بصوت. مسلم المطيري

لاتروح. بويه وتخليني

كلمات الشاعر
تحسين الخفاجي

يمه حسين يايمه
@@@@@@@@@@@@@@@@
صدك مرمي عله التربان وفوكك يسحك الحافر
واهدومك يسلبوهه وتصبح تكسر الخاطر
هم مذبوح تجوي الكاع كلساع الشمر عابر
راسك صار فوك ارماح واختك زينب اتناطر
تناطر جيتك يحسين....ماتعرف ابراسك وين
@@@@@@@@@@@@@@@@
شفت يايمه انه الناس تمثل تركض براسك
وشفت يايمه خيل الجيش الشمر ساكاهن وداسك
جاوينه الكمر عباس بلايه جفوف عباسك
طبرو خنصرك يحسين باكت محبسك ناسك
صار الدمع بس ادموم...اختك تنسبي هاليوم
@@@@@@@@@@@@@@@@
شلمك بس وذر صاير كل ضني المنك
جسمك صاير امكطع كلي منين اشمنك
حاجيني يلب احشاي مو مشتاكه احضننك
عاري وبالشمس ذبلان مالحكت اودعنك
اه حسين اه يبني....موش اتنوح تلجمني
@@@@@@@@@@@@@@@@
ثلث تيام المن بيك شمسوين بيك الناس
بصدرك تسحك الفرسان واتثلم ييمه الراس
وعبدالله زغير هواي بمداس الخيول انداس
عمت عيني بقيت اوحيد رايح منك العباس
كلها امدده الوليان ...... وعباس بشمس ذبلان
@@@@@@@@@@@@@@@@@

اكرم الجياشي

بصوت. مسلم المطيري

يمه حسين يايمه

كلمات الشاعر
اكرم الجياشي

مقدمه لأم البنين

يدنيه يدنيه .. ما رحمتي بحالي
يدنيه يدنيه .. چم عـزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتظر بلچن يجوني وعيني عالباب
ما شفت راحـه بعدهم طال الِغياب
بگلبي خليتـي يدنيـه اعظم صواب
ادري من اعتب عليچ شفاد الِعتاب

يجرحي يجرحي .. يوجــع ابدلالي
يدنيـــه يدنيــــه .. چم عزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بحالي رحمي ورجعيلي گرة العين
اربعه تدرين عندي و مـا گلت وين
فدوه يرحوله وسؤالي عن الحسين
هــوايه موتنـي غيابـه مــا تشوفين

اسألچ اسألچ .. هم يـرد الوالي
يدنيه يدنيه .. چم عزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كربله شلون اوصل الهه مدري يا صوب
وآنـه يوميـه امـوتـن وكـت الِغـروب
والله لحظاتـه ثجيله تـذوب الگلوب
لسه لا طارش لفانـي و بيده مكتوب

بعدهم بعدهم .. بس حزن يبرالي
يدنيـه يدنـيه .. چـم عزيـز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شگـد اريـد اصبـر و تانـي مـو بديـه
حسين ماخذ روحي كلهه وعَن عليه
وليـش مـن اغفـه اشـوف الغاظـريه
وتسحگ ابصدره الخِيول الاعوجيه

واگلهن واگلهن .. هذا سوري العالي
يدنيـه يدنيـه .. چـم عـزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فـوگ هـذا الضيـم كلـه اصـبر شلون
اسمـع الشمات كثـره عنـي يحچـون
ليش عافــوها غريبـه ظـلت ام عون
شحـال لـو تـدري بولدهـه ما يردون

حچيهم حچيهم .. خيّــب الامــالي
يـدنـيـه يـدنـيـه .. چم عزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما تـرحمينـي يـدنيـه رحمـي لـويـاي
تكسـر الخـاطـر عليـله تعبـت هــواي
المـرض نحلهه كلـش تحـچي بهـداي
وينــه ليگلـي يفاطـم والــدچ  جــاي

عليـله عليـله .. تنتظــر للتــالـي
يدنيه يدنيه .. چم عزيز وغالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

