"اصغاءُ السَّماءِ يستوعبُ كُلَّ ما بأَرواحنَا مِنْ حديث"

هذا النَّظرُ لـِ(أعلىٰ)
وَالتأمّل بكلّ تلكَ التفاصيل (النجوم، الغُيوم..إلخ)
يُحيي في أعماقِنا شعورًا مُختلفًا،
وَيكشفُ لنا في كُلِّ مرّةٍ (جانبًا) لم نلتفتْ لهُ..🖤

- نسيمُ الفَجر.

أتقبلنا أيتامك ؟
كي يعود بِنَا الزمن إلى حيثُ أنت،
نقف عند عتبة بابك و نعصر في أكفّ الدعاء ما عندنا من عملٍ صالح و دمعٍ هاطل، يُغلِّف جملة واحدة تختصر الكثير ؛ ( لا ترحل بحقِّ فاطِمَة ! )

يَا إلهي !
أريدُ شِعاعًا واحدًا مِنَ النُّورِ الْمُنبعثِ مِنْ مَسْكَنِكَ
ليخترقَ ليلِي، وَيُقرِّبَني إليك ..

الوداع الوداع يا شهر رمضان
الوداع الوداع يا شهر القيام
الوداع الوداع يا شهر الطاعة والغفران

إلهي
دعني أحبك
للحد الذي أجد لذة بترك المعصية
وريا بأداء الصوم
ونصرا بقيام الليل
ومهرا بجهاد النفس
:
إلهي
للحد الذي لا يغريني معك غيرك

عندما تتعرض للإساءة ، لا تفكر في أقوى رد
بل فكر في أحسن رد ...
ادفع بالتي هي أحسن
القاعدة الربانية في الأخلاق الإجتماعية
ليس المعاملة بالمثل أبدا
عامل الناس بأخلاقك لا بأخلاقهم
وليس عامل كما تعامل
ولا يستوي فعل الحسنات والطاعات التي ترضي الله
ولا فعل السيئات والمعاصي التي تسخطه
ادفع بالخصلة التي هي أحسن
إساءة من أساء إليك من الناس
فإذا الذي بينك وبينه عداوة سابقة ، اذا دفعت إساءته بالإحسان إليه ، كأنه قريب شفيق

تأملات قرآنية​

قد يتجاهلك العالم و تسندك آية ؛

‏" لاَ تَحْزَنْ إِنَّ اللَّهَ مَعَنَا "

الله معك في لياليك الطويلة
‏التي سرقت بريق عينيك
الله معك حينما حفرت الثقوب قلبك الصغير،
‏ولم يملأها سوى نور الله..
الله معك في وحدتك وشتاتك
‏ونداءاتك الهزيلة
‏التي لم يسمعها أحد إلا اياه " ..

يحكى ان أصلع اشبع غلاما ضربا ، فشكاه أهل الولد الى القاضي .

ولما جيء به الى مجلس القاضي ،سأله :

لم ضربت هذا الولد ؟!
قال الأصلع : صل على نبي !
قال القاضي : اللهم صل على محمد وال محمد
قال الأصلع: زد النبي صلاة !
قال القاضي : اللهم صل على محمد وال محمد
قال الأصلع: زد البني صلاة أخرى!
قال القاضي وقد بدت عليه علامات الغضب :
اللهم صل على محمد وال محمد

فقال الأصلع : يا سيدي القاضي قد طلبت منك ان تصلي على النبي ثلاث مرات فغضبت وكدت تفتك بي !
فما بالك بي ، وهذا الغلام كلما مررت به ترك ما في يده وتبعني يناديني يا أصلع ...يا أصلع ...يا أصلع ..!

فكتمت غيظي أياما
ثم لما ما عدت اطيق صبرا
أمسكته فضربته !

ضحك القاضي وقال لأهل الولد : " من لم يؤدبه أهله
أدبه الناس" !
و اطلق سبيل الأصلع !🤠

أخطر أنواع النساء ذكر يرقص في تيك توك،🖤!

‏ذنبك أنك عميق بينما الكل يطفو من السطحية ، عميقٌ بينما الكل ينظر للامور نظرة عابرة و انت تذوب بالتفاصيل..

