخييم
               گلبه انلچم
                  يازينب
                     :::::::::::::::::::::::::::::::
           تبقئ الحرم بالهميه
          بالطف ماتضل خيمه
           كلمن يبتلي ابضيمه
             مصيبه ،، مصيبه
هلي يحچون بالطف وانه چنت ازغير
اعـلـم يـوم عاشر كـلشي راح إيـصير
ابوي ايطيح باچـر والجيوش اتغير
گـالـو تـضـل وحـدك واليتامه اتحير
                كثرن عبي
               باچـر سبي
               وي أجنبي
                 يازينب
               :::::::::::::::::::::::::::::::::::::
       ✍️  فاخر علي الشبيبي

بصوت. مسلم المطيري

باچر سفر. باچر قهر
والحادي مو عمي الگمر

كلمات الشاعر
فاخر علي الشبيبي

هم رجع عاشور             والزمان يدور
    وردت ايام المصيبه         ورجعت زينب غريبه
                        هم رجع عاشور
                          ،،،،،،،،،،،،،،،،،،،،،،،،،،،،،
هم رجع شهر المئاسي والمصايب
البيه زينب شافت انواع النوايب
ما ابالغ لو گلت من العجايب
من خدرها زينب اتبات بخرايب
شلون وكتچ دار   ...  والوكت غدار
هي هاي اكبر عجيبه ... ورجعت زينب غريبه
                              ،،،،،،،،،،،،،،،،،،،،،،،،،،،،،
زينب انظلمت بتاريخ المعاصر
والسبب من بعض اصحاب المنابر
لو جهل رادود لو اخفاق شاعر
ايخلي زينب بالذل وتكسر الخاطر
اسمع السجاد ... من حچاها شراد
عالمه انتي ولبيبه   ... ورجعت زينب غريبه
                              ،،،،،،،،،،،،،،،،،،،،،،،،،،،،،
زينب الحره الابيه بت ابوها
على العزة والكرامة علموها
طرت الفرسان لبوه ايشاهدوها
وجبل شامخ اوچبت يم جسم اخوها
طرت الصوبين  ...   وعتنت لحسين
منين ما تنشاف هيبه .. ورجعت زينب غريبه
                                   ،،،،،،،،،،،،،،،،،،،،،،،،،،،،،،،
ءلناس منتظره تبين خله بيها
شراحت تسوي العقيله يم وليها
راحت تشگ زيجها وتلطم بديها
انصدم كل الجيش من سمعوا حچيها
ربي يا رحمان ..  اقبل القربان
رفعت الجثة السليبه  .... ورجعت زينب غريبه
                              ،،،،،،،،،،،،،،،،،،،،،،،،،،،
رغم هذا الصار بيها واللي مرها
بكل وقار تحدت الدنيا بصبرها
تمشي واملاك السمه تمشي بكترها
ومن تشيل اجدامها يمسحون اثرها
وهي بهذا الحال ... لمت الاطفال
والگلب ساجر لهيبه .. ورجعت زينب غريبه
                                   ،،،،،،،،،،،،،،،،،،،،،،،،
ورسالة لأهل العقول النبيلة
احنه زينب عدنا غايه مو وسيله
ولذلك لاتخلوها ذليله
ودمعه على احساب العقيله
والحچي من ايزود  ...  يجرح الموعود
المهدي يتأذه بمغيبه  .... ورجعت زينب غريبه
                          ،،،،،،،،،،،،،،،،،،،،،،،،،،،،،،،،،،،،
      حسين كاظم الطائي

بصوت. مسلم المطيري

هم رجع عاشور

كلمات الشاعر
حسين كاظم الطائي

بصوت. مسلم المطيري

نعي الى مسلم ابن عقيل  //ع



غـريـب ومـا ألـه نـاصـر
              وگـوم أجـمّـعـت ضـده

مـاهـم الـزلـم والـخـيـل
             وزلـزل جيشهه الـوحـده

وارث حـيـدره بـزوده
                وفـنـون الحـرب عنده

بـچـفـه ايلاعب البـتـار
                 ثابت ماخـلـف وعـده

مسلم  والنـعـم  مـنـه
             والكون أنحنه الـمـجـده

السفاره احگوگهه انطاهه
                  وما دنـگ لبن هـنـده

سوّه البالحرب ماصار
               وصـارت عالزلـم شـده

عليهم ضاگت الكوفه
                 رغـم  العـدد  والـعِـده

بٱسمه ايسولف التاريخ
                 لليوم أبمجد بـعـده

                                          *---------------*---------------*

ابوذيه


راســه بــس لإله الـكـون.. وطّاه
وجدمه بزود درب المجد.. وطّاه
نــذر عمره لـبـو الـسـجـاد.. وطّاه

وإله التاريخ ظل يــاخــذ تـحـيـه

                                          *---------------*---------------*

✍خادم الحسين ع
الشاعر رعد الجريخي

(( #يا_هلال))
……………………………………………………………

ياهِلال  . من تهل دمعي يهل
يا هِلال . ابعيني الك مية شكل
مره اشوفنك جسد و بلا رداء
ومره راس اعالرمح يمطر دماء
يا هِلال .. ياهِلال

……………………………………………………………


چني اشوفنك مره و تلزم كسرها
ومثل شكلك بالظبط حدّب ظهرها
امخليه المسلب قميصه ابنص حجرها
احمر و من البجي احمر نظرها