بصوت. مسلم المطيري

يدنيه يدنيه. مارحمتي بحالي

كلمات الشاعر
ابو ياسر المياحي

نعي بصوت. مسلم المطيري

كلمات الشاعر المرحوم
عبدالامير الفتلاوي

بصوت. مسلم المطيري

ارد اواسي فاطمه بهذا المصاب

كلمات الشاعر
مرتضى مكطوف الموالي

بعد جم يوم عن مصاب الحسين
يزينب ونتي مسبيه تروحين

بعد جم يوم وكتج بيكم يخون
ولا ديره وعشيره بحيره تبقون
بس هموم گلبج تبجي العيون

وحيره بهل وكت باجر تحيرين

بعد جم يوم لا جربه ولا ماي
وبر لا خيم لا صهوه وفاي
انتي بكربله مالج بعد راي

ويروح الدلال وذيج النسنين

يزينب قوي گلبج باجر مصاب
وكتج راح ياخذ كل الحباب
وتشوفينهم نومه عله اللتراب

شيفيد الندم وشما تندمين

شيفيد الندم لو راح عباس
وطولج ينعرف وتشوفك الناس
هاي اكبر مصيبه البيهه ينجاس

گلبج من تطبين الدواوين

هاي اكبر مصيبه تحل بلظعون
من دون الكفيل شلون تمشون
من عاشور ابد لا ما تسلمون

من هسه وعليهم كثري الونين


ابو سلام الجابري

...............

بصوت. مسلم المطيري

بعد چم يوم عن مصاب الحسين

كلمات الشاعر
ابو سلام الجابري

إلى ( علي الاكبر)  عليه السلام


هالفتى يشبه محمد
           نزل ميدان الحرب
ضربته تهز الكتايب
         جنه حيدر من يطب 

طشراهم عالثرى ،،،،،،، نزل نزلة حيدره

*-------------*--------------*---------------*

نزل لأرض المعركه وثابت يقينه
ما يبالي بالحرب سيفه بيمينه
من اجينه لكربلا بالحق اجينه
والدليل حسين قادم بالظعينه

دام عالحق مانبالي
            هذا واضح الامر
  لاحياة بلا كرامه
         بعد مايسوى العمر

ما يبالي بالجرى ،،،،،،،، نزل نزلة حيدره

*--------------*-------------*--------------*

نزلته ثاقب بصر قرر يجاهد
موقفه لا ما يغيره دربه واحد
المجاهد يتبع اعلى القواعد
الموت من يهجم تشوفه بوجه صامد

الموت اهلا لو يجينا
         يلوك لأصحاب العزم
الزلم ماترضى بالذل
          رفعت الروس الزلم

خلها تصبح مجزره ،،،،،، نزل نزلة حيدره

*-------------*------------*------------*

بكربلا خل يسمع العالم جوابه
علي الاكبر هاشمي من اهل الصلابه
احنه اهل المنزله واحنه القرابه
وعلى جدنه الباري من نزل كتابه

الله راد النه الكرامه
         والخلاص من الرجس
اننا ال محمد
           سادة الجن والانس

احنه اهل المفخره ،،،،، نزل نزلة حيدره

*-------------*---------------*-------------*

اليوم لجل احسين نفنيها الكتايب
اليوم ننطي رگابنه وعالحق نحارب
ما تكل سيوفنه بحرب النواصب
وما نعوف حسين وحده بهالنوايب

ننطي الارواح ابداله
            و مانذل وننثني
 نعتني للموت ملكى
             للشهاده  نعتني

لجله نصنع مأثره ،،،،،، نزل نزلة حيدره

*-------------*---------------*-------------*

خيرونه اليوم لو نحيا بممات
لو نموت بعزه وانال الحياة
تبين اصناف الزلم بالنائبات
لو تذل لو تنتفض بالمرهفات

صرح بيوم الشدايد
               انني الاكبر علي
احنه ويه حسين بالحگ
                 بالمكارم نعتلي

هالبيان الصدره ،،،،،، نزل نزلة حيدره

*--------------*-------------*---------------*

محمد دعبل النوري

             