- فيودور دوستويفسكي

#أقوال

في المشافي...
تحرق النار المريضا
ثم نرثيه قريضا
ثم تنساه القوافي..
في المشافي
تخرس النارُ المطافي
يُنطق الموت رمادا
ثم يبكون حدادا
بوشاح فيه سترٌ لـ(الخوافي)
في المشافي
يسرقون
يربحون
ثم يبكون الضحايا
في المشافي
يزرع (الحزب) الفسادا
تحصد الناسَ المنايا
بين خنق واحتراق
بين حرق واختناق
هذا فرق في المشافي
في دهاليز العراق

د.عباس عبد السادة

@sherophobia

أن الإنسان المتعلم ليس دائماً إنساناً شريفاً، كما أن العلم غير كاف لضمان اتصاف الإنسان بكرم الأخلاق.
- دوستويفسكي ، يوميات كاتب

"‏حتىٰ لو كان البلاء الذي تُعانيه طويلًا والأمل الذي ترجوه بعيدًا والجُرْح الذي تُخفيه عميقًا .. حتى لو كانت بموازين الدنيا لا انفراج لها لا تترك الدعاء؛ فهو مفتاح الصبر ودواء البلاء وسلوان المُصاب وأنيسُك في غُربة الهموم التي تعيشُها؛ وما خفَّف مرارة البلاء شيءٌ كحلاوة الدعاء"..💛

” كل مايجري لك هو من نتاج تفكيرك ، إن
فكرت بالنسيان نسيت ، وإن فكرت بالعجز
عجزت، وإن فكرت بالقوة والضعف نلت
مافكرتَ به،لا تجعل لحطامِ تفكيرك أثرٌ عليك،
لاتكترث للمستحيل ، أجعله فعلًا فاعلًا. ”

انفصلو ابونا وامنا علمود المشاكل ... امي راحت لبيت اهلها و مقبلت تاخذنا وياها عناد بأبوية ..
و ابوية بقى بنفس البيت الي جنا كاعدين بي واحنا بقينا وياه ...
ورى فترة قرر يتزوج .. و طبعا الزوجة الجديدة صغيرونه و ما قبلت على سالفتي اني واخوية ...
ودانا ابوية لبيت جدي كعدنا .. بيت جدي بي عمامي ثنين متزوجين و جدي و بيبتي ..
جدي و بيبيتي شالونا بالصلوات و دللونا دلال حتى اكثر من امنا وابونا .. ارتاحينا اول فترة اني واخوية ... محد ميكدر يسخرنا ولا يدزنا منا لهنا لان بيبتي قوية كلش و عمامي ونسوانهم يخافون منها ..
يعني اذا جان واحد من عمامي يسخرنا اني لو اخوية رئسا هي تكله ليش مرتك ايدها مكسورة ؟؟
هيج جانت ..
لحد ما اجى يوم و توفت بيبتي .. هنا بدت معاناتي اني واخوية .. طبعا كوني اني البنية نزلوني رئسا بشغل البيت و طلعو حجة اني كبرت وخلص لازم اتعلم شغل البيت باجر عكبة ورايا زواج ..
واخوية اشتغل وي عمي الجبير ..
جدي جان ينقهر عليا بس خطية مجان يدور مشاكل ابد .. من جانو يشغلوني بغسل الهدوم يجي هو اول شي يراقب يمنه يسرى و بعدين يدخل للحمام يشيل وياي الطشت مال هدوم يصعدة فوك ...
خطية مرة تعارك وي نسوان عمامي و عمامي طبكو وي نسوانهم عليه ومن وراها كام ميسوي مشاكل ..
والغريب بجدي من توفت بيبيتي مثل الصار عنده خرف .. ما اعرف شصار وياه بالضبط بس تغيرت شخصيته جذريا ..
تحملت كلشي واني عمري صغير .. ومجنت ارتاح بنومتي الا يم رجل جدي ..
فد يوم كالعادة كملت شغل البيت وجان جدول التنظيف كله عليا لان نسوان عمامي ثنينهم رايحات لبيوت اهلهم .. سويت اكل لعمامي وجوي تعشو و نامو .. وكعدنا تعشينا اني واخوية وجدي .. راح اخوية نام و اني نمت يم رجل جدو ..