منخل صار . بيه اثار . الف و تسعميه
ابرض اضلوع . بيه مطبوع .  حافر اعوجيه
أمحنبه اعليه . وتشم بيه . عطر ابن الزجيه

يا قميص . عاري ظل وكت الضهر
يا قميص . شمس فوگه ومنصهر
يل اشوف اعليك دم تبجي السماء
ومره راس اعل الرمح يمطر دماء
يا هِلال .. ياهِلال

……………………………………………………………


مره تتراوالي جف و ماهو اصبعه
على مود المحبس ابـ خنجر يگطعه
هذا منظر يذبح بروحج يبضعه
موش عشره والبقن بجفوفه تسعه

ابرمل الگاع . غاص و ضاع . وي اشلاء جسمه
رجل الخيل .سحكت حيل .طحنت حتى عظمه
عشره اهواي . و مو بهداي . اعليه تركض ابهمه

والشفاه . صحره ما شافت مطر
والشفاه . الماي گلبه الها انفطر
يا هلال وهم جبت وياك ماء
ومره راس اعل الرمح يمطر دماء
يا هِلال .. يا هِلال

……………………………………………………………


ابعيني اشوفنك سهم ذابحله ورده
طفل ودميعاته تتجاره اعله خده
على ضحكاته البريئه ينوح مهده
عود يشرب بس ابوه مذبوح رده

طفل ازغير . سهم اجبير . يا مترف رگبته
مثل النار . بارد صار . من شوغة ذبحته
غمض عين . مات حسين . من طلعت شهكته

يا رضيع . يلي ما شابع حضن
يا رضيع . ابرمل فاير مندفن
چني اشوف انفاسك ادور هواء
ومره راس اعل الرمح يمطر دماء
ياهِلال .. يا هِلال

……………………………………………………………


جف اصدن بيك منه ايطيح مايه
جفوف طاحت لجن ضم ابصدره رايه
او جود يركض حيل و الاطفال غايه
اتبده و العباس اعلنها النهايه

كبل الموت . اخر صوت . ردد اسم زينب
مو للعين .  لا جفين . الخدر اخته تعذب
صح عطشان . بس بركان . كلبه لسكنه يلهب

ابلا جفوف . موقف ويعصر عصر
ابلا جفوف . طاح من فوگ المهر
ابوجه يتلگه الارض شيخ الوفاء
ومره راس اعله الرمح يمطر دماء
يا هِلال .. يا هِلال

……………………………………………………………


بيك ظلمه وليل وحشه وگاع هيمه
وحرم باتت عالتراب ابلايه خيمه
ذبلت اطفال ابعطش جوع و هظيمه
امدللين و صاروا الضرب و شتيمه

تدمي الروح . بيك تلوح . ترچيه رقيه
جدم ادموم . بيه ملموم . شوچ الغاضريه
بالجمرات . والعثرات . اشكد شبعت اذيه

والنساء . ليل و الدمعه اتهمل
والنساء . الهن اتحضر حبل
يا هلال وهنه اميرات الحياء
ومره راس اعل الرمح يمطر دماء
يا هِلال .. يا هِلال

……………………………………………………………


بيك صوره المهدي متعذب لجلها
مره تركض و الرمل يجوي ابرجلها
اصمله من تعثر و لا واحد يگلها
السوط و بكل ضربه ياذيها و يشلها

الكاع تگول . ما معقول . زينب وينه خدرج
اخت حسين . وتركضين .  بالخمسين عمرج
هزله النوگ . باجر سوگ . شجم فره تفرج

والحِبال . تحفر بأيدج جرح
والحِبال . اعليه دمعاتج ملح
راس ابو فاضل يصدلج بالبكاء
ومره راس اعل الرمح يمطر دماء
يا هِلال .. يا هِلال

……………………………………………………
✍️الشاعر ( سيد خضر الزاملي

بصوت. مسلم المطيري

ياهلال
من تهل دمعي، يهل

كلمات الشاعر
سيد خضر الزاملي

              للهلال الحره صدت عينها
           وذكرت فراك الكمر وحسينها
                      _
          شافت هلال الذبحها من العطش
          وذكرت الماشال جثته كل نعش
          مو هلال تشوفه طبرات ثنعطش
          تشوفه جمره وتنطفي بجفينها
                    ____
             رد الهلال واخوها مايرد
         تشوفه نبله اشما اله رادت تصد
          ذكرت شلون السهم صاب الجبد
          واعله ابو اليمه بدت بونينها
                      __
            زينب وحيده واجه شهر الالم
            وبهلاله تذكرت حرك الخيم
           بدت تذكر طيحه الجف والعلم
            بس مصايب شافت امن سنينها
                      ____
           حكها زينب لو تموت امن القهر
           وشافت هلال الاخذ منها الكمر
           شيب زينب كله من هذا الشهر
            بي مشت ويا العده ميسرينها
                       _
             ويا زينب خل ننوح لكربله
            لجسم اخوها الماكو واحد غسله
             خلي نقره والمدامع هامله
            ( جينه ننشد كربله مضيعينها )
                   _
             منضر هلال الشهر يدمي الكلب
           وحكه مدمع زينب اشما ضل يصب
             شلون للديوان مسبيه تطب
            وبالخرابه الاصعب مكعدينها
                         _
سيد معتز الحسيني

بصوت. مسلم المطيري

للهلال الحره صدت عينها

كلمات الشاعر
سيد معتز الحسيني