بصوت. مسلم المطيري

هل فتى يشبه محمد

كلمات الشاعر
محمد دعبل النوري

بصوت. مسلم المطيري

اليله مسلم فاگدينــــــــــه اليله
طايـــــح ومامش چفوف اشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله الحسين نحنه وحيله نهدم
گابــــل العباس اخيه ويبچي دم
يگله مسلم طاح ياراعـــي العلم
واليطيـــــح اخوانـــــــه اتچيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل هــذا اليوم عـد الكوفه عيد
تكترت كلها وصبــح مسلم وحيد
بعيد درب حسين عن مسلم بعيد
والسيوف اعله الذبــــــح توميله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله گلب حسين تسري النار بيــه
الحرگه كاتلته وعلي ويصفگ بديه
يكابر بروحـــــه وهله تصبــر عليه
عله مسلم مــــــــــن مشه مخليله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله حالــــت مسلم اطـــر الگلب
بعيد عنــــــه حسين ونسد الدرب
منين مايتلفت الوادم غــــــــــرب
الكوفه خانت والعطش هــد حيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

،، مصطفئ الصالحي،،
شهادة مسلم بن عقيل

تحضيرات شهر محرم الحرام لعام 2019
شوط كربلائي
أستهلال هلال شهر محرم الحرام
......................
يهلال أبشهر عاشور .. زينب لا تأذيها
واسيها أبمصاب حسين .. لتزيد الألم بيها
.......................
يهلال الحزن والنوح .. زينب فاكده الخوان
مكسورة كلب من يوم .. شافتهم عله التربان
جاه الله نمشي أعليك .. ب خت المنذبح عطشان
يهلال التهل عالناس
وضع أم الخدر حساس
لتروع أخت عباس
وتجمل حزنها أحزان .. حزن البيها يكفيها
....................
جايب يا خبر يهلال .. بيك أنحس ذبح منحر
أو صدر أمهشمته الخيل .. وبسيف العدا أموذر
موت أحمر يغص بالموت ..ليلك والعطر عنبر
عنبر من نحر مذبوح
ظل فوك الثره مطروح
وبصفه العقيله أتنوح
أوتصفك باليمين أيسار .. من شدة مئاسيها
....................
شاعت للمنايا أعلوم .. نامت عالترابه أبدور
ما بين الكفلها أو بين  .. شبان أبجمال الحور
بهداي أعله أم الظيم .. لن منها الكلب مطرور
الكافها أنكطع جفين
وتصوب سهم بالعين
وولاد الحسن وحسين
زينب بيهم الهاليوم .. ما كفت نعاويها
.......................
بالطف شافت المنشاف ..زينب بت علي يهلال
عبد الله أبسهم ذبحوه ..أطفال أوبديها أحبال
نيران أبنات حسين .. كضت والشمر يختال
أبأمر الطاغيه أبن أزياد
غاليها علي السجاد
للشام أبحبل ينكاد
وبسن العواسل روس .. مرفوعه لهاليها
.....................
كل حول التهل يهلال .. زينب للألم تحتام
ويتام أبكترها أتلوذ .. وتنام أبحضنها أيتام
وحزان الخرابه أتصير .. عيد الكل أهالي الشام
أو عالدار أبرقيه أوصار
حيل أم الصبر منهار
تندب والدمع مدرار
وين أمي تجي وتشوف .. ياحاله أعانيها
......................
خادم أهل البيت
الشاعر : أسماعيل الجوراني

شوط كربلائي. بصوت. مسلم المطيري

كلمات الشاعر المرحوم
اسماعيل الجوراني

يامحرم يامحرم (الهلال)

يامحرم يامحرم بيك زينـب تنسبي
***

ياشهر بيك المواجـــــــــع تبتدي بيــــــوم التهل
شايل اهمـــــــوم ونوايب بيك جم عــين اتهمل
نقره بيك اشجم مصيبــــه غربه واجروح وجتل
صحرى وارمال وبراري نوك واحبـــال وهزل
وايتألم وايتألم والله جم طفل وصبي
يامحرم يامحرم بيك زينـــــب تنسبي
***

سوده ايامك نحســــهه وتذبـح انفاس العمر
تخطف العز والمحنـه ومانشم ياس وعطر
تترس الدنيه بواجــي وتبدي أيــــام الجمر
يامحـــرم بيش طالب زينب ابديــن اشكثر
والمخيم المخيم يحترك بيد اجنبي
يامحرم يامحرم بيك زينب تنسبي
***
ليش ياشـــهر المصايب ينسلب عطر الورد
اتيبس ارياك الطفولـــه وتذبح آيـــات الحمد
جم شباب اليطفى عمره وينمــرد منـه الجبد
بس نســــــاوين ويتامـه ضعن المسافر يرد
واتحزم واتحزم للنوايــــب بالعبي
يامحرم يامحرم بيك زينب تنسبي
***
ماتخلي الزينب احــــــد بيش مطلوبه بذنب
تاخذا اعزاز امن اهلهه والمخـــــيم ينــهب
اخيامهه اتذري رمــاده بنارهه لمــن تشب
لا اخوان التفزعلـــــهه من اختـــهم تنسلب
وايتهدم وايتهدم حيلهه بنت النبي
يامحرم يامحرم بيك زينب تنسبي
***
من بعد عز العشــــيره والدلال البــت علي
لا كمر ظل ومحامــي لا كفـــــيل ولا ولي
زحمه علويه وجبيــره هاشمـــــيه وتنولي
اتصيح لو حمل ضعنه من يعـــــدل محملي
واتلجم واتلجمم من سياط الناصبي
يامحرم يامحرم بيك زينب تنسبي
***



ابو علي الركابي

بصوت. مسلم المطيري

يامحرم. يامحرم. بيك زينب تنسبي

كلمات الشاعر
ابو علي، الركابي

وينك يا عـــــزيز امك يغالي
اهز المهد وادري المهد خالي

ناغيتك دللول / جاوبني يمدلول
ــــــــــــــــــــــــــــــــــــــــــــــــــ
صحت يا مدلول وينك حاجني وبرّد دليلي
ليش ياعبدالله ساكت وبسكوتك باد حيلي
جيت الوليك ييمه ورايده اگضي اوياك ليلي

وشفت راسك عالرمح/ويجري دمك منسفح
وينك اويــن الذبح/ ويلي يبني اعليك ويلي

مو مالت ذبح رگبَتَك ترفه
ورده وتنگطع بالنبل وسفه

بعمر الورد مجتول / ناغيتك دللول
ــــــــــــــــــــــــــــــــــــــــــــــــــ
عمره ست اشهور بعده وفطمته اسهام المنيه
جان من يسمع ابصوتي ايرفف ويشبگ عليه
تارس البيت بضحكته امنين اجنتني الغاضريه

حلوه جانت ضحكته/ ياجمال اطلالته
عذبتني امصيبته / اتفرهد ابساع امن اديه

ضاع وضاعن اسنيني بضياعه
ما شفت الدرب ســاعة وداعه

ريت العمر ميطول /ناغيتك دللول
ــــــــــــــــــــــــــــــــــــــــــــــــــ
لجان بس ابحضني يغفه اعله الترب نايم لگيته
گرّبت منه وندهته وما گعد من گعديته
يا ترف گتله شعلامك ليش حضن امك نسيته

عذبتني بنومتك /ما تحمل فرگتك
يا عضمها امصيبتك /گلبي شيّب من جفيته

فز من نومتك عبدالله يبني
دولبني الزمن بيك وهضمني

عگلي اعليك مذهول/ ناغيتك دللول
ــــــــــــــــــــــــــــــــــــــــــــــــــ
قبل لا يگطع وريدك ريت ابن كاهل رماني
وقبل لـ تغمض اعيونك ريت ملك الموت اجاني
شأرجه من دنياي يمه ومن بعد عينك شتاني

ماكو راحه بدنيتي/ وما تبطّل ونتي
تبقى عالخد دمعتي/ والفرح عگبك جفاني

عاشرني الحزن بعدك يغالي
بجفاك اصبحت سود الليالي

مالت بيه الحمول / ناغيتك دللول
ــــــــــــــــــــــــــــــــــــــــــــــــــ
يالعفتني اخلاف عينك كلشي ما تسوه حياتي
انتهت كلمة الـ يمه  وبدت تكبر نايباتي
ايّست واحلامي ضاعت وانتظر ساعة مماتي

للمنيه ابقى انتظر/ بعد ما يسوه العمر
كون وياك ابگبر/ اندفن هاي امنياتي

كون اوياك تاخذني المنيه
وبنفس اللحد ننمد سويه

يالمادار الك حول/ناغيتك دللول


علي كاظم المنصوري

بصوت. مسلم المطيري

وينك ياعزيز امك يغالي
اهز المهد وادري المهد خالي

كلمات الشاعر
علي كاظم المنصوري