الصبح كعدت ومثل كل يوم الزم رجل جدو و اكعدة .. لزمت رجله بااااااااااااااردة كلش و الدنيا صيف ..
بقيت اهز بي مكام و كمت اصيح والطم و على صوتي نزلو عمامي واخوية و خطية طلع ميت ..
من مات جدي اخوية اجاني كالي حجاية ..
كال هسة صدك مابقى عدنا احد..
ليش كال هيج اخوية ؟
لان اول شي ابوية ملتهي بزوجته وحياته الجديدة وحتى زياراته شبه رسمية النا .. وامنا اهلها ميقبلون نروح نكعد وياها ببيت جدي و اصلا هي متريد هالشي عناد بابوية .. وهي صغيرة و عبالها تجيها قسمة ..
عالعموم مشت السالفة و بعدين اشتغلت سالفة تقسيم البيت و الورث وعركات عمامي وابوية ..
نسوان عمامي كالو لعمامي خلص ..
هذولة خلي يرجعون لأبوهم هو يحتار بيهم .. لان ورى ميتقسم الورث كل واحد يروح لمكان و ممعقولة نبقيهم يمنا ..
ابوية قرر يرجع امنا عالورق بس .. ليش يرجعها هيج ؟
حتى يأجر مشتمل صغير يكعدنا بي وي امنا ..
من راح يرجعها اخذنا وياه ... و جان الطريق كله يكلنا انتو فوتو عليها حاجوها ..
وصلنا هناك و صار حجي و احنا كمنا نتوسل بأمنا تقبل .. يعني هيج سخافة ماكو بالدنيا كلها .. ابن و بنت يتوسلون بامهم المطلكة ترجع لابوهم صوريا بس علمود يلتمون ببيت لان اذا مصارت هالسالفة ممعروف شنو مصيرنا والله ..
منعرف وين نولي و منعرف شكو براس ابونا ..
طبينا بوسنا حتى رجليها وهي قبلت .. وكالت ترى اني ممعاندة مثل ميكلكم ابوكم بس اهلي ميقبلون اجيكم لبيت جدكم و لا يقبلون تجون هنا تعيشون ..
كلنالها ماشي و قبلت و اجر مشتمل ابوية و كعدنا بي كلنا ..
حياتي وحياة اخوية شوية استعدلت .. بس كل ميجي ابوية زيارة للبيت يشوفنا لازم تصير عركة و تلعب نفس نفسنا الى درجة وصلنا مرحلة نضحك .. نضحك من يجي ابوية و نكول راح تصير عركة ..
ما اعرف ليش تزوجو وليش خلفونا اصلا و شلون !
ما اعرف شلون حبو واحد الثاني !
لان والله العظيم الي يشوف كرههم لبعض يحس واحد قاتل ابو الثاني مو جانو متزوجين وصار عدهم جهال ..
و مشت الايام بس كلها مشاكل و عركات ولعبان نفس ..
وكبرت اني و كامت تصير عندي اوجاع بالبطن دائما .. جانت امي تكول ماكو شي و هذا سن النضوج للمراءة و طبيعي هالشي ... وكل مراءة تصير وياها هالاشياء ..
الى ان يوم ورى يوم كمت احس بوجع مو طبيعي ابد .. و وصفولنا دكتورة اختصاص بشارع الكندي بالحارثية ..
رحت جان تكول هاي عدها ورم بالمبيض و لازم ينشال .. و وقع ابوية على الرفع و دخلت عملية و شالو .. هذا جان الاول ...
و عشت طبيعي وراها و راح الوجع .. بالبداية بعد العملية ابوية وامي كامو يخافون عليا و هذا الاحساس بعد فترة كمت اتمناه .. لان بس بالبداية صار ..
كامو يكعدون يمي و يسالوني شبيج ما بيج و يحجون سوية بدون مشاكل .. و ورى فترة هم رجعت طلايبهم وعركاتهم ..
اخوية صار بي مثل الحالة النفسية تقريبا ... يعني هو يشتغل بمعمل بجميلة .. كام يبات بالمعمل مرات يم الحارس ... حتى اني جنت اكله شبيك تعال ارجع للبيت علمودي ؟

يكلي اكرههم ثنينهم اكره امي وابوية و ما اريد اكون بالبيت بوقت ابوية ميجي و تشتغل العركات .. هنا بالمعمل مرتاح هم فلوس وهم اكل زين وهم ماكو مشاكل ..
المسكين جان يجي مرات يخلي فلوس عالميز لأمي و يحط بيديا كم فلس ويطلع ..
و هم رجع يصير عندي وجع .. الى ان بيوم من الايام تخربطت ومحسيت نفسي الا واني بالمستشفى و ابوية وامي يمي ...
كالو راح نسويلج عملية بس ماكو شي بيها مجرد كشط .. يكشطون تكلسات و تليفات هيج شي عالمبيض الباقي ..
اني ما بيدي شي طبعا و كلشي بيد ابوية وامي ..
سويت العملية وطلعت بس وراها تغيرت عندي شغلات كومة .. اني عبالي خلصت السالفة وصرت زينة ..
بس عبالك اكو حجي بحلك امي وابوية يريدون يحجوه ..
و دائما يتوشوشون بيناتهم ... لحد ما ابوية وامي كعدو مقابيلي وكالو ترى العملية مجانت كشط .. جانت رفع للمبيض الثاني لان هم بي ورم ..
و انتي بعد متخلفين ..
تخبلت اني و كمت ابجي لان اصلا اني جنت عايشة علمود هل الامل ..
جنت عايشة على امل اتزوج واخلص من هالبيت و يصير عندي جهال ينسوني الي شفته ببيت جدي و ببيت امي ..
جنت عايشة واتمنى تجيني تذكرة اسمها الزواج وتطلعني فيزة على بيت رجلي كان من يكون بس حتى اخلص من مشاكل ابوية وامي و اخوية يجيني يوميا اشوفة ..
كعدت بالبيت و صرت لا مبالية الى درجة محد يتوقعها ..
يعني يجي ابوية و يتعارك وي امي و امي تصيح واني كاعدة مقابيل التلفزيون اكل و اتابع المسلسلة بدون ما ادير وجهي عليهم ..
كلشي صار عندي عادي ..
اني حلوة و هالشي جان قاسي عليا .. البنات الحلوات يكيفون همه حلوات بس اني ضرني ما نفعني هالشي ..
ليش !!
لان شكو واحد يشوفني حلوة يسأل و يطقس و يجي يحاول يخطبني و اكيد مراح ابوية يغش الرجال ولا امي تغشة ولا اني اغشة اصلا ..
لان اكيد ومية بالمية بالمستقبل راح يعرف اني ما اخلف ..
وعلى كولة المثل (الي تستحي منه احجي ليكدام) .. جان ياهو الي يجيني ينصدم بسالفة الخلفة و يروح و بعد ميرجع ..
و بيوم من الايام ولد تقدملي .. الولد جان جايي علمود شكلي حالة حال غيري .. شايفني بالمنطقة ولاحكني ..
الولد من سمع كلام ابوية راح .. و وراه بسبوع عدل اجه واحد غيره ..
الواحد كال لأبوية ..
كاله ممكن اشوف البنية ربع ساعة وكدامك ..
ابوية كاله اي .. لان الرجل جدا مؤدب و امه واخته وياه ..
جيت اني شفت الولد وكعدت ..
كال اني اعرف بالموضوع بس خلي اكون صريح وياج يابنت الناس وكدام اهلج راح احجي ..
اني اصير ابن خال الولد الي تقدم قبل اسبوع .. اني عندي بنية صغيرة عمرها سنة وشهرين .. زوجتي الله يرحمها جانت موظفة بالطابو ... راحت قبل فترة تجيب راتبها لان عدها اجازة .. راحت ومرجعت ..
الله يرحمة سايق التكسي الي جانت صاعدة وياه الظاهر سيارته حديثة و طايش هو لان عمره صغير .. مفترة بيده السيارة و مكلوبة عالسريع و ثنينهم توفو بنفس الدقيقة ..
اني رايدج زوجة .. زوجة وام لبنتي و جان يكوم يوكف على حيلة بهل الحجي .. وكال اذا يسمحلي الوالد و الولدة وانتي تسمحيلي اجيب بنتي ..
ابوية كاله ليش وين هي ؟
كال وي اختي برى بالسيارة بقت .. كاله جيبها ..
من كاله ابوية جيبها والله العظيم كلبي فرفح بس ردت اشوفها للطفلة ..
جان يكول لاخته الكاعدة كومي جيبي رشا من فلانة ..
راحت اخته جابتها وجتي .. من شفتها حضنتها وكمت ابجي .. و امي شكد قاسية و ابوية شكد قاسي و خلونا نشوف الويل كل هالسنين هم كلبهم رف على هالصغيرة و عيونهم دمعت ..
وافقت اني .. وقبلت بالزواج وتزوجت ..
هالرجل الي تزوجني صارلي اب وام و كلشي بالدنيا .. والله مرات اكله تدري انت مدللني اكثر من رشا نفسها هههههههههه .. يكلي انتي وياها واحد .. انتو اهلي ..
صح امي وخواتي موجودات بس كل وحدة بيهم عدها حياتها .. بس انتي ورشا حياتي كلها ..
اخوية كام يجيني لبيت زوجي و ورى فترة كام يشتغل وياه .. و خطب اخوية و اجرله مشتمل بمنطقتي و كعد بي وتزوج ورى فترة و بالمناسبة زوجته تصير كرايب رجلي ..
و امي من تزوجت اني عافت المشتمل ورجعت لبيت اهلها .. و مرات تجي تزورني هنا .. و ابوية هم مرات يجي يزورني ..
واحمدالله واشكره ذكرياتي الي عشتها بدت يوم بعد يوم انساها بوجود حبيبي وزوجي و بنتي رشايتي ..
والحمدلله على كل حال ..
( قدر بعد القهر)
انتهى .... #منقول

القصة منقولة بس بيها عِبرة 